უსკოს წევრობის მსურველთა 9-კაციანი სია, აჭარის სამთავრობო კომისიამ 24 კანდიდატს შორის შეარჩია. თითო ვაკანსიაზე სამ-სამი კანდიდატურის შესარჩევად, როგორც კომისიაში გვითხრეს, ალფავიტის მიხედვითაც იხელმძღვანელეს.
შერჩეული კანდიდატებია:
პირველი სამეული: ბათნიძე ფრიდონ, გვარამია ირაკლი, გოლიაძე ზურაბი;
მომდევნო სამეული: გოლომანიძე რამაზ, დუმბაძე ლერი, კახაძე სოფიო;
შემდეგი სამეული კი: კონცელიძე სოფიო, მჟავანაძე თორნიკე და ქარცივაძე გია.
ყოველი ამ სამეულიდან აჭარის მთავრობის თავმჯდომარე შეარჩევს 2-2 კანდიდატს [თითოეული ვაკანტური ადგილისთვის] და ექვსკაციან სიას აჭარის უმაღლეს საბჭოს გადაუგზავნის. სიის გადასაგზავნად მთავრობის თავმჯდომარეს, კანონით, ვადა – სამი დღე აქვს დარჩენილი [23 ივლისამდე].
უსკოს წევრობის კანდიდატების უმაღლეს საბჭოში წარდგენიდან არა უგვიანეს 14 დღისა, უმაღლესი საბჭო ფარული კენჭისყრით ირჩევს უსკოს წევრებს. თითოეულ კანდიდატს ცალ-ცალკე ეყრება კენჭი. უსკოს წევრი არჩეულად ჩაითვლება, თუ მას მხარს დაუჭერს უმაღლესი საბჭოს სიითი შემადგენლობის უმრავლესობა. თუ ამ პირთა რაოდენობა ასარჩევ რაოდენობაზე მეტი აღმოჩნდა, არჩეულად ჩაითვლება მათ შორის საუკეთესო შედეგის მქონე კანდიდატი. თუ კანდიდატების მიერ მიღებულ ხმათა თანაბრობის გამო გამარჯვებული ვერ გამოვლინდა, ამ კანდიდატებს დაუყოვნებლივ ეყრებათ კენჭი მათ შორის გამარჯვებულის გამოვლენამდე. უსკოს თავმჯდომარის/წევრის უფლებამოსილების ვადა განისაზღვრება 5 წლით.
უმაღლეს საარჩევნო კომისიაში კომისიის წევრის სამი ვაკანსია 25 აგვისტოდან გაჩნდება. ამ დროისთვის უფლებამოსილების ვადა უსკოს სამ წევრს ეწურება: გია გარსევანიშვილს [უსკოს თავმჯდომარის მოადგილე], ქეთევან ჯიქიასა [უსკოს მდივანი] და ასლან ჩავლეიშვილს. წევრებად რჩებიან: კომისიის თავმჯდომარე არჩილ მიქელაძე, თამარ ხოზრევანიძე [რომლებთაც წევრობის ვადა 2016 წლის პირველ ნახევარში ეწურებათ] და გუგული დუაძე [რომელიც კომისიის წევრად მიმდინარე წლის იანვარში აირჩიეს].
აჭარის ავტონომიური რესპუბლიკის უმაღლესი საარჩევნო კომისიის წევრობის კანდიდატთა შესარჩევად 2015 წლის 23 ივნისს გამოცხადებულ ღია კონკურსში მონაწილე კანდიდატთა 24 კაციანი სია საკონკურსო კომისიამ მიმდინარე წლის 8 ივლისს გამოაქვეყნა:
1. აბსავა ლალი
2. აბჟანდაძე-გოლიაძე ნინო
3. ბათნიძე ფრიდონ
4. გარსევანიშვილი გია
5. გვარამია ირაკლი
6. გოლიაძე ზურაბ
7. გოლომანიძე რამაზ
8. დუმბაძე ლერი
9. ზაალიშვილი ზაალ
10. თებიძე ვლადიმერ
11. თედორაძე ოლღა
12. კალანდაძე მალხაზ
13. კახაძე სოფიო
14. კიკაბიძე მიხეილ
15. კონცელიძე სოფიო
16. მამულაძე ვლადიმერ
17. მიქელაძე რუსუდან
18. მჟავანაძე თორნიკე
19. ტეტემაძე ლილე
20. ქარცივაძე გია
21. შაქარიშვილი სოფიო
22. ჭანიძე ნონა
23. ჯინჭარაძე ნაზი
24. ჯიქია ქეთევან
უსკო შედგება თავმჯდომარის და 5 წევრისაგან, ხოლო საარჩევნო პერიოდში თავმჯდომარისა და 12 წევრისაგან. უსკოს 7 წევრს საარჩევნო პერიოდში ნიშნავენ საქართველოს ორგანული კანონის „საქართველოს საარჩევნო კოდექსი” მე-13 მუხლით გათვალისწინებული პოლიტიკური პარტიები.
