Batumelebi

ბათუმში, ფრიდონ ხალვაშის გამზირზე მდებარე კაფე-ბარს ცეცხლი დაახლოებით 5-ის ნახევარზე გაუჩნდა. 70 კვადრატულ მეტრ ფართბზე დაიწვა ბამბუკის ნაგებობა.

სახანძრო სამსახურის ცნობით, კაფე-ბარი კერძო საკუთრებაშია და ამ დროისთვის არ ფუნქციონირებდა.

შს სამინისტროს ინფორმაციით ხანძრის გაჩენის მიზეზებზე მიმდინარეობს გამოძიება 187-ე მუხლით, რაც გულისხმობს ნივთის დაზიანებას ცეცხლის წაკიდებით ან სხვა საყოველთაო საშიში საშუალებით.

შემთვევა 17 იავნარს მოხდა. დაახლოებით იმავე დროს ხანძარი ბათუმში გუშინაც გაჩნდა, დაიწვა ხუთსართულიანი საცხოვრებელი სახლის სახურავი.

„ბათუმის ბულვარში სავალი ბილიკის გაუქმება და მოლის დაგება არსებითი ჩარევაა კულტურული მემკვიდრეობის ძეგლში… ბათუმელების, საზოგადოების ნებართვის გარეშე, ბულვარში ჩარევა არ უნდა შეიძლებოდეს“ – ამბობს „ბათუმელებთან“ ინტერვიუში ქალაქმგეგმარებელი ზურაბ ბაქრაძე, რომელიც დღეს ბათუმში, ძველი ბულვარის დასაცავად გამართულ აქციაზე იმყოფებოდა.

„რაც გასაჯაროვდა, მართალია არ არის სრულყოფილი კონცეფცია, რომელსაც შეიძლება დაეყრდნო, თუმცა, პირველი ესკიზის დონეზე ის უარსაყოფია“ – ამბობს ზურაბ ბაქრაძე ბულვარის კონცეფციასთან დაკავშირებით.

ბათუმის მე-3 საპყრობილეში განთავსებული პატიმრი გიორგი ქ. თავისი მძიმე ჯანმრთელობის მდგომარეობის შესახებ წერილობით უყვება საქართველოს პარლამენტის წევრებს, უფლებადამცველებს, მედიას. ის შიშობს, რომ თუ  ოპერაციას დროულად არ გაუკეთებენ, დაბრმავება ემუქრება.

პატიმარმა გიორგიმ თავისი მძიმე ჯანმრთელობის მდგომარეობის შესახებ წერილობით აცნობა დეპუტატებს – ეკა ბესელიას, ანი მიროტაძეს, მანანა კობახიძეს, ვახტანგ ხმალაძესა და ელისო ჩაფიძეს. ის დეპუტატებს დეტალურად აცნობს თავის პრობლემებს: „მზერაში“ [ოფთალმოლოგიური კლინიკა] გამოკვლევის შემდეგ ბატონმა ჩიჩუამ მიუთითა, რომ მესაჭიროება რეფრაქციულ ქირურგთან კონსულტაცია და გადაწყვეტს ოპერაცია გამიკეთოს თუ არა და შემინარჩუნდება მხედველობა თუ არა. ჩემი მხედველობა მიდის უკან-უკან. ვხმარობ კონტაქტურ ლინზას და ახლა უკვე ამ 12%-თაც ვეღარ ვხედავ. ასევე მარჯვენა თვალის პროტეზი მაქვს შესაცვლელი“.

პატიმარი წერს, რომ კონტაქტური ლინზის შეცვლაზე არაერთი ოფთალმოლოგის რეკომენდაცია აქვს, მაგრამ დღემდე ვერ მოახერხა ამის მიღწევა, თავად კი ლინზის შეძენის საშუალება არ აქვს.

„დიდი თხოვნის და არაერთი განცხადების შემდეგ მე მარეგისტრირებენ გეგმიურ რიგში, სადაც შეიძლება გაყვანა მომიწიოს თვეების მერე… გვიანდება ჩემი გაყვანა კონსულტაციაზე და გამორიცხული არ არის, რომ აღარ გამიკეთონ ოპერაცია. მინდა დამეხმაროთ, რომ რაც შეიძლება მალე გამიყვანონ ოპერაციაზე. ასევე შემიცვალონ მარჯვენა თვალზე პროთეზი და მომცენ კონტაქტური ლინზა“, – წერს პატიმარი დეპუტატებისადმი გაგზავნილ წერილში.

პატიმარი ასევე შიშობს, რომ იღებს ისეთ წამლებს, რაც, მისი აზრით, იწვევს დაბრმავებას. „მეტზე ვერაფერზე ვფიქრობ“, – წერს პატიმარი წერილის ბოლოს.

იგეგმება თუ არა პატიმარ გიორგი ქ.-სთვის უახლეს პერიოდში ოპერაცის გაკეთება? – „ბათუმელებმა“ ამ კითხვით საქართველოს სასჯელაღსრულებისა და პრობაციის სამინისტროს მიმართა. სამინისტრომ „ბათუმელებს“ წერილობით შემდეგი აცნობა:

„გ.ქ-ს მდგომარეობასთან დაკავშირებით N3 დაწესებულების სამედიცინო პერსონალი საქმის კურსშია. ამ ეტაპზე, ოპერაციული მკურნალობის ჩატარებაზე რეკომენდაცია გაცემული არ არის. პაციენტი დარეგისტრირებული იყო სამოქალაქო სექტორის კლინიკაში გამოკვლევების ჩასატარებლად შემდგომი საჭიროებების განსაზღვრის მიზნით, რაზეც მან ერთხელ უარი განაცხადა. გ.ქ-ს ხელახლა შეეთავაზა სამოქალაქო სექტორის კლინიკაში გამოკვლევების ჩატარება, უკვე დარეგისტრირებულია და სწორედ ამ გამოკვლევების შედეგად მიღებული რეკომენდაციის შესაბამისად განისაზღვრება რა ტიპის სამედიცინო  მომსახურება გაეწევა“.

კვირას, 17 იანვარს, ბათუმში, გორგილაძის ქუჩაზე „ვარდების სკვერში“ [ქალაქის მერიასთან] დაგეგმილია მორიგი აქცია – „არა ბულვარის დამახინჯებას“.  აქციის შესახებ ინფორმაცია „ფეისბუქზე” ვრცელდება. აქციის ორგანიზატორთა ძირითადი მოთხოვნებია:

• „ბათუმის ძველ ბულვარში არსებული ხეივნებისა და ბილიკების შენარჩუნება; მათი სათანადოდ მოვლა, არსებული მწვანე საფარის და ნარგავების შენარჩუნება.
• კანონმდებლობით მკაცრად განისაზღვროს იმ ობიექტების ჩამონათვალი, რისი აგებაც შესაძლებელია ბათუმის ძველ ბულვარში. დაუშვებლად მიგვაჩნია ძველ ბულვარში კაპიტალური შენობება-ნაგებობების აგება;
• გადაიხედოს იმ შენობა-ნაგებობის საკითხი, რომლებიც ბოლო წლებში აიგო და შეცვალა ბათუმის ბულვარის იერსახე.
• ყველა გადაწყვეტილება იყოს საჯარო, კვლევებისა და გამოკითხვების საფუძველზე დაგეგმილი და დარგის სპეციალისტების მონაწილეობით, რომლებიც დოკუმენტურად დაასაბუთებენ გადაწყვეტილების აუცილებლობას.
• სასწრაფოდ შეჩერდეს ყველა იმ პროექტისა და სამუშაოების განხორციელება, რომლებიც ამჟამად მიმდინარეობს ბათუმის ძველ ბულვარში და არ ემსახურება ბათუმის ბულვარის, როგორც კულტურული მემკვიდრეობის ძეგლის დაცვასა და შენარჩუნებას“.

ბათუმის ძველ ბულვარში ინფრასტრუქტურული სამუშაოები გრძელდება.  ტენდერში გამარჯვებული კომპანია სამუშაოებს აწარმოებს პროექტით, რომელსაც მხარი აჭარის კულტურული მემკვიდრეობის დაცვის სააგენტომ დაუჭირა და რომლითაც ძველ ბულვარში სამი სავალი ბილიკიდან [ალეადან] ერთი უქმდება. მის ნაცვლად ბალახის კორდის მოწყობაა გათვალისწინებული, რასაც ბათუმის საზოგადოება აპროტესტებს.

„კონცეფცია, რომელიც წარმოადგინა კომპანიამ შუალედური განხილვისთვის, შესაძლებელია განხორციელდეს ახალ ბულვარში, ან კიდევ ქალაქის სხვა უბანში, მაგრამ არავითარ შემთხვევაში ბათუმის ძველ ბულვარში… რაც შეეხება ბილიკის გაუქმებას, საკითხის მოგვარება სამართლებრივ ფორმატში შესაძლებელია, თუ იქნება ხელისუფლების პოლიტიკური ნება და კომპანიის  თანხმობა“, – აცხადებს საიას იურისტი გიორგი ხიმშიაშვილი.

აჭარის მთავრობა აცხადებს, რომ „კონცეფციაში შესაძლებელია ცვლილების შეტანა და სამი ხეივანის დატოვება. კონცეფციის საბოლოო ვერსიის მიღებამდე, შესაბამისი აქტების საფუძველზე, შეჩერდება ყოველგვარი ნებართვების გაცემა“.

რა შემთხვევაშია შესაძლებელი სამი ხეივნის [ალეას, სავალი ბილიკის] დატოვება, როცა ერთი მათგანის გაუქმებაზე უკვე გაფორმებულია ხელშეკრულება და მუშაობს ტენდერში გამარჯვებული კომპანია? ასევე ხელშეკრულებაა გაფორმებული [ოღონდ ტენდერისა და კონკურსის გარეშე] სხვა კერძო კომპანიასთან ბულვარის კონცეფციის შემუშავებაზეც – „ბათუმელები“ კომენტარისთვის საქართველოს ახალგაზრდა იურისტთა ასოციაციის აჭარის ფილიალის ხელმძღვანელს, გიორგი ხიმშიაშვილს დაუკავშირდა.

„ვფიქრობ, კონცეფციაზე მომუშავე კომპანიასთან ხელშკრულებაში ცვლილების აუცილებლობა დღის წესრგიში არ დგას, რადგან ზუსტი გეგმა, თუ როგორი უნდა იყოს კონცეფცია, ხელშეკრულებაში გაწერილი არ არის. ამიტომ, მთავრია კომპანიამ მხედვლობაში მიიღოს საზოგადოებრივი აზრი, რათა შევინარჩუნოთ ძეგლის კულტურულ-ისტორიული ღირებულება და ავთენტიკურობა. ხოლო, კონცეფციური ხედვა, რომელიც წარმოადგინა კომპანიამ შუალედური განხილვისთვის, შესაძლებელია განხორციელდეს ახალ ბულვარში, ან კიდევ ქალაქის სხვა უბანში, მაგრამ არავითარ შემთხვევაში ბათუმის ძველ ბულვარში.

რაც შეეხება მიმდინარე სარეკოსნტრუქციო სამუშაოების და ალეას გაუქმებას, რასაც საზოგადოების ვნებათაღელვა მოჰყვა, ვფიქრობ, საკითხის მოგვარება სამართლებრივ ფორმატში შესაძლებელია, თუ იქნება ხელისუფლების პოლიტიკური ნება და თანხმობა კომპანიისა, რომელიც ახორციელებს სამუშაოებს. იმას, თუ რა კუთხით უნდა შევიდეს ცვლილება, ეს არის იურისტების და ეკონომისტების სამუშაო – უნდა მომზადდეს შესაბამისი სამართლებრივი დასკვნა ამ საკითხთან დაკავშირებით“, – აცხადებს გიორგი ხიმშიაშვილი.

ბათუმის ბულვარის ტოპოგრაფიული გეგმისა და კონცეფციის შემუშავება-დაგეგმარებაზე ხელშეკრულება ტენდერისა და კონკურსის გარეშე გააფორმეს კომპანიასთან, რომელიც ნასყიდობის სხვა ხელშეკრულების პირობების დარღვევისთვის, ადრე აჭარის ფინანსთა და ეკონომიკის სამინისტროს დაჯარიმებული ჰყავს. საუბარია შპს „სანატორიუმი-სასტუმრო ოაზისზე“, რომელიც 2015 წლის 24 დეკემბრიდან ცალკე იურიდიულ კომპანიად აღარ არსებობს.

ბულვარის ადმინისტრაციამ ხელშეკრულება (ბულვარში დღეს მიმდინარე სამუშაოების ჩატარებაზე) ტენდერში გამარჯვებულ რუსულ კომპანია „ლიტომთან“ [ООО „ЛИТОМ“] 2015 წლის 26 ნოემბერს გააფორმა. კომპანია სამუშაოებს აწარმოებს პროექტით, რომელსაც მხარი აჭარის კულტურული მემკვიდრეობის დაცვის სააგენტომ დაუჭირა და რომლითაც ძველ ბულვარში სამი სავალი ბილიკიდან ერთი უქმდება.

ბათუმის ბულვარში ძველი ბულვარის დასაცავად არაერთი აქცია გაიმართა, რომლის მონაწილეები ქალაქის ისტორიულ ბულვარში ახალი კონცეფციის განხორციელებას ეწინააღმდეგებიან.

საინიციატივო ჯგუფი – „დაიცავი ბათუმის ბულვარი“ აჭარის მთავრობას პეტიციით მიმართავს, ბათუმის ძველ ბულვარში ახალი კონცეფციით გათვალისწინებული ცვლილებების განხორციელებაზე უარი თქვას. ამ დროისთვის პეტიციას  3235 ადამიანი აწერს ხელს.

განთავსებისა და კვების ობიექტებს, რომლებსაც სურვილი აქვთ ჩაერთონ აჭარის ტურიზმისა და კურორტების დეპარტამენტის პროექტში –  „რეკომენდებულია ტურიზმის დეპარტამენტის მიერ“ – 2016 წლის 1 მარტამდე ტურიზმის დეპარტამენტში [ან სპეციალურ ვებ გვერდზე, რომელიც იანვრის შუა რიცხვებიდან ამოქმედდება] უნდა შეავსონ განაცხადი. პროექტში მონაწილეობა ნებაყოფლობითია.

„განცხადებების გადარჩევის შემდეგ პროექტის მონაწილე განთავსებისა და კვების ობიექტები გაივლიან სპეციალურ ტექნიკურ შემოწმებას, რომელიც მსოფლიოში აღიარებულ HotRec, Hot Star union 21 პრინციპს ემყარება. პროექტის შედეგად გამოვლენილი ობიექტები მიიღებენ სპეციალურ ნიშას „რეკომენდებულია ტურიზმის დეპარტამენტის მიერ“, რომელიც ტურისტებისთვის კონკრეტული ობიექტის სანდოობისა და ხარისხის ერთგვარ გარანტად იქცევა“ – აცხადებენ დეპარტამენტში.

პროექტი, როგორც დეპარტამენტში აცხადებენ, „აჭარის რეგიონში მომსახურების ხარისხის გაუმჯობესებას, საერთაშორისო სტანდარტების დამკვიდრებას, უსაფრთხოებისა და ტექნიკური ხასიათის სტანდარტების წახალისებას  ისახავს მიზნად“.

შესაბამის ქვეპროგრამაში „ტურიზმისა და კურორტების დეპარტამენტის მრჩეველთა საბჭოსთან და რეგიონის ტურიზმის დარგის წარმომადგენლებთან თანამშრომლობით შემუშავებული და დამტკიცებული ტურისტული დანიშნულების ობიექტების მომსახურების ხარისხის ნიშნის – [„რეკომენდებულია ტურიზმის დეპარტამენტის მიერ“], 100 ტურისტული ობიექტისთვის მისანიჭებლად, 2016 წლის ბიუჯეტში 190 ათასი ლარია გათვალისწინებული. ხარისხის ნიშნის შესახებ დამზადდება ასევე 5 ათასი ცალი საინფორმაციო ფლაერი.

მიმდინარე წელს დაგეგმილია ტურიზმის ინდუსტრიაში წლის საუკეთესო ტურისტული სერვისების მიმწოდებელი 10 ობიექტის დაჯილდოებაც, რისთვისაც 9 ათასი ლარია გათვალისწინებული.

შეზღუდული შესაძლებლობის მქონე და ხანდაზმულ პირთა გადაადგილების საშუალებებითა და სმენადაქვეითებულ მოქალაქეთა სმენის აპარატებით უზრუნველყოფის პროგრამებს 2016 წელს აჭარის ჯანმრთელობისა და სოციალური დაცვის სააგენტო განახორციელებს.

შეზღუდული შესაძლებლობის მქონე და ხანდაზმულ პირთა გადაადგილების საშუალებებით უზრუნველყოფა

მომსახურება დაფინანსდება პროგრამით გათვალისწინებული ტარიფით [300 ლარი], განსხვავებას ღირებულებასა და სამინისტროს მიერ დასაფინანსებელ თანხას შორის დაფარავს ბენეფიციარი.

მოსარგებლეები

– შეზღუდული შესაძლებლობის მქონე პირები;

– ასაკით პენსიონერები.

პროგრამა ითვალისწინებს

– სავარძელ-ეტლით უზრუნველყოფას;

– ეტლის მორგებას;

– ეტლის გამოყენებასთან დაკავშირებულ სარეკომენდაციო-საკონსულტაციო და ტექნიკური მომსახურების გაწევას;

– საგარანტიო მომსახურებას 12 თვის განმავლობაში.

სმენადაქვეითებულ მოქალაქეთა სმენის აპარატებით უზრუნველყოფა

მომსახურება დაფინანსდება პროგრამით გათვალისწინებული ტარიფით [400 ლარი], განსხვავებას ღირებულებასა და სამინისტროს მიერ დასაფინანსებელ თანხას შორის დაფარავს ბენეფიციარი.

მოსარგებლეები

– III-IV ხარისხის სმენაჩლუნგობის მქონე მოქალაქეები;

-18 წლამდე ასაკის ბავშვები ნებისმიერი ხარისხის სმენაჩლუნგობით.

პროგრამა ითვალისწინებს

– ციფრული სმენის აპარატებით უზრუნველყოფას;

– აპარატის მორგებას;

– აპარატის გამოყენებასთან დაკავშირებულ სარეკომენდაციო-საკონსულტაციო და ტექნიკური მომსახურების გაწევას;

– საგარანტიო მომსახურებას 12 თვის განმავლობაში.

პროგრამებში ჩართვისათვის ბენეფიციარმა საბუთები აჭარის ჯანმრთელობისა და სოციალური დაცვის სამინისტროში უნდა წარადგინოს. პროგრამების მოსარგებლე 2016 წლის 1 იანვრის მდგომარეობით და ვაუჩერის გაცემის პერიოდისათვის უწყვეტად რეგისტრირებული უნდა იყოს აჭარის ა/რ ტერიტორიაზე.

ვისაც გიდად აღიარების სურვილი აქვს, აჭარის ტურიზმისა და კურორტების დეპარტამენტში ან სპეციალურ ვებ გვერდზე [რომელიც 2016 წლის იანვრის შუა რიცხვებიდან ამოქმედდება], უნდა შეავსოს განაცხადი/ანკეტა. „შერჩეული კანდიდატები გაივლიან ტესტირებას, გასაუბრებას, მოაწყობენ საჩვენებელ ექსკურსიას, რის შემდეგაც მოხდება მათი ლიცენზირება“, – აცხადებენ აჭარის ტურიზმისა და კურორტების დეპარტამენტში.

2016 წელს, აჭარის ტურიზმისა და კურორტების დეპარტამენტის  ახალი  პროექტი – „გიდების ლიცენზირება“, როგორც დეპარტამენტში აცხადებენ, რეგიონში ტურისტული გიდის მომსახურების საუკეთესო ხარისხის უზრუნველყოფასა და სპეციალური სტატუსის მინიჭებას ითვალისწინებს:

„ტურისტული გიდის ლიცენზირების პირველ ეტაპზე იგეგმება  ქალაქის გიდის, ზემო აჭარის გიდისა და დაცული ტერიტორიის –  მტირალას ეროვნული პარკის გიდის ლიცენზირება. ტურისტულ გიდად აღიარების პროცედურა  წელიწადში ერთხელ – შემოდგომაზე განხორციელდება“.

დეპარტამენტს 50 ტურისტული გიდისთვის შესაბამისი პროფილის სერტიფიკატის მინიჭებისა და წლის საუკეთესო გიდის დაჯილდოებისთვის 2016 წლის ბიუჯეტში [შესაბამისი პროგრამის ფარგლებში] 2500 ლარი აქვს გამოყოფილი.

გასულ წლებში აჭარაში ტურიზმის დეპარტამენტისა და დონორი ორგანიზაციებისგან რამდენჯერმე დაფინანსდა გიდების მოსამზადებელი პროექტები, შემდეგ კი ამ საქმიანობამ კერძო სექტორში გადაინაცვლა. დღეს საქართველოში ამ კუთხით ყველაზე აქტიურად ორი ორგანიზაცია მუშაობს: საქართველოს გიდების ასოციაცია და აჭარის გიდების ასოციაცია. აჭარის გიდების ასოციაციას ტურიზმის სხვადასხვა მიმართულებით დაახლოებით 300 გიდი ჰყავს გადამზადებული.

აჭარის ჯანდაცვის სამინისტრო 2016 წელშიც გააგრძელებს იმ სოციალური პროგრამების განხორციელებას, რომლებიც ძირითადად ბავშვებზეა  ორიენტირებული. ეს პროგრამებია: სქოლიოზით დაავადებულ ბავშვთა რეაბილიტაცია; ცერებრალური დამბლით დაავადებულ ბავშვთა ფსიქოსომატური აბილიტაცია/რეაბილიტაცია; შეზღუდული შესაძლებლობის სტატუსის მქონე ბავშვთა სოციალური ადაპტაცია; ბავშვთა ადრეული განვითარება და ასევე მიუსაფარ დედათა და ბავშვთა თავშესაფრით უზრუნველყოფა.

სქოლიოზით დაავადებულ ბავშვთა რეაბილიტაცია

მომსახურება ანაზღაურდება პროგრამით გათვალისწინებული ტარიფით (178 ლარი), რეაბილიტაციის 1 კურსი მოიცავს 20 დღეს.

მოსარგებლეები

სხვადასხვა ხარისხის სქოლიოზით დაავადებული 18 წლამდე ასაკის ბავშვები, რომელთა ოჯახები რეგისტრირებულია სოციალურად დაუცველი ოჯახების მონაცემთა ერთიან ბაზაში 100 000-ის ჩათვლით სარეიტინგო ქულით და ბავშვები, რომლებიც იმყოფებიან სახელმწიფო მზრუნველობაში.

პროგრამა ითვალისწინებს

სამკურნალო ვარჯიშებს; მასაჟს; ექიმ-სპეციალისტის კონსულტაციას.

ცერებრალური დამბლით დაავადებულ ბავშვთა ფსიქოსომატური აბილიტაცია/რეაბილიტაცია

მომსახურება ანაზღაურდება პროგრამით გათვალისწინებული ტარიფით – 233,33 ლარის ოდენობით. წლის განმავლობაში 1 პაციენტს დაუფინანსდება რეაბილიტაციის არაუმეტეს 7კურსი, 1 კურსი მოიცავს 10 დღეს.

პროგრამა ვრცელდება

18 წლამდე ასაკის ბავშვებზე, რომელთაც აღენიშნებათ ცერებრული დამბლა;

ცენტრალური და პერიფერიული ნერვული სისტემის, კუნთთა და ძვალსახსროვანი სისტემის დაავადებები.

პროგრამა ითვალისწინებს

ფიზიკურ თერაპიას

მეტყველების და ენის თერაპიას;

ნევროლოგის, ფსიქოლოგის და ლოგოპედის მეთვალყურეობას;

ფიზიკური თერაპიის სახლის პირობებში ჩატარების სწავლებას.

შენიშვნა:

თუ ბენეფიციარი მოითხოვს რეაბილიტაციის დაფინანსებას დაწესებულებაში, სადაც მომსახურება მიეწოდება განსხვავებული პირობებით და მისი ღირებულება აღემატება პროგრამით გათვალისწინებულ ტარიფს, სამინისტრო მის დაფინანსებას უზრუნველყოფს პროგრამით გათვალისწინებული ტარიფის შესაბამისად, დარჩენილ ნაწილს დაფარავს ბენეფიციარი.

შეზღუდული შესაძლებლობის სტატუსის მქონე ბავშვთა სოციალური ადაპტაცია

პროგრამა ითვალისწინებს აჭარის ა/რ მუნიციპალიტეტებში მცხოვრები შშ სტატუსის მქონე 18 წლამდე ასაკის ბავშვების სამედიცინო მეთვალყურეობას, მათ საჭიროებებზე მორგებულ სწავლებას, ფსიქოლოგიურ დახმარებას, სადღეღამისო მომსახურებას კვებით, სოციალური უნარ-ჩვევების სწავლებას.

შეზღუდული შესაძლებლობის მქონე ბავშვებისათვის ოჯახურთან მიახლოებული გარემოს შექმნის მიზნით ბავშვის ჩართვა ქვეპროგრამაში განხორციელდება მშობელთან ან ოჯახის სრულწლოვან წევრთან ერთად.

დაფინანსების ფორმა

წლის განმავლობაში 1 ბენეფიციარს დაუფინანსდება რეაბილიტაციის არაუმეტეს 2 კურსი, კურსი მოიცავს 15 დღეს, მომსახურება დაფინანსდება დღეში 20 ლარით, ხოლო თანმხლები პირის დღეში (მშობლიანოჯახისსრულწლოვანიწევრი) – 10 ლარით.

ბავშვთა ადრეული განვითარება

პროგრამის მიზანია გონებრივი განვითარების შეფერხების მქონე 7 წლამდე ასაკის ბავშვების ადრეული განვითარების დარღვევების იდენტიფიცირება ბავშვის სოციალური, მოტორული, შემეცნებითი, კომუნიკაციური და თვითმოვლითი უნარების განვითარება.

პროგრმა ითვალისწინებს

მულტიდისციპლინური ჯგუფის მიერ [ადრეული განვითარების სპეციალისტი, ლოგოპედი, ფსიქოლოგი, სპეციალური პედაგოგი] მომსახურების გაწევას [თვეში არანაკლებ 8 შეხვედრისა]. ამასთან 3 წლამდე ასაკის ბავშვებისათვის მხოლოდ ინდივიდუალურ მომსახურებას, 3 წლის ასაკის ზემოთ ინდივიდუალურ მომსახურებას [არანაკლებ თვეში 4 შეხვედრისა]. სულ 8 შეხვედრა.

პროგრამის მოსარგებლე

გონებრივი განვითარების შეფერხების [დაუნის სინდრომი, ცერებრული დამბლა, აუტიზმი, განვითარების ზოგადი აშლილობა, მეტყველების განვითარების აშლილობა, გონებრივი ჩამორჩენილობა] მქონე 7 წლამდე ასაკის ბავშვები.

სამიზნე ჯგუფისთვის გაწეული მომსახურება  ანაზღაურდება თვეში არაუმეტეს 144 ლარის ოდენობით. პროგრამით გაწეული მომსახურება დაფინანსდება ღირებულების 100%-ით.

მიუსაფარ დედათა და ბავშვთა თავშესაფრით უზრუნველყოფა

მოსარგებლეები

მარტოხელა დედები 10 წლამდე ასაკის ბავშვით [ბავშვებით] ან ორსული ქალები [26 კვირის და მეტი ვადის ორსულობა].

პროგრამა ითვალისწინებს ბენეფიციარების დროებითი 24-საათიანი საცხოვრებლით უზრუნველყოფას სამჯერადი კვებით, მომარაგებას ტანისამოსითა და პირადი ჰიგიენის ნივთებით, ფსიქოლოგიურ დახმარებას, დასაქმებაში, პროფესიული და არაფორმალური განათლების მიღებაში ხელშეწყობას. მომსახურება დაფინანსდება დღეში 17 ლარით.

პროგრამებში ჩართვისათვის ბენეფიციარმა საბუთები აჭარის ჯანმრთელობისა და სოციალური დაცვის სამინისტროში უნდა წარადგინოს. პროგრამების მოსარგებლე 2016 წლის 1 იანვრის მდგომარეობით და ვაუჩერის გაცემის პერიოდისათვის უწყვეტად რეგისტრირებული უნდა იყოს აჭარის ა/რ ტერიტორიაზე.

აჭარის ჯანმრთელობისა და სოციალური დაცვის სამინისტრო მიმდინარე წელს 30-მდე პროგრამას და ქვეპროგრამას განახორციელებს. მათ შორისაა პროგრამები:  ამბულატორიული მაღალტექნოლოგიური დიაგნოსტიკური კვლევა; ზოგიერთი სოციალური კატეგორიის მოსახლეობის სამედიცინო მომსახურების თანადაფინანსება და ასევე ონკოლოგიურ პაციენტთა  დამატებითი  სამედიცინო  მომსახურების პროგრამა.

ამბულატორიული მაღალტექნოლოგიური დიაგნოსტიკური კვლევის პროგრამა ითვალისწინებს მაღალტექნოლოგიური დიაგნოსტიკური კვლევების დაფინანსებას.

მოსარგებლეები

200 000-ის ჩათვლით სარეიტინგო ქულის მქონე პირები

დაფინანსების ფორმა

დაფინანსება განხორციელდება სამედიცინო დაწესებულებიდან წარმოდგენილი ანგარიშფაქტურის მიხედვით, არაუმეტეს ქვეპროგრამაში გათვალისწინებული მაღალტექნოლოგიური დიაგნოსტიკური კვლევის ღირებულებისა, შემდეგი პროპორციებით:

70 000-ის ჩათვლით სარეიტინგო ქულის მქონე პაციენტები, 200 000–ის ჩათვლით

სარეიტინგო ქულის მქონე 18 წლამდე ასაკის ბავშვები-100 %-ით;

70 001-დან 100 000-ის ჩათვლით სარეიტინგო ქულის მქონე პაცინეტები-90 %-ით;

100 001-დან 200 000-ის ჩათვლით სარეიტინგო ქულის მქონე პაციენტები-80%-ით.

შენიშვნა:

• იმ შემთხვევაში, როცა გამოკვლევების ღირებულება ნაკლებია პროგრამით გათვალისწინებულ თანხაზე, ზემოაღნიშნული პროპორციებით განსაზღვრული მაჩვენებლები გაითვლება წარმოდგენილი ღირებულებიდან.
• თუ მომწოდებლის მომსახურების ტარიფი აღემატება პროგრამით გათვალსწინებულ ღირებულებას, დაფინანსება განხორციელდება პროგრამის ტარიფით დადგენილი პროპორციებით. განსხვავებას ღირებულებასა და სამინისტროს მიერ დასაფინანსებელ თანხას შორის დაფარავს პაციენტი.

ზოგიერთი სოციალური კატეგორიის მოსახლეობის სამედიცინო მომსახურების თანადაფინანსების პროგრამა ითვალისწინებს  ზოგიერთი სოციალური კატეგორიის მოსახლეობისათვის საყოველთაო ჯანმრთელობის დაცვის სახელმწიფო პროგრამით  სამედიცინო მომსახურების თანაგადახდის სრულად დაფინანსებას სახელმწიფო პროგრამით დამტკიცებული ტარიფის ფარგლებში.

მოსარგებლეები

მკვეთრად გამოხატული შეზღუდული შესაძლებლობების მქონე პირები;

ასაკით პენსიონერები, რომლებიც რეგისტრირებულნი არიან ,,სოციალურად დაუცველი ოჯახების მონაცემთა ერთიან ბაზაში”   200 000-ის ჩათვლით სარეიტინგო ქულით;

0-დან 6 წლამდე ასაკის ბავშვები, რომელთა ოჯახები რეგისტრირებულნი არიან  ,,სოციალურად დაუცველი ოჯახების მონაცემთა ერთიან ბაზაში” 200 000-ის ჩათვლით სარეიტინგო ქულით;

შეზღუდული შესაძლებლობების  მქონე ბავშვები.

დაფინანსების ფორმა

ბენეფიციარებს დაუფინანსდებათ საყოველთაო ჯანმრთელობის დაცვის სახელმწიფო პროგრამით დაფინანსებული სამედიცინო მომსახურების თანაგადახდა სრულად პროგრამით დამტკიცებული ტარიფის ლიმიტის ფარგლებში შემდეგი პროცენტებით:

ასაკით პენსიონერებს,  რომლებიც რეგისტრირებულნი არიან  ,,სოციალურად დაუცველი ოჯახების მონაცემთა ერთიან ბაზაში”   200 000-ის ჩათვლით სარეიტინგო ქულით – 10% – ით;

0-დან 6 წლამდე ასაკის ბავშვებს, რომელთა ოჯახები რეგისტრირებულნი არიან  ,,სოციალურად დაუცველი ოჯახების მონაცემთა ერთიან ბაზაში” 200 000-ის ჩათვლით სარეიტინგო ქულით – 20% -ით;

მკვეთრად გამოხატული შეზღუდული შესაძლებლობების  მქონე პირებს – 20% -ით;                     შეზღუდული შესაძლებლობების  მქონე ბავშვებს – 20% -ით.

არ დაფინანსდება საყოველთაო ჯანმრთელობის დაცვის სახელმწიფო პროგრამით განსაზღვრული ტარიფის ლიმიტის თანაგადახდის ღირებულებაზე მეტად მოთხოვნილი თანხა.

ონკოლოგიურ  პაციენტთა  დამატებითი  სამედიცინო  მომსახურება

პროგრამა ითვალისწინებს ონკოლოგიურ პაციენტთათვის დამატებითი სამედიცინო მომსახურების (სამედიცინო მომსახურება, რომელიც არ ფინანსდება სახელმწიფო ბიუჯეტით დაფინანსებული სამედიცინო პროგრამებით) დაფინანსებას.

მოსარგებლეები

ონკოლოგიური პაციენტები დამტკიცებული დიაგნოზით.

დაფინანსების ფორმა

მკურნალობა დაფინანსდება ფაქტიური ხარჯით შემდეგი პროპორციებით:

1000 ლარის ჩათვლით-100%-ით;

1000 ლარზე მეტი 2000 ლარის ჩათვლით-90%-ით;

2000 ლარზე მეტი  3000 ლარის ჩათვლით-80%-ით;

3000 ლარზე მეტი-70%-ით.

არაუმეტეს 5 000 ლარისა.

ტარგენტული, იმუნოთერაპიული მკურნალობისათვის საჭირო მედიკამენტებისა და ბისფოსფონატების ჯგუფის მედიკამენტების დაფინანსება განხორციელდება სამკურნალო დაწესებულებიდან წარმოდგენილი ანგარიშ–ფაქტურის მიხედვით ქვეპროგრამით გათვალისწინებული პროპორციების დაცვით ერთ მომართვაზე არაუმეტეს 5000 ლარისა, წლიური ლიმიტი  შეადგენს 10 000 ლარს.

პროგრამებში ჩართვისათვის ბენეფიციარმა სამინისტროში უნდა წარმოადგინოს:

– განცხადება;

– ცნობა ჯანმრთელობის მდგომარეობის შესახებ, ფორმა _IV-100/ა; (პაციენტის დიაგნოზი, ჩარევები და გამოკვლევები მითითებული უნდა იყოს ქვეყანაში დადგენილი კლასიფიკატორების შესაბამისად);

– ანგარიშ ფაქტურა გაცემული სამედიცინო დაწესებულების მიერ;

– პირადობის დამადასტურებელი მოწმობა ან სხვა დოკუმენტი, რომლითაც შესაძლებელია პირის იდენტიფიცირება;

– საჭიროების შემთხვევაში ბენეფიციარის მშობლის ან წარმომადგენლის პირადობის დამადასტურებელი მოწმობის ასლი;

– საჭიროების შემთხვევაში შეზღუდული შესაძლებლობის სტატუსის დამადასტურებელი ცნობის ასლი;

– ქვეპროგრამის მოსარგებლის და მადასტურებული დოკუმენტი.

შენიშვნა:

• პროგრამების მოსარგებლე 2016 წლის 1 იანვრის მდგომარეობით და ვაუჩერის გაცემის პერიოდისათვის უწყვეტად რეგისტრირებული უნდა იყოს აჭარის ა/რ ტერიტორიაზე.
• პროგრამების მოსარგებლეს უფლება აქვს, თავად აირჩიოს სამკურნალო დაწესებულება საქართველოს მასშტაბით.
• არ დაფინანსდება უკვე ჩატარებული სამედიცინო მომსახურება, საზღვარგარეთ მკურნალობა და სამედიცინო პროგრამებით გათვალისწინებული თანაგადახდა მოსარგებლის მხრიდან.

2016 წელს აჭარაში გრძელდება გულის ქირურგიისა და სახსრების ენდოპროთეზირების პროგრამები, რომლებსაც აჭარის ჯანმრთელობისა და სოციალური დაცვის სამინისტრო ახორციელებს.

გულის ქირურგია

პროგრამა ითვალისწინებს იშემიური დაავადებების, სიმსივნის, თანდაყოლილი და შეძენილი გულის მანკების კარდიოქირურგიულ მკურნალობას.

მოსარგებლეები

18 წლისა და მეტი ასაკის მოსახლეობა, რომლებიც არ სარგებლობენ სახელმწიფო ბიუჯეტით დაფინანსებული გულის ქირურგიის პროგრამით.

დაფინანსების ფორმა

მკურნალობა დაფინანსდება ფაქტიური ხარჯით, დაწესებულების მიერ გაცემული ანგარიშ-ფაქტურის მიხედვით, არაუმეტეს ქვეპროგრამით გათვალისწინებული ტარიფისა,  შემდეგი პროპორციებით:

100 000-ის ჩათვლით სარეიტინგო ქულის მქონე მოქალაქეები-90 %–ით;

ყველა სხვა კატეგორიის ბენეფიციარები-80 %–ით;

ვეტერანებს პროგრამით განსაზღვრული ტარიფის ფარგლებში უფინანსდებათ სრულად.

რაც შეეხება სახსრების ენდოპროთეზირებას

პროგრამა ითვალისწინებს სახსრების ენდოპროთეზირების დაფინანსებას.

მოსარგებლეები

საქართველოს მოქალაქეები, რომლებიც 2016 წლის 1 იანვრის მდგომარეობით და ვაუჩერის გაცემის პერიოდისათვის უწყვეტად რეგისტრირებულნი არიან აჭარის ავტონომიურ რესპუბლიკის ტერიტორიაზე.

დაფინანსების ფორმა

მკურნალობა დაფინანსდება შემდეგი პროპორციებით.

100 000-მდე სარეიტინგო ქულის მქონე პაციენტებისათვის ფაქტიური ხარჯის 90 %-ით;

დანარჩენი ბენეფიციარებისათვის (რომლებიც რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მინიჭებული აქვთ 100 000–დან 200 000-ის ჩათვლით სარეიტინგო ქულა; შეზღუდული შესაძლებლობის სტატუსის მქონე პირები; ომის ვეტერანები, ტერიტორიული მთლიანობისათვის ომში მონაწილეები, ომში დაღუპულთა ოჯახის წევრები (დედა, მამა, მეუღლე, შვილები); მრავალშვილიანი (18 წლამდე ასაკის 5 და მეტი შვილი) ოჯახის წევრები) ფაქტიური ხარჯის 80%-ით;

სხვა დანარჩენი მოქალაქეებისათვის ფაქტიური ხარჯის 70%-ით.

დაფინანსების ზღვრული თანხა კი შეადგენს 4000 ლარს.

აჭარის ჯანმრთელობისა და სოციალური დაცვის სამინისტროს ინფორმაციით პროგრამებში ჩართვისათვის ბენეფიციარმა სამინისტროში უნდა წარადგინოს:

– განცხადება;

– ცნობა ჯანმრთელობის მდგომარეობის შესახებ, ფორმა _IV-100/ა; (პაციენტის დიაგნოზი, ჩარევები და გამოკვლევები მითითებული უნდა იყოს ქვეყანაში დადგენილი კლასიფიკატორების შესაბამისად);

– ანგარიშ ფაქტურა გაცემული სამედიცინო დაწესებულების მიერ;

– პირადობის დამადასტურებელი მოწმობა ან სხვა დოკუმენტი, რომლითაც შესაძლებელია პირის იდენტიფიცირება;

– საჭიროების შემთხვევაში ბენეფიციარის მშობლის ან წარმომადგენლის პირადობის დამადასტურებელი მოწმობის ასლი;

– საჭიროების შემთხვევაში შეზღუდული შესაძლებლობის სტატუსის დამადასტურებელი ცნობის ასლი;

– ქვეპროგრამის მოსარგებლის და მადასტურებული დოკუმენტი.

შენიშვნა:

• პროგრამების მოსარგებლე 2016 წლის 1 იანვრის მდგომარეობით და ვაუჩერის გაცემის პერიოდისათვის უწყვეტად რეგისტრირებული უნდა იყოს აჭარის ა/რ ტერიტორიაზე.
• პროგრამების მოსარგებლეს უფლება აქვს, თავად აირჩიოს სამკურნალო დაწესებულება საქართველოს მასშტაბით.
• არ დაფინანსდება უკვე ჩატარებული სამედიცინო მომსახურება, საზღვარგარეთ მკურნალობა და სამედიცინო პროგრამებით გათვალისწინებული თანაგადახდა მოსარგებლის მხრიდან.

მოსახლეობის ინდივიდუალური სამედიცინო დახმარების პროგრამა, რომელსაც აჭარის ჯანმრთელობისა და სოციალური დაცვის სამინისტრო ახორციელებს, სამინისტროს ინფორმაციით ემსახურება გარკვეული სოციალური კატეგორიის მოსახლეობის მკურნალობასთან დაკავშირებული იმ ფინანსური რისკებისაგან დაცვას, რომელიც ვერ იფარება მოქმედი სახელმწიფო პროგრამებით.

აღსანიშნავია, რომ აჭარის ჯანდაცვის სამინისტროს პროგრამების მოსარგებლეს უფლება აქვს, თავად აირჩიოს სამკურნალო დაწესებულება საქართველოს მასშტაბით.

ინდივიდუალური სამედიცინო დახმარების პროგრამის მოსარგებლეები:

პაციენტები სტიქიური მოვლენებისა და კატასტროფების შედეგად გამოწვეული დაზიანებებით;

200 000-ის ჩათვლით სარეიტინგო ქულის მქონე მოქალაქეები;

შშმ პირები;

ომის ვეტერანები;

ტერიტორიული მთლიანობისათვის ომში მონაწილეები, დაღუპულთა ოჯახის წევრები (დედა, მამა, მეუღლე, შვილები);

მრავალშვილიანი (18 წლამდე ასაკის 5 და მეტი შვილი) ოჯახის წევრები;

ჩერნობილის ატომური ელექტროსადგურის ავარიის შედეგების სალიკვიდაციო სამუშაოების მონაწილეები;

პოლიტიკური რეპრესიების მსხვერპლად აღიარებული პირები;

უსახლკაროთა თავშესაფარის კონტინგენტი;

უსახლკაროები;

მარტოხელა მშობლები;

ტრეპიფინგისა და ძალადობის მსხვერპლი პირები;

პაციენტები, რომლებსაც ამ დროისთვის არა აქვთ მინიჭებული 200 000-მდე სარეიტინგო ქულა, მაგრამ მათი მატერიალური მდგომარეობა არ იძლევა საშუალებას დააფინანსოს აუცილებელი სამედიცინო მომსახურება, რაც დასტურდება ადგილობრივი თვითმართველობის ორგანოებიდან წარმოდგენილი შუამდგომლობით.

დაფინანსების ფორმა

მკურნალობა დაფინანსდება ფაქტიური ხარჯით შემდეგი პროპორციებით:

– 1000 ლარის ჩათვლით – 100%-ით;

– 1000 ლარზე მეტი 2000 ლარის ჩათვლით – 90%-ით;

– 2000 ლარზე მეტი  3000 ლარის ჩათვლით – 80%-ით;

– 3000 ლარზე მეტი – 70%-ით.

არაუმეტეს 7000 ლარისა.

აჭარის ავტონომიური რესპუბლიკის ტერიტორიაზე რეგისტრირებული მოქალაქეები, რომლებიც საჭიროებენ ღვიძლის ტრანსპლანტაციის ჩატარებას (საქართველოს სამკურნალო პროფილაქტიკურ დაწესებულებებში) დაფინანსდებიან ერთჯერადად 10 000 ლარის ფარგლებში.                                                 

პროგრამაში ჩართვისათვის ბენეფიციარმა სამინისტროში უნდა წარადგინოს:

– განცხადება;

– ცნობა ჯანმრთელობის მდგომარეობის შესახებ, ფორმა _IV-100/ა; (პაციენტის დიაგნოზი, ჩარევები და გამოკვლევები მითითებული უნდა იყოს ქვეყანაში დადგენილი კლასიფიკატორების შესაბამისად);

– ანგარიშ ფაქტურა გაცემული სამედიცინო დაწესებულების მიერ;

– პირადობის დამადასტურებელი მოწმობა ან სხვა დოკუმენტი, რომლითაც შესაძლებელია პირის იდენტიფიცირება;

– საჭიროების შემთხვევაში ბენეფიციარის მშობლის ან წარმომადგენლის პირადობის დამადასტურებელი მოწმობის ასლი;

– საჭიროების შემთხვევაში შეზღუდული შესაძლებლობის სტატუსის დამადასტურებელი ცნობის ასლი;

– ქვეპროგრამის მოსარგებლის და მადასტურებული დოკუმენტი.

შენიშვნა:

• პროგრამის მოსარგებლე 2016 წლის 1 იანვრის მდგომარეობით და ვაუჩერის გაცემის პერიოდისათვის უწყვეტად რეგისტრირებული უნდა იყოს აჭარის ა/რ ტერიტორიაზე.
• პროგრამის მოსარგებლეს უფლება აქვს, თავად აირჩიოს სამკურნალო დაწესებულება საქართველოს მასშტაბით.
• არ დაფინანსდება უკვე ჩატარებული სამედიცინო მომსახურება, საზღვარგარეთ მკურნალობა და სამედიცინო პროგრამებით გათვალისწინებული თანაგადახდა მოსარგებლის მხრიდან.

ინდივიდუალური სამედიცინო დახმარების პროგრამას წელს ბენეფიციარებად დაემატა ტრეფიკინგისა და ძალადობის მსხვერპლი ქალები და მარტოხელა მშობლები. 2016 წელს სამინისტრო 7 პროგრამას, 23 ქვეპროგრამას განახორცილებს. პროგრამული ბიუჯეტი კი ჯამში 11 306 170 ლარს შეადგენს.

ეკომიგრანტი ოჯახების საცხოვრებლით უზრუნველყოფის პროგრამას აჭარის ჯანმრთელობისა და სოციალური დაცვის სამინისტრო ახორციელებს. 2016 წლისთვის  პროგრამა ითვალისწინებს:

ეკომიგრანტთა უზრუნველყოფას უსაფრთხო საცხოვრისით. პროგრამით გათვალისწინებულია ბენეფიციარის დაფინანსება, მის მიერ შერჩეული საცხოვრებელი ფართობის შესყიდვისათვის, არაუმეტეს 25 000 ლარისა.

მოსარგებლეები

ეკომიგრანტთა მონაცემთა მუდმივად განახლებად ერთიანი ელექტრონულ ბაზაში დარეგისტრირებული ეკომიგრანტები, რომელთაც მინიჭებული აქვთ პრიორიტეტულობის ქულა.

დაფინანსების ფორმა

საცხოვრებელი ფართობის ღირებულების ანაზღაურდება განხორციელდება უნაღდო ანგარიშსწორებით, გამყიდველის მიერ წარმოდგენილ საბანკო ანგარიშზე, უძრავი ქონების ნასყიდობის თაობაზე, ხელშეკრულებაში ასახული ქონების ღირებულების შესაბამისად, მაგრამ არაუმეტეს პროგრამით გათვალისწინებული თანხისა.

იმ შემთხვევაში, თუ საცხოვრებელი ფართობის გასაყიდი ღირებულება აღემატება პროგრამით განსაზღვრულ თანხას, სურვილისა და შეთანხმების შემთხვევაში,  ბენეფიციარი ფართობის შეძენის მიზნით თავად დაფარავს დარჩენილ სხვაობას.

პროგრამაში  ჩართვისათვის

ბენეფიციარმა უნდა მიმართოს შესაბამის თვითმმართველ ერთეულს, დაზიანებული საცხოვრებელი ფართობის  მდებარეობის მიხედვით.

შენიშვნა

ბენეფიციარი 2010 წლის 1 იანვრიდან უწყვეტად უნდა იყოს რეგისტრირებული აჭარის    ავტონომიური რესპუბლიკის  ტერიტორიაზე;

პროგრამაში ჩართვის მიზნით არ განიხილება დაზარალებული ოჯახების განაცხადები, რომლებსაც სხვადასხვა უწყებებიდან მოწოდებული ინფორმაციით სახელმწიფოსგან ან დონორი ორგანიზაციებიდან, დაზარალების გამო, ერთხელ უკვე  მიღებული აქვთ დახმარების სახით საცხოვრებელი სახლი ან სანაცვლოდ სათანადო ფულადი დახმარება ან ფაქტიურ მფლობელობაში/საკუთრებაში გააჩნიათ ალტერნატიული საცხოვრებელი ფართობი.

მიმდინარე წელს აჭარის ბიუჯეტში 3 მილიონი ლარი გამოიყო ეკომიგრანტი ოჯახებისათვის საცხოვრებელი ფართობების შესაძენად, დაგეგმილია 115 საცხოვრებელი სახლის შეძენა.

აჭარის მთავრობის ინფორმაციით, ავტონომიური რესპუბლიკის ადგილობრივ თვითმმართველ ორგანოებში უკანასკნელი 3 წლის განმავლობაში არსებული მონაცემებით 600-მდე სტიქიის შედეგად დაზარალებულ და გადაადგილებას დაქვემდებარებულ (ეკომიგრანტ) ოჯახს ესაჭიროება  უსაფრთხო საცხოვრისით  უზრუნველყოფა.

ბათუმში, ყოფილი ეროვნული ბანკის შენობა, აჭარის ფინანსთა და ეკონომიკის სამინისტრომ აუქციონზე კვლავ გამოიტანა. ამჯერად ქონების საწყისი გასაყიდი ფასია 4 მილიონ 95 ათასი აშშ დოლარი. იგივე ქონება სამინისტროს 5 მილიონ 850 ათას აშშ დოლარად ჰქონდა აუქციონზე გატანილი, თუმცა აუქციონი [გასული წლის ნოემბერში] არ შედგა.

აუქციონის ახლანდელი პირობის მიხედვით მყიდველმა შენობაში, ნასყიდობის ხელშეკრულების გაფორმებიდან 24 თვის ვადაში სასტუმრო, სამორინე და საზოგადოებრივი დანიშნულების სხვა ობიექტ[ებ]ი უნდა მოაწყოს და აამოქმედოს, რაშიც არანაკლებ 5 მილიონი აშშ დოლარის ინვესტიცია უნდა განახორციელოს.

მომავალმა მეპატრონემ უნდა უზრუნველყოს ხელშეკრულების გაფორმებიდან არაუმეტეს 5 თვის ვადაში საკუთრებაში გადაცემულ ქონებაზე (ძეგლის) მოვლა-პატრონობასთან დაკავშირებით  შესაბამის უფლებამოსილ ორგანოსთან გაფორმებული ხელშეკრულების წარმოდგენა;

მომავალმა მეპატრონემ უნდა უზრუნველყოს ასევე:

ხელშეკრულების გაფორმებიდან 5 თვის ვადაში საკუთრებაში გადაცემულ ქონებაში განთავსებული ქალაქ ბათუმის მუნიციპალიტეტის მერიის საკუთრებაში არსებულ შენობაში (შენობის გუმბათი) დამონტაჟებული საათის მოვლა-პატრონობასთან დაკავშირებით ქალაქ ბათუმის მერიასთან გაფორმებული ხელშეკრულების წარდგენა სამინისტროში;

საკუთრებაში გადაცემულ ქონებაში სასტუმროს – არანაკლებ 25 ნომერი, სამორინეს და საზოგადოებრივი დანიშნულების ობიექტ(ებ)ის ამოქმედებიდან 2 თვის ვადაში, მყიდველის ან/და მესამე პირის მიერ, არანაკლებ 80 მოქალაქის დასაქმება სადაც, დასაქმებულთა არანაკლებ  90%-ს უნდა შეადგენდეს საქართველოს მოქალაქეები.

პროფილის (სასტუმროს – არანაკლებ 25 ნომერი, სამორინეს და საზოგადოებრივი დანიშნულების ობიექტ(ებ)ის) და დასაქმებულთა რაოდენობის მუდმივად 10 (ათი) წლის განმავლობაში შენარჩუნება.

სამინისტროს, აღნიშნული ქონების გაყიდვის პირობებში სასტუმროსა და სამორინეს მოწყობა ადრე ჩადებული არ ჰქონდა და მყიდველს მხოლოდ თანხის ორ ნაწილად გადახდა ევალებოდა.

ამჯერად ელექტრონული აუქციონი 18 იანვარს უნდა დასრულდეს.