ბათუმში ლიფტებიდან ფული მოიპარეს

მოქალაქეების ინფორმაციით, 14 მაისს, ღამით, შერიფ ხიმშიაშვილის პირველ ნომერში მდებარე საცხოვრებელი კორპუსის ოთხი ლიფტის სალაროებიდან ფული მოიპარეს.

„წუხელ ღამით ოთხი ლიფტი გატეხეს. ლიფტის ფული ამოიღეს და ლიფტი აღარ იმუშავებს. პოლიციაც გამოვიძახეთ და ვნახოთ“, – ამბობს კორპუსში მცხოვრები თამუნა კაკაბაძე.

შსს-ს ინფორმაციით, გამოძიება დაწყებულია სისხლის სამართლის კოდექსის 177-ე მუხლით, რაც  გულისხმობს  სხვისი მოძრავი ნივთის ფარულ დაუფლებას მართლსაწინააღმდეგო მისაკუთრების მიზნით და ისჯება ჯარიმით ან თავისუფლების შეზღუდვით ვადით ერთიდან სამ წლამდე, ანდა თავისუფლების აღკვეთით იმავე ვადით.