Category Archives: სიახლეები

მეორე დღეა ბათუმში, ახმედ მელაშვილის ქუჩაზე „ეზოს ისტორიები“ ცოცხლდება. „ეზოს ისტორიები“ კულტურულ-სახელოვნებო ინიციატივაა, რომელიც მოიცავს ბათუმელი და თბილისელი მხატვრების ერთობლივ შემოქმედებით პროცესს საჯარო სივრცეში.

მანანა ქველიაშვილი  

 კონსერვატიული პარტიის წევრი და ხელვაჩაურის საკრებულოს წევრი სულიკო მიქელაძე აცხადებს, რომ მას დღეს ხელვაჩაურის პოლიციიდან დაუკავშირდნენ და პოლიციაში მოწმის სახით ჩვენების მისაცემად დაიბარეს. როგორც მისი ადვოკატი ირაკლი შავაძე ამბობს, დაწყებულია წინასწარი გამოძიება საქართველოს სსკ-ის 362 მუხლით, კონკრეტულად ავტოგრაფის გაყალბების ფაქტთან დაკავშირებით. 

ლელა დუმბაძე   

მოცეკვავეთა ჯგუფი მოსახლეობის ყურადღებას მიიქცევს, შოუს მსვლელობის პროცესში კი მიზნობრივი ჯგუფი დაარიგებს ფლაერებს, რომლებზეც მარტივი ფრაზებით და ლაკონურად იქნება გადმოცემული ინფორმაცია, წინასაარჩევნო პროცესსა და არჩევნების დღეს მოსახლების უფლება-მოვალეობების შესახებ, რამაც არჩევნების მიმართ საზოგადოების ცნობიერების ამაღლებას უნდა შეუწყოს ხელი.

„ფლეშ შოუ“ საქართველოს დემოკრატიისა და ეკონომიკური განვითარების ინსტიტუტის მიერ წინასაარჩევნო პერიოდში მოსახლეობის მეტი ჩართულობის მიზნით დაგეგმილ ღონისძებებში ერთერთი მთავარი აქტივობა იქნება. პასიური ამომრჩევლის ყურადღების მისაქცევად ამ სანახაობითი ღონიძიების გამოყენება მათი პროექტის შემადგენელი ნაწილია.

„საინფორმაციო ფლაერების დარიგება პროეტის შემადგენელი ნაწილია, მაგრამ არ გვინდა მოხდეს ისე როგორც ხდება, ანუ მათი უმეტესობა წაკითხვამდე სანაგვეში მოხვდეს, ამიტომ დავაწესეთ პრიზები იმ ადამიანებითვის, რომლებიც ჩვენს მიერ დასმულ კითხვებს უპასუხებენ. შეკითხვები კი ფლაერებში მოცემულ ინფომარმაციას შეეხება. ასე შევეცდებით საჭირო ინფორმაცია მივაწოდოთ მოსახლეობის იმ ნაწილს, რომელსაც არჩევნები არ აინტერესებს და ფიქრობს რომ არჩევნებზე მისი მისვლა ვერაფერს ცვლის“ – ამბობს პროეტის დირექტორი გოჩა დევაძე. 

პროექტის ფარგლებში დაგეგმილია „ბასტურების“ ჩატარებაც, რაც აჭარის რაიონებში საარჩევნო პროცესებთან დაკავშირებულ თემებზე საინფორმაციო ხასიათის შეხვედრებს, ტრენინგების ჩატარებასა და რამდენიმე უბანზე იმიტირებული არჩევნების დღის მოწყობას გულისხმობს.

პროექტის ავტორების განმარტებით „საქართველოში ბოლო პერიოდში ჩატარებულმა არჩევნებმა (მათ შორის 2008 წლის საპარლამენტო და 2010 წლის ადგილობრივი თვითმმართველობის არჩევნები) ნათლად დაგვანახა,  რომ ღემდე ერთ-ერთ უმთავრეს პრობლემად რჩება არჩევნებზე ამომრჩეველთა აქტიურობის დაბალი დონე,  რაც საარჩევნო გარემოს მიმართ ზედაპირული დამოკიდებულებითა და ზოგადად დაბალი სარჩევნო კულტურითაა განპირობებული. ამის ნათელი მაგალითი არჩევნებში მონაწილე ამომრჩეველთა  დაბალი პროცენტული მაჩვენებელია (2008 წელს – 53% და 2010 წელს – 49%)“

პროექტის კოორდინატორი ორგანიზაციის ხელმძღვანელი ვაჟა მეგრელიძეა.

პროექტის განხორციელება 1 აგვისტოდან დაიწყო და პირველ ოქტომბრამდე,  არჩევნების დღემდე გაგრძელდება. პროექტი საარჩევნო სისტემების განვითარების რეფორმებისა და სწავლების ცენტრის მიერ 25 000-მდე  ლარითაა დაფინანსებული.  

დღეს, 22 აგვისტოს, საღამოს 8 საათზე ბათუმის ზღვისპირა პარკში გაიმართება პანკ–ჯგუფ Pussy Riot–ის წევრების მხარდამჭერი აქცია.
 

ბათუმში 21 ივლისს მომხდარ ფაქტთან დაკავშირებით სისხლის სამართლის საქმეა აღძრული. საქმე ეხება მემედ აბაშიძის ქუჩაზე მდებარე თოჯინების თეატრის ფასადის დაზიანებას, რომელიც კულტურული მემკვიდრეობის ძეგლია.  

ლელა დუმბაძე  

საქართველოს სახალხო დამცველთან არსებული ტოლერანტობის ცენტრი ბოლო პერიოდში გახშირებულ, ანტითურქული ქსენოფობიის ფაქტებს ეხმიანება. „ბათუმელები” განცხადების ტექსტს უცვლელად გთავაზობთ. 

უმაღლესი სარჩევნო კომიისიისთვის მიწოდებული ინფორმაციის მიხედვით აჭარაში სულ რეგისტრირებულია 305 469 ამომრჩეველი. გასული უმაღლესი საბჭოს არჩევნებთან შედარებით  12 252  ამორჩევლით მეტია დაფიქსირებული.   

ბათუმის 79 ოლქში ახლა 131 756  ამომრჩველია რეგისტრირებული გასული არჩევნების დროს ამომრჩეველთა რაოდენობა იყო 99 691. ამჟამად ამომრჩეველთა რაოდენობა გაზრდილია 32 065-ით. 

კოალიცია  „ქართული ოცნების“ რეგიონული წარმომადგენლებიდან  აქციის მონაწილეებს   მედეა ვასაძემ, კაკო ძნელაძემ  და ალასანიას პარტიის წარმომადგენლმა სულხან ღლონტმა მიმართეს.

ნათია ზოიძე

მხატვარ კაკო ძნელაძის სახელოსნო „ატლანტებიანი სახლის“ უკანა ეზოშია. ხვეულ, თავბრუდამხვევ კიბეზე 72 რკინის საფეხური უნდა აიარო და კაკოსთან ხარ. პირველი, რაც სახელოსნოში შესვლისთანავე გხვდება თვალში, კარადებსა და მაგიდებზე ჩამწკრივებული სამოვრები და ფუნჯებით სავსე ოდნავ მტვრიანი, სხვადასხვა ფორმის ქილებია. 

 <!** Image 1 align="left" alt="ავთანდილ ბერიძე" sub="ავთანდილ ბერიძე" width="300" height="480" >

ხელვაჩაურის მუნიციპალიტეტის საკრებულოს ოპოზიციონერმა წევრებმა, ავთანდილ ბერიძემ, სულიკო მიქელაძემ და ვახტანგ კახიძემ დღეს, ”ქართული ოცნების” ოფისში  გამართულ ბრიფინგზე განაცხადეს, რომ ისინი საკრებულოს სხდომებს ბოიკოტს უცხადებენ და დღეიდან სხდომებზე არ დაესწრებიან.

ავთანდილ ბერიძის განცხადებით, ბოიკოტირების მიზეზი, ხელვაჩაურის გამგეობის და საკრებულოს უმრავლესობის წევრების შორის ბეშუმში მომხდარი ინცინდენტია: ”ესენი არიან ის წითელმაისურიანები, რომლებმა ”ქართული ოცნების” ლიდერს, ბიძინა ივანიშვილს ბეშუმში ხალხთან მისვლის შესაძლებლობა არ მისცეს. ჩვენ ვგმობთ საკრებულოს და გამგეობის კანონსაწინააღმდეგო ქმედებას და პროტესტის ნიშნად პოლიტიკურ ბოიკოტს ვაცხადებთ”. 

ოპოზიონერი წევრების ინფორმაციით, საჯარო მოხელეები, რომლებმა ბიძინა ივანიშვილს მოსახლეობასთან შეხვედრა შეაფერხეს, იყვნენ: ხელვაჩაურის საკრებულოს თავმჯდომარე, მალხაზ ფარტენაძე, მუნიციპალიტეტის გამგებელი, თეიმურად დუმბაძე, საკრებულოს თავმჯდომარის მოადგილე, კახაბერ სირაბიძე, ფრაქცია ”ნაციონალური მოძრაობის” თავმჯდომარე, ნუგზარ ბოლქვაძე, საკრებულოს საფინანსო კომისიის თავმჯდომარე, თამაზ ლორთქიფანიძე, ხელვაჩაურის კულტურისა და განათლებისა და სპორტის თავმჯდომარე მიშა ბოლქვაძე და საკრებულოს სამაშველო-სახანძრო სამსახურის ხელმძღვანელი გია ცისკარაძე.

ლელა დუმბაძე

<!** Image 1 align="left" alt="გია ემირიძე" sub="გია ემირიძე" width="200" height="500" >ბათუმში „ქართული ოცნების“  აქციას „ეროვნული ფორუმის“ ყოფილი წევრი გია ემირიძეც ესწრებოდა. „ბათუმელების“ გასულ ნომერში გამოქვეყნდა სტატია, სადაც საუბარი იყო იმის შესახებ, რომ გია ემირიძე  კენჭს იყრიდა კუკავს პარტიიდან  დაიქნებოდა ამ პარტიის  მაჟორიტარი დეპუტატობის კანდიდატი აჭარის უმაღლეს საბჭოს არჩვნებისთვის, ეს ინფორმაცია „ბათუმელებს“ თავისუფალი საქართველოს აჭარის რეგიონულ ორგანიზაციის  ოფისიდან მიაწოდეს.

აქციაზე გია ემირიძემ „ბათუმელებს“ განუცხადა, რომ  ის „ქართული ოცნების“ რიგით წევრად რჩება და კახა  კუკავასთან  მხოლოდ მეგობრობა აკავშირებს. „შესაძლებელია ამ პარტიას რაიმე გეგმები აქვს, მაგრამ  ჩემთან ამ გეგმების შესახებ არავის უსაუბრია“ -განაცხადა გია ემირიძემ.

ეროვნული ფორუმის ყოფილი წევრის, გია ემირიძის კანდიდატურა   აჭარაში „ქართული ოცნების “ ლიდერის პოზიციაზე განიხილებოდა.

4 აგვისტოს ბეშუმში ერთდროულად იმყოფებოდნენ საქართველოს პრეზიდენტი მიხეილ სააკაშვილი და „ქართული ოცნების” ლიდერი, ბიძინა იავნიშვილი. მათ მხარდამჭერებს შორის გამართული შეხლა-შემოხლის დროს ხელით შეეხნენ ჟურნალისტებს და შეეცადნენ მათთვის კამერების წართმევას.

 ბათუმში, პიაცას მოედანზე, სადაც ამჟამად  ვალერი მელაძის კონცერტი მიმდინარეობს, გაზეთ „ბათუმელების“ რეპორტიორს, მანანა ქველიაშვილს კონცერტის მსვლელობისას გადაღებული ფოტოები წაუშალეს, მათ შორის პიაცას უკანა მხრიდან შემოსული პრეზიდენტის და აჭარის მთავრობის თავმჯდომარის, ლევან ვარშალომიძის ფოტოები.

„როგორც კი მოვრჩი ფოტოგადაღებას და პრეზიდენტი მეორე სართულზე ავიდა, ჩემთან მოვიდა შავებში ჩაცმული ადამიანი, რომელიც გამეცნო როგორც პრეზიდენტის დაცვის წარმომადგენელი და დაჟინებით მომთხოვა ფოტოების წაშლა. შეკითხვაზე, რის საფუძველზე ითხოვდა ფოტოების წაშლას, ვერ მივიღე, მაგრამ იძულებული გავხდი ფოტოები წამეშალა.“   – ამბობს მანანა ქველიაშვილი.

ეს პირველი შემთხვევა არ არის, როდესაც „ბათუმელების“ ჟურნალისტებს პრეზიდენტის დაცვა ფოტოების წაშლას სთხოვს.

ვალერი მელაძემ ბათუმის პიაცაზე კონცერტის დაწყებამდე აღნიშნა, რომ სოციალურ ქსელებში გამოქვეყნებული ფოტოები, სადაც ვალერი მელაძესა და კახი კალაძეს ქართული ოცნების მაისურები აცვიათ, ნამდვილია, თუმცა ამას პოლიტიკური დატვირთვა არა აქვს.

„მაისური მეცვა, მაგრამ ეს მხოლოდ მეგობრული ჟესტი იყო და არ ნიშნავს, რომ პოლიტიკურ აქციებში ჩავებმები“ – განაცხადა მომღერალმა.

კონცერტს პიაცაზე საქართველოს პრეზიდენტი, მიხეილ სააკაშვილიც ესწრება.

მელაძის კონცერტს წარმოადგენს კომპანია “ორბი ჯგუფი”. აღნიშნული კომპანია აშენებს ბათუმში ახალ სასტუმრო-კომპლექსს, რომლის მშენებლობასაც დღეს, 2 აგვისტოს, საქართველოს პრეზიდენტმა მიხეილ სააკაშვილმა პირადად ჩაუყარა საფუძველი.

ბათუმში  მოქმედ ღამის კლუბებში შესასვლად მამაკაცებმა 10 ლარი უნდა გადაიხადონ, ქალებს კი, განსაკუთრებულ შემთხვევებს თუ გამოვრიცხავთ, კლუბებში მოხვედრა უფასოდ შეუძლიათ.