Batumelebi | Pussy Riot–ის სოლიდარობის აქცია ბათუმში Pussy Riot–ის სოლიდარობის აქცია ბათუმში – Batumelebi
RU | GE  

Pussy Riot–ის სოლიდარობის აქცია ბათუმში

დღეს, 22 აგვისტოს, საღამოს 8 საათზე ბათუმის ზღვისპირა პარკში გაიმართება პანკ–ჯგუფ Pussy Riot–ის წევრების მხარდამჭერი აქცია.
 

Pussy Riot–ის სოლიდარობის აქცია ბათუმის ბულვარში გაიმართება  – ინფორმაცია ამის შესახებ სოციალურ ქსელ ფეისბუქში ვრცელდება, სადაც ღონისძიების გვერდია შექმნილი. აქციის ორგანიზატორები ამბობენ, რომ ზღვის ნაპირას საჰაერო ფანრებს გაუშვებენ და ფლაერებს დაარიგებენ, რომ რაც შეიძლება მეტ ადამიანს მიაწოდონ ინფორმაცია იმის შესახებ, რომ პანკ-ჯგუფის წევრ გოგონებს უსამართლოდ მიუსაჯეს ორწლიანი პატიმრობა. 

 

Pussy Riot -ის წევრმა გოგონებმა  მოსკოვის მაცხოვრის ტაძარში აღავლინეს „პანკ-ლოცვა“ – „ღვთისმშობელო, განდევნე პუტინი“. ჯგუფის სამი წევრი დააკავეს და სასამართლომ ისინი დამნაშავედ ცნო. რამდენიმე დღის წინ გავრცელდა ინფორმაცია, რომ გოგონები შეწყალების თხოვნას არ აპირებენ, თუმცა მათი ადვოკატები საქმეს გაასაჩივრებენ. 

 

Pussy Riot -ის მხარდამჭერთა აქცია რამდენიმე ქალაქში გამართა. რამდენიმე დღის წინ მსგავსი აქცია გაიმართა თბილისშიც.  

 

აქცია ბათუმში ბულვარში, ნ.დუმბაძის​ ქუჩის გასწვრივ, სანაპირო ზოლზე გაიმართება.

 

 


ნეტგაზეთის მასალების სხვა გამოცემებში გადაბეჭდვის წესი
Nana Kvachadze