Batumelebi | მამაკაცებისთვის 10 ლარად, ქალებისთვის უფასოდ მამაკაცებისთვის 10 ლარად, ქალებისთვის უფასოდ – Batumelebi
RU | GE  

მამაკაცებისთვის 10 ლარად, ქალებისთვის უფასოდ

 

ბათუმში  მოქმედ ღამის კლუბებში შესასვლად მამაკაცებმა 10 ლარი უნდა გადაიხადონ, ქალებს კი, განსაკუთრებულ შემთხვევებს თუ გამოვრიცხავთ, კლუბებში მოხვედრა უფასოდ შეუძლიათ.

 კლუბ „საბლაიმის“ მენეჯერის რუსუდან თურქაძის თქმით  „კლუბურ სისტემაში ეს დამკვიდრებული წესია, რადგან კლუბში სადაც ქალი უფასოდ შედის და დიდ ხანს ჩერდება, მამაკაცები ამ კლუბში შესასვლელად ფულს იხდიან“. 

სამაგიეროდ ორივე მომხმარებელზე თანამბრად ვრცელდება ე.წ „ფეისკონტროლი,“ რაც იმას ნიშნავს, რომ ღამის კლუბში შესვლის მსურველს სათანადოდ უნდა ეცვას. მომხმარებელი სპორტული ტანსაცმელითა და შლოპანცებით კლუბში ვერ მოხვდება, თუმცა როგორც ზოგოერთი კლუბის მენეჯერი ამბობს,  „სპორტულ ტანსაცმელსა და შლოპანცებსაც გააჩნია.“ კლუბ „ბამბა რუმსის“ მენეჯერის თქმით შეიძლება შლოპანცი ეცვას, მაგრამ  ძალიან კარგად გამოიყურებოდეს. ამ შემთხვევაში მასზე შეზღუდვა არ გავრცელდება.

რაც შეეხება განსაკუთრებულ შემთხვევებს, როცა ღამის კლუბში შესვლა  ქალებისთვისაც ფასიანია,  ეს იმ  დღეებზე ვრცელდება, როცა კლუბს ცნობილი დიჯეი ჩამოჰყავს, ასეთ  შემთხვევაში  კლუბებში შესვლის ფასი 15 –დან 70 ლარამდე მერყეობს.

ბათუმში მოქმედი ღამის კლუბები მომხმარებელს ძირითადად კომერციულ მუსიკას სთავაზობს  „უფრო ხშირია ვოკალური ტრეკები,  არის რესტროს და პაპსას საღამოებიც.“ – ამბობს კლუბ „საბლაიმის“ მენეჯერი რუსუდან თურქაძე.

ნეტგაზეთის მასალების სხვა გამოცემებში გადაბეჭდვის წესი
netgazeti.ge