5 ოქტომბრიდან 9 ნოემბრის ჩათვლით ბათუმში მუსიკალური ფესტივალი „ბათუმური შემოდგომა“ გაიმართება. დღეს, 3 ოქტომბერს, ბათუმის მუსიკალურ ცენტრში გამართულ პრესკონფერენციაზე, იმ პრობლემებზე ისაუბრეს, რაც მსგავსი ტიპის ფესტივალების ჩატარებას ახლავს თან.
Author Archives: ბათუმელები
5 ოქტომბერს ფესტივალი „ბათუმური შემოდგომა“ იწყება
5 ოქტომბრიდან 9 ნოემბრის ჩათვლით ბათუმში მუსიკალური ფესტივალი „ბათუმური შემოდგომა“ გაიმართება. ფესტივალს 5 ოქტომბერს ახალგაზრდული მუსიკალური თეატრი გახსნის, ოთარ ქათამაძის საბავშვო მუსიკალური სპექტაკლით „სათამაშო ცხენი“. ასევე დაგეგმილია კლასიკური მუსიკის საღამოები და ზაზა მარჯანიშვილის საავტორო კონცერტი.
„ზღვა ბათუმშიც მუდამ შავია? თუ ხანდახან ლურჯი, ცისფერი ან მოვარდისფრო?“
<!** Image 1 align="left" alt="ციალა ქათამიძე" sub="ციალა ქათამიძე" width="300" height="510" >
ის ერთ პატარა სახლში, ლამაზ ქუჩაზე, მოლივლივე ზღვის სანაპიროზე დაიბადა… მას დიდხანს ელოდნენ და… ისიც გაჩნდა… დიდი ზღვისფერი თვალებითა და კულულა თმით… ბუნდოვნად ახსოვს ბავშვობა – ძმებთან ერთად ეზოში ფეხბურთის თამაში… ფიჭვნარში მოსეირნე დედ-მამა… საღამოს – ვახშამი ბებია-ბაბუასთან… პირველი ზღაპარი… პირველი წიგნი… მოგიზგიზე ბუხარი… ტალღებზე მოლივლივე თოლიები… ხმაურიანი ტალღები… ზღვა… ხან ლურჯი, ხან მოვარდისფრო, ხან ცისფერი… ხანაც, შავი ზღვა… სკოლა… პირველი ზარი… დედასთან განშორებით გამოწვეული პირველი ცრემლი… პირველი სიყვარული… ეს ყველაფერი მართალია, ძალიან ბუნდოვნადაა ჩარჩენილი მის მეხსიერებაში, მაგრამ ის გრძნობა, რაც მაშინ ჰქონდა, არასოდეს ტოვებს… ჰქონდა მთავარი – სულიერი სიმშვიდისა და სილაღის განცდა…
უცებ ყველაფერი ავტომატის და ქვემეხების ხმამ შთანთქა… მამა და ძმები სადღაც წავიდნენ… ირგვლივ ყველაფერს თითქოსდა შავი ფარდა გადაეფარა, ომის ფარდა… მას შემდეგ ზღვაც შავი ფერია… გამუდმებით…
როცა ძალიან უჭირს… ზღვის სანაპიროზე მიდის, გონებით ცდილობს დაუბრუნდეს იმ ვარდისფერ სამყაროს… მაგრამ არ გამოსდის… გაჰყურებს ზღვას… ის კი არც ვარდისფერია და არც ლურჯი… მას კვლავ შავი ფარდა გადაკვრია… შეჰყურებს ზღვისფერ სამყაროს, გაჰყურებს ტალღებს, ცას… მეორე ნაპირს… აინტერესებს: იქ, რა ფერია სამყარო… იქნებ იქ ზღვა ლურჯია… ან ცისფერი, ან სულაც მოვარდისფრო… ან იქნებ, იქაც შავია ზღვა… უნდა იცოდეს მაინც… თუმცა, ამაზე ფიქრიც კი აშინებს… არათუ, ამ ფიქრის ვინმესთვის გამხელა…
ეს ალისას ისტორიაა… თითქოსდა განსაკუთრებული არაფერია… უამრავი მსგავსი ისტორია გვაქვს მოსმენილი – ტელევიზიით, გაზეთით თუ პირად საუბრებში… იმ მომენტში გულდასმით ვუსმენთ, გვტკივა, განვიცდით, მაგრამ მალევე გვავიწყდება… მე კი ალისა და მისი ემოცია დღემდე ვერ დავივიწყე… ვერ დავივიწყე პატარა, მეოცნებე გოგონა… ლამაზ სამყაროზე მეოცნებე…
წლების წინ, ერთ-ერთი საერთაშორისო ორგანიზაციის პროექტის ფარგლებში მომეცა საშუალება, ვყოფილიყავი ძალიან საინტერესო და მნიშვნელოვანი პროცესის მონაწილე… ქართველი და აფხაზი ახალგაზრდები ერთობლივად ვსწავლობდით მოლდოვაში არსებულ ტერიტორიულ კონფლიქტს… მის გამომწვევ მიზეზებს და ერთად ვეძებდით გამოსავლის გზებს… ამ პროექტის ქვეტექსტი ალბათ, ყველასთვის ნათელია… აღარ ჩავუღრმავდები… უბრალოდ, ის მინდოდა მეთქვა, რომ ალისა იქ გავიცანი და პირველი კითხვა, რაც მან დამისვა იყო: „ზღვა ბათუმშიც მუდამ შავია? თუ ხანდახან ლურჯი, ცისფერი ან მოვარდისფრო?“. როცა ჩემს გაოცებულ სახეს შეხედა, მითხრა: ვხუმრობო. ჩვენი ურთიერთობის განმავლობაში არაერთხელ გამჩენია კითხვა: რას გულისხმობდა ალისა ზღვის ფერში?… მხოლოდ დამშვიდობების დღეს გავბედე მეკითხა… დღემდე ამაყი ვარ იმით, რომ ალისამ გამანდო მისი ოცნებები, გრძნობები, ინტერესი…
ის სოხუმის მახლობლად ერთ პატარა სახლში, ლამაზ ქუჩაზე, მოლივლივე ზღვის სანაპიროზე ცხოვრობს… და ზუსტად ისევე სტკივა, ისევე უხარია, ოცნებობს თუ დარდობს, როგორც მე… მე, რომელიც ბათუმში, ერთ პატარა სახლში, ლამაზ ქუჩაზე, მოლივლივე ზღვის სანაპიროზე ვცხოვრობ…
ომის, ქაღალდების, საქმეების, მოლაპარაკებების, კონფლიქტების, ბიუჯეტის, სტრატეგიების, კანონების, სხვა სიტყვებისა თუ ცნებების ქვეშ არის სხვა, უფრო მნიშვნელოვანი რამ, ეს – ადამიანები, ადამიანური ისტორიები, გრძნობები, ემოციები, მიზნები და ოცნებებია. საუკეთესო საშუალება კომუნიკაციის, სიძლიერის, ერთობის, განვითარების, წარმატების…
მას შემდეგ ვაკვირდები ტალღებს ინტერესით… წელიწადის ყოველ დროს… თითქოსდა ვამოწმებ, მეშინია რამე არ გამომეპაროს… ვაითუ ვერ დავიჭირო ფერთა გრადაცია… (ან – ვაითუ გამომრჩეს (ან/და ვაითუ დავკარგო) ფერთა გრადაცია… პოეტურად ჟღერს) არადა, ალისა ელოდება პასუხს კითხვაზე: „ზღვა ბათუმშიც მუდამ შავია? თუ ხანდახან ლურჯი, ცისფერი ან მოვარდისფრო?“
2013 წელი, 27 სექტემბერი
შესაძლებლობა მასწავლებლებისთვის
ბათუმის მასწავლებლის სახლის ძირითადი ფუნქცია მასწავლებელთა და სკოლის ადმინისტრაციის პროფესიული განვითარება-გადამზადება იქნება. მასწავლებლის სახლის ადგილობრივი ტრენერების მოსამზადებლად კონკურსი უკვე გამოცხადდა. ტრენერობის სურვილი 280-მა კანდიდატმა გამოთქვა. რეგიონში მასწავლებლის სახლის მნიშვნელობაზე, განვითარებასა და შესაძლებლობებზე „ბათუმელებს“ აჭარის განათლების ფონდის ხელმძღვანელი, ირაკლი თავბერიძე ესაუბრა:
<!** Image 1 align="left" alt="ირაკლი თავბერიძე" sub="ირაკლი თავბერიძე" width="300" height="576" >
უმაღლესი საბჭოს თანამშრომლები სასამართლო დაკითხვაზე
აჭარის უმაღლესი საბჭოს წინააღმდეგ საფო კობალაძის დღევანდელ სასამართლო პროცესზე მოწმეები დაიკითხნენ. საქმესთან მიმართებაში მოწმის სახით სასამართლომ უმაღლესი საბჭოს ხუთი თანამშრომელი – მარინა ბერიძე, პაატა კეშელავა, შალვა ჯინჭარაძე, აკაკი ბერიძე და თამარ წილოსანი დაკითხა. ორი მოწმე სასამართლო სხდომაზე არ გამოცხადდა.
მოწმეებმა განაცხადეს, რომ უმაღლეს საბჭოში მედეა ვასაძესა და სოფიო კობალაძეს შორის მომხდარი შელაპარაკების უშუალო თვითმხილველები არ არიან. თუმცა ესმოდათ სოფიო კობალაძე ხმამაღლა როგორ ესაუბრებოდა დეპუტატ მედეა ვასაძეს. ასევე ამბობენ, რომ მომხდარი ინციდენტის შესახებ წერილობითი ახსნა-განმარტება, ვინმესგან ზეწოლის გარეშე, ინდივიდუალურად ჩააბარეს.
საფო კობალაძე კი ყვება, რომ მედეა ვასაძე თვითონ უყვიროდა მას და ქალაქის დატოვინებითაც დაემუქრა. მისივე თქმით, ფაქტის შესახებ იქ მყოფმა ოცამდე თანამშრომელმა მაინც გაიგო.
მომჩივან მხარეს ეჭვი ეპარება მოწმეების სიმართლეში, რასაც საფო კობალაძის ადვოკატი ირაკლი შავაძე რამდენიმე გარემოებით ხსნის:
„მოწმეებმა თქვეს ერთმანეთის დაწერილი ახნა-განმარტებებით არ გვისარგებლიაო. თუმცა ახსა-განმარტების შესავალი და ბოლო ნაწილი არის იდენტური, სიტყვებიც კი არაა გადაადგილებული. მოწმეების ჩვენებათა გაზიარება არ შეიძლება, რადგან ნაწილი მათგანი არის მედეა ვასაძის ნათესავი; ნაწილი სამსახურეობრივად დაქვემდებარებული, რომლებიც თუკი სიმართლეს იტყვიან, აღმოჩნდებიან სოფიო კობალაძის მდგომარეობაში. შემიძლია ვთქვა, რომ სოფიო კობალაძის სამსახურიდან გათავისუფლება ემსახურებოდა ერთ მიზანს -უმაღლეს საბჭოში შეექმნათ ალიბი იმის საწინააღმდეგოდ, თუკი ჩემი მარწმუნებელი იტყოდა სიმართლეს დოდო დიასამიძის ცემის ფაქტთან დაკავშირებით, მათ ჰყოლოდათ მოწმეები, თითქოს სოფიო კობალაძე ემუქრებოდა მედეა ვასაძეს ჩვენების შეცვლით“.
კონფლიქტი უმაღლეს საბჭოსა და მის ყოფილ თანამშრომელს შორის, როგორც ეს უკანასკნელი ამბობს, მას შემდეგ დაიწყო, როცა დეპუტატსა და მოქალაქე დიანა (დოდო) დიასამიძის შორის მომხდარი ინციდენტის თვითმხილველმა საფო კობალაძემ აღიარა, რომ მედეა ვასაძემ ნამდვილად სცემა დიანა დიასამიძე და ნივთმტკიცების – მობილური ტელეფონის შეცვლა სთხოვა.
სასამართლოს მედეა ვასაძე პროცესში ჯერ არ ჩაურთავს. მის მოწმის სახით დაკითხვაზე მომჩივანი მხარე კვლავ აპირებს სასამრთლოს თხოვნით მიმართოს.
რაც შეეხება მესამე მხარედ ლია ვაჩეიშვილის ჩართვას, მან ისარგებლა უფელბით და უარი განაცხადა პროცესში მონაწილეობაზე. ლია ვაჩეიშვილი საფო კობალაძის ყოფილ თანამდებობას იკავებს.
მოსამართლე ეკატერინე ჯინჭველაშვილმა მომდევნო სასამართლო სხდომა 2013 წლის 9 ოქტომბერს 16:00 საათზე დანიშნა. შემდეგ პროცესზე, დღეს არ გამოცხადებულ მოწმეებს – ჟუჟუნა ცენტერაძესა და მანანა ფარტენაძეს დაკითხავენ.
საფო კობალაძე სამსახურში დაბრუნებას ითხოვს.
“არა ძალადობას” – აქცია ბათუმში
დღეს ბათუმში ძალადობასთან ბრძოლის საერთაშორისო დღესთან დაკავშირებით აქცია გაიმართა. აქციაში რომლის ორგანიზატორი ასკა – აჭარის სამოქალაქო კლუბების ალიანსი იყო, ბათუმის სხვადასხვა სკოლის მოსწავლეები მონაწილეობდნენ.
„ძალადობის წინააღმდეგ მებრძოლი მარიამ კოჩალიძე თავად ძალადობის მსხვერპლი გახდა,“ „ჩვენ ვგმობთ ძალადობას“, „არ გვინდა ვიყოთ ძალადობის მსხვერპლნი“ – ამ შინაარსის პლაკატებით აქციის მონაწილეებმა აბაშიძის ქუჩაზე მსვლელობა გამართეს და მარიამ კოჩალიძის მკვლელობა დაგმეს, რომელიც გასულ წელს მსგავსი აქციის ერთ-ერთი მონაწილე იყო.
„დღეს არის ძალადობასთან ბრძოლის საერთაშორისო დღეს, ამ აქციით ვგმობთ მარიამ კოჩალიძის მკვლელობას,“ – ამბობს აქციის ერთ-ერთი მონაწილე მირანდა ტაკიძე.
„მსგავს ამ აქციას ჩვენ ყოველი წლის 2 ოქტომბერს ვმართავთ. წინა წელს აქციის ერთ-ერთი აქტიური მონაწილე იყო მარიამ კოჩალიძე, რომელიც მოგეხსენებათ რომ გარდაიცვალა. დღევანდელი ჩვენი მთავარი მიზანი არის ის რომ კიდევ ერთხელ დავანახოთ საზოგადოებას რომ მარიამისმსგავსი აქტიური მოქალაქეები გვჭირდება. ძალადობამ არ უნდა შეიწიროს ადამიანი, მითუფრო ისეთი ადამიანი რომელსაც თვითონ ებრძვის ძალადობას,“ – განაცხადა აქციის ერთ-ერთმა ორგანიზატორიმა, ბათუმის განათლების განვითარებისა და დასაქმების ცენტრის წარმომადგენელმა გიორგი ქებულაძემ.
თვითნებურად შესახლებულთა სიებს არასამთავრობოები სწავლობენ
ხელვაჩაურის ყოფილ ე.წ. „#53-ე ბატალიონის“ ტერიტორიაზე თვითნებურად შესახლებულ სოციალურად დაუცველი მოსახლეობის და ეკომიგრანტების პრობლემებზე არასამთავრობო ორგანიზაციებმა 30 სექტემბერს საჯარო დისკუსია გამართეს.
დისკუსიაზე ახალგაზრდა მეცნიერთა კავშირმა „ინტელექტმა“, დემოკრატიის ინსტიტუტმა, საქართველოს ახალგაზრდა იურისტთა ასოციაციამ და „ბორჯღალმა“ სამთავრობო კომისიების მიერ დღემდე ჩატარებული კვლევის მონიტორინგი წარმოადგინეს, რომელსაც ახალგაზრდა მეცნიერებათა კავშირი „ინტელექტი“ და ასოციაცია „ბორჯღალი“ აწარმოებდა.
საპროცესო შეთანხმება „ლუხუმ კაპანაძის და სხვათა“ საქმეზე
4 წელი პირობითი მსჯავრი და 50 ათასი ლარის გადახდა დააკისრა მოსამართელე გოჩა ფუტკარაძემ „ბათუმის ქიმიურ ფარმაცევტული ქარხნის“ იაფად გაყიდვაში ბრალდებულ თამაზ მღებრიშვილს. ის 2006 წელს აჭარის ფინანსთა და ეკონომიკის მინისტრის მოადგილე იყო. ამ ქარხნის გაყიდვასთან დაკავშირებული საქმის მოსმენა ბათუმის სასამართლოში ისევ გრძლედება.
<!** Image 1 align="left" width="300" height="576" >
ხანდაზმულთა საერთაშორისო დღე
დღეს, ხანდაზმულთა პრობლემებისადმი მიძღვნილ საერთაშორისო დღეა. ამასთან დაკავშირებით, როგორც აჭარის ჯანდაცვის სამინისტროს პრესსამსახური იტყობინება, ჯანდაცვის სამინისტროს წარმომადგენლები მოხუცებულთა თავშესაფარს ეწვევიან.
პრესცენტრის ცნობით, ბათუმის მოხუცებულთა სახლს ჯანდაცვის მინისტრის მოადგილე ლევან გორგილაძე და „ჩემი ოჯახის კლინიკის“ წარმომადგენლები 12 საათისთვის ეწვევიან.
„სამინისტროსა და „ჩემი ოჯახის კლინიკის“ ერთობლივი საქველმოქმედო აქციის ფარგლებში ხანდაზმულებს უფასო გამოკვლევები 2 თვის წინ ჩაუტარდათ“, – ნათქვამია პრესრელიზში.
1 ოქტომბერი ხანდაზმულთა საერთაშორისო დღედ 1990 წელს ხანდაზმულთა პრობლემებისადმი მიძღვნილმა გაეროს მსოფლიო ასამბლეამ გამოაცხადა.
“ერთი ხე, ერთი სიცოცხლე” – აქცია ბათუმში
„ერთი ხე ერთი სიცოცხლე“ – ამ სახელწოდების აქცია დღეს ბათუმში არასამთავრობო სექტორის წარმომადგენლებმა გამართეს. აქციის მონაწილეები მწვანე საფარის განადგურებაზე მორატორიუმის გამოცხადების მოთხოვნას პეტიციაზე ხელმოწერით შეუერთდნენ.
„დღევანდელი აქცია თბილისში მიმდინარე აქციის პარალელურად იმართება. აქციის მიზანია რეკრეაციული ზონების გაზრდა ქალაქსა და რეგიონში. ხელს ვაწერთ პეტიციას, რომლის საფუძველზე უნდა მოხდეს მორატორიუმის გამოცხადება იმ ნებართვებზე, რომელიც გაცემული იქნა და რომელიც ხელყოფს ქალაქის რეკრეაციულ ზონას. სახელმწიფომ, როგორც თვითმმართველობის, ასევე ცენტრალურ დონეზე უნდა შეიმუშავოს მწვანე საფარის შენარჩუნება-განვითარების სტრატეგიის ეფექტური მექანიზმი,“ – განაცხადა სამოქალაქო საზოგადოების ინსტიტუტის ბათუმის ფილიალის წარმომადგენელმა ნათია აფხაზავამ.
“მოვითხოვთ, შეჩერდეს მწვანე საფარის განადგურება, გამწვანებული ტერიტორიების გასხვისება და მათზე სამშენებლო ნებართვების გაცემა, მოხდეს უკვე გაცემული ნებართვების მოქმედების შეჩერება საქართველოს მთელ ტერიტორიაზე და გამოცხადდეს მორატორიუმი, მანამ ადმინისტრაციულ ორგანოებთან არ შეიქმნება საზოგადოებრივი საბჭოები,”- ნათქვამია პეტიციის ტექსტში, რომელსაც დღეს ხელი ბათუმში მოაწერეს.
აჭარის ტელევიზიის მრჩეველთა საბჭოს წევრობის მსურველთა სია
აჭარის უმაღლესი საბჭოს ფეისბუქ-გვერდზე გამოქვეყნდა იმ პირთა სია, ვინც მონაწილეობას მიიღებს საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს – მრჩევლის წევრობის პოზიციაზე. კონკურსში მონაწილეობას სულ 34 პირი მიიღებს.
სია ასე გამოიყურება:
კეიპტაუნელი პროფესორის დანაშაული და სასჯელი
<!** Image 1 align="left" alt="ირაკლი ბაკურიძე, მარი კორინთელი " sub="ირაკლი ბაკურიძე, მარი კორინთელი " width="350" height="576" >დიდხანს ვფიქრობდით, რომელ წიგნზე დაგვეწერა პირველად, ბოლო პერიოდში გამომცემლობები გვანებივრებენ ახალი თარგმანებით და არჩევანის გაკეთება არც ისე ადვილია. ბევრი ფიქრის შემდეგ გადავწყვიტეთ, ჯონ მაქსველ კუტზეეს რომანის, „სირცხვილის“ შესახებ გიამბოთ, ორი მიზეზის გამო. პირველი ისაა, რომ კუტზეე, მიუხედავად მისი ნობელიანტობისა, შედარებით ნაკლებად პოპულარულია ქართველ მკითხველში. მეორე მიზეზი კი სამხრეთაფრიკული და ქართული საზოგადოების პრობლემების მსგავსებაში მდგომარეობს.
ჯონ ბენვილი ბათუმში „დიოგენესგან“
<!** Image 2 align="left" width="300" height="512" >
მაღაზია „წიგნები ბათუმში“ გამომცემლობა „დიოგენეს“ წიგნის პრეზენტაცია გაიმართა. გამომცემლობამ ამჯერად ირლანდიელი მწერლის ჯონ ბენვილის „ზღვა“ წარმოადგინა. ის სერიიდან „დიოგენეს ბიბლიოთეკა“ მეცხრამეტე წიგნია.
„ეს არის ამ ავტორის ერთგვარი დებიუტი ქართულ საგამომცემლო სივრცეში. ბენვილი თანამედროვე მნიშვნელოვანი ავტორია, ღრმა და პოეტური. ვფიქრობ, ბათუმელი მკითხველი იმსახურებს ამ შეთავაზებას, ამიტომაც ჩამოვედით დღეს აქ“, – ამბობს „დიოგენეს“ დირექტორი თამარ ლებანიძე. მისივე თქმით, კლასიკოსი მწერლების ეს სერია მანამდე გაგრძელდება, სანამ გამომცემლობა იარსებებს.
თარგმანი ზაზა ჭილაძის და გია ჭუმბურიძის მიერაა შესრულებული.
რედაქტორი ირმა ტაველიძე ავტორის განსაკუთრებულობად გასაგებ ენას, სიმსუბუქეს და რიტმულ თხრობას მიაჩნევს, რაც მკითველში საკუთარი თავის იდენტიფიცირებას იწვევს.
ჯონ ბენვილი თანამედროვე ირლანდიული ლიტერატურის ერთ-ერთი საუკეთესო წარმომადგენელია. „ზღვა“, რომელიც ავტორის მე-18 რომანია, მის ყველაზე ცნობილ წიგნად ითვლება. ამ წიგნისთვის 2005 წელს მწერალს ბუკერის პრემია მიენიჭა.
„დიოგენეს ბიბლიოთეკის“ მომდევნო წიგნად ინგლისელი მწერლის რადიარდ კიპლინგის რომანი „კიმი“ გამოიცემა.
მკითველებს ბენვილის „ზღვის“ შეძენა დღეიდან 9.90 ლარად შეეძლებათ.
<!** Image 1 align="left" alt="პრეზენტაციაზე" sub="პრეზენტაციაზე" width="300" height="512" >
არასამთავრობო წინასაარჩევნო დარღვევებზე
<!** Image 1 align="left" alt="დავით ბერიძე" sub="დავით ბერიძე" width="300" height="768" >
არასამთავრობო ორგანიზაციამ „სამოქალაქო აქტივობა და ჩართულობა“ სხვა უფლებადამცველ ორგანიზაციებთან ერთად დემოკრატიული ჩართულობის ცენტრში დისკუსია გამართა. მათ წინასაარჩევნო დარღვევებზე ისაუბრეს.
„სამოქალაქო აქტივობა და ჩართულობას“ თავმჯდომარემ, დავით ბერიძემ ერთი კვირის წინ მომხდარი ფაქტის შესახებ მოუთხრო დამსწრე საზოგადოებას. მონათხრობის მიხედვით დაბა ხელვაჩაურის საარჩევნო უბნებზე საარჩევნო კომისიის წევრობაზე 7 ადამიანს უსაფუძვლოდ უთხრეს უარი. გარდა ამისა, ის მუნიციპალიტეტში გამგებლების მასობრივ შეცვლას არჩევნების მოახლოებას უკავშირებს.
„დაბა ხელვაშაურის საარჩევნო უბნებზე „ქართულ ოცნებას“ შერჩეული ჰყავდა საუბნო საარჩევნო კომისიებისთვის კომისიის წევრები. 7 ადამიანს მიატანინეს ყველა ის საბუთი, რაც საუბნო საარჩევნო კომისიის წევრს მოეთხოვება. საუბნო საარჩევნო კომისიის გახსნამდე რამდენიმე დღე იყო დარჩენილი, რომ მათ კომისიის წევრობაზე უარი უთხრეს. შტაბში ასე განუმარტეს: ზემოდან არის დარეკილი, კონკრეტულად მურმან დუმბაძემ დარეკა – მე ჩემი ხალხი მჭირდებაო. რა თქმა უნდა, პარტიას აქვს ამის უფლება, მაგრამ მაშინ, როცა ამ ადამიანებს დრო აღარ ჰქონდათ სხვა პარტიიდან ყოფილიყვნენ კომისიაში წარდგენილი, ვფიქრობ, არასამართლიანია ასეთი ქმედება. ეჭვს იწვევს მურმან დუმბაძეს კარუსელის დატრიალება ხომ არ სურს?“
დისკუსიას „დემოკრატიული მოძრაობა საქართველოსთვის“ ბათუმის წინასაარჩევნო შტაბის წარმომადგენლებიც ესწრებოდნენ. პრეზიდენტობის კანდიდატ ნინო ბურჯანაძის წინასაარჩევნო შტაბის საზოგადოებასთან ურთიერთობის ხელმძღვანელმა, თამარ გუდავამ მათან მიმართებაში დარღვებზე ისაუბრა:
„წერილობით მივმართეთ ქალაქის მერიას, საკრებულოს, რომ განგვეთავსებინა სააგიტაციო ბანერები გარე განათების ბოძებზე, რა თქმა უნდა, საკრებულოს დადგენილების ნორმების მიხედვით. მივიღეთ აბსოლუტურად გაუგებარი პასუხი სადაც ეწერა, რომ მათ საჭიროდ არ მიაჩნიათ გამოყონ ადგილები ბანერების გასათავსებლად. სატელევიზიო ინტერვიუში კი საკრებულოს თავმჯდომარე ირაკლი ჩავლეიშვილმა ასეთი რამ განაცხადა – გარეგანათების ბოძები ვერ გაუძლებენ სარეკლამო ბანერებსო.
როგორც არასამთავრობოებმა გვირჩიეს, ვაპირებთ ცსკოში საჩივრის შეტანას, რადგან ის პასუხი, რომ გარეგანათების ბოძები ბანერებს ვერ გაუძლებენ, უსაფუძვლოა“.
რაც შეეხება შვიდ ადამიანს, რომელთაც კომისიის წევრობაზე უარი უთხრეს, დავით ბერიძე ამბობს, რომ იმათგან ერთ-ერთი უნდა მისულიყო „დემოკრატიული ჩართულობის ცენტრში“ გამართულ შეხვედრაზე, მაგრამ იმის გამო, რომ შტაბში ახლობელმა მიიწვია სამუშაოდ, დისკუსიაში ჩაბმისგან თავი შეიკავა.
არასამთავრობოები „ოცნების ქალაქში“ შესახლებულების შესახებ
<!** Image 1 align="left" alt="უკანონო დასახლება" sub="უკანონო დასახლება" width="300" height="576" >
დღეს, 13:00 საათზე, დემოკრატიული ჩართულობის ცენტრში დაიწყო ე.წ. „ოცნების ქალაქში“ უკანონოდ ჩასახლებულ მოსახლეობის სამთავრობო კომისიების მიერ ჩატარებული კვლევის მონიტორინგის პირველადი შედეგების პრეზენტაცია.
შეხვედრაზე წარმოდგენილი იქნა რემიგრირებულ ეკომიგრანტთა პრობლემების სატელეფონო კვლევის შედეგები.
როგორც ცნობილია, პირველი ოქტომბრის არჩევნების შემდეგ, ხელვაჩაურში, ყოფილი # 53 სატანკო ბატალიონის ტერიტორიაზე უკანონოდ შესახლდნენ რეგიონის სხვადასხვა სოფელში მცხოვრები სოციალურად დაუცველი ოჯახები, მათ შორის უკუმიგრირებული ეკომიგრანტები.
პრეზენტაციის შემდეგ დაგეგმილ დისკუსიაში მონაწილეობას იღებენ აჭარის ა.რ. მთავრობისა და სამოქალაქო სექტორის წარმომადგენლები, უკანონოდ განსახლებული სოციალურად დაუცველი მოქალაქეები და რემიგრირებული ეკომიგრანტები.
პრეზენტაციას წარმოადგინეს არასამთავრობო ორგანიზაციათა კოალიციამ: ახალგაზრდა მეცნიერთა კავშირი „ინტელექტი“, ასოციაცია „ბორჯღალი“, დემოკრატიის ინსტიტუტი და საქართველოს ახალგაზრდა იურისტთა ასოციაცია.
მონიტორინგი და კვლევა ჩატარდა პროექტის ფარგლებში – „აჭარის რეგიონში სოციალურად დაუცველთა და ეკომიგრანტთა განსახლების პროცესის მონიტორინგი“.
პროექტი ხორციელდება ევრაზიის განვითარების ფონდის მხარდაჭერით.
ადაპტირებული გარემო საარჩევნო უბნებზე
საარჩევნო სისტემის განვითარების, რეფორმებისა და სწავლების ცენტრის დაფინანსებული და ცენტრალური საარჩევნო კომისიის მიერ მხარდაჭერილი პროექტის ფარგლებში – „თანაბარი საარჩევნო გარემო-პირობების შექმნის ხელშეწყობა შეზღუდული შესაძლებლობების მქონე ადამიანებისთვის“, ბათუმის რუსთაველის უნივერსიტეტის სტუდენტებისთვის საინფორმაციო სემინარი გაიმართა.
თუ რატომ გახდა პრიორიტეტული სტუდნტების ინფორმირება, სემინარის ორგანიზატორი არასამთავრობო ორგანიზაცია – „კოალიცია დამოუკიდებელი ცხოვრებისათვის“, ხელმძღვანელი რატი იონათამოშვილი განმარტავს:
„სტუდენტები არის ის ძალა, ვისაც უნდა დაეყრდნოს ის ცვლილებები, რა ცვლილებების წინაშეც დღეს ვდგავართ, რომ იყოს საზოგადოების ცნობიერება ამაღლებული და ჩვენი უფლებების არ გათვალისწინება ან დარღვევა ვერავინ გაბედოს. ახლოვდება არჩევნები და გვინდა მაქსიმალურად აქტიურები ვიყოთ უნარშეზღუდული შესაძლებლობის მქონე ადამიანები. მოძრავი ყუთის მეშვეობით კი არა საარჩევნო უბანზე მისვლით ვიღებდეთ არჩევნებში მონაწილეობას. ეს არის ჩვენთვის პრინციპული ღირებულება“.
საარჩევნო სიმულაციამ სტუდენტებს აჩვენა თუ როგორ შეუძლია უსინათლოს, ეტლით მოსიარულეს საარჩევნო უბანზე მისვლით ხმის მიცემა დამოუკიდებლად. თუმცა ამისთვის, საჭიროა საარჩევნო უბანი უზრუნველყოფილი იყოს საარჩევნო პროცედურების ამსახველი სურდო-თარგმანითა და ეტლით მოსიარულე ამომრჩევლებისათვის ადაპტირებილი.
„თანაბარი საარჩევნო გარემო ნიშნავს იმას, რომ მათ სხვისი დახმარების გარეშე მიიღონ მონაწილეობა და არ დასჭირდეთ გადასატანი ყუთი…
ცესკოში შეზღუდული შესაძლებლობის მქონე პირთა სამუშაო ჯგუფი 2011 წლიდან არსებობს. მან შეიმუშავა 2012-2014 არჩევნების სამოქმედო გეგმა. ეტაპობრივად ვცდილობთ პრობლემურ საკითხებზე მუშაობას, ეს ეხება სმენადაქვეითებულ ამომრჩეველთა საარჩევნო პროცედურების ამსახველი სურდო-თარგმანით უზრუნველყოფას, ეტლით მოსიარულე ამომრჩევლებისათვის იდენტიფიცირებული საარჩევნო უბნების ადაპტირებას, ასევე მობილური ჯგუფებით ამომრჩეველთა მომსახურებას. ჩვენ უზრუნველვყოფთ კენჭისყრაში უსინათლოების დამოუკიდებლად მონაწილეობას“, – ამბობს ცესკოს კოორდინაციისა და მართვის დეპარტამენტის უფორსი სოფიო სიჭინავა.
ამჟამად არ არის ცნობილი რამდენი ადაპტირებული უბანი იქნება საქართველოში. სოფიო სიჭინავას თქმით, მოლაპარაკება მიმდინარეობს ინფრასტრუქტურის სამინისტროსთან. რვა ადაპტირებული საარჩევნო უბანს უშუალოდ სტუდენტები გააკეთებენ.
წელს 1500 ეტლით მოსიარულე გაიგებს თუ როგორ უნდა მიიღოს არჩევნებში მონაწილეობა, ხოლო 555 სმენადაქვეითებულ ადამიანის გადაეგზავნება SMS შეტყობინება საარჩევნო უბნებზე სურდო თარგმანის არსებობის შესახებ.
მსგავსი სიმულაციების ჩატარება სხვა ქალაქებში, ბათუმის შემდეგ კი თბილისშიც იგეგმება. აჭარის რეგიონში ეს ღონისძიება პირველად ჩატარდა.
ბათუმის უნივერსიტეტისთვის საინფორმაციო სემინარი – „სტუდენტების როლი და ინიციატივა თანაბარი არჩევნების უზრუნველყოფისათვის“, არასამთავრობო ორგანიზაცია „კოალიცია დამოუკიდებელი ცხოვრებისათვის“ ორგანიზებით გაიმართა.
სოციალურად დაუცველების გამაფრთხილებელი აქცია ბათუმში
მთავრობის სახლთან აქცია მიმდინარეობს. მასში სოციალურად დაუცველები იპოთეკით დაზარალებულები, უსახლკაროდ დარჩენილები, ხელვაჩაურში, ე. წ. 25-ე და 53 ბატალიონის ტერიტორიაზე მცხოვრები მოსახლეობა მონაწილეობს. თითოეული ჯგუფი ხელისუფლებისგან მათი პრობლემების მოგვარებას მოითხოვს. მათ ასევე შეუერთდნენ ეკომიგრანტები და საგზაო მშენებლობით დაზარალებული საჩინოს მოსახლეობა.
„ძეგლებით თამაში: სტალინი აქ და ამჟამად“ ბათუმში
ფოტო გამოფენა „ძეგლებით თამაში: სტალინი აქ და ამჟამად“ თბილისის შემდეგ ბათუმში გაიმართა. გამოფენის ფარგლებში საბჭოთა წარსულის გააზრებაზე შედგა დისკუსია, რომლის მომხსენებლებიც პუბლიცისტები გიორგი მაისურაძე და ლაშა ბაქრაძე იყვნენ.
საფო კობალაძის სასამართლო უმაღლესი საბჭოს წინააღმდეგ კვლავ გადაიდო
ბათუმის საქალაქო სასამართლოში უმაღლესი საბჭოს დეპუტატის, მედეა ვასაძის ყოფილი თანაშემწის, სოფიო კობალაძის სასამართლო გაიმართა. სოფიო კობალაძე უმაღლეს საბჭოს უკანონოდ გათავისუფლებაში ედავება. მოსამართლე ეკატერინე ჯინჭველაშვილმა საჭიროდ ცნო საქმეში მესამე პირის ჩართვა, რის გამოც პროცესი 2013 სლის 2 ოქტომბრისთვის გადაიდო. სასამართლო დისკუსიის ხანგრძლივობის გამო ვერც მოწმეების დაკითხვა მოესწრო.
პროცესის მსვლელობის დროს სოფიო კობალაძის ადვოკატმა ირაკლი შავაძემ დარბაზში ლია ვაჩეიშვილის ყოფნა გააპროტესტა, რომელსაც ამჟამად სოფიო კობალაძის ყოფილი თანამდებოდა უკავია. სწორედ ლია ვაჩეიშვილი გამოცხადდა საქმეში მესამე პირად. სასამართლო სხდომის დახურვის შემდეგ ირაკლი შავაძემ განაცხადა:
„მედეა ვასაძის თანაშემწე, რომელიც არ წარმოადგენდა აჭარის უმაღლეს საბჭოს, როგორც მხარეს, სამუშაო საათებში იმყოფებოდა სასამართლო სხდომაზე. ფაქტობრივად, დღეს ის აცდენდა სამუშაოს. რისთვის ვიხდით ჩვენ შემოსავლების ოც პროცენტს, იმიტომ რომ ქალბატონმა მედეამ მისი პირადი ინტერესებიდან გამომდინარე თანამშრომელი მოავლინოს სასამართლოში იმის გასაგებად, თუ ვინ რას იტყვის?“
ლია ვაჩეიშვილი სასამართლო პროცესს ბოლომდე ესწრებოდა. პროცესზე დასწრების მიზეზი ჟურნალისტებისთვის მას არ განუმარტავს.
სოფიო კობალაძის უფლებების დამცველები ირაკლი შავაძე და ადმინისტრაციულ საკითხებში უფლების დამცველი – საერთაშორისო გამჭვირვალობა საქართველოს წარმომადგენელი ჟანა ჩიქოვანი, საქმის ობიექტურად განხილვისთვის კვლავ ითხოვენ მოწმის სახით მედეა ვასაძის დაკითხვას.
როგორც მოსამართლე ამბობს, მხარეთა შორის შეთანხმების მიღწევა ნებისმიერ ეტაპზეა შესაძლებელი. ამ შემთხვევაში შეთანხმება ეხება მომჩივანი მხარის მოთხოვნას სამუშაოს აღდგენასა და გაცდენილი დროის ანაზღაურებას. 16 სექტემბერს გამართული სასამართლო სხდომაც მხარეთა შორის შეთანხმებას განიხილავდა, რაც დადებითად ვერ გადაწყდა. პროცესზე უმაღლესი საბჭოს დამცველმა მხარემ – გელა ღოღობერიძემ და კახაბერ კახიძემ მომჩივან მხარეს აცნობეს, რომ უმაღლეს საბჭოში ამჟამად თავისუფალი თანამდებობა არ არსებობს.
სოფიო კობალაძე მხარეთა შორის შეთანხმებაზე აცხადებს:
„დავთანხმდები თუ არა დაბალანაზღაურებად ხელფასზე, წინასწარ ვერაფერს გეტყვით, რადგან არ ვიცი რას შემომთავაზებენ. მე დავაფიქსირე წინა სხდომაზე, რომ იგივე ანაზღაურებად ნებისმიერ სხვა თანამდებობაზე ვიქნები თანახმა“.
კომენტარი არც უმაღლესი საბჭოს დამცველმა მხარემ გააკეთა.
სოფიო კობალაძე უმაღლესი საბჭოს დეპუტატის თანაშემწეობიდან 2013 წლის 7 ავვისტოს გაათავისუფლეს. ის დაკავებულ თანამდებობაზე, ხელფასის სახით, 2000 ლარს იღებდა.
ომით გაყოფილი საზოგადოება 20 წლის შემდეგ – „ბიოლის” ფონდის დისკუსია
დემოკრატიული ჩართულობის ცენტრში გამართული ჰაინრიხ ბიოლის ყოველთვიური საჯარო დისკუსია ამჯერად საქართველოს კონფლიქტებს მიეძღვნა. თემის ფარგლებში „ომით გაყოფილი საზოგადოება 20 წლის შემდეგ – სამშვიდობო პილიტიკა და შერიგების რესურსები“ დისკუსიის მომხსენებლებლად წარსდგნენ სახელმწიფო მინისტრი პაატა ზაქარეიშვილი და მშვიდობის, დემოკრატიის და განვითარების კავკასიური ინსტიტუტის თავმჯდომარე გია ნოდია. მათ კონფლიქტების მოგვარების ნაკლებად შედეგიან და ოპტიმალურ შესაძლებლობებზე ისაუბრეს.
საქველმოქმედო კონცერტი ბავშვების დასახმარებლად
ბათუმის სახელმწიფო მუსიკალურ ცენტრში საქველმოქმედო კონცერტი გაიმართა. ღონისძიება ბათუმში მცხოვრებ განსაკუთრებით საჭიროების მქონე 70 ბავშვს მიეძღვნა. მათ სხვადასხვა სახის საჩუქრები გადასცეს. პროექტი საერთაშორისო გაზეთი „კავკასუს თაიმსის“ და ფონდის „საქმიანი და წარმატებული ქალები ინკლუზიური განათლებისათვის“ ბათუმის საინიციატივო ჯგუფის ხელმძღვანელის ქეთევან ბალაძის მხარდაჭერით განხორციელდა.
დღეს “დავასუფთაოთ საქართველო” კამპანია დაიწყო
20-21-22 სეტემბერს მსოფლიოს მრავალ ქვეყანაში ტარდება დასუფთავების ყოველწლიური საერთაშორისო კამპანია – “დავასუფთაოთ მსოფლიო” (Clean Up the World), რომელიც 1992 წელს დაფუძნდა გაეროს გარემოსდაცვითი პროგრამის (UNEP) ინიციატივით.
არჩილ ხაბაძე ესპანელ ბიზნესმენებს შეხვდა
აჭარის მთავრობის თავმჯდომარემ ესპანელი ბიზნესმენების 15 კაციან დელეგაციას უმასპინძლა. შეხვედრა მთავრობის სახლში შედგა. არჩილ ხაბაძემ სტუმრებს საინვესტიციო გარემო და ტურისტული პოტენციალი წარუდგინა.
უმაღლესი საბჭოს ყოფილი წევრი აჭარის მთავრობას აკრიტიკებს
უმაღლესი საბჭოს ყოფილმა წევრმა ბეჟან გობაძემ დემოკრატიული ჩართულობის ცენტრში ბრიფინგი გამართა. ის აჭარის ტელევიზიაზე ცოტნე ანანიძის გადაცემა „სამართალი ხალხისთვის“ გამოეხმაურა, სადაც სტუმრად აჭარის მთავრობის თავმჯდომარე არჩილ ხაბაძე იყო მიწვეული. ბეჟან გობაძემ აჭარის თავმჯდომარის განცხადებებს „უხერხული“ უწოდა და აღნიშნა, რომ თუკი ხაბაძე წინა ხელისუფლების ხალხთან არაკომუნიკაბელურობაზე საუბრობს, ახლანდელი ხელისუფლებაც არანაკლებ დაშორებულია ხალხისგან:
ადვოკატი მთავარ პროკურორს მიმართავს
დღეს, „დემოკრატიული ჩართულობის ცენტრში“ გამართულ ბრიფინგზე ადვოკატმა ირაკლი შავაძემ 2013 წლის 13 სექტემბერს ბათუმში, სპეცოპერაციის შედეგად დაკავებული პირების, ფირუზ წულუკიძისა და თემურ ბახუნტარიძის მიმართ განხორციელებული არაადამიანური მოპყრობის ფაქტი გააპროტესტა.
ადვოკატის განცხადებით, აღნიშნული პირების დაკავების დროს ადგილი ჰქონდა დაკავებული პირების მიმართ ცემას და არაადამიანურ მოპრობას, რომელიც ირაკლი შავაძის განცხადებით, დასტურდება როგორც ბრალდებულების გარეგნული დათვალიერებით, ასევე სამედიცინო დოკუმენტებით.
სს „პოლიგრაფისტი“ სააღსრულებლო ბიურის წინააღმდეგ
გამომცემლობა „პოლიგრაფისტის“ დირექტორი ილია ქამადაძე აცხადებს, რომ აღსრულების ეროვნულმა ბიურომ, უკანონოდ დააყადაღა და შემდეგ გაასხვისა სააქციო საზოგადოების კუთვნილი ქონება. გამომცემლობის დირექტორი უნდობლობას უცხადებს სასამართლოსაც. იგი მოითხოვს, რომ პრობლემით დაინტერესდნენ ბიზნეს-ომბუდსმენი და საქართველოს იუსტიციის მინისტრი.
„ზე-კართან“
2013 წლის 20-22 სექტემბერს შუახევის მუნიციპალიტეტი უმასპინძლებს ლიტერატურულ ფესტივალს _ „ზე-კართან“. ფესტივალის ფარგლებში მუნიციპალიტეტს მწერლები და პოეტები ეწვევიან. დაგეგმილია ექსპედიციები შუახევში არსებულ ისტორიულ-კულტურულ ძეგლებსა და ადგილებში, შემდგომი ისტორიული ესეები, ლექსების, მოთხრობის, ნოველებისა და ჩანახატების შექმნის მიზნით. შექმნილი ნამუშევრები თავს მოიყრის სპეციალურ კრებულში.
<!** Image 1 align="left" width="300" height="600" >
პროექტი ასევე მოიცავს შეხვედრებს მწერლებსა და პოეტებთან, მათ შემოქმედებით საღამოებს მუნიციპალიტეტის სხვადასხვა თემში. ფესტივალის მიზანია შუახევში ლიტერატურული ფესტივალის დამკვიდრება და ახალგაზრდებში წიგნის პოპულარიზაცია.
დაინტერესებული პირებისთვის პროექტის ფარგლებში დაგეგმილი მარშრუტები ასე გამოიყურება: 1. ნიგაზეული – სელიმ ბეგ ხიმშიაშვილის ციხე 2. მარეთის ხეობა – მთისუბნის ციხე (დარჩიძეები) 3. ოქროპილაურის ციხე 4. ჭვანის ხეობა, ტაკიძეები (ოთოლთა) 5. ფურტიოს საჯაროს სკოლის მიმდებარე ტერიტორია, სადაც 2012 წლის აგვისტოში ადგილები არქეოლოგებმა შეისწავლეს. ამ მონაკვეთის გათხრის შედეგად ეკლესიის საძირკვლის ნაწილი, სამარხები, მოჭიქული თიხის ჭურჭელი, მონეტები, ფიალები და მრავალი სხვა ნივთი აღმოაჩინეს.
ლიტერატურული ფესტივალის განრიგი კი ასე გამოიყურება: პირველი დღე (20 სექტემბერი) 12:00 – სოფელ ფურტიოს თაღოვანი ხიდის მონახულება. 11:30 – სოფელ ფურტიოს ნაეკლესიარის მონახულება; 13:00 – ფურტიოს საჯარო სკოლის ეზოში პროექტის მონაწილეების შემოქმედებითი საღამო; 15:30 – სოფელ ნიგაზეულში სელიმ ბეგ ხიმშიაშვილის საფლავის მონახულება; 16:00 – სელიმის ციხის ტერიტორიაზე პროექტის მონაწილეების შემოქმედებითი საღამო.
21 სექტემბერი: 11:00 – გასვლა ჭვანის ხეობაში;
22 სექტემბერი: 11:00 – გასვლა მარეთის ხეობაში; 17:00 დაბა შუახევი, კულტურის ცენტრის ეზოში შემაჯამებელი ლიტერატურული საღამო და ადგილობრივი ანსამბლების – `შუახევისა~ და „ფესვების“ კონცერტი.
პროექტის მონაწილეები: 1. დავით თედორაძე (პოეტი), ბათუმი 2. ვახტანგ ღლონტი (პოეტი), ბათუმი 3. შოთა ზოიძე (პოეტი), ბათუმი 4. დათო ტურაშვილი (მწერალი), თბილისი 5. ლიკა ყიფშიძე (მწერალი), თბილისი 6. მინდია არაბული (პოეტი), თბილისი 7. ირაკლი შამათავა (პროზაიკოსი), თბილისი 8. როინ აბუსერიძე (პოეტი), ბათუმი 9. გენრი დოლიძე (პოეტი), ბათუმი 10. თორნიკე ჭელიძე (პოეტი), თბილისი 11. თამაზ მეტრეველი (მწერალი), თბილისი 12. მირიან გორგილაძე (პოეტი), ბათუმი 13. ცისანა ანთაძე (პოეტი), ბათუმი 14. ბელა ქებურია (პოეტი), ბათუმი 15. გიორგი ჭეიშვილი (პროზაიკოსი), ქუთაისი 16. ნიკა ფუტკარაძე (პოეტი), ბათუმი 17. ზურაბ ზოიძე (პოეტი), შუახევი. 18. ნინო გუგეშაშვილი (მწერალი), თბილისი 19. რამაზ სურმანიძე (მწერალი), ბათუმი 20. ემენ დავითაძე (მწერალი), ბათუმი 21. აჩი ბერიძე (პოეტი), ბათუმი 22. ნინო მოდრეკილაძე (პოეტი), თბილისი.
ღონისძიებები აჭარის ავტონომიური რესპუბლიკის განათლების, კულტურისა და სპორტის სამინისტროსა („თავისუფალი პროექტების ფარგლებში)“ და შუახევის გამგეობის ფინანსური მხარდაჭერით განხორციელდება.
პროექტის მედიაპარტნიორები არიან: აჭარის ტელევიზია, რადიო აჭარა, გაზეთები – „აჭარა“, „ბათუმელები“, „პრაიმტაიმი“. ლიტერატურული ფესტივალის – „ზე-კართან“ იდეის ავტორი და ორგანიზატორი გახლავართ მე, ვახტანგ ბერიძე, რეჟისორი. ფესტივალით დაინტერესებულ პირებს შეუძლიათ მომმართონ შემდეგ ტელეფონზე: 591 98 86 04.
კინო ღია ცის ქვეშ
ბათუმის საერთაშორისო კინოფესტივალის ფარგლებში, ბათუმში, ევროპის მოედანზე, ღია ცის ქვეშ ფილმების ჩვენება გაიმართება.
ავთანდილ ბერიძე ბათუმის კინოფესტივალზე
დღეს ბათუმის საავტორო კინოს მერვე საერთაშორისო ფესტივალი გაიხსნა.
ფესტივალი აჭარის უმაღლესი საბჭოს თავმჯდომარემ ავთანდილ ბერიძემ გახსნა. “კინო ჩვენი მოგონილია,” – განაცხადა უმაღლესი საბჭოს თავმჯდომარემ სიტყვით გამოსვლისას.
<!** Image 2 align="middle" width="600" height="2848" >
<!** Image 3 align="middle" width="600" height="2848" >
გადადუღებული პლასტელინით შესრულებული ფერწერული გამოფენა ბათუმში
კაფე „Mon Ami“-ში თბილისელი მხატვრის, დავით ქოიავას ფერწერულ ნამუშევართა გამოფენა გაიმართა სახელწოდებით – „ნუ გამოიგონებ, არამედ იპოვე და აღმოაჩინე“.
გამოფენა მხატვრის 22 ნამუშევარს მოიცავს და თავისი ექსპერიმენტულობით გამოირჩევა – ფერწერული ნამუშევრები გადამდნარი პლასტელინითაა შესრულებული. როგორც დავით ქოიავა ამბობს, ეს მისი ერთგვარი მიგნება იყო ახლის ძიების გზაზე:
„ფერწერა კია, მაგრამ ახალი ტექნიკით გავაკეთე. დიზაინერი ვარ. გამოყენებითი ხელოვნება დავამთავრე, ქსოვილის მიმართულებით, მაგრამ გადავწყვიტე ფერწერაში მემუშავა. დღეს ბევრი მხატვარია და რაღაც ახალი ტექნოლოგიით მინდოდა მუშაობა. მოვიფიქრე ასეთი რამ – გადავადუღე პლასტელინი და იქიდან ამოვიღე ფერი. ჩვეულებრივი საღებავისგან განსხვავება ისაა, რომ დაგრუნტვა არ სჭირდება და ფერს ინარჩუნებს“.
დავით ქოიავამ დღემდე სამი პერსონალური გამოფენა მოაწყო. ამჯერად ის თავისი ნამუშევრების გამოფენით ბათუმში პირველად იმყოფება.
დაინტერესებულ პირებს გადადუღებული პლასტელენით შესრულებული ფერწერული ნამუშევრების დათვალიერება18 სექტემბრამდე შეეძლებათ.
ფოტოები ავღანეთიდან
<!** Image 1 align="left" alt="ჯარისკაცები გამოფენაზე" sub="ჯარისკაცები გამოფენაზე" width="500" height="512" >
ბათუმში, ხარიტონ ახვლედიანის სახელობის მუზეუმში ავღანეთგამოვლილი სამხედროების ფოტოების გამოფენა მოეწყო. ფოტოებს თან ახლავს სამხედროების წერილებიდან ამონარიდები. სწორედ აქედან მომდინარეობს გამოფენის სახელწოდება „წერილები ავღანეთიდან“.
„იყო შემთხვევები, როდესაც ტერორისტებისგან ხის იარაღები ამოგვიღია, მეთაურები ურიგებენ და ეუბნებიან, რომ ეს არის სამოთხის გასაღები და თუ კოალიციის ჯარისკაცს მოკლავს, სამოთხეში მოხვდება“.
„ხშირად ბავშვები საკუთარი მამის მიერ დაგებულ ნაღმზე ფეთქდებიან. ისინი ჩვენს ბაზებზე მიგვყავს და სამედიცინო დახმარებას ვუწევთ ხოლმე“, – ეს არის ამონარიდები ჯარისკაცების წერილებიდან.
ბათუმამდე იგივე გამოფენა თბილისში საქართველოს პარლამენტის მხარდაჭერით ჩატარდა. ღონისძიების ორგანიზატორმა, სამხედრო ჟურნალისტმა და ომისა და სამხედრო ძალების ვეტერანმა ზაირა მიქატაძემ ღონისძიების მთავარ არსზე ისაუბრა:
„გამოფენა „წერილები ავღანეთიდან“ პირველად თბილისში გაიმართა. აქ წარმოდგენილია ქართველი მეომრების მიერ ავღანეთში გადაღებული ფოტოები, რომელიც თვითონ მომაწოდეს. დღევანდელი დღე მივუძღვენი ახლახან ქაბულიდან დაბრუნებულ ბათუმის ბატალიონს. ამ გამოფენის მთავარი მიზეზი იყო „ნიუ-იორკ თაიმსში“ ქართველი ჯარისკაცების რეპუტაციის შემლახავი სტატიის გამოქვეყნება. ფოტოებში მოცემულია არა მარტო ავღანელ მოსახლეობასთან ურთიერთობა, არამედ ჩვენი მეომრების ყოფა ცხოვრების ამსახველი ფოტოები, თუ როგორ ასრულებენ ისინი საერთაშორისო მისიაში თავიანთ მოვალეობას“.
<!** Image 2 align="left" width="300" height="768" >
„წერილები ავღანეთიდან“ ბათუმის მერიისა და უმაღლესი საბჭოს თანადგომით განხორციელდა. გამოფენის ორგანიზატორს სურს ქართველი ჯარისკაცების მხარდაჭერას მასშტაბური სახე მისცეს, რის გამოც ის თავდაცვის სამინისტროსთან შეთანხმებით ავღანეთში ჩასვლას და დოკუმენტური ფილმზე მუშაობას გეგმავს.
დღევანდელი ღონისძიებას ესწრებოდნენ ჯარისკაცები, ბათუმის მერიისა და უმაღლესი საბჭოს წარმომადგენლები. ისინი ახალსოფელში დაღუპულ ჯარისკაცის თემურ კახიძის საფლავს გვირგვინით შეამკობენ. მოგვიანებით კი სამხედროებს უმაღლეს საბჭოში უმასპინძლებენ.
არჩილ ხაბაძე ჟურნალისტის შეურაცხყოფაზე
აჭარის მთავრობის თავმჯდომარე ორი დღის წინ უმაღლესი საბჭოს აპარატის თანამშრომლის მიერ ჟურნალისტის შეურაცხყოფას გამოეხმაურა. განცხადების ტექსტს უცვლელად გთავაზობთ:
<!** Image 1 align="left" alt="არჩილ ხაბაძე" sub="არჩილ ხაბაძე" width="300" height="2848" >
„მინდა გამოვეხმაურო გუშინდელ მოვლენებს და აღვნიშნო, რომ ვგმობ საჯარო მოხელის მიერ ჟურნალისტების და სხვა მოქალაქეების მიმართ ნებისმიერი სახის შეურაცხმყოფელ განცხადებას. საჯარო მოხელეს აქვს თმენის ვალდებულება, ამიტომაც მისი ნებისმიერი სახის გამოხმაურება უნდა იყოს კორექტული.
დარწმუნებული ვარ უმაღლესი საბჭო სათანადოდ გამოიკვლევს გუშინ მომხდარ ინციდენტს და რეაგირებას მოახდენს. ასევე ვიმედოვნებ, რომ ეს ინციდენტი მოსახლეობის და მედიის მხრიდან არ იქნება აღქმული, როგორც ხელისუფლების არსებული დამოკიდებულება მათ მიმართ. კონკრეტული საჯარო მოხელის მხრიდან ღირსების შემლახავ საქციელს ჩვენი ხელისუფლება გმობს და ემიჯნება.
უმაღლესი საბჭოს პრესსამსახურის განცხადება ჟურნალისტის შეურაცხყოფის ფაქტზე
ორი დღის წინ აჭარის უმაღლესის საბჭოს თანამშრომლის, კობა ადეიშვილის მხრიდან ჟურნალისტრის შეურაცყოფის ფაქტზე აჭარის უმაღლესის საბჭოს პრესსამსახური განცხადებას ავრცელებს, რასაც უცვლელად ვაქვეყნებთ:
<!** Image 2 align="left" alt="მანანა მიქელაძე, უმაღლესი საბჭოს აპარატის პრესსამსახურის უფროსი სპეციალისტი" sub="მანანა მიქელაძე, უმაღლესი საბჭოს აპარატის პრესსამსახურის უფროსი სპეციალისტი" width="300" height="355" >
„გაზეთ “ბათუმელებში” (9-15 სექტემბერი) 34-ე ნომერში გამოქვეყნებულ სტატიას – “ვინ იზეიმა ბათუმობა 240 ათას ლარად” უმაღლესი საბჭოს პრესსამსახურის თანამშრომლის, კობა ადეიშვილის მხრიდან მოჰყვა სრულიად გაუმართლებელი და ჟურნალისტების მიმართ შეურაცხმყოფელი შეფასებები. ამას არა მარტო აღნიშნული გაზეთის, არამედ სხვა მედიასაშუალებების და არასამთავრობო ორგანიზაციების წარმომადგენლების მხრიდან შესაბამისი და მწვავე რეაქცია მოჰყვა, რაც “პრესკაფეში” 2013 წლის 11 სექტემბერს 14 საათზე გამართულ და ამ ფაქტისადმი მიძღვნილ შეხვედრაზეც ითქვა.
შეხვედრას ესწრებოდნენ ჟურნალისტები, არასამთავრობო ორგანიზაციების წარმომადგენლები და აჭარის უმაღლესი საბჭოს დეპუტატები.
მათ დაგმეს საჯარო მოხელის მხრიდან მედიის მისამართით ამ ფორმით გამოთქმული შეხედულებები და უმაღლესი საბჭოს ხელმძღვანელობის მხრიდან მოითხოვეს შესაბამისი რეაგირება.
მომხდართან დაკავშირებით აჭარის ავტონომიური რესპუბლიკის უმაღლესი საბჭოს პრესსამსახური გაცნობებთ, რომ პრესსამსახურის ხელმძღვანელმა მარინე კუპრეიშვილმა გუშინვე, დაახლოებით სამი საათისთვის, მოხსენებითი ბარათით მიმართა უმაღლესი საბჭოს თავმჯდომარეს ავთანდილ ბერიძეს და მოითხოვა ფაქტზე ადმინისტრაციული წარმოების დაწყება.
გუშინვე უმაღლესი საბჭოს თავმჯდომარის ბრძანებით, საკანონმდებლო ორგანოს აპარატმა დაიწყო ადმინისტრაციული მოკვლევა. ჩვენ ხელთ გვაქვს უმაღლესი საბჭოს აპარატის უფროსის, ბატონი რამაზ ბოლქვაძის შესაბამისი ბრძანება. გადაწყვეტილება და სამართლებრივი შეფასება საჯარო მოხელის ქმედებაზე მხოლოდ მოკვლევის დასრულების შემდეგ გახდება ცნობილი“.
უმაღლესი საბჭოს ჩინოვნიკი ჟურნალისტების წინააღმდეგ
დღეს ბათუმში, „პრესკაფეში“ შეკრებილმა ჟურნალისტებმა, არასამთავრობო ორგანიზაციების და საზოგადოების წარმომადგენლებმა აჭარის არ უმაღლესი საბჭოს აპარატის პრესსამსახურის თანამშრომლის მიერ, სოციალურ ქსელში გაზეთ „ბათუმელების“ მისამართით გამოთქმული უცენზურო განცხადებები და სიძულვილის ენა გააპროტესტეს.
<!** Image 4 align="middle" width="600" height="768" >
ქედას ახალი გამგებელი ჰყავს
ქედის მუნიციპალიტეტს ახალი გამგებელი ჰყავს. დღეს გამართულ საკრებულოს სხდომაზე გამგებლის ვაკანტურ თანამდებობაზე დავით დუმბაძე კონკურსის გამოცხადებამდე დაინიშნა, მის კანდიდატურას მხარი საკრებულოს 19 დეპუტატიდან, 16 დაუჭირა.
სამსახურიდან წასვლის იძულება – გადაღებულია ტელეფონით
ვიდეომასალაში ისმის – „თავმჯდომარე…“ „ბატონი ირაკლი ჭეიშვილი…“ ამ ორ მოხელეს აჭარის მთავრობიდან გურამ სალაძე ახსენებს. ვიდეოს მიხედვით, გურამ სალაძე თემურ ბერიძეს უხსნის, რომ მისი სამსახურიდან გაშვება არჩილ ხაბაძემ და ირაკლი ჭეიშვილმა დაავალეს. გურამ სალაძე და თემურ ბერიძე საარქივო სამმართველოში მუშაობენ. სალაძე არჩევნების შემდეგ დანიშნული უფროსია, ბერიძე კი – წინა ხელისუფლებიდან მოყოლებული მუშაობს არქივში. ვიდეომასალა „ბათუმელების“ რედაქციაში ინახება.
<!** Image 1 align="left" alt="თემურ ბერიძე" sub="თემურ ბერიძე" width="300" height="576" >