Batumelebi | ბათუმში ახალი არასამთავრობო დაფუძნდა ბათუმში ახალი არასამთავრობო დაფუძნდა – Batumelebi
RU | GE  

ბათუმში ახალი არასამთავრობო დაფუძნდა

 

დღეს ბათუმში ახალი  არასამთავრობო ორგანზაცია „ახალგაზრდები მომავლისათვის“ დაფუძნდა.  ორგანიზაციის დამფუძნებლები ბათუმის შოთა რუსთაველის სახელმწიფო უნივერსიტეტის სტუდენტები ნინო გალოგრე, თინათინ დუაშვილი და  გიორგი ანდღულაძე არიან. 

ორგანიზაციის ერთ-ერთი დამფუძნებლის, ნინო გალოგრეს განცხადებით, მათი პრიორიტეტი  ახალგაზრდების გააქტიურება და  მთავრობის მონიტორინგი იქნება.

„ვეცდებით, რომ ახალგაზრდები იყვნენ უფრო აქტიური,  როგორც საგანმანათლებლო პროექტებში ჩართულობით, ასევე, ზოგადად, რეგიონის პრობლემებზე მსჯელობით. ვეცდებით ალტერნატიული გზების მოძებნით გარკვეული პრობლემები გადავჭრათ. გვექნება სხვადასხვა პროექტი, რაღაც მონახაზები უკვე გვაქვს და იმედია განვავრცობთ ამ პროექტებს. ჩანაფიქრი გვაქვს, რომ  გავაკეთოთ აჭარის მასშტაბით დებატკლუბები, როგორც საჯარო სკოლების, ასევე უმაღლესი სასწავლებლების ჩართულობით,“ – ამბობს ნინო გალოგრე.

მისივე თქმით, ჯერჯერობით ორგანიზაციას ფინანსები არ აქვს, თუმცა აპირებენ სხვადასხვა პროექტის დაწერას და ახლადაფუძნებული ორგანიზაციის ფინანსურად გაძლიერებას.

ნეტგაზეთის მასალების სხვა გამოცემებში გადაბეჭდვის წესი
მანანა ქველიაშვილი