Batumelebi | ცოფის შემთხვევა ბათუმში ცოფის შემთხვევა ბათუმში – Batumelebi
RU | GE  

ცოფის შემთხვევა ბათუმში

 

ბათუმში მცხოვრები 44 წლის მამაკაცს ცოფის დიაგნოზი დაუსვეს. შემთხვევა გუშინ გამოვლინდა. მამაკაცი ბათუმის რეფერალურ საავადმყოფოში, შემდეგ კი თბილისის ინფექციურ საავადმყოფოში გადაიყვანეს. მამაკაცის თქმით, მას ორი თვის წინ ქუჩიდან აყვანილმა ძაღლმა უკბინა.

 

აჭარის საზოგადოებრივი ჯანდაცვის ცენტრის დირექტორი მარო ჩხაიძე ამბობს, რომ 2013 წელს ცოფის შემთხვევა მეორედ დაფიქსირდა. პირველი შემთხვევა სექტემბერში იყო, რომელიც სიცოცხლის დაკარგვით დასრულდა. ფატალურ შედეგს კი ის იძლევა, რომ ძაღლის კბენისას ადამიანები პროფილაქტიკისთვის არ მიმართავენ ექიმს.  

 

 

„პაციენტი სახის არეში იყო დაკაწრული. დაესვა კლინიკური დიაგნოზი. აღებულია ნიმუში, მოხდება ლაბორატორიულ  კვლევა. დაკბენის დროს მას არ მიუმართავს პროფილაქტიკური დაწესებულებებისთვის. წელს ცოფი მეორედ გამოვლინდა. ორივე შემთხვევაში პაციენტს არ მიუმთავს ექიმისთვის. მხოლოდ მაშინ მიმართეს ჰოსპიტალს, როცა სახეზე კლინიკური ნიშნები დადგა. მინდა მოსახლეობას მივმართო: ნებისმიერი ცოფზე საეჭვო ცხოველისაგან დაკბენის, დადორბლვის შემთხვევაში აუცილებლად უნდა ჩაიტარონ პროფილაქტიკური მკურნალობა“.

 

 

ცოფი მწვავე ვირუსული ინფექციაა, რომელიც ლეტალური შედეგით მთავრდება. მსოფლიოში ამ დაავადებისგან ყოველწლიურად 55000-ზე მეტი ადამინი იღუპება.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი