Batumelebi | ამხანაგური მატჩი აშშ-ს საზღვაო ძალების ეკიპაჟთან ქართველების გამარჯვებით დასრულდა ამხანაგური მატჩი აშშ-ს საზღვაო ძალების ეკიპაჟთან ქართველების გამარჯვებით დასრულდა – Batumelebi
RU | GE  

ამხანაგური მატჩი აშშ-ს საზღვაო ძალების ეკიპაჟთან ქართველების გამარჯვებით დასრულდა

 

ბათუმში დღეს აშშ-ის საზღვაო ძალების ხომალდის “მაუნთ უითნის”  ეკიპაჟის წევრებსა და საქართველოს სანაპირო დაცვის თანამშრომლებს შორის  ფეხბურთში ამხანაგური მატჩი გაიმართა.  

„ბათუმის პორტში იმყოფება ამერიკის სამხედრო ხომალდი. სამი დღის განმავლობაში დაგეგმილია სხვადასხვა ღონისძიებები. ერთ-ერთი ღონისძიება არის  სპორტული  ღონისძიება. ამხანაგური მატჩი  ძალიან საინტერესოდ  და დაძაბულად მიმდინარეობს,“ – განაცხადა  სანაპირო დაცვის დეპარტამენტის მეორე რანგის კაპიტანმა მერაბ კვაჭაძემ ჟურნალისტებთან საუბრისას.

„გვიხარია რომ თქვენ ქალაქში ვართ. მადლობლები ვართ რომ გვმასპინძლობთ. ეს თამაში   თქვენს ბიჭებთან, სანაპირო დაცვის წარმომადგენლებთან იმართება, როგორც ვამჩნევთ თქვენგან ფეხბურთში ბევრი რამ უნდა ვისწავლოთ,“ – განაცხადა ამხანაგური მატჩის მონაწილე ტედ ვერონესმა.

ამხანაგური მატჩი სანაპირო დაცვის თანამშრომლების  გამარჯვებით დასრულდა, ანგარიშით 4:0.

ამერიკული სამხედრო ხომალდი საქართველოს გეგმიური საპორტო ვიზიტით 11 ნოემბერს ეწვია. ვიზიტის ფარგლებში საქართველოს სანაპირო დაცვასთან ერთობლივი წვრთნებიც ჩატარდება.

ნეტგაზეთის მასალების სხვა გამოცემებში გადაბეჭდვის წესი
მანანა ქველიაშვილი