ბათუმელები
ბათუმის სამშობიარო სახლის დირექტორად, ერთი წლის ვადით, მეან-გინეკოლოგი ლევან (ნუკრი) ბეჟანიძე აირჩიეს. ახალმა დირექტორმა თავის ოპონენტს ნანა ანანიძეს ხმათა ორი მესამედით მოუგო. იმის შესახებ, თუ რა სირთულეების წინაშე დგას დღეს ბათუმის სამშობიარო სახლი და რა სიახლეები იგეგმება მიმდინარე წელს, „ბათუმელებს“ ნუკრი ბეჟანიძე ესაუბრა.
ორგანიზაცია “თავისუფალ ჟურნალისტთა სახლის” ორგანიზებითა და NED-ის მხარდაჭერით აჭარის მუნიციპალიტეტებში (ხელვაჩაური, ქობულეთი, ქედა, შუახევი, ხულო) მოსახლეობასთან შეხვედრები იმართება. შეხვედრებზე დისკუსიის ფორმატში მსჯელობენ საქართველო-ევროკავშირს შორის დადებულ ასოცირების ხელშეკრულებაზე და დემოკრატიულ ღირებულებებზე.
1 ნოემბერს ექსპერტი ვანო ჩხიკვაძე და “თავისუფალ ჟურნალისტთა სახლის” ხელმძღვანელი ასლან ჭანიძე, ხულოს მუნიციპალიტეტში, სოფელ ღურტაში იმყოფებოდნენ, სადაც ადგილობრივ მოსახლეობას შეხვდნენ. შეხვედრაზე ისაუბრეს ვიზების ლიბერალიზაციაზე, ევროკავშირთან სავაჭრო ურთიერთობებზე, იმაზე თუ რა სარგებელს მოუტანს ასოცირების ხელშეკრულება საქართველოს ეკონომიური თვალსაზრისით და როგორ აისახება ეს თითოეულ მოქალაქეზე.
ინტერვიუ სათაურით “როგორ აისახება ევროკავშირთან ასოცირება საქართველოზე” – შეგიძლია წაიკითხოთ ხვალ, 10 ნოემბერს, “გაზეთ ბათუმელებში”.
მერი თევთიძე 80 წელს მიღწეული, ენერგიული ქალია. „სწავლაზე ვგიჟდებოდი, მაგრამ სტალინმა ჯერ ყმაწვილქალობა გამატარებინა მძიმე შრომასა და ტანჯვაში, შემდეგ კი – მთელი ცხოვრება“, – გვეუბნება ის. მასწავლებლის მიერ ნაჩუქარი მათემატიკა ტაშკენტამდე გულში ჩაკრული ატარა, „ერთხელ არ გამიშვია ხელიდან“. რეპრესიებმა დააშორა მის საყვარელ ცხოველებს – „ვარსკვლავას“, „სანთელას“ და „გუზელს“, რომლებსაც მხოლოდ თვითონ მწყემსავდა. ექვსი წლის გოგონა მხოლოდ ცხარე ცრემლების შემდეგ შეელია გრძელ ნაწნავებს, რომელსაც რუდუნებით უვლიდა სამშობლოში, გადასახლებაში კი უწყლობის გამო შეკრიჭეს“.
მარნეული
ბათუმში ლონდონისთვის დამახასიათებელი წითელი სატელეფონო ჯიხური დაიდგა. ჯიხური რუსთაველის ქუჩაზე, ბარბარეს ეკლესიის მიმდებარე ტერიტორიაზე მდებარეობს, ამ ტერიტორიას დღეს ლონდონის სკვერი უწოდეს.
ბათუმში, მრავალსართულიან კორპუსებთან, სულ 152 საბავშვო ატრაქციონია განთავსებული. თუმცა იმის გამო, რომ მათი დიდი ნაწილი დაზიანებულია, ბავშვები მათ გამოყენებას ვერ ახერხებენ და თამაშისას ზიანდებიან კიდეც.
ბათუმის მერიამ იაფი სახლის მშენებლობის შესახებ ინფორმაცია ჯერ კიდევ გასულ წელს გააჟღერა, თუმცა პროექტის განხორციელებაზე ამ დრომდე არაფერი იყო გარკვეული. მერიაში იაფი სახლის თაობაზე უკვე 2 000-მდე განცხადებაა შესული. აპირებს თუ არა თვითმმართველობა 2015 წელს „იაფი სახლის“ მშენებლობის დაწყებას და ვის შეიძლება გადაეცეს ბინები? „ბათუმელების“ კითხვებს „იაფ სახლთან“ დაკავშირებით ვიცე-მერმა ზურაბ ბერიძემ უპასუხა.
თამარ ხიტირი 23 წლისაა, თუმცა ამბობს, რომ 15 წლიდან პედაგოგიურ საქმიანობას ეწევა, ახლა დოქტორანტია და უკვე კითხულობს ლექციებს ბათუმის სახელმწიფო უნივერსიტეტში. ახლო წარსულში აჭარის განათლების სამინისტროს პიარსამსახურში მუშაობდა, ახლა ბათუმის საკრებულოს ფრაქციაში მუშაობს. ხუთი წლიდან სწავლობს უცხო ენებს, იცის რვა ენა და აქვს უამრავი ჰობი. აქვს არარეალური ოცნებებიც, უნდა რომ შეეძლოს ფრენა, ამბობს, ასე რომ იყოს, არ ივლიდა, მხოლოდ იფრენდა.
ბათუმში, წმ. ბარბარეს ეკლესიის მიმდებარე ტერიტორიაზე მდებარე სკვერს დღეიდან ლონდონის სკვერი ეწოდება.
ბათუმში, ძველი ბათუმის ტერიტორიაზე დეკორატიულ ურნებში ჩამაგრებულ რკინის ვედროებს იპარავენ.
თუ თქვენ „ბათუმველოს“ მომხმარებელი ხართ, შეგიძლიათ მონაწილეობა მიიღოთ კონკურსში, რომელის შპს „ბათუმის ავტოტრანსპორტმა“ გამოაცხადა. კონკურსში მონაწილეობის მსურველებმა უნდა გადაიღონ ბათუმველოს ფოტო – ტერმინალი, „ბათუმველოს“ მომხმარებელი ან ე.წ. სელფი, ატვირთონ facebook-ის ბათუმველოს გვერდზე და მონიშნონ „ბათუმველო“.
აჭარის მაღალმთიანეთში გაუდაბნოების პროცესია დაწყებული. ტყის ფართობი მცირდება, ალპური ზონა კი, იზრდება. როგორც სპეციალისტები ამბობენ, ამის მიზეზი ერთი მხრივ, ანთროპოგენული ზემოქმედება (ამ შემთხვევაში უსისტემო ძოვება) და მეორე მხრივ, კლიმატის ცვლილებაა.
8 ნოემბერს, შაბათს, 13:00 საათზე, ბათუმის სახელმწიფო უნივერსიტეტში, 55-ე საკონფერენციო დარბაზში დამოუკიდებელი სტუდენტური მოძრაობა “ალტერნატივას“ ორგანიზებით გაიმართება შეხვედრა თემაზე: „2007 წლის 8 ნოემბერის ბათუმის სახელმწიფო უნივერსიტეტის დარბევა”.
7 ნოემბერს ბათუმის სახელმწიფო უნივერსიტეტში ლექციების კურსის – “ვის ეშინია ფემინიზმის?” ფარგლებში, გენდერის სპეციალისტმა, დრამატურგმა დავით გაბუნიამ ლექცია წაიკითხა. ლექციის თემაა: “სად არიან გენიოსი ქალები ხელოვნებაში?”
დღეს, 7 ნოემბერს, ბათუმში, აჭარის მთავრობის ადმინისტრაციული შენობის წინ აქცია გაიმართა, სადაც აქციის მონაწილეები ქობულეთში არსებული მუსლიმური პანსიონატის გახსნასთან დაკავშირებული საკითხის განხილვის ითხოვდნენ.
ჰიგიენური საშუალებები და სხვა საყოფაცხოვრებო ნივთები სექტემბრის თვეში უხვი ნალექის მოსვლის შედეგად დაზარალებული მოსახლეობისთვის წითელი ჯვრის საზოგადოებამ გამოყო.
2014 წლის ნოემბერში ბათუმში ენდოკრინოლოგიის ეროვნული ინსტიტუტის – ელენე გიორგაძის კლინიკის ფილიალი გაიხსნება კომპლექს „მაგნოლიაში“ – ამის შესახებ 6 ნოემბერს, საზოგადოებრივ აკადემია „BPA“-ში ჩატარებული მასტერკლასის შემდეგ ენდოკრინოლოგმა ლაშა უჩავამ განაცხადა. მან ბათუმში მასტერკლასი ჩაატარა თემაზე – „სიმსუქნე -კოსმეტიკური პრობლემაა თუ ქრონიკული დაავადება“.
დღეს, 7 ნოემბერს, რევოლუციის დღესთან დაკავშირებით, საქართველოს ერთიანმა კომუნისტურმა პარტიამ მთავრობის სახლთან აქცია გამართა.
ხალხისთვის სასარგებლო კანონპროექტების მიღება, ასევე რეგიონის ბიუჯეტის, ანუ ხალხის ფულის ხარჯვის და მისი განმკარგავი ორგანიზაციების კონტროლი უმაღლესი საბჭოს პრეროგატივაა. როგორ ართმევს თავს რეგიონის საკანონმდებლო ორგანო მოვალეობებს და განსხვავდება თუ არა წინა მოწვევის უმაღლესი საბჭოსგან. ამ ყველაფერზე ვიცე-სპიკერმა დავით ბაციკაძემ ისაუბრა.
საგზაო ინფრასტრუქტურა, ზოგადი პროფესიული და უმაღლესი განათლება, ჯანმრთელობის დაცვა, სპორტი, კულტურა, ტურიზმი, სოფლის მეურნეობა და გარემოს დაცვა _ ასე გადაანაწილა პრიორიტეტები აჭარის მთავრობამ 2015 წლისთვის. ბიუჯეტის პროექტი აჭარის მთავრობამ უკვე განიხილა, ახლა ჯერი უმაღლეს საბჭოზეა.
ბათუმის “დინამომ” თბილისის “დინამო” 1:0 დაამარცხა. მატჩის განმავლობაში ერთადერთი გოლი ავტორი გელა გოგიტიძე გახდა, რომელმაც თამაშის დაწყებიდან მესამე წუთზე გაიტანა მოწინააღმდეგის კარში.
მატჩი თბილისში დინამო არენაზე გაიმართა.
შეგახსენებთ რომ სატურნირო ცხრილში თბილისის “დინამოს” 26 ქულით პირველი პოზიცია ეკავა, ბათუმის “დინამო” კი -14 ქულით მეთერთმეტე ადგილზე იმყოფებოდა.
მეოთხე „24-საათიანი, ექსპერიმენტული თეატრის ფესტივალი“, რომელიც ქალაქ ფოთში იმართებოდა, დასრულდა.
ფესტივალის წესების მიხედვით, შერჩეულ ხუთ დრამატურგს, ხუთ რეჟისორს და ხუთ მხატვარს მხოლოდ 24- საათი ჰქონდათ ხუთი მოკლე პიესის შესაქმნელად და სპექტაკლების-პერფორმანსების დასადგმელად. სპექტაკლების წარდგენის შემდეგ ჟიურიმ საუკეთესოები გამოავლინა.
ქირავდება 3 სართულიანი სახლის პირველი და მეორე სართული ზღვასთან ახლოს, ახალ ბულვართან.
<!** Image 1 align="left" width="300" height="1536" >
ბათუმის საკრებულოს ინფრასტურქტურის განვითარების კომისიამ დღეს. 6 ნოემბერს, 5 საკითხი განიხილა. კომისიის წევრებმა, 2014 წლის კომუნალური ინფრასტრუქტურისა და ქალაქის კეთილმოწყობის პროგრამებში შესატანი ცვლილებების შესახებ დეტალური ინფორმაცია მერიის კეთილმოწყობის სამსახურის უფროსისგან მიიღეს.
ქალაქ ბათუმში, ძველი ბათუმის ტერიტორიაზე, მელაშვილის ქუჩაზე, ახალ აშენებულ სახლში იყიდება ოროთახიანი გარემონტებული ბინა, 50 კვ/მ ფართობი. ფასი : 50000 ათასი აშშ დოლარი. ID 3206
მობ.: 593 44 24 08
577 07 11 85
ნოემბრის თვეში ხელვაჩაურის მუნიციპალიტეტის სხვადასხვა სოფელში 36 მეწყრული კერა გაჩნდა. განსაკუთრებით მძიმე მდოგმარეობა იყო სოფელ წინსვლაში, საიდანაც ერთი ოჯახის სხვაგან გადაყვანა გახდა საჭირო.
ქალაქ ბათუმში, 31 დეკემბრის ქუჩაზე იყიდება ორ სართული სახლი, პატარა ეზოთი. ფასი 20 ათასი აშშ დოლარი
მობ.: 555 126912; ხათუნა
ქობულეთის მუნიციპალიტეტში სოციალურად დაუცველი ოჯახების ხელშეწყობის მიზნით „სოციალურად დაუცველი ოჯახების გაზიფიცირების“ პროგრამა ამოქმედდა.
მიზნობრივი პროგრამა სოციალურად დაუცველი ოჯახების ბაზაში 0-დან 57 000-მდე სარეიტინგო ქულით დარეგისტრირებული ოჯახების გაზიფიცირებას ითვალისწინებს, რაც გულისხმობს ბუნებრივი აირის გაყვანილობასა და მრიცხველის სამონტაჟო ღირებულების ერთი წერტილის დაფინანსებას.
პროგრამაში ჩართვის მსურველებმა ქობულეთის გამგეობაში უნდა წარადგინონ პირადობის დამდასტურებელი მოწმობის ასლი, განცხადება და ამონაწერი სოციალური სააგენტოდან. მიზნობრივი პროგრამებისთვის მიმდინარე წელს 18 ათასი ლარია გათვალისწინებული. ქობულეთის გამგეობის საზოგადოებასთან და მასმედიასთან ურთიერთობის მთავარი სპეციალისტის, მანონი შავიშვილის თქმით „ეს პროექტი მომავალი წლისთვისაც იგეგმება, რა თანხა გამოიყოფა მომავალი წლისთვის ჯერ-ჯერობით ვერ გეტყვით, მიმდინარეობს ბიუჯეტის დაგეგმარება“.
პროექტი გამგეობის ჯანმრთელობისა და სოციალური დაცვის სამსახურის მიზნობრივი პროგრამების ფარგლებში ხორციელდება.
2014 წლის იანვარ-ივნისში საქართველოში საპატრულო პოლიციის დეპარტამენტისა და შსს სამხარეო მთავარი სამმართველოების მიერ რეგისტრირებულია თბილისში – 1246, მცხეთაში – 75, შიდა ქართლში – 185, სამცხე-ჯავახეთში – 65, აჭარაში – 197, გურიაში – 16 ავტოსაგზაო შემთხვევა.
ამავე პერიოდში შს სამინისტროს ცნობით, რეგისტრირებულია თბილისში – 46, მცხეთაში – 7, შიდა ქართლში – 22, სამცხე-ჯავახეთში – 3; აჭარაში – 11, გურიაში – 2 გარდაცვლილი პირი.
საგზაო-სატრანსპორტო შემთხვევების დროს სულ დაშავებულია 3251 პირი, გარდაცვლილია 145 პირი, მათ შორის რეგისტრირებულია თბილისში – 1609, მცხეთაში – 126, შიდა ქართლში – 306, სამცხე-ჯავახეთში – 134; აჭარაში – 272; გურიაში 24 დაშავებული პირი. გარდაცვლილთა შორისაა 63 ქვეითი. სატრანსპორტო შემთხვევების დროს 904 ქვეითი დაშავდა.
რაც შეეხება სხვა სტატისტიკას, განზრახ მკვლელობის მუხლით 2014 წლის იანვრიდან ივნისამდე 55 ფაქტზე დაიწყო ძიება (სისხლის სამართლის კოდექსის 108-ე მუხლი). შს სამინისტროს ცნობით, აქედან 49 საქმე უკვე გახსნილია. პოლიციამ მკვლელობის მცდელობის 62 ფაქტზე დაიწყო გამოძიება; ასევე შსს ცნობით, 59 საქმე გაიხსნა.
ამავე პერიოდში ოჯახური ძალადობის 309 ფაქტია რეგისტრირებული, აქედან, სამინისტროს ინფორმაციით, 216 საქმე უკვე გახსნილია. გაუპატიურების 23 ფაქტიდან გახსნილი მხოლოდ 10 საქმეა.
ტრეფიკინგის არც ერთ ფაქტზე არ დაწყებულა გამოძიება. მძევლად ხელში ჩაგდების ოთხი ფაქტიდან ორია გახსნილი.
„ინგლისური უნდა ვისწავლო!“ – ასე იწყებს ხოლმე ყოველი იმედგაცრუების თუ ჩავარდნილი პროექტის შემდეგ ჩემი მეგობარი ცვლილებების გატარებას. ენის სწავლის მოტივაცია, როგორც წესი, რამდენიმე კვირას მიჰყვება და შემდეგ ისევ საწყის მდგომარეობაში ბრუნდება. კერძო გაკვეთილები მასწავლებელთან, უცხო ენის შემსწავლელ კურსებზე სიარული – სოფო წლებია უცხო ენის სწავლას სხვადასხვა გზით ცდილობს, თუმცა სრულყოფილად დღემდე არ იცის.
მაჭახლის ხეობაში, დაახლოებით ორი საათის წინ, თურქეთის მხარეს არსებული მაჭახლისპირა ერთ-ერთი სოფლიდან რეანომობილმა მშობიარე ქალი ბათუმში გადმოიყვანა. ექიმებმა მშობიარის გადაყვანა თურქეთის საავადმყოფოში დიდთოვლობის გამო ვერ შეძლეს. ამ დროსითვის თურქეთის მოქალაქემ უკვე იმშობიარა.
მშობიარე ქალის მეუღლის მონაყოლის მიხედვით, მათთან იმდენად დიდი თოვლია, რომ რეანომობილით მისი მეუღლის საავადმყოფოში გადაყვანა შეუძლებელი იყო, ამიტომ აღნიშნული რენომობილი გადმოვიდა სარფის სასაზღვრო გამშვებ პუნქტიდან, ავიდა მაჭახლის ხეობაში, სადაც მას თურქეთის მხარეს დახვდა მშობიარე. მესაზღვრეების ჩარევით და ძალისხმევით მშობიარე უპრობლემოდ მოათავსეს კლინიკა „მედინაში“.
„მედინაში“ მყოფი „ბათუმელების“ ჟურნალისტის ინფორმაციით, მესაზღვრეები ამ დრომდე რჩებიან კლინიკაში. მათთან ერთად არის ასევე სასაზღვრო პოლიციის უფროსის მოადგილე, რომელმაც „ბათუმელებს“ განუცხადა, რომ ქალი და ახალშობილი იმდენ ხანს დარჩებიან კლინიკაში, რამდენ ხანსაც ამას ექიმები მიიჩნევენ საჭიროდ.
როგორც აღმოჩნდა, ახაშობილის მამას აქვს ორმაგი მოქალაქეობა, შესაბამისად, მას თან ჰქონდა საქართველოს იუსტიციის სამინისტროს მიერ გაცემული საქართველოს მოქალაქეობის დამადასტურებელი აიდი ბარათი. სწორედ ამის მეშვეობით შეძლო მან საზღვრის გადმოკვეთა საქართველო-თურქეთის საზღვრის იმ მონაკვეთში, სადაც სასაზღვრო გამშვები პუნქტი არ არსებობს, ანუ მაჭახლისპირა ხეობის ერთ-ერთ სოფელში.
დღეს, 5 ნოემბერს, სასტუმრო მარინას სპორტულ მოედანზე, აჭარაში ბალახის ჰოკეის გუნდის დამაარსებლის, ნოდარ შანიძის თასი გათამაშდა. 5 ნოემბერს ნოდარ შანიძეს 96 წელი შეუსრულდებოდა.
დღეს, 5 ნოემბერს, ბათუმში, თამარის დასახლებაში მდებარე სახელმწიფო მუსიკალურ ცენტრში მართლმადიდებელ ხალხთა ერთობის საერთაშორისო-საზოგადოებრივი ფონდის მე-14-ე ყოველწლიური საერთაშორისო საეკლესიო-მუსიკალური საკონცერტო – საგუნდო პროგრამა, „მართლმადიდებელი რუსეთის ხმები” მიმდინარეობს.
აჭარის ხარიტონ ახვლედიანის სახელობის მუზეუმის დირექტორი გოდერძი ტოტოჩავა თანამდებობიდან გადადგომას აპირებს. მისი განცხადება თანამდებობიდან წასვლის შესახებ აჭარის განათლების, კულტურისა და სპორტის სამინისტროში უკვე მიიღეს.
ჰაინრიჰ ბიოლის ფონდის სამხრეთ კავკასიის რეგიონალური ბიუროს პროექტის ფარგლებში ბათუმში ლექციების ციკლი – „ვის ეშინია ფემინიზმის?“ – გრძელდება.
დღეს, 5 ნოემბერს, ბათუმის მერი გიორგი ერმაკოვი ისრაელის ქალაქ აშკელონის მერს იტამან შიმონს შეხვდა.
