დღეს, 5 საათზე სკვერს ოფიციალურად გახსნიან დიდი ბრიტანეთისა და ჩრდილოეთ ირლანდიის გაერთიანებული სამეფოს სრულუფლებიანი ელჩი საქართველოში ალექსანდრა ჰოლ-ჰოლი, ბათუმის მერი, საკრებულოს თავმჯდომარე და სხვა ოფიციალური პირები.
ლონდონის სკვერში დაიდგმება ლონდონისათვის დამახასიათებელი სატელეფონო წითელი ჯიხური, რომელიც სასტუმრო „ადმირალის“ ბრიტანელი მეპატრონის საჩუქარია ბათუმისათვის. საელჩოს პრესსამსახურის განმარტებით, რკინის ჯიხური ორიგინალია და იგი რამდენიმე ტონას იწონის.
დღესვე, რუსთაველისა და დუმბაძის ქუჩების კვეთაში, სასტუმრო „ინტურისტთან“, იმ ადგილას, სადაც დიდი ბრიტანეთის საკონსულო მდებარეობდა, მემორიალური დაფა გაიხსნება.
