Batumelebi | ლონდონის სატელეფონო ჯიხური ბათუმში ლონდონის სატელეფონო ჯიხური ბათუმში – Batumelebi
RU | GE  

ლონდონის სატელეფონო ჯიხური ბათუმში

 

 

ბათუმში ლონდონისთვის დამახასიათებელი წითელი სატელეფონო ჯიხური დაიდგა. ჯიხური რუსთაველის ქუჩაზე, ბარბარეს ეკლესიის მიმდებარე ტერიტორიაზე მდებარეობს, ამ ტერიტორიას დღეს ლონდონის სკვერი უწოდეს. 

სატელეფონო ჯიხური ოფიციალურად დიდი ბრიტანეთის ელჩმა საქართველოში, ალექსანდრა ჰოლ ჰოლმა და ბათუმის საკრებულოს თავმჯდომარემ ირაკლი ჭეიშვილმა გახსნეს. ღონისძიებას ასევე ესწრებოდნენ ბათუმის მერიისა და აჭარის მთავრობის ოფიციალური პირები.

ჯიხურს ჯერ-ჯერობით ფორმალური სახე ექნება და მას მოქალაქეები კომინკაციისთვის ვერ გამოიყენებენ. თუმცა სამომავლოდ შესაძლებელია ჯიხურში განთავსდეს უკაბელო ინტერნეტი.

ალექსანდრა ჰოლ ჰოლმა, დღესვე ადგილობრივ ხელისუფლებასთან ერთად გახსნა მემორიალური დაფა რუსთაველის #20-ში მდებარე შენობაზე, რომელშიც XIX-XX საუკუნეებში დიდი ბრიტანეთის საკონსულო იყო განთავსებული.

„ეს ღონისძიებები არის კიდევ ერთი დემონსტრირება ბათუმსა და ბრიტანეთს შორის არსებული ხანგრძლივი მეგობრობისა და ისტორიისა“ – აღნიშნავს თავის განცხადებაში ჰოლ ჰოლი.

9 ნოემბერს კი დიდი ბრიტანეთის ელჩი 1918-1920 წლებში აჭარაში დაღუპულ 68 ბრიტანელი ჯარისკაცის საპატივცემულოდ მემორიალს გახსნის.

მემორიალური დაფა რუსთაველის #20-ში

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი