ჰიგიენური საშუალებები და სხვა საყოფაცხოვრებო ნივთები სექტემბრის თვეში უხვი ნალექის მოსვლის შედეგად დაზარალებული მოსახლეობისთვის წითელი ჯვრის საზოგადოებამ გამოყო.
ჰუმანიტარული ტვირთი აჭარაში 3 ნოემბერს შემოვიდა. სექტემბერში სტიქიის შედეგად დაზარალებული ოჯახებისთვის გამოყოფილი ჰუმანიტარული დახმარების მიღების პროცესს აჭარის მთავრობის თავმჯდომარე არჩილ ხაბაძე, საქართველოს წითელი ჯვრის საზოგადოების პრეზიდენტი ნათია ლოლაძე, აჭარის ჯანდაცვის მინისტრი ნუგზარ სურმანიძე და ბათუმის მერი გიორგი ერმაკოვი დაესწრნენ.
ჰუმანიტარული დახმარება ჯავახიშვილის უბანში მცხოვრებ ოჯახებს, მერიის ჯანმრთელობისა და სოციალური დაცვის სამსახურის უფროსმა სოფიო მიქელაძემ და ადმინისტრაციულ ერთეულში მერიის წარმომადგენელმა ამირან ოქროპირიძემ თავად მიუტანეს.
ადმინისტრაციების მიხედვით:
ძველი ბათუმი – 6 ოჯახში დარიგდა
რუსთაველი – 7ოჯახი (5-ში დარიგდა)
ბაგრატიონი – 60 ოჯახი (10-ში დარიგდა)
აღმაშენებელი – 27 ოჯახი (25-ში დარიგდა)
ჯავახიშვილი – 46 ოჯახი (1-ს გადაეცა)
თამარი – 5 ოჯახში დარიგდა
ხიმშიაშვილი – 13 (მიმდინარეობს დარიგება)
ბონი-გოროდოკი – 22 (20-ში დარიგდა)
აეროპორტი – 16 (15-ში დარიგდა)
კახაბერი – 12 ოჯახში დარიგდა
სამრეწველო – 2 ოჯახში დარიგდა
მწვანე კონცხი – 11 ოჯახში დარიგდა
