Author Archives: ბათუმელები

 

18 ნოემბერს, ბათუმის ილია ჭავჭავაძის სახელობის სახელმწიფო დრამატულ თეატრში, კ.მარჯანიშვილის თეატრი თემურ ჩხეიძის სპექტაკლს „გრონჰოლმის მეთოდს” ითამაშებს.

 

14 ნოემბრიდან 21 ნოემბერის ჩათვლით აჭარის საჯარო სკოლის მოსწავლეებისთვის საგანმანათლებო-შემეცნებითი ტური მოეწყობა. ტურის ფარგლებშიც მოსწავლეებს საშუალება ექნებათ ერთი კვირის განმავლობაში უფასოდ დაათვალიერონ ბათუმში არსებული მუზეუმები, კერძოდ: ბათუმის არქეოლოგიური მუზეუმი, გონიო-აფსაროსის მუზეუმ-ნაკრძალი, ძმები ნობელების სახელობის მუზეუმი, ხარიტონ ახვლედიანის სახელობის მუზეუმი, ხელოვნების მუზეუმი.

 

დაბა ჩაქვში სტიქიის შედეგად დაზარალებულ ოჯახებს, წითელი ჯვრის საზოგადოების კატასტროფის მართვის დეპარტამენტის ორგანიზებით პირველადი დახმარების ნივთები დაურიგდათ.

 

2014 წლის 23 იანვარს, “ბათუმელებმა” თბილისის საქალაქო სასამართლოში სარჩელი შეიტანა და შინაგან საქმეთა სამინისტროს უჩივლა. მიუხედავად იმისა, რომ სასამართლოს მინიმუმ ორი და მაქსიმუმ ხუთი თვის ვადაში უნდა გამოეტანა საქმეზე გადაწყვეტილება, გასულ ხუთშაბათს, ანუ 6 ნოემბერს კიდევ ერთხელ გადადო საქმის განხილვა.

 

ბათუმის სახელმწიფო უნივერსიტეტში, აკადემიური საბჭოს არჩევნები ჩატარდა. არჩევნების პირველადი შედეგები უკვე ცნობილია, ბათუმის სახელმწიფო უნივერსიტეტის იურისტის გიორგი დიასამიძის თქმით, თუ არჩევნების ჩატარებიდან 24 საათის განმავლობაში რომელიმე კანდიდატი ან დამკვირვებელი არ გაასაჩივრებს არჩევნების შედეგს, ეს იქნება უკვე საბოლოო შედეგი.“

 

საკრუიზო კომპანია Paradise Cruise & Ferry-ის თავის საახალწლო საკრუიზო პროგრამაში ბათუმი შეჰყავს. 2014 წლის 14 დეკემბრიდან საახალწლო საკრუიზო მოგზაურობა განხორციელდება მარშრუტით ბათუმი-სოჭი-სტამბოლი-ლამისოლი-ხაიფა-სტამბოლი-სოჭი-ბათუმი. 

 

აჭარის ფინანსთა და ეკონომიკის სამინისტრო მეოთხე საერთაშორისო ტექნოლოგიური გამოფენის თანაორგანიზატორია. გამოფებნის ფარგლებში ბათუმის ყინულის სასახლეში ადგილობრივმა და უცხოურმა კომპანიებმა დამთვალიერებელს სამშენებლო პროდუქცია წარუდგინეს. გამოფენაში წელს საქართველოს, თურქეთის,აზერბაიჯანის, ირანის, სომხეთის, უკრაინისა და სხვა ქვეყნების კომპანიები მონაწილეობენ. 

 

დღეს, 14 ნოემბერს, დიაბეტის მსოფლიო დღე აღინიშნება. 

 

ბათუმში, გ. ტაბიძის ქუჩაზე სარემონტო სამუშაოები 2014 წლის აგვისტოდან მიმდინარეობს.

 

 

 

დღეს, 14 ნოემბერს, 5 საათზე, ბათუმის შოთა რუსთაველის სახელმწიფო უნივერსიტეტში გენდერის კვლევების მაგისტრი, ეთუნა ნოღაიდელი წაიკითხავს ლექციას თემაზე: „სექსიზმი ქართულ რეკლამებში“.  ლექციაზე დასწრება თავისუფალია. 

 

დღეს, 14 ნოემბერს ბათუმში „გამოფენების ფესტივალი“ დასრულდება. 

 

საგზაო მოძრაობის უსაფრთხოების ნაციონალური ადმინისტრაციის (NHTSA) ცნობით, მთვლემარედ მანქანის ტარება წელიწადში 100 000-ზე მეტი ავარიის მიზეზი ხდება, რომელთაგან 71,000 შემთხვევა ტრავმით, 1 550 შემთხვევა კი გარდაცვალებით სრულდება. საქართველოში გახშირებული ავტო-კატასტროფების რაოდენობა, რომლებიც საჭესთან მძღოლის ჩაძინებითაა გამოწვეული, კიდევ ერთხელ მოწმობს იმ ფაქტს, რომ უძილობა და საჭე საშიში შეთანხმებაა. უმრავლესობამ იცის, თუ რა საფრთხეს შეიცავს საჭეს ნასვამ მდგომარეობაში მართვა, მაგრამ ნაკლებად იაზრებენ იმას, რომ გამოუძინებელი მძღოლი შეიძლება ასეთივე საშიში იყოს.   

 

აჭარაში, ქობულეთის მუნიციპალიტეტში, აჭარის გარემოს დაცვის სამმართველომ ენერგეტიკული ტყე გააშენა. 4800 ძირი ვერხვი 12 ჰექტარზეა გაშენებული და სამმართველოს გათვლებით რამდენიმე წელიწადში სამერქნე მასალად გამოდგება. ენერგეტიკული ტყის ძირითადი ფუნქციაც ესაა, ჩაანაცვლოს/შეამციროს ბუნებრივი ტყის რესურსებით სარგებლობა. 

 

“ეისითი კონსალტინგი” ბათუმის ლოგოს შესარჩევად კონკურსს აცხადებს.

 

„ეისითი კონსალტინგი“ აცხადებს კონკურსს ბათუმის ლოგოს შემუშავებაზე. კომპანია იწვევს ყველა დაინტერესებულ პროფესიონალს თავისი წვლილი შეიტანოს ბათუმის ახალი ვიზუალური იდენტობის – ლოგოს შექმნაში. კონკურსში მონაწილეობის მსურველებს დეტალური ინსტრუქციის მიღება შეუძლიათ ვებ-ვერდზე: Vote.act-gr.co”  – ნათქვამია კომპანიის მიერ გავრცელებულ პრესრელიზში. 

 

12 ნოემბერს, აჭარის ხელოვნების მუზეუმში მხატვარ ფრიდონ ბოლქვაძის, ფსევდონიმით – იჯარეთელის, ნამუშევრების გამოფენა გაიმართა. მხატვრის თქმით ის ამ დღისთვის 5 წლის მანძილზე ემზადებოდა. ნამუშევრებიდან სულ 55 ნახატი იყო გამოფენაზე წარმოდგენილი.

 

ბათუმის ბოტანიკურ ბაღში დღეს ხილის გამოფენა გაიმართა. გამოფენაზე ბოტანიკური ბაღის ეგზოტური და ადგილობრივი ფლორის  საკვებად ვარგისი 30-ზე მეტი სახეობისა და ფორმის ციტრუსი, ასევე 25 სახეობის ხეხილ-კენკროვანი ხილი იყო წარმოდგენილი.

 

ამ წუთებში აჭარის მთავრობის სახლში აჭარის მთავრობის თავმჯდომარე არჩილ ხაბაძე  და ბათუმის საკრებულოს თავმჯდომარე ირაკლი ჭეიშვილი გონიოს მოსახლეობას ხვდებიან. შეხვედრაზე გონიოს მიწების საკითხს განიხილავენ. შეხვედრა დახურულ კარს მიღმა მიმდინარეობს და მას ასევე ესწრებიან  გონიოს ყოფილი მეურნეობის ტერიტორიაზე არსებული სადავო მიწის ნაკეთების შემსწავლელი კომისიის წევრები.

 

 

ქობულეთში ტაქსში ბებიას  მცირეწლოვანი ბავშვი დარჩა.

 

დღეს, 13 ნოემბერს იუსტიციის მინისტრმა თეა წულუკიანმა მუხაესტატეში საზოგადოებრივი ცენტრი გახსნა. 

 

ბათუმში, ყინულის სასახლეში, 14-16 ნოემბერს სამშენებლო მასალებისა და ტექნოლოგიების მე-4 საერთაშორისო  გამოფენა გაიმართება. სამშენებლო მასალების და ტექნოლოგიების გამოფენაში მონაწილეობენ როგორც ადგილობრივი, ისე უცხოური კომპანიები. ასევე სამშენებლო სფეროში დასაქმებული სხვადასხვა კომპანიების წარმომადგენლები.

 

ბათუმიდან 17 კილომეტრით დაშორებულ ჩაქვის ჩაისუბნის სოფელი ველის მაცხოვრებლები ორი წელია სოფელში მიკროავტობუსის დანიშვნას ითხოვენ. მოსახლეობის განმარტებით, სოფელში მიკროავტობუსის მოძრაობა მას შემდეგ შეწყდა, რაც ბათუმის მერიამ 40 ნომერი მიკროავტობუსი დანიშნა. ქობულეთის გამგეობას კი სოფლის მაცხოვრებლებისთვის პასუხი არ აქვს. 

 

„ერთი შეხედვით მიხვდები, რომ საჭესთან ქალი ზის“, „საჭე ქალის საქმე არ არის“, „ფრთხილად, საჭესთან ქალია“ და მსგავს შეფასებებს ხშრად გაიგონებთ. მიუხედავად იმისა, რომ საგზაო შემთხვევების ყველაზე მაღალი მაჩვენებელი სწორედ კაც მძღოლებზე მოდის, ისინი ცუდ მძღოლებად მაინც ქალებს მიიჩნევენ. სტატისტიკური მონაცემები აჩვენებს, რომ პროფესიონალი მძღოლების გენდერული ბალანსი ყოველწლიურად იცვლება.   

 

ბათუმის  მერიაში 98 ვაკანსიაზეა კონკურსი გამოცხადებული.  კონკურსის წესით შეირჩევიან მერიის ადმინისტრაციის უფროსის მოადგილე, მერის მრჩევლები, ადმინისტრაციის პროტოკოლის განყოფლების უფროსი, მერიის აპარატის და სამსახურების უფროსის მოადგილეები და სპეციალისტები. 

 

პროექტი MEDEA ითვალისწინებს სტუდენტებისა და აკადემიური პერსონალის მობილობას ევროპული ქვეყნების უმაღლეს საგანმანათლებლო დაწესებულებებში. პროგრამის ფარგლებში სრულად ფინანსდება ბაკალავრების, მაგისტრების, დოქტორანტების, პოსტდოქტორანტებისა და აკადემიური/ადმინისტრაციული პერსონალის (ტრენინგი, სწავლება, კვლევა) მობილობა პროექტის პარტნიორ ევროპულ უნივერსიტეტებში.