Author Archives: ბათუმელები

ფინანსთა სამინისტროს შემოსავლების სამსახურის განცხადებით, დღეიდან, 7 აპრილიდან, იწყება დაუბეგრავი მინიმუმით მოსარგებლე პირებისთვის კუთვნილი თანხების ჩარიცხვის პროცესი.

ბათუმში ბარაკებისა და უსახური შენობების ლიკვიდაციის პროგრამაში, რომელში ჩართვის სურვილიც 12 კომპანიას უკვე გამოთქმული აქვს, საქართველოს მთავრობამ პირობები შეცვალა. ცვლილება, საფინანსო ორგანიზაციებსა და დეველოპერებს შეეხოთ.

თუ კომპანიას პროგრამაში ჩართვისთვის უნდა დაედასტურებინა, რომ  პროექტის დასრულებისათვის საკმარისი იყო არა უმეტეს 3 მილიონი აშშ დოლარის ეკვივალენტი ლარი; ახალი ვარიანტით, კომპანიამ უნდა დაადასტუროს, რომ პროექტის დასრულებას  უზრუნველყოფს,  პროგრამის შესაბამისად გაცემული,  არა უმეტეს 3,5 მილიონი აშშ დოლარის ეკვივალენტი ლარის ან/და დამატებით სხვა ფინანსური წყაროებით.

ქობულეთის გამგეობამ  შესაძლოა  ერთი სამსახური და ერთი აიპი გააუქმოს. საუბარია გამწავნების სამსახურისა და აიპი „ქობულეთის პარკების გაერთიანებაზე“.  მუნიციპალიტეტის გამგებელის სულხან ევგენიძის თქმით, საკითხი განხილვის ეპატზეა, თუმცა საბოლოო გადაწყვეტილება მიღებული არ არის. გამგებელი ამბობს, რომ სამსახურების გაერთიანება მისი მობილობის გაზრდას ემსახურება. „ნაციონალური მოძრაობს“ წევრის რეზო ხარაზის თქმით, გამგებელი ახალი აიპის ხელმძღვანელად მეგობრის დანიშვნას აპირებს.  

არასამთავრობო ორგანიზაცია „დემოკრატიის ინსტიტუტი“ პატიმრების წამებასთან დაკავშირებით განცხადებას ავრცელებს. განცხადებაში წერია: „ბოლო პერიოდში, ბათუმის #3 პატიმრობისა და დახურული ტიპის თავისუფლების აღკვეთის დაწესებულებიდან პატიმართა მიერ გამოგზავნილი 11 წერილი შემოვიდა. წერილების შინაარსი თითქმის იდენტურია და დაწესებულებაში არსებულ ყოფით პირობებს აღწერს. პატიმრები სხვადასხვა პრობლემებთან ერთად, დაწესებულების ადმინისტრაციის მხრიდან ფიზიკური ზეწოლის ფაქტებზეც საუბრობენ და აღნიშნული წერილების გასაჯაროებას ითხოვენ.

შინაგან საქმეთა სამინისტრო  შალვა აბულაძის ფოტოს ავრცელებს და აფრთხილებს საზოგადოებას გამოიჩინოს სიფრთხილე, ვინაიდან შალვა აბულაძე შეიარაღებულია. შალვა აბულაძე პოლიციელის მკვლელობაშია ბრალდებული.  

სახელმწიფოებრივი და საზოგადოებრივი ინტერესების გათვალისწინებით და „შუახევი ჰესის“ სამშენებლო სამუშაოების განხორციელების მიზნით, შპს „აჭარისწყალი ჯორჯია“ გათავისუფლდა სასარგებლო წიაღისეულის მოპოვების ლიცენზიისაგან 3 თვის ვადით და მიეცა უფლება, შუახევისა და ქედის მუნიციპალიტეტებში მოიპოვოს 83 360 კუბ/მ საშენი მასალა (ქვიშა-ხრეში).

შპს “ჭოროხი-2009”, თურქეთიდან საქართველოში, ნახშირზე მომუშავე თბოელექტროსადგურების მიერ წარმოქმნილი აქროლადი ნაცრის იმპორტს განახორციელებს. იმპორტი განკუთვნილია შპს „აჭარ ენერჯი-2007“-ისათვის, რომელიც მდინარე ჭოროხზე ჰიდროელექტროსადგურებს აშენებს.

აჭარის სოფლის მეურნეობის სამინისტრო პროექტის – „დანერგე მომავალი“ განხორციელებისთვის, ორი წლის განმავლობაში 15 მილიონი ლარის დახარჯვას გეგმავს. როგორც სამინისტროში აცხადებენ, პროექტის მიზანია სასოფლო სამეურნეო მიწების მიზნობრივი გამოყენების ზრდის მაქსიმალური ხელშეწყობა –  მრავალწლოვანი ბაღების გაშენებისა და სანერგე მეურნეობების მოწყობის გზით.