სიახლეები

ორი ახალი ფრაქცია ბათუმის საკრებულოში

22.02.2013 • 1476
ორი ახალი ფრაქცია ბათუმის საკრებულოში

 

 

ახალი ფრაქცია  „ბათუმის მომავლისათვის“ საკრებულოს ყოფილმა თავმჯდომარემ გიორგი კირთაძემ შექმნა და მასთან საკრებულოს თავმჯდომარის პირველი მოადგილე ჯუმბერ კახიძე, განათლების კომისიის თავმჯდომარე ნაზი ფუტკარაძე და ჯანდაცვის კომისიის თავმჯდომარე გიორგი დიასამიძე გაწევრიანდნენ.

 

 

მეორე ფრაქცია „ერთობა“ საკრებულოს დამოუკიდებელმა წევრმა ალექსანდრე ჩხარტიშვილმა, საკრებულოს თავმჯდომარის მოადგილემ ვაჟა ვერულიძემ და ინფრასტრუქტურის განვითარების კომისიის თავმჯდომარემ ზაურ ფატლაძემ შექმნეს, ფრაქციას  ალექსანდრე ჩხარტიშვილი უხელმძღვანელებს.

 

საკრებულოს უკვე არსებულ სამ ფრაქციაშიც არის ცვლილებები, ფრაქცია „ბათუმისათვის“ რომელსაც საკრებულოს თავმჯდომარე ირაკლი ჩავლეიშვილი ხელმძღვანელობდა, დღეიდან საკრებულოს წევრი „ქრისტიან დემოკრატიული მოძრაობიდან“ ნაზი ქობულაძე უხელმძღვანელებს და მასთან ირაკლი ჩავლეიშვილი და მამული ჟღენტი გაწევრიანდნენ.

 

ფრაქცია „ერთიან ნაციონალურ მოძრაობა“–ს კვლავ ნოდარ დუმბაძე უხელმძღვანელებს, რომელშიც საკრებულოს წევრები მანანა ილურიძე, გოდერძი ტოტოჩავა და გიორგი კავაზაშვილი ერთიანდებიან.

 

ამ დროეისათვის საკრებულოში ყველაზე მრავალრიცხოვანი ფრაქცია „მაჟორიტარი“–ა, რომელიც ძირითადად მაჟორიტარებით არის დაკომპლექტებული და მას   ადლიის მაჟორიტარი დეპუტატი ნუკრი დოლიძე ხელმძღვანელობს,   მასთან ერთად ფრაქციაში  იურიდიულ–საპროცედურო  კომისიის თავმჯდომარე გენო თებიძე, საფინანსო–ეკონომიკური კომისიის თავმჯდომარე დავით კასრაძე, საკრებულოს წევრები ბესო ჭოხონელიძე, გიორგი გაბაიძე, თამაზ გორგილაძე, მარიზა აბაშიძე და  კობა ზაქარაია შედიან.

 

მომზადებულია საკრებულოს პრესსამსახურის ინფორმაციაზე დაყრდნობით. 

გადაბეჭდვის წესი


ასევე: