„ეს პროექტები ბათუმისთვის სასიცოცხლოდ მნიშვნელოვანია. მაგალითად ნაპირგამაგრებითი სამუშაოები, რომლის ღირებულება დაახლოებით 90 მილიონი ლარია. აპელირება იმაზე, რომ ეს პროექტი გულისხმობს ოქროს ქვიშების შემოზიდვას, ტყუილია, რადგან ოქროს ქვიშების წილი ამ პროექტში არის ხუთიდან ათ პროცენტამდე. ჭოროხზე ხიდის მშენებლობას კი 40 მილიონი ლარი სჭირდება და მისი მშენებლობა აუცილებლობას წარმოადგენს, რადგან ათვისებული იქნას ჭოროხის გადაღმა ტერიტორიები. მნიშვნელოვანია ფეხბურთის სტადიონიც. მთლიანად ამ სამ პროექტს 170 მილიონი ლარი სჭირდება, ჩვენ ვთხოვთ საქართველოს ინფრასტრუქტურის სამინისტროს რომ გაითავისოს ამ პროექტების მნიშვნელობა და დააფინანსოს მათი მშენებლობა“.
ჯუმბერ კახიძის განცხადებით, აღნიშნული პროექტები გაცილებით მნიშვნელოვანია ბათუმისთვის, ვიდრე ის, რაც უნდა დაფინანსდეს: „საუბარია რკინიგზის დეპოს გადატანაზე. ეს პროექტის მნიშვნელოვანია, მაგრამ უფრო მნიშვნელოვანია აღნიშნული სამი პროექტი, რადგან ამ პროექტებით ხუთი ათასამდე ბათუმელი დასაქმდებოდა“.
სტადიონი ბათუმში ჯერ კიდევ სამი წლის წინ უნდა აშენებულიყო, თუმცა შეთანხმება Project Development Adjara-სა და სახელმწიფოს შორის ჩაიშალა. სტატია ამ თემაზე: „სტადიონი, რომელიც არ აშენდა“ .
