„კიდევ ერთხელ გვინდა განვუმარტოთ საზოგადოებას, რატომ დავტოვეთ ნაციონალური მოძრაობა.
თითოეული ჩვენთაგანისთვის მიუღებელი იყო მართვის ის სტილი, რომელიც ახასიათებდა და ახასიათებს ნაციონალურ მოძრაობას, იგი გულისხმობდა ერთი კაცის გადაწყვეტილებებს დამორჩილებოდა ყველა, მათ შორის არჩეული ინსტიტუციები. ჩვენთვის, როგორც არჩეული წევრებისათვის, მიუღებელია ქალაქ ბათუმის მერის პოსტზე ერთადერთი და უალტერნატივო კანდიდატის წარდგენა.
ჩვენ ვფიქრობთ, რომ ასეთ მნიშვნელოვან დროს საზოგადოება მაქსიმალურად უნდა იყოს ჩართული გადაწყვეტილების მიღებაში. თითოეული ჩვენთაგანი მოწოდებული ვართ იმისათვის, რომ განხორციელდეს ჩვენი ქალაქის ეფექტური მართვა, რომელიც სარგებელს მოუტანს ბათუმს და ბათუმელებს.
ამიტომაც მოვუწოდებთ მმართველ კოალიციას, არასამთავრობო სექტორს და ბათუმის საზოგადოებას, გაითვალისწინონ საკითხის მნიშვნელობა, ინტერესი და ფართო ჩართულობით უზრუნველყონ პროცესი, რომლის შედეგიც განსაზღვრავს ჩვენი ქალაქის მომავალს თვითმმართველობის არჩევნებამდე.
ჩვენ კიდევ ერთხელ ხაზგასმით აღვნიშნავთ, რომ მზად ვართ ქალაქის ინტერესებიდან გამომდინარე ვითანამშრომლოთ ყველა ფრაქციასთან, სამოქალაქო სექტორთან და რაც მთავარია ბათუმელებთან ბათუმის საკეთილდღეოდ.” – ნათქვამია განცხადებაში.
ფრაქცია „მაჟორიტარის“ წევრები არიან: გენადი თებიძე, დავით კასრაძე, ბესარიონ ჭოხონელიძე, გიორგი გაბაიძე, თამაზ გორგილაძე, კობა ზაქარაია და მარიზა აბაშიძე. ფრაქციის თავმჯდომარეა ნუკრი დოლიძე.
