Tag Archives: თამარ ბეჟანიშვილი

ბათუმში ერთ-ერთი სკოლის 5 ბიჭი-მოსწავლე ამავე სკოლის 2 ბიჭს თავს დაესხა და ფული მოსთხოვა. მათ ჯგუფურად ყაჩაღობის ჩადენას ედავებიან ბათუმში, ერთ-ერთი საჯარო სკოლის 5 მოსწავლეს ყაჩაღობის ჩადენას ედავებიან. ადვოკატები ამტკიცებენ, რომ სკოლის მოსწავლეებს შორის ჩხუბის ყაჩაღობად კვალიფიცირება აბსურდია. საქმის მასალების მიხედვით, სკოლის მოსწავლე 5 ბიჭი ამავე სკოლის მოსწავლე 2 ბიჭს ბათუმში, ერთ-ერთ ქუჩაზე, „წინასწარ შეთანხმებით, …

Continue reading “ბათუმში სკოლის 5 მოსწავლეს ჯგუფურად ყაჩაღობის ჩადენას ედავებიან”

10 ოქტომბერს ბათუმის საქალაქო სასამართლოში 16 წლის მოზარდის დაღუპვის საქმეზე წინასასამართლო სხდომა გაიმართა. საუბარია ბათუმში 4 ივლისს მომხდარ შემთხვევაზე – 16 წლის ლუკა, რომელიც ზღვაში, კატერზე გამობმული გასაბერი „ბანანით“ გაიყვანეს, გამოძიების ვერსიით, მცურავი საშუალებიდან ზღვაში განზრახ გადააგდეს. ლუკასთან ერთად, პროკურატურის ვერსიით, „ბანანზე“ კიდევ 3 მოზარდი იმყოფებოდა და მათ ჟილეტებით სარგებლობის უფლებაც არ მისცეს. ამ საქმეზე …

Continue reading “„ბანანზე“ 16 წლის ბიჭის დაღუპვის საქმის განხილვა დაიწყო – ბრალდებული ნაფიც მსაჯულებს ითხოვს”

მოსამართლე თამარ ბეჟანიშვილმა 3 ათასი ლარი გირაო შეუფარდა ბრალდებულ დავით ბ.-ს. მას გამოძიება ჟურნალისტ კობა ფარტენაძეზე ფიზიკურ ძალადობას ედავება „გენდერული შეუწყნარებლობის მოტივით“. აღკვეთი ღონისძიების შეფარდების პროცესი დღეს, 17 ივნისს, გაიმართა ბათუმის საქალაქო სასამართლოში. საუბარია 14 ივნისს ბათუმში მომხდარ შემთხვევაზე – საზოგადოებრივი მაუწყებლის აჭარის ტელევიზიისა და რადიოს თანამშრომელს თავს დაესხნენ. პროკურატურის ვერსიით, ბრალდებულმა გენდერული შეუწყნარებლობის მოტივით …

Continue reading “გირაო შეუფარდეს კაცს, რომელსაც ჟურნალისტზე ძალადობას ედავებიან”

თამარ ბეჟანიშვილმა, რომელიც ბათუმის საქალაქო სასამართლოს მოსამართლეა, კიდევ ორ მოსამართლესთან ერთად აშშ-ში სასწავლო ვიზიტზე უარი თქვა. ინფორმაციას იუსტიციის უმაღლესი საბჭოს მოსამართლე წევრი, დიმიტრი გვრიტიშვილი ავრცელებს, ერთ-ერთი მოსამართლე მათ შორის, ვინც აშშ-მ დაასანქცირა მნიშვნელოვან კორუფციულ საქმიანობაში ჩართვის გამო. „ჩემთვის, როგორც საქართველოს იუსტიციის უმაღლესი საბჭოს წევრისათვის, ცნობილი გახდა, რომ ამ ვიზიტის მონაწილე სამმა მოსამართლემ, ნანა ჯოხაძემ, თამარ …

Continue reading “რატომ თქვა აშშ-ში ვიზიტზე უარი ბათუმის სასამართლოს მოსამართლე თამარ ბეჟანიშვილმა”

„ყველას გიხდით ბოდიშს, ვიცი დავაშავე, მაგრამ უკვე გვიანია. ცხოვრება აღარ შემიძლია, მთელი ღამე ვერ ვიძინებ და მირჩევნია სამუდამოდ დავიძინო. მე ბებიასთან მივდივარ,” – ეს 13 წლის ნინის უკანასკნელი წერილია. ნინი გასული წლის 10 თებერვალს საკუთარი სახლის ეზოში გარდაცვლილი იპოვეს. ეს წერილი კი, მათემატიკის რვეულიდან ამოხეულ ფურცელზე მინაწერი ნინის ჯიბეში იპოვეს. ბათუმის საქალაქო სასამართლომ ამ საქმეზე …

Continue reading “„ცხოვრება აღარ შემიძლია“ – 13 წლის ნინიზე მოძალადეს 7.6 წელი მიუსაჯეს I საქმის მასალები”

“მანამდე მტვრევისგან საშინელი ხმაური ისმოდა კორპუსში… პირველი სართულიდან მოდიოდა ეს ხმები დაახლოებით 10 დღე, ჩვენ მესამე სართულზე ვცხოვრობდით,” – ხმადაბლა დაიწყო ბათუმში, 26 მაისის ქუჩაზე საცხოვრებელ კორპუსში სადარბაზოს ჩამონგრევის ამბის გახსენება გია შომახიამ. მან დღეს, 10 თებერვალს, სასამართლოს ჩვენება მისცა. გია შომახიამ 8 ოქტომბრის ტრაგედიის დროს 12 წლის დათა და ცოლი დაკარგა. ბათუმში კორპუსის ნანგრევებში …

Continue reading “რა უთხრა კაცმა მოსამართლეს, რომელსაც 12 წლის შვილი კორპუსის ჩამონგრევის გამო დაეღუპა”

მოსამართლე თამარ ბეჟანიშვილმა „ბათუმში კორპუსების ჩამონგრევის საქმეზე“ სამივე ბრალდებულს პატიმრობა შეუფარდა. აღკვეთი ღონისძიების შეფარდების პროცესი დღეს, 11 ოქტომბერს, გაიმართა ბათუმის საქალაქო სასამართლოში. სასამართლო სხდომაზე მოსამართლემ მხოლოდ საზოგადოებრივი მაუწყებელი დაუშვა. პროკურატურამ დაკავებულებს ბრალი წარუდგინა სისხლის სამართლის კოდექსის 240-ე მუხლის მეორე ნაწილით, რაც გულისხმობს სამშენებლო სამუშაოს წარმოებისას უსაფრთხოების წესის დარღვევას, რამაც ადამიანების სიცოცხლის მოსპობა და მძიმე შედეგი …

Continue reading “სამივე ბრალდებულს პატიმრობა შეუფარდეს – კორპუსის ჩამონგრევის საქმე”

„ეს ექსპერტიზის დასკვნაა. ამ დოკუმენტით დასტურდება, რომ ქალს სიცოცხლეში მიაყენა კაცმა 35 ჭრილობა. ყოველ ჯერზე, როცა დანას ურტყამდნენ, ქალი ამას გრძნობდა და აუტანელ ტკივილს განიცდიდა…“, – თქვა პროკურორმა ალექსანდრე ძირკვაძემ სასამართლო სხდომაზე დასკვნითი სიტყვის წარმოთქმისას. დღეს, 26 ივლისს, 43 წლის ბრალდებულ ზაზა დავითაძეს მოსამართლე თამარ ბეჟანიშვილმა 17 წლით თავისუფლების აღკვეთა მიუსაჯა. ის განსაკუთრებული სისასტიკით ჩადენილი …

Continue reading “სექსზე უარის გამო კაცმა ქალი დანით მოკლა, მას 35 ჭრილობა ჰქონდა – განაჩენი”

მოსამართლე თამარ ბეჟანიშვილმა მკვლელობის მუხლი გადაუკვალიფიცირა განზრახ მკვლელობაზე ბრალდებულ არჩილ ცეცხლაძეს. ის მხოლოდ 1 წელი და 6 თვე იქნება ციხეში. საუბარია ქობულეთში 27 თებერვალს მომხდარ მკვლელობაზე – მსჯავრდებულმა 31 წლის ბიჭს სანადირო თოფი ესროლა და გაიქცა. ადვოკატის ინფორმაციით, ამ მძიმე შემთხვევას წინ უსწრებდა შეიარაღებული კონფლიქტი. დაჭრილი მოგვიანებით კლინიკაში გარდაიცვალა. მოსამართლე თამარ ბეჟანიშვილმა მიიჩნია, რომ საქმე …

Continue reading “მოსამართლის განაჩენი ქობულეთში თოფით მომხდარ მკვლელობაზე: აუცილებელი მოგერიება”

მოსამართლე თამარ ბეჟანიშვილმა წინასწარი პატიმრობა შეუფარდა 27 წლის თემურ ღ.-ს, მას ბათუმის ღვთისმშობლის ტაძრის გაქურდვა ედება ბრალად. დღევანდელ პროცესზე ბრალდებულმა მოსამართლეს უთხრა, რომ მას პოლიციელებმა სცემეს და დამოუკიდებლად გადაადგილება უჭირდა. ბათუმის ღვთისმშობლის საკათედრო ტაძარი 2 ივნისს გაქურდეს. გამოძიების ვერსიით, ბრალდებული ტაძარში მართლსაწინააღმდეგოდ დაეუფლა 30-მდე ლარს და საეკლესიო ნივთებს, რაც ჯამში 1317 ლარის ღირებულების იყო. ბრალდებული სამართალდამცველებმა …

Continue reading “ეკლესიის გაქურდვისთვის დაკავებული კაცი: მარტში პოლიციამ ისე მცემა, ვერ დავდიოდი”

მარიხუანას შენახვისთვის ქობულეთში მცხოვრები რ.ც. სისხლის სამართლის წესით – 1000 ლარით დააჯარიმეს. პირადი ჩხრეკის დროს მას 79,78 გრამი გამომშრალი მარიხუანა ამოუღეს. განაჩენის მიხედვით, ბრალდებულმა თავი სრულად სცნო დამნაშავედ და პროკურატურის მიერ წარმოდგენილი მტკიცებულებები სადავოდ არ მიუჩნევია. ბრალდებული სისხლის სამართლის კოდექსის 273-ე პრიმა ერთი მუხლის შესაბამისად გასამართლა, რაც გულისხმობს „მცენარე კანაფის, ან მარიხუანას უკანონო შეძენას, შენახვას, …

Continue reading “მარიხუანას შენახვისთვის კაცი 3 ათასი ლარით დააჯარიმეს”

„…ქობულეთის მუნიციპალიტეტში ს.-ის სასაფლაოს მიმდებარე ტერიტორიაზე, ე.ბ.-მ ფიზიკური ძალადობა განახორციელა თავისი ოჯახის წევრის მიმართ. კერძოდ: არარეგისტრირებულ ქორწინებაში მყოფ მეუღლეს მ.ბ.-ს, რომელთანაც ეწეოდა ერთიან საოჯახო მეურნეობას, ხელი დაარტყა თავის არეში, რის შემდეგაც ხელები მოუჭირა ყელზე… დაზარალებულმა განიცადა ფიზიკური ტკივილი,“ – აღნიშნულია განაჩენში, რომლის მიხედვითაც ოჯახში ძალადობისთვის ქობულეთში მცხოვრებ კაცს 120 საათით საზოგადოებისთვის სასარგებლო შრომა შეუფარდეს. ბრალდებულმა …

Continue reading “ქობულეთში ქმარი ცოლს სასაფლაოზე ახრჩობდა – განაჩენი”

მოსამართლე თამარ ბეჟანიშვილმა უდანაშაულოდ მიიჩნია ნ.ფ. მას გამოძიება ავტოსატრანსპორტო საშუალების ექსპლუატაციის წესების დარღვევას ედავებოდა, რასაც ორი ადამიანის სიცოცხლე ემსხვერპლა. ამ საქმეში მოსამართლისთვის არსებითი პოლიციელების ჩვენებები აღმოჩნდა, რომელიც ურთიერთსაპირისპირო იყო და წინააღმდეგობრივი წერილობით მტკიცებულებებთან. შემთხვევა 2018 წლის 12 დეკემბერს მოხდა – ქობულეთის შემოვლით გზაზე, ქობულეთთან ახლოს ორი მსუბუქი ავტომანქანა შეეჯახა ერთმანეთს. ავარიის შედეგად ერთი ადამიანი ადგილზე …

Continue reading “ავარია ქობულეთის შემოვლით გზაზე, რასაც 2 ადამიანი ემსხვერპლა – ბრალდებული გამართლდა”

მარიხუანის გამოძალვისა და ჯგუფური ყაჩაღობისთვის სამ ბრალდებულს 10-დან 15 წლამდე თავისუფლების აღკვეთა ელის. განაჩენს მოსამართლე თამარ ბეჟანიშვილი რამდენიმე დღეში გამოაცხადებს. შემთხვევა ჩაქვის ერთ-ერთ სოფელში მოხდა. დაზარალებულად ცნობილმა მამუკა ა.-მ პოლიციაში დარეკა და თქვა, რომ  მასთან სახლში სამი კაცი მივიდა და მარიხუანას სთხოვდნენ, უარის მიღების შემდეგ კი სახეზე დანა დაადეს და ყურის მოჭრით ემუქრებოდნენ. დაზარალებულს სხეულზე …

Continue reading “მარიხუანის გამოძალვისთვის სამ პირს 15 წლამდე პატიმრობა ელის”

სხვისი სახელით შექმნილი ფეისბუქპროფილით გ.ი.-მ არაერთი ადამიანი მოატყუა და 13 643 ლარის მიღება შეძლო, მან ყალბი ფეისბუქგვერდებით 22 ადამიანი მოატყუა. ეს გადაწყვეტილება ბათუმის საქალაქო სასამართლოში მოსამართლე თამარ ბეჟანიშვილმა მიიღო. საქმის მასალების მიხედვით, ოცდაორივე შემთხვევა თითქმის იდენტურია – გ.ი. ქმნიდა ფეისბუქსში სხვის პროფილებს და მეტი დამაჯერებლობისთვის იმ ადამიანების ფოტოებს ტვირთავდა, ვის სახელზეც აკეთებდა ახალ გვერდს და …

Continue reading “ყალბი facebook-ით პირმა ბათუმში 22 ადამიანს ფული გამოსტყუა”

ბათუმში რამდენიმე დღის წინ დაკავებული ხუთ პირს პროკურატურა პოლიციელზე ჯგუფურ თავდასხმას ედავება. ისინი შპს “გაზეთ ბათუმელების” დამფუძნებლისა და დირექტორის მზია ამაღლობლის ძმისშვილები და სიძეები არიან. სწორედ აღნიშნული კომპანია ფლობს ონლაინგამოცემა “ნეტგაზეთსა” და “ბათუმელებს”. “ბათუმელების” მთავარი რედაქტორი ეთერ თურაძე ბრალდებას აბსურდულს უწოდებს და ამბობს, რომ შესაძლოა საქმეში მონაწილე პოლიციის მაღალჩინოსანი საკუთარი გავლენით სარგებლობდეს და პოლიციის მიერ განხორციელებული ღონისძიება …

Continue reading “5 დაკავებული – „ბათუმელების“ დამფუძნებლის ახლობლებს პოლიციელზე თავდასხმას ედავებიან”

“თავს დამნაშავედ ვცნობ,” – უპასუხა მოსამართლე თამარ ბეჟანიშვილს ნარკოტიკულ საშუალებაზე ყალბი მოწმობის გაცემაში ბრალდებულმა ექიმმა. ბრალდებული გელა გ. ქობულეთის ერთ-ერთ კლინიკაში მუშაობს. იგი გირაოს საფუძველზე ჰყავს სასამრთლოს გათავისუფლებული. ექიმი-უროლოგი გელა გ. სამართალდამცველებმა 17 ივლისს დააკავეს. გამოძიების ვერსიით, ბრალდებული ფულის მიღების სანაცვლოდ ნარკოტიკული საშუალების მისაღებად ყალბ ცნობებს გასცემდა. საქმის მასალების მიხედვით, ექიმი ნარკოტიკის ყალბი მოწმობის გაცემაში …

Continue reading “ექიმი ნარკოტიკზე ყალბი მოწმობის გაცემას აღიარებს”

სუს-ის ყოფილი უფროსის, ირაკლი ერისთავის საცხოვრებელი ბინის ქურდობაში ბრალდებულები სასამართლომ გაამართლა. გადაწყვეტილება მოსამართლე თამარ ბეჟანიშვილმა დღეს, 10 ივლისს, მიიღო. შემთხვევა გასული წლის ნოემბერში მოხდა. ამ დროს ირაკლი ერისთავი სუს-ს ხელმძღვანელობდა აჭარაში. სამართალდამცავებმა ამ ფაქტზე სამი პირი დააკავეს. გამოძიების ვერსიით, ირაკლი ერისთავის საცხოვრებელ ბინაში დავით ხიმშიაშვილი და ილია აფხაზავა შევიდნენ. სამართალდამცველებმა ნაქურდალი მაჯის საათები, სამკაულები და …

Continue reading “სუს-ის ყოფილი უფროსის ბინის ქურდობაში ბრალდებულები სასამართლომ გაამართლა”

ყაჩაღობის საქმის არსებითი განხილვა დღეს, 11 ივნისს მოსამართლე თამარ ბეჟანიშვილმა დაიწყო. შემთხვევა ქობულეთში, სოფელ ხალაში მოხდა. საქმის მასალების მიხედვით, სამმა ბრალდებულმა ხალაში მცხოვრები მამუკა ა. დააყაჩაღეს, სცემეს და დანით “სიცოცხლისთვის საშიში დაზიანებები” მიაყენეს. მოსამართლე თამარ ბეჟანიშვილმა ბრალდებულებს ბრალის წარდგენის შესახებ დადგენილებიდან წაუკითხა ისიც, რომ იმ საღამოს ბრალდებულები კერძო სახლის მეორე სართულზე მდებარე მისაღებ ოთახში შეიჭრნენ …

Continue reading ““სახლში შეუვარდნენ, სცემეს და მარიხუანა წაართვეს” – ყაჩაღობის საქმე”

“თუ გამიშვებთ, კაი იქნება, მძიმე მუხლი არ დამირღვევია,” – მიმართა მოსამართლეს დედის ცემაში ბრალდებულმა შოთა ს.-მ. “გააჩნია, რა კუთხით შეხედავთ,” – შეაჩერა მოსამართლემ ბრალდებული. 71 წლის დედის ცემისთვის შოთა ს. 10 მარტს დააკავეს. ის მოსამართლე თამარ ბეჟანიშვილმა დღესაც წინასწარ პატიმრობაში დატოვა. ბრალდებულს ამ ეტაპზე ადვოკატი არ ჰყავს. დღეს, 16 აპრილს, გამართულ წინასასამართლო სხდომას არც შოთა …

Continue reading “71 წლის დედის ცემაში ბრალდებული: მძიმე მუხლი არ დამირღვევია”

მოსამართლე თამარ ბეჟანიშვილმა წინასწარი პატიმრობიდან გაათავისუფლა პოლიციელებზე თავდასხმაში ბრალდებული გიორგი ა. მოსამართლემ მისი დაკავების წესი დარღვეულად მიიჩნია. საქმეში დაზარალებულად ცნობილი ირაკლი შაქარიშვილია, ქობულეთის რაიონული სამმართველოს უბნის ინსპექტორების განყოფილების უფროსი. საუბარია 27 მარტს მომხდარ შემთხვევაზე – ქობულეთში პოლიციელებს თავს დაესხნენ. იმავე დღეს პოლიციელებმა ამ საქმეში კიდევ ერთი ბრალდებული ირაკლი ც. დააკავეს და მას წინასწარი პატიმრობა უკვე …

Continue reading “პოლიციელისთვის ქვის ჩარტყმაში ბრალდებული სასამართლომ გირაოთი გაათავისუფლა”

ბათუმის საქალაქო სასამართლოს ორი მოსამართლე სხვა სასამართლოში გადასვლას აპირებს. საუბარია დავით მამისეიშვილზე, რომელიც 2013 წლიდან ამ დრომდე ბათუმის საქალაქო სასამართლოს თავმჯდომარეა, ასევე, თამარ ბეჟანიშვილზე, რომელიც ბათუმის საქალაქო სასამართლოში სისხლის სამართლის საქმეებს 2011 წლიდან განიხილავს. დავით მამისეიშვილი და თამარ ბეჟანიშვილი იუსტიციის უმაღლესი საბჭოს მიერ გამოცხადებულ მოსამართლეების კონკურსში მონაწილეობენ, მათ იუსტიციის საბჭო 24 ოქტომბერს გაესაუბრა. კონკურსის შედეგები …

Continue reading “ორი მოსამართლე ბათუმის სასამართლოს დატოვებას აპირებს”

„არ მსურს დავესწრო სასამართლო პროცესს,“ – ეს წერილი ქურდობაში ბრალდებულმა მერაბ ს.-მ მოსამართლეს ციხიდან გამოუგზავნა. წერილის შინაარსი სხდომის დაწყებისთანავე თავად მოსამართლემ წაიკითხა. ბათუმში რამდენიმე ბინის გაქურდვაში ბრალდებულს არც ადვოკატი ჰყავს. გამოძიების ვერსიით, მერაბ ს. სხვადასხვა „მორგებულ გასაღებს“ ამზადებდა და ბინებს ქურდავდა. ქურდობის ბოლო შემთხვევა 9 სექტემბერს მოხდა. პროკურატურის ვერსიით, მერაბ ს.-მ ტურისტების მიერ რუსთაველის ქუჩაზე …

Continue reading “ბინის ქურდობაზე გირაოთი გათავისუფლებულმა სხვა ბინა გაქურდა”

მოსამართლე თამარ ბეჟანიშვილმა დღეს, 3 ოქტომბერს, არ დააკმაყოფილა ადვოკატის შუამდგომლობა, რომლითაც იგი სასამართლოში პროკურატურის მიერ წარმოდგენილი მტკიცებულებების დაუშვებლად ცნობას მოითხოვდა „ქურდული სამყაროს წევრობის საქმეზე.“ ადვოკატი ზაზა პაპიძე პროკურატურაში არ მივიდა ამ საქმეზე არსებული მტკიცებულებების ჩასაბარებლად. ზაზა პაპიძემ პროკურორს ბათუმში, საადვოკატო ბიუროში შესთავაზა მტკიცებულებების ჩაბარება. პროკურორმა ბათუმში მყოფ ადვოკატთან მისვლის ნაცვლად, ქუთაისში, ციხეში, პატიმართან არჩია ჩასვლა. …

Continue reading “უნდა მივიდეს თუ არა პროკურორი ადვოკატთან – მოსამართლის განმარტება”

დღეს, 2 ოქტომბერს, ბათუმის საქალაქო სასამართლოში საქმისწარმოების შეწყვეტა ოთხივე ბრალდებულმა მოითხოვა, რომლებსაც ქურდული სამყაროს წევრობას ედავება გამოძიება. მათ შორისაა მინდია ლავასოღლი, რომელიც, გავრცელებული ინფორმაციით, ამჟამად თურქეთში იმყოფება. სასამართლოში მის ინტერესებს ადვოკატი იცავს. ქურდული სამყაროს წევრობისა და ქუჩურ გარჩევებში მონაწილეობის ბრალდებით სამართალდამცველებმა 11 პირი 17 ივლისს ბათუმში დააკავეს. საქმის მასალების მიხედვით, ბრალდებულები ემუქრებოდნენ დაზარალებულებს, სცემდნენ და დიდი …

Continue reading “ლავასოღლის ადვოკატმა მოსამართლეს საქმის შეწყვეტა მოსთხოვა”

სასამართლოს განრიგს თუ თვალს ადევნებთ, ნახავთ, რომ ოჯახში ძალადობის საქმეები იმატებს. დღეს, 4 სექტემბერს, ბათუმის საქალაქო სასამართლომ ოჯახში ძალადობის სამი ისეთი შემთხვევა განიხილა, სადაც ბრალდებული უცხო ქვეყნის მოქალაქეა. დაზარალებული ქალი: იმ დღესვე შევურიგდი, „კაპეზეშიც“ მე მივუტანე საჭმელი  „ოჯახი ძალიან მიყვარს, ახლაც ცოლთან ერთად ვცხოვრობ,“ – უთხრა სასამართლო პროცესზე მოსამართლეს ბრალდებულმა ი.ე.-მ. მას ცოლზე ფიზიკურ ძალადობას …

Continue reading “ცოლზე ძალადობაში ბრალდებული სამი უცხოელის საქმე ბათუმის სასამართლოში”

„ერთხელ მოუვიდა“, „ცოლ-შვილთან შერიგებულია,“ – ამ ფრაზებით სცადა ადვოკატმა გურამ ნაკაშიძემ ბრალდებულის დაცვა, რომელსაც ოჯახში ძალადობა, კონკრეტულად კი, ცოლ-შვილის ხელებით და ფეხით ცემა ედება ბრალად. „ვაღიარებ დანაშაულს, ვინანიებ, ვითხოვ პატიებას,“ – მიმართა მოსამართლე თამარ ბეჟანიშვილს ბრალდებულმა, ვალერიან კ.მ. იგი 59 წლისაა. გამოძიების ვერსიით, ვალერიან კ.-მ 30 მაისს ჯერ ცოლს, შემდეგ კი 20 წლის გოგოს სცემა, …

Continue reading “მოძალადე მამა 20 წლის გოგოს ცემაზე: „ჩემი აზრით, არ უნდა დაერეკა პოლიციაში“ “

ტრეფიკინგში ბრალდებული გ.ს. დღეს, 12 ივნისს, მოსამართლე თამარ ბეჟანიშვილმა წინასწარ პატიმრობაში დატოვა. ბრალდებული უზბეკეთის მოქალაქეა. მას შემდეგ, რაც პოლიცია მისი საქმით დაინტერესდა, ის ბათუმიდან გაუჩინარდა. გ.ს. დაახლოებით ერთი თვის წინ, ახალციხეში დააკავეს. ამ საქმეზე დღეს წინასასამართლო სხდომა გაიმართა. საქმის მასალების მიხედვით, ბრალდებულმა უზბეკეთიდან მოტყუებით ჩამოიყვანა ახალგაზრდა გოგო, რომელსაც რესტორანში მიმტანად უნდა ემუშავა. დაზარალებული გოგოს თქმით, …

Continue reading “ტრეფიკინგში ბრალდებული: ალკოჰოლის დალევას ვუშლიდი და ამიტომ მიჩივლა”

“ჩვენ უდავოდ მივიჩნევთ ყველა მტკიცებულებას. მხოლოდ დაზარალებულის, ანუ ბრალდებულის ცოლის დაკითხვას ვითხოვთ,” – მიმართა მოსამართლე თამარ ბეჟანიშვილს ადვოკატმა როინ სალუქვაძემ. ის ლევან ჩ.-ს ინტერესებს იცავს, რომელსაც ოჯახში ძალადობა ედება ბრალად. გამოძიების ვერსიით, ლევან ჩ.-მ 12 აპრილის საღამოს სახეში რამდენჯერმე გაარტყა ქალს, ვისთანაც არარეგისტრირებულ ქორწინებაში იმყოფება. ცემას ქალის მცირეწლოვანი შვილებიც შეესწრნენ. “თავს დამნაშავედ ვცნობ,” – თქვა …

Continue reading “ცოლის ცემაში ბრალდებული სასამართლოში მხოლოდ ცოლის დაკითხვას ითხოვს”

მამამთილისგან რძალზე ოჯახში ძალადობის შემთხვევა მოსამართლე თამარ ბეჟანიშვილმა განიხილა. შემთხვევა მიმდინარე წლის თებერვალში მოხდა. ადგილზე მისულ პოლიციელებს დაზარალებულმა ქალმა უთხრა, რომ მას მამამთილმა სცემა არასრულწლოვანი შვილების თვალწინ. „ვაღიარებ დანაშაულს, ეს აღარ განმეორდება,“ – მიმართა მოსამართლეს ბრალდებულმა ნურიელ ზოიძემ. მან ყველა მტკიცებულება უდავოდ მიიჩნია, რაც პროკურატურამ სასამართლოში წარადგინა. შესაბამისად, მოსამართლეს პროცესზე არც ერთი მოწმის ჩვენება აღარ …

Continue reading “სასჯელი მამამთილს რძალზე ფიზიკური ძალადობისთვის”

„აღარ მახსოვს, რისი მოწმე ვარ. არც ის მახსოვს, რომ ჩვენება მივეცი გამოძიებას,“ – უთხრა მოსამართლე თამარ ბეჟანიშვილს მოწმის სახით დაბარებულმა ნინო დუმბაძემ. ჯგუფური ყაჩაღობის შემთხვევა, რომელიც ბათუმში 20 წლის წინ მოხდა, ბათუმის საქალაქო სასამართლოში ახლა განიხილება. გამოძიების ვერსიით, სამმა შეიარაღებულმა პირმა ლუდმილა და ვალერი ბლაგოვეშინსკების ოჯახი 1998 წლის 14 მაისს, დილის 5 საათზე დააყაჩაღა. წაღებულია …

Continue reading “მოწმე 20 წლის წინანდელ ყაჩაღობის ფაქტზე: აღარ მახსოვს, რისი მოწმე ვარ”