„იქ იმყოფებოდა უამრავი ადამიანი, დამონტაჟებულია ვიდეოსათვალთვალო კამერები“, – დანაშაულის ჩადენის ადგილზე გაამახვილა ყურადღება პროკურორმა, როცა მან მოსამართლეს ყველაზე მკაცრი აღკვეთი ღონისძიების სახის – პატიმრობის შეფარდება სთხოვა.
TBC ბანკის ოფისი, სადაც კაცი დაჭრეს, სასამართლოს წინ მდებარეობს.
ადვოკატი მამუკა ზოიძე კი მიიჩნევს, რომ ბრალდებულის მხრიდან არ არსებობს მიმალვის საფრთხე.
„უნდა აღინიშნოს, რომ მას არ უცდია მიმალვა, ის ადგილზე დარჩა და დაელოდა სამართალდამცველებს“, – თქვა ადვოკატმა და მოსამართლეს ბრალდებულის 100 ათასი ლარი გირაოს სანაცვლოდ გათავისუფლება შესთავაზა.
დაზარალებულის მდგომარეობა უკვე სტაბილურია.
„წარსულში არსებობდა კონფლიქტი, ეს იყო შურისძიებით ჩადენილი დანაშაული“, – უთხრა პროკურორმა ირაკლი დონდოლაძემ „ბათუმელებს“. სხვა დეტალებზე მან ამ ეტაპზე არ ისაუბრა.
„ვერ გეტყვით ვერაფერს მოტივთან დაკავშირებით“, – საქმის შესახებ არც ადვოკატმა მამუკა ზოიძემ ისაუბრა, თუმცა დასძინა, რომ ბრალდებული და დაზარალებული ერთმანეთს იცნობდნენ.
„კონფლიქტი არ უკავშირდებოდა სამსახურს“, – თქვა ადვოკატმა.
