ბათუმელები
„ოთხი დღის წინ სამეგრელოდან თხოვნით მომართეს აჭარის მთავრობის თავმჯდომარეს. ხობში ერთ-ერთ ჭაობიან ტერიტორიაზე გაქრა 65 წლის მამაკაცი. სამდღიანი ძიების შემდეგ ჩვენმა მყვინთავებმა აღმოაჩინეს დამხრჩვალი, დაახლოებით კილომეტრ ნახევარში დაკარგვის ადგილიდან. სპეცოპერაცია შეიძლება დასრულებულად გამოვაცხადოთ. გარდაცვლილი ბათუმელმა მყვინთავმა აიეტ კახიძემ აღმოაჩინა,“ – განუცხადა „ბათუმელებს“ აჭარის საგანგებო და გადაუდებელი სიტუაციების მართვის სააგენტოს ხელმძღვანელმა მამუკა თურმანიძემ.
იმ შემთხვევაში, თუ კომპანიის მიერ წარდგენილ დოკუმენტაციაში ხარვეზებს ვერ აღმოაჩენს, მერია მასთან ხელშეკრულებას 40 ათას ლარზე გააფორმებს. შესაბამისი მომსახურების შესყიდვისთვის 13 იანვარს მერიამ სწორედ 40 ათასლარიანი ტენდერი გამოაცხადა.
სატენდერო პირობების მიხედვით, გამარჯვებულმა უნდა უზრუნველყოს წვევამდელების სატრანსპორტო საშუალებით ტრანსპორტირების მომსახურება ეტაპობრივად, მარშრუტით: ბათუმი – თბილისი – ბათუმი. ხელშეკრულების გაფორმებიდან მიმდინარე წლის 25 დეკემბრამდე პერიოდში კი 65 რეისი უნდა შესრულდეს. ტენდერში გამარჯვებული ასევე უზრუნველყოფს წვევამდელთა მსუბუქ კვებასაც.
ბათუმის მერიის მობილიზაციის, სამხედრო აღრიცხვისა და გაწვევის სამსახურის ინფორმაციით, წელს გაწვევა იანვრის ბოლოს, ან თებერვლის დასაწყისში დაიწყება. წვევამდელთა გაწვევის შესახებ ბრძანებას საქართველოს პრეზიდენტი გამოსცემს.
„დელფინარიუმიც, პარკიც და ზოოკუთხეც, როგორც ვიცით, მთლიანად „ქართუ ჯგუფმა“ აღადგინა, თუმცა ამ პარკის მერიის დაქვემდებარებაში გადასვლის შემდეგ, ბევრი ტექნიკური პრობლემა დაგროვდა. თვეების განმავლობაში ჩაბნელებული იყო პანორამული ბორბალი (ე.წ ეშმაკის ბორბალი), რომლის განათება ჩვენს მმართველ კომპანიას „მენეჯმენტ სერვისს“, 135 ათასი ლარი დაუჯდა. ამ ბორბალის მოვლა-პატრონობა ისევ ჩვენს ვალდებულებებშია. ჩვენი ორგანიზაციის წლიური შემოსავლები დაახლოებით ორი მილიონი ლარია, ამიტომ კომპანია „მენეჯმენტ სერვისის“ დოტაციაზე ვიმყოფებით.
გარდა ამისა, მერიის დაქვემდებარებაში ყოფნის დროს, პარკში სამი სკამი იდგა მხოლოდ, რის გამოც მოსახლეობა დასვენებას ვერ ახერხებდა, ჩვენზე დაქვემდებარების შემდეგ კი, პარკში 120 სკამი დაიდგა. სკამების გვერდით კი სანაგვე ურნები განვათავსეთ. მაშინდელი დაცვის პოლიცია ვერც დაბალი განათებების დაცვას უზრუნველყოფდა, რის გამოც სოკოსებრი განათებების თავსახურები დაიკარგა.
პარკის განათების განახლებას მთლიანობაში 500 ათასი ლარია სჭირდება. ხარჯთაღრიცხვა უკვე წარვუდგინეთ მმართველ კომპანიას და თვის ბოლომდე მივიღებთ პასუხს“, – აცხადებს ნატალია ზოიძე
რაც შეეხება მერიას, დელფინარიუმის დირექტორის განცხადებით მერიამ თავისი წილი ვალდებულება ვერც ინფრასტრუქტურული საკითხის მოგვარებაზე აიღო:
„მთელი წლის განმავლობაში ვწერდით მერიას და შპს „ნიუ-ენერჯისაც“, რომელიც პარკში მერიის ნებართვის შემოვიდა, რომ მათ მიერ დაზიანებული ბილიკები და შემოსასვლელი გზები აღედგინათ, თუმცა უშედეგოდ. იმედი გვაქვს, წელს მაინც მოაგვარებენ ამ პრობლემას“.
კანონმდებლობით ბათუმის მერის გადაყენების საკითხი საკრებულოს წინაშე შეიძლება დააყენოს საკრებულოს თავმჯდომარემ ან მოქმედი მერი თავად წერს განცხადებას გადადგომაზე, რომელსაც საკრებულო ან აკმაყოფილებს, ან – არა. მისი გადაყენების უფლება არც ერთ სხვა სამთავრობო სტრუქტურას არ აქვს. ამის მიუხედავად, ჯემალ ანანიძე გუშინ მაინც დაიბარეს აჭარის მთავრობაში, რასაც თავის მხრივ არც ჯემალ ანანიძე ადასტურებს და არც მთავრობის პრეს სამსახური. ამ სამსახურის ხელმძღვანელის, ნათია სირაბიძის თქმით, ჯემალ ანანიძე გუშინ მთავრობაში არ ყოფილა. შესაბამისად, არც არჩილ ხაბაძეს შეხვედრია.
ჯემალ ანანიძის შესაძლო გადაყენებასთან დაკავშირებით გავრცელებულ ინფორმაციას საკრებულოს თავმჯდომარე ჭორს უწოდებს. „ეს ყველაფერი ჭორია და მე ჭორებზე კომენტარს ვერ გავაკეთებ“,- ამბობს ირაკლი ჩავლეიშვილი.
25-წევრიანი საკრებულოს დეპუტატები კი, რომელთა უმრაველსობაც ღიად აფიქსირებს, რომ წინააღმდეგია მერის გადაყენების, ადასტურებენ ინფორმაციას იმის შესახებ, რომ ჯემალ ანანიძის გადაყენების საკითხი ამ კვირის დღის წესრიგში ნამდვილად იდგა და ამის მიღწევას მთავრობა მაქსიმუმ იანვრის ბოლომდე გეგმავს. დეპუტატები – ზაურ ფატლაძე, კობა ზაქარია, გიორგი დიასამიძე, გენო თებიძე, ნაზი ფუტკარაძე, ჯუმბერ კახიძე, გიორგი კირთაძე, მარიზა აბაშიძე, ალეკო ჩხარტიშვილ, ნუკრი დოლიძე, ბესარიონ ჭოხონელიძე, მანანა ილურიძე და ჯუმბერ კობალაძე საჯაროდ აცხადებენ, რომ არ დაუჭერენ მხარს ჯემალ ანანიძის გია ერმაკოვით ჩანაცვლებას. დეპუტატია – ნაზიბროლა ქობულაძე ამბობს, რომ არ უჭერს მხარს ჯემალ ანანიძის მერობას, ხოლო სხვები ამბობენ, რომ ფრაქციაში მოილაპარაკებენ და შემდეგ მიიღებენ გადაწყვეტილებას. ყველა მათგანი ამბობს, რომ მერის საქმიანობას დადებითად აფასებს.
„არის საუბარი ვიღაც ვიღაცეებზე, თუმცა არანაირი ოფიციალური ინფორმაცია ამ საკითხთან დაკავშირებით არ მაქვს. ჩვენ ორჯერ დავუჭირეთ მხარი ჯემალ ანანიძეს ამ თანამდებობაზე. მეორედ მაშინ, როცა თავად გააკეთა განცხადება გადადგომაზე. ჩვენ მას ორჯერ გამოვუცხადეთ ნდობა, ამიტომ ცოტა არ იყოს უხერხულია ამ საკითხის წამოწევა ხელახლა. თუ ჯემალ ანანიძის მიმართ რაიმე იძულებითი ღონისძიება უნდა გატარდეს, ჩვენ ამის წინააღმდეგი ვართ. მე, როგორც საკრებულოს წევრი, მივიჩნევ, რომ ჯემალ ანანიძემ უნდა ჩაამთავროს მუშაობა მერის არჩევნებამდე და თუ მიიღებს არჩევნებში მონაწილეობას, მე, პირადად, ძალიან მესიამოვნება. ჩვენ ახლა სათამაშო პერიოდი არ გვაქვს. ეს არის გარდამავალი პერიოდი და უფრო მეტი სტაბილურობა გვჭირდება. ასეთმა გადაწყვეტილებებმა კი გამორიცხული არ არის, რომ საკრებულოში გარკვეული დაძაბულობა გამოიწვიოს“, – უთხრა „ბათუმლებს“ საკრებულოს იურიდიული კომისიის თავჯდომარემ გენო თებიძემ.
„ბათუმელების“ ინფორმაციას, რომ ჯემალ ანანიძე აჭარის მთავრობასა და უმაღლეს საბჭოში დაიბარეს, ადასტურებს საკრებულოს თავმჯდომარის მოადგილე ჯუმბერ კახიძეც:
„მეც მესმის კულუარებიდან, რომ ვიღაცებს მერის გადაყენების სურვილი აქვთ, თუმცა საკრებულოში ეს საკითხი დღის წესრიგში არ დამდგარა. მერის გადაყების მიზეზი, ალბათ, ის არის, რომ ჯემალი არ არის ისეთი მართვადი პიროვნება, რომ უთხრა ეს გააკეთეო და გააკეთოს. აჭარის მთავრობას სურს, რომ მაქსიმალურად მართოს თვითმმართველობა. როგორც ჩანს, სურვილი აქვთ დანიშნონ პიროვნება, რომელსაც შესარულებინებენ ყველაფერს რასაც ეტყვიან. ჯემალი დაიბარეს მთავრობაში. რაღაც კითხვები და საუბრები ჰქონდათ მასთან. ჩვენ ვუსაყვედურეთ ამის გამო ჯემალს. აჭარის მთავრობას არავითარი შეხება არ უნდა ჰქონდეს თვითმმართველობასთან. ჩვენი ზემდგომი აჭარის მთავრობა არ არის“.
მერის მეორე მოადგილეს, ვაჟა ვერულიძეს მერის შესაძლო გადაყენებაზე ინფორმაცია არ აქვს: „არ უთქვამს ასეთი რამ საკრებულოს თავმჯდომარეს ჩემთან. არც საკრებულოს კულუარებში მომისმენია მსგავსი საუბარი. რამდენადაც ვიცი, ჯერ საფუძველი უნდა გაჩნდეს და მერე უნდა დაიწყოს საუბარი. მე მერიის მუშაობით არათუ ახლა, მთელი ოთხი წლის განმავლობაში არ ვიყავი კმაყოფილი. ჯემალ ანანიძის მუშაობა ბოლო ერთი წლის განმავლობაში პრაქტიკულად არც დადებითად და არც უარყოფითად არ შეცვლილა. ახალი წამოწყება მას არ ჰქონია. უბრალოდ, გრძელდება გარკვეული პროექტები.“
თავად ჯემალ ანანიძე კი ამბობს, რომ – „ ასეთი რამ არ გაუგონია“.
„გადადგომას არ ვაპირებ. თუ არ დაისვა იმპიჩმენტის საკითხი. ეხლაც კი ვმუშაობ ქალაქის განვითარების კონცეფციაზე. ამ ეტაპზე ნამდვილად არ ვფიქრობ არასად წასვლაზე. პირიქით, პროქტებზე ერთად ვმუშაობთ, მოქალაქეებს ერთად ვხვდებით და ბოლო პერიოდში არ მახსოვს რაიმე დისკომფორტი ან ხელის შეშლა ყოფილიყოს მუშაობაში. მთავრობაში დაახლოებით ათი დღის წინ ვიყავი, როცა გამგებლებთან შეხვედრა იყო, იქ მსგავსი საუბარი არ მქონია. უმაღლეს საბჭოში კი დიდთოვლობასთან დაკავშირებულ პრობლემებზე ვისაუბრეთ. რაც შეეხება ერმაკოვს, მას შევხვედრივარ როცა საგადასახადოში მუშაობდა და შემდეგ როცა გარემოს დაცვის ინსპექციას ხელმძღვანელობად. მეტი არაფერი ვიცი მასზე“, – უთხრა ჯემელ ანანიძემ „ბათუმელებს“.
„ბათუმელების“ ინფორმაციით, ჯემალ ანანიძის შემცვლელად გია ერმაკოვის კანდიდატურა განიხილება. გია ერმაკოვი 2004 წლიდან აჭარის პოლიციაში სხვადასხვა ხელმძღვანელ თანამდებობაზე მუშაობდა. ამჟამად ის თბილისის ერთ-ერთ უნივესიტეტში ლექციებს კითხულობს.
თვითმმართველობის არჩევნები 2014 წლის გაზაფხულზე უნდა გაიმართოს. ამ არჩევნებზე ბათუმის საზოგადოება მერს პირდაპირი წესით აირჩევს.
აქციის მონაწილეების განცხადებით მათ უკვე ერთი წელია, ელექტრო ენერგია არ მიეწოდებათ. სწორედ ამიტომ საკანონმდებლო ორგანოს დეპუტატებს მთავრობასთან და „ენერგო-პრო ჯორჯიასთნ“ შუამდგომლობას სთხოვენ, რათა ელექტროენერგიის მიწოდება აღუდგეთ.
„არაერთხელ გავმართეთ ამასთან დაკავშირებით საპროტესტო აქციები, მაგრამ არავინ ყურადღება არ მიაქცია. ბოლოს მოვედით უკვე უმაღლეს საბჭოში, იმ ორგანოში სადაც არიან ამ ხალხის მიერ არჩეული დეპუტატები, რათა ვთხოვოთ გვიშუამდგომლონ „ენერგო პრო ჯორჯიასთან“ და იმ ობიექტებზე, სადაც ელექტროენერგია არაა, მოსახლეობამ მიიღოს,“ – აცხადებს აქციის ერთ-ერთი ორგანიზატორი თამაზ ბაკურიძე.
ბაკურიძის ინფორმაციით ამ წუთებში მოქალაქეთა ერთი ჯგუფი აჭარის უმაღლესი საბჭოს თავმჯდომარეს ავთანდილ ბერიძეს ხვდება. შეხვედრის დასრულების შემდეგ აქციის მონაწილეები „ენერგო პრო ჯორჯიას“ ოფისთან გადაინაცვლებენ.
მსურველებს განაცხადის შეტანა 7 ფაკულტეტზე შეუძლიათ. ესენია: ჰუმანიტარულ მეცნიერებათა, საბუნებისმეტყველო მეცნიერებათა და ჯანდაცვის, ფიზიკა- მათემატიკისა და კომპიუტერულ მეცნიერებათა, ტურიზმის, განათლების, სოციალურ მეცნიერებათა, ბიზნესისა და სამართალმცოდნეობის, ტექნოლოგიური ფაკულტეტები.
საბუთები 3 თებერვლიდან 7 თებერვლამდე მიიღება, კონკურსი კი 10 – 12 თებერვალს ჩატარდება. შედეგები ცნობილი 14 თებერვალს გახდება.
საქართველოს სხვადასხვა რეგიონში მდებარე 12 საზოგადოებრივი ცენტრების მეშვეობით 2013 წელს 80 000–მდე მოქალაქეს მოემსახურა, მათ შორის 48 182 მოქალაქემ მიიღო სახელმწიფო სერვისები.
სერვისების განვითარების სააგენტოს სტატისტიკით, საზოგადოებრივი ცენტრების სერვისებით ყველაზე მეტმა მოქალაქემ გარდაბნის მუნიციპალიტეტის სოფელ სართიჭალაში, გურჯაანის მუნიციპალიტეტის სოფელ შაშიანსა და თეთრიწყაროს მუნიციპალიტეტის სოფელ მანგლისში ისარგებლა. სოფლის მკვიდრებს უკვე მიეცათ საშუალება, სოფლიდან გაუსვლელად მიიღონ პასპორტები, პირადობის, ბინადრობის და სხვა მოწმობები. ასევე მიიღონ სოციალური დახმარებები, ისარგებლონ ეროვნული არქივის სერვისებით, მოახდინონ მიწის რეგისტრაცია, გადაიხადონ კომუნალური გადასახადები და სხვა.
საზოგადოებრივ ცენტრში განთავსებულია სპეციალური სივრცე საზოგადოებრივი ჩართულობის ხელშესაწყობად. მოსახლეობა სარგებლობს უფასო ინტერნეტითა და შეხვედრების ოთახით, სადაც საშუალება აქვს მიიღოს კვალიფიციურ კონსულტაცია სოფლის მეურნეობის, სახელმწიფო დახმარების პროგრამებისა და სხვა საკითხებზე. ამავე ცენტრებში, საქართველოში პირველად, გაეშვა საპილოტე დისტანციული ინგლისური ენის სწავლების კურსები (ხევის სახოგადოებრივ ცენტრში), ხოლო ეთნიკური უმცირესობებით დასახლებულ პუნქტებში (ფოკის საზოგადოებრივი ცენტრი) დაინერგება ქართული ენის შესწავლის კურსი. მომავალში დაგეგმილია ენის შემსწავლელი დისტანციური კურსების სხვა საზოგადოებრივ ცენტრებში დანერგვაც.
სახელმწიფო სერვისების განვითარების სააგენტო, იუსტიციის სამინისტროს ინფორმაციით, 2014 წელს ქობულეთის მუნიციპალიტეტის, სოფელ მუხესტატეში გაიხსნება საზოგადოებრივი ცენტრი.
სეზონის ჩატარების კონკრეტული გეგმა-გრაფიკის არ არსებობა, მოსალოდნელი მოსავლის არასწორი პროგნოზირება, ციტრუსის რეალიზაციისათვის მარკეტინგული გეგმის არ არსებობა, ექსპორტიორებთან კონტაქტის არ არსებობა, ციტრუსის სეზონისათვის სახელმწიფოს მიერ სუბსიდირების დაგვიანებით გამოყოფა, მინისტრის მიერ სეზონის მიმდინარეობისასარსებული პრობლემების ფერმერებზე გადაბრალება – ესაა არასრული ჩამონათვალი იმ მიზეზებისა, რამაც ირაკლი ბარამიძის თქმით ციტრუსის სეზონი ჩააგდო აჭარაში.
მისი განცხადებით კომპენსაცია, რომელიც აჭარის სოფლის მეურნეობის სამინისტრომ გამოყო ფერმერებისათვის, არასწორად ნაწილდება და კომპენსაცია ყველა გლეხმა უნდა მიიღოს.
„წელს აჭარაში მოვიდა 110 120 ათასი ტონა ციტრუსი. ციტრუსის 40 % რეალიზაცია მოხდა სადღაც 8 დეკემბრამდე, ანუ მანამდე სანამ საკომპენსაციო თანხა იქნებოდა გამოყოფილი. დარჩა 60 %. მოვიდა ზამთარი და სადღაც 35-40 % გაფუჭდა. იმ დარჩენილი 20 % დან, სადღაც 15 ათას ტონამდე მიიღებს ქობულეთის წვენების ქარხანა, დანარჩენის კომპენსირება მოხდება. ეს კომპენსირება რას მოიცავს, დოკუმენტალურად რომ გავშიფრეთ აღმოჩნდა რომ არის ურთულესი პროცესი. 12 მილიონიდან, რომელიც არის გამოყოფილი, ამ თანხის ნახევარსაც ვერ აითვისებენ. იმიტომ რომ ძალიან რთულად არის შიგნით მოყვანილი დოკუმენტაცია, რომელიც ფერმერმა უნდა წარადგინოს სახელმწიფოს წინაშე რომ მიიღოს ანაზღაურება,“ – აცხადებს ირაკლი ბარამიძე.
უმაღლესი საბჭოს დეპუტატი ამბობს რომ კომპენსაცია ყველამ უნდა მიიღოს.
„ვითხოვთ აჭარის მთავრობისგან მოხდეს რეალური კომპენსირება აჭარელი გლეხების. თუ კახეთში მოხდა კახელი გლეხის ნამუშევრის ანაზღაურება, რა დააშავა აჭარელმა გლეხმა რომელსაც არაფერს არ ვუხდით თავისი ერთადერთი შემოსავლი სანაცვლოდ,“ – აცხადებს ირაკლი ბარამიძე.
„ბათუმელები“ კომენტარისთვის დაუკავშირდა აჭარის სოფლის მეურნეობის სამინისტროს პრესსამსახურს. პრესსამსახურის ხელმძღვანელის, როინ გოგაძის განცხადებით სამინისტრო კომენტარს მოგვიანებით გააკეთებს.
ორგანიზაციის ხელმძღვანელის ლაშა ადამიას განცხადებით, პრობლემის თაობაზე მათ არაერთხელ მიმართეს მერიას და საკრებულოს წევრებს:
„ოფიციალური წერილით არ მიგვიმართავს, მაგრამ არაოფიციალურ საუბრებში გვითხოვია საკრებულოს წევრებისთვის, რომ პარკი კვლავ გადმოსულიყო თვითმმართველობის დაქვემდებარებაში, რადგან უფრო ეფექტურად მომხდარიყო მისი მართვა. გარდა ამისა, პარკში მიმდინარეობს მშენებლობა, კაფე „ცეროდენას“ გვერდით, რის გამოც ჩადგმულია რამდენიმე ჯიხური და პარკის ინფრასტრუქტურა დაზიანებულია“.
„6 მაისი პარკი“ მფლობელობაში შპს „შავი ზღვის ფლორისა და ფაუნის შემსწავლელ სამეცნიერო-კვლევით ცენრტს“ ბათუმის მერიისგან გადაეცა. პარკის ტერიტორია 151 445,0კმ.მ-ია და ის მოიცავს როგორც პარკს, ასევე დელფინარიუმსა და ზოოკუთხეს. პარკის პიარმენეჯერის განცხადებით, აღნიშნულ საკითხზე განცხადებას დირექტორი დღის სამი საათის შემდეგ გააკეთებს.
6 მაისის პარკი
თინათინ დვალიშვილმა, რომელიც კავკასიის ჟურნალისტთა საერთაშორისო ცენტრის წარმომადგენელია და საკონკურსო კომისიის ერთ-ერთი წევრია, ირინა ყურუას დაახლოებით ასეთი შინაარსის კითხვა დაუსვა: „თუ მთავრობაში საგანგებო ბრიფინგია, მაგრამ თქვენთვის თემა, რაზეც ბრიფინგს ატარებენ უცნობია, ამის პარალელურად უკიდურესად სოციალურად დაუცველ ოჯახს სახლიდან ასახლებენ, რომელიც თვითმკვლელობით იმუქრება, სად გაუშვებ პირდაპირი ჩართვის აპარატს, რომელიც ტელევიზიას ერთი აქვს. ყურუამ უპასუხა, რომ მისთვის ყველაზე მნიშვნელოვანი ადამიანის სიცოცხლე და ჯანმრთელობაა. ირინა ყურუასთან გასაუბრება, საათზე მეტ ხანს გაგრძელდა.
სოსო სტურუამ – ტელევიზიის დირექტორმა „ბათუმელებს“ უთხრა რომ კონკურსს ერთი მონაწილე, ნიკოლოზ ტუღუში გამოეთიშა, რადგან მან მუშაობა აჭარის მთავრობაში დაიწყო. დღეს ჟიური კონკურსის 10 მონაწილეს მოუსმენს. ტელევიზიის ოთხი ახალი თანამშრომლის ვინაობა ხვალ დღის ბოლომდე გახდება ცნობილი. თუმცა ტელევიზიის დირექტორი არ გამორიცხავს რომ ზოგიერთი თანამდებობა ვაკანტური დარჩეს.
საზოგადოებრივი მაუწყებლის აჭარის ტელევიზიასა და რადიოში გამოცხადებულ კონკურსის კომისიის წევრები არიან: ემზარ დიასამიძე – აჭარის ტელევიზიის ჟურნალისტი, ომარ ბერიძე – აჭარის ტელევიზიის დირექტორის თანამშემწე მონიტორინგის დარგში და თინათინ დვალიშვილი – კავკასიის ჟურნალისტთა საერთაშორისო ცენტრის წარმომადგენელი. კომისიის თავმჯდომარე საზოგადოებრივი მაუწყებლის აჭარის ტელევიზიისა და რადიოს დირექტორი სოსო სტურუაა. გასაუბრებას არასამთავრობო ორგანიზაციების წარმომადგენლები ესწრებიან.
ინგლისური ენის, მათემატიკის, ქიმიისა და ფიზიკის მასწავლებლობის მსურველებს კონკურსში მონაწილეობის მიღება შეუძლიათ, რომელსაც აჭარის ა.რ. განათლების, კულტურისა და სპორტის სამინისტრო ატარებს. ,,ვასწავლოთ მომავალი წარმატებისათვის’’ ასე ჰქვია ქვეპროგრამას, რომელსაც სამინისტრო 2011 წლის ოქტომბრიდან ახორციელებს. ქვეპროგრამის მიზანი აჭარის მაღალმთიანეთის სკოლებში სხვადასხვა საგნის სპეციალისტების არსებული ვაკანსიების შევსება.
მასწავლებლობის მსურველებმა წერითი და ზეპირი გამოცდისგან შემდგარი ორ ეტაპიანი კონკურსი უნდა გაიარონ. კონკურსში გამარჯვებულები აჭარის მაღალმთიანეთში მდებარე საჯარო სკოლებში მინიმუმ ერთი წლით დასაქმდებიან. გამარჯვებული კონკურსანტები აჭარის განათლების, კულტურისა და სპორტის სამინისტროსგან 400 ლარის ოდენობით დამატებით ანაზღაურებას მიიღებენ.
როგორც პროგრამის კოორდინატორი ნანა შავაძე „ბათუმელებთან“ საუბარში აცხადებს საბუთების მიღება უწყვეტ რეჟიმში მიმდინარეობს. შესაბამისი განაცხადების დაგროვების შემდეგ კი მასწავლებლობის მსურველებს ტესტირება ჩაუტარდებათ. ამჟამად მაღალმთიანი აჭარის სკოლებში სულ 5 ვაკანსიაა.
ინფორმაცია „ბათუმელებს“ ამის შესახებ უფლებადამცველმა თამაზ ბაკურიძემ მოაწოდა. ბაკურიძის ინფორმაციით, აქციის მონაწილეები საკონონმდებლო ორგანოს დეპუტატებს მთავრობასთან და „ ენერგო-პრო ჯორჯიასთნ“ შუამდგომლობას მოსთხოვენ, რათა ელექტროენერგიის მიწოდება აღუდგეთ.
თამაზ ბაკურიძის ინფორმაციით, აქციას ის ადამიანები მართავენ, რომელბიც ბათუმში, სხვადასხვა უბნებში სახელმწიფოს ფართებში თვითნებურად შესახლდნენ და როგორც თავად ამბობს ამ ადამიანებს ელექტრო ენერგიის მიწოდება უკვე წლებია შეწყვეტილი აქვთ.
პროექტი გაჩერებულია, ხოლო მის მშენებლობაზე პასუხისმგებელი უწყებები აცხადებენ, რომ ყველაფერი გეგმის მიხედვით მიმდინარეობს. დღეს აღმოსავლეთ და დასავლეთ საქართველოს ერთმანეთთან მხოლოდ ერთი, 500კვ-იანი მაღალი ძაბვის ელექტროგადამცემი ხაზი აკავშირებს. ამ ხაზის ნებისმიერი გაუმართაობა, განსაკუთრებით შემოდგომისა და ზამთრის პერიოდში, იწვევს ელექტროენეგრიის მწვავე დეფიციტს. შექმნილი მდგომარეობიდან გამომდინარე ჯვარი–ხორგას 500 კვ–იანი ელექტროგადამცემი ხაზის მშენებლობა 2012 წელს გადაწყდა.
პროექტს მთავრობის თხოვნით ახორციელებს „ევროპის რეკონსტრუქციისა და განვითარების ბანკი“ (EBRD), „ევროპის საინვესტიციო ბანკი“ (EIB), „გერმანიის რეკონსტრუქციის საკრედიტო ბანკი“ (KFW) და „ევროპის სამეზობლო საინვესტიციო ფონდი“ (ECNIF). პროექტის მთლიანი ღირებულება 270 მილიონ ევროს შეადგენს. „ჩვენი მიზანია, რომ საქართველო დაბრუნდეს საინვესტიციო სფეროში, მოხვდეს ინვესტორთა რადარებზე“ – განაცხადა „ევროპის რეკონსტრუქციისა და განვითარების ბანკის“ მმართველმა დირექტორმა ოლივიე დეკამმა საქართველოს პრემიერ-მინისტრ ირაკლი ღარიბაშვილთან შეხვედრის შემდეგ. ეს ნიშნავს, რომ საქართველოს საერთაშორისო საფინანსო ინსტიტუტების მხარდაჭერის შანსი აქვს. სამწუხაროა, რომ სახელმწიფო სტრუქტურების შეუთანხმებელი მუშაობის შედეგად ჭიანურდება ქვეყანაში 270 მილიონი ევროს პირდაპირი უცხოური ინვესტიციის შემოდინება. და მეორე – საქართველოს მოსახლეობას კვლავ ექნება ელექტროენერგიის მიწოდების პრობლემა – აღნიშნულია ასოციაციის მიერ ბათუმელებისადმი მოწოდებულ ინფორმაციაში. ასოციაციაში აცხადებენ, რომ არ შეიძლება კონკრეტული პროექტების განხილვა სამთავრობო კულუარებში ერთი, ორი და მეტი წლით გაიწელოს. მითუმეტეს, როდესაც პროექტის ინიციატორი თავად მთავრობაა და შექმნილი მდგომარეობა ამ ელექტროგადამცემი ხაზის აშენების აუცილებლობაზე მიუთითებს.
„გვესმის რომ აღმშენებლობა ქვეყნისთვის მნიშვნელოვანია, მაგრამ იმ ადგილას იყო პარკი, ბავშვები თამაშობდნენ და დიდები ისვენებდნენ. წინა ხელისუფლების პირობებში როდესაც ხელისუფლებამ სცადა იქ მშენებლობის დაწყება არ გამოვიდა, ხალხი შეეწინააღმდეგა. ახალი ხელისუფლების პირობებში კი სკვერი განადგურდა. მოსახლეობის მოთხოვნაა აღდგეს პარკი თავისი პირვანდელი ფუნქციით, ინვესტორს კი სხვა ტერიტორია გამოეყოს მშენებლობისათვის,“ – აცხადებს „ბათუმელებთან“ საუბარში აქციის ერთ-ერთი ორგანიზატორი „ახალგაზრდული ცენტრი – მომავალი საქართვლეოსათვის“ წარმომადგენელი ლაშა ადამია.
აქციის მონაწილეებს გზა ოცი წუთის მანძილზე ჰქონდათ გადაკეტილი. სიტუაცია საპატრულო პოლიციის მისვლის შემდეგ განიმუხტა.
რემონტშია მეორე ავტომანქანა, „მერსედეს ბენცი“, რომლითაც ფრაქცია „ერთიანი-ნაციონალური მოძრობა“ სარგებლობს. „ტოიოტა პრადო“, რომლითაც უმაღლესი საბჭოს თავმჯდომარე სარგებლობს „დაბალი გამავლობისაა“, – განმარტა „ბათუმელებთან“ საკანონმდებლო ორგანოს საფინანსო სამსახურის თანამშრომელმა თამაზ დოლიძემ. მისივე ინფორმაციით, ორივე ავტომანქანის შეკეთებისთვის ბიუჯეტიდან 15 ათასი ლარი დაიხარჯება. ტენდერში „ირბათ“ ცენტრმა გაიმარჯვა.
ტენდერში გამარჯვებულ კომპანიასთან უმაღლესი საბჭო ხელშეკრულებას ხვალ აფორმებს.
ავტომანქანების შეკეთებაზე, რომლებიც უმაღლესი საბჭოს თავმჯდომარეს, ავთანდილ ბერიძეს ემსახურება, 2013 წლის განმავლობაში 13 121 ლარი დაიხარჯა. ამის შესახებ „ბათუმელებს“ უმაღლესი საბჭოდან აცნობეს.
ცნობილია, რომ უმაღლესმა საბჭომ 2013 წლის ბოლოს გააუქმა ტენდერი, რომლის მიხედვითაც 83 ათას ლარად ღირებული ავტომანქანის შეძენას აპირებდა.
გეგმის მიხედვით უახლოეს პერიოდში იგეგმება ელექტრონულ საბილეთო სისტემაზე გადასვლა, ველო ბარათების განახლება, ახალი ტერმინალებისა და გაჩერებების მოწყობა. პროექტის მიხედვით, ქალაქში 20 ახალი ელექტრონული ტაბლო გაჩნდება.
„ორწლიანი პროექტი წარმოვადგინეთ, რომელსაც განვახორციელეთ. უახლოეს მომავალში ჩვენ გადავალთ ელექტრონულ საბარათე სისტემაზე. ასევევ უახლოეს პერიოდში განვაახლებთ ველო ბარათებს. გვინდა 20 ავტობუსის შეძენა. ყველა ავტობუსი, რომელსაც ამიერიდან ჩვენ ვიყიდით აუცილებლად იქნება გათვალისწინებული შეზღუდული შესაძლებლობის მქონე პირებისათვის,“ – განაცხადა შპს “ბათუმის ავტოტრანსპორტის” ხელმძღვანელმა გია ლორიამ.
მისივე ინფორმაციით, 20 ავტობუსის შესაძენად დაახლოებით 3 მილიონი ლარია საჭირო და ეს თანხა ბათუმმა უნდა გაიღოს.
შპს “ბათუმის ავტოტრანსპორტი“ 2007 წლიდან ბათუმის მერიის მუნიციპალური ორგანიზაციაა. დღეისათვის მგზავრებს 15 საქალაქო და 6 საგარეუბნო სამარშრუტო ხაზზე ემსახურება. კომპანიის ავტოპარკში დღეისათვის 150 ავტობუსია. ასევე კომპანიის კუთვნილებაა ქალაქის ტერიტორიაზე განთავსებული 370 ველოსიპედი.
აჭარის ფინანსთა და ეკონომიკის სამინისტრომ ბათუმის თვითმმართველობას ახალი სასაფლაოსთვის ფართი უკვე გადასცა. ბათუმის საკრებულოს პრესსამსახურის ინფორმაციით, 17 ჰექტარი ტერიტორია, რომელიც ჩაქვში, გვირაბიდან ერთი კილომეტრის დაშორებით, ხელმარცხნივ მდებარეობს, საკრებულოს უახლოეს სხდომაზე გადაეცემა აიპის “ბათუმის სასაფალაოს” სამართავად. ამასთან, აღნიშნული ტერიტორიის მოსაწესრიგებლად მათ 30 000 ლარი გადაერიცხებათ.
ერთ–ერთი სასაფლაო ფერიის მთაზე
აიპი “ბათუმის სასაფლაოს” დირექტორის, ლაშა ბერძენიშვილის თქმით, თითქმის გადატვირთულია ქალაქის მეორე, ე.წ. ურეხის სასაფლაოც, ამიტომ ქალაქისთვის აუცილებელი იყო ახალი ფართი, ახალი სასაფლაოსთვის.
საფლავის ფასი ახალ სასაფლაოზე იგივე დარჩება, ამ ეტაპზე ფერიისა და ურეხის სასაფლაოებზე, ერთადგილიანი საფლავი 150 ლარი ღირს, დაკრძალვის მომსახურების ღირებულება კი 100 ლარია.
მას შემდეგ, რაც ახალი სასაფლაოს ფართი აიპი “ბათუმის სასაფლაოს” გადაეცემა, დაახლოებით ერთ კვირაში ტენდერი გამოცხადდება ინფრასტრუქტურულ სამუშაოებზე, რის შემდეგაც დადგინდება ზუსტი დრო, თუ რა ვადებში დასრულდება სასაფლაოს კეთილმოწყობა. ლაშა ბერძენიშვილის თქმით, ამ ყველაფერს, სავარაუდოდ, ოთხი თვე დასჭირდება.
„ჩვენმა სამსახურმა აღმოაჩინა მორიგი შემოვლის დროს. შედგა ადმინისტრაციული სამართალდარღვევის ოქმი, რომელიც გადაეგზავნება სასამართლოს,“ – განუცხადა „ბათუმელებს“აჭარის გარემოსდაცვითი ზედამხედველობის დეპარტამენტის ხელმძღვანელმა ვახტანგ ღოღობერიძემ.
მოვაჭრეს, რომლის დახლზეც სარეალიზაციოდ გამზადებული ზუთხი აღმოჩნდა 300 ლარამდე ადმინისტრაციული ჯარიმა ემუქრება. საქმის მოკვლევამდე ჩამორთმეული თევზი გარემოსდაცვითი ზედამხედველობის დეპარტამენტში ინახება. მოკვლევის დასრულების შემდეგ კი სახელმწიფოს გადაეცემა. ერთი კილოგრამი ზუთხი 25 ლარი ღირს.
განსახილველი დოკუმენტაციის მიხედვით, ხელვაჩაურის მუნიციპალიტეტის ბიუჯეტი 3 მილიონი ლარით გაიზრდება. საქართველოს მთავრობის განკარგულების საფუძველზე ამ თანხას მუნიციპალიტეტი ცენტრალური ბიუჯეტიდან მიიღებს.
მუნუციპალიტეტის გამგეობის საფინანსო-საბიუჯეტო სამსახურის ხელმძღვანელის ტარიელ ნაკაშიძის ინფორმაციით, ეს თანხა მუნიციპალიტეტმა ციტრუსის მოსავლის აღების სეზონზე მეციტრუსეების ხელშეწყობისთვის უნდა გამოყენოს.
„მთავრობა კილოგრამ მანდარინზე 15 თეთრის სუფსიდირებას ახდენს“.
2014 წლის ბიუჯეტი მუნიციპალიტეტის საკრებულომ გასული წლის 24 დეკემბერს, 11 მილიონ 880 106 ლარით განსაზღვრა. ამ თანხიდან 2 მილიონ 100 000 ლარი მუნიციპალიტეტის ტერიტორიაზე სოციალური სახლის მშენებლობისთვის უნდა დაიხარჯოს.
ინიციატივა კომპანია „მწვანე გზას“ ეკუთვნის. კომპანია დირექტორი დავით სამნიძე ამბობს, რომ აღნიშნული საქმიანობა მხოლოდ გუშინ დაიწყეს და ჯერ გამოძახებების რაოდენობა მცირეა.
„ხალხის უსაფრთხოდ გადაადგილებისთვისაა ეს სერვისი. საავარიო შემთხვევები რომ შემცირდეს და მოქალაქეებმა შეზღუდვების გარეშე იარონ. ერთდროულად ათამდე გამოძახების მიღება შეგვიძლია. ჩვენს მძღოლებს ყველა კატეგორიის მართვის მოწმობა აქვთ,“ – ამბობს დავით სამნიძე.
სერვისით სარგებლობა ნებისმიერ მსურველს შეუძლია. უსაფრთხო გადაადგილებისათვის მძღოლის გამოძახება ბათუმის ფარგლებში 20 ლარი ღირს, ჩაქვსა და ქობულეთში კი 30 ლარი.
აჭარის ტურიზმისა და კურორტების დეპარტამენტი, 2013 წლის ტურიზმის სტატისტიკას აქვეყნებს, რომლის მიხედვითაც ტურისტთა განთავსების ობიექტები ყველაზე დატვირთული ივლისში იყო, ამ დროს დატვირთულობის კოეფიციენტმა 88,08% შეადგინა, დეკემბერში კი – 10.73%. იგივე თვეს აჭარის ტერიტორიაზე სასტუმროს მომსახურებით 9.915 ვიზიტორმა ისარგებლა.
სტატისტიკა ქვეყნების მიხედვით ასე გადანაწილდა: თურქეთი, აზერბაიჯანი, რუსეთი, უკრაინა, ირანი, სომხეთი, პოლონეთი, ისრაელი.
2013 წელს სასტუმრო სექტორში ადგილთა რაოდენობა გასულ წელთან შედარებით 588-ით მეტია, ანუ სულ 10.955 ადგილი.
აჭარის ტურიზმისა და კურორტების დეპარტამენტის ინფორმაციით, გაზრდილია საკრუიზო გემების შემოსვლის რაოდენობაც, 2012 წელს ბათუმის პორტს 10 საკრუიზო გემი ესტუმრა და 3 632 ტურისტი შემოიყვანა, ხოლო 2013 წელს 16 გემი შემოვიდა და 5 162 ტურისტი შემოიყვანა.
ამ სტატისტიკის მიხედვით, გასულ წელს პატიმრობა 3 704 ადამიანს მიუსაჯეს, 2012 წლის იგივე პერიოდში კი 4 149 ადამიანს. პირობითი სასჯელით გასულ წელს 7 790 პირი გაათავისუფლეს. „საზოგადოებისთვის სასარგებლო შრომა“ გასულ წელს 242 ადამიანს მიუსაჯეს, 2012 წელს კი 419 პირს.
ამ ოთხი ახალი ბაღის პერსონალის შესარჩევად მუნიციპალიტეტის საკრებულომ კონკურსი გასულ წელსაც გამოაცხადა. თუმცა საკრებულოს წევრების მხრიდან საკონკურსო კომისიის მიმართ გამოთქმული პრეტენზიებისა და დოკუმენტაციაში დაფიქსირებული ხარვეზების გამო საკრებულომ კონკურსის შედეგები გააუქმა.
კონკურსში მონაწილეობის მსურველები უნდა იყვნენ 21 წელს გადაცილებული პირები, არანაკლებ ორწლიანი სამუშაო გამოცდილებით განათლების სისტემაში.
საჯარო სამსახურის ბიუროს ვებ გვერდზე კონკურსანტთა განაცხადის წარდგენის ბოლო ვადა 23 იანვარია. კონკურსის შესახებ დაწვრილებითი ინფორმაციისთვის გადადით შემდეგ ბმულზე.
„ კომისიის წევრების ინტერესთა კონფლიქტი წლების მანძილზე აყენებდა ზიანს მარეგულირებელი ორგანოს დამოუკიდებლობას. სწორედ ინტერესთა კონფლიქტის რისკების გამოვლენის მიზნით, „საერთაშორისო გამჭვირვალობა – საქართველომ” კვლავ გამოიკვლია კანდიდატების წარსული საქმიანობა. საჯარო წყაროების გამოყენებით ჩვენ შევეცადეთ დაგვედგინა ქმნის თუ არა კანდიდატების საქმიანობა კერძო სექტორში ინტერესთა კონფლიქტის რისკს მათი კომისიის წევრად არჩევის შემთხვევაში.
პარლამენტმა უკვე მესამედ უნდა უყაროს კენჭი კომისიის წევრის არჩევის საკითხს, ამჟამად მარეგულირებელ კომისიაში ორი ვაკანტური ადგილია. გასულ შემოდგომაზე „მაუწყებლობის შესახებ” კანონში ცვლილებები შევიდა. ცვლილებების ადვოკატირება „საერთაშორისო გამჭვირვალობა – საქართველომ” და „საქართველოს ახალგაზრდა იურისტთა ასოციაციამ” მოახდინეს, რომლის მიხედვითაც კომისიის წევრობის კანდიდატებისთვის მოთხოვნები გამკაცრდა.
წევრობის კანდიდატს უნდა ჰქონდეს ათწლიანი სამუშაო გამოცდილება, მათ შორის სამი წელი მმართველ პოზიციაზე. ამასთან, მას უნდა ჰქონდეს მაგისტრის ან მასთან გათანაბრებული აკადემიური ხარისხი ეკონომიკის, სამართლის, ელექტრონული კომუნიკაციების, ბიზნეს ადმინისტრირების, საჯარო ადმინისტრირების ან ჟურნალისტიკის განხრით.
მთავრობა და პრეზიდენტი კომუნიკაციების ეროვნული კომისიის წევრობის სამ კანდიდატზე შეთანხმდნენ. პრეზიდენტი არჩეული პარლამენტს – კახა ბექაურს, თამაზ ინაშვილსა და სერგო შავგულიძეს წარუდგენს. საკანონმდებლო ორგანოს კი მარეგულირებელი კომისიის წევრის ასარჩევად წარდგენიდან ორი კვირის ვადა აქვს.
„საერთაშორისო გამჭვირვალობა – საქართველომ” საჯარო წყაროებზე დაყრდნობით კანდიდატების კერძო სექტორში საქმიანობა გამოიკვლია, რის შედეგადაც, ინტერესთა კონფლიქტის რისკები არ გამოიკვეთა. კანდიდატებს ფული არ აქვთ შეწირული პარტიებისთვის, მათ კომპანიებს კი მსხვილი სამთავრობო ტენდერები არ მოუგიათ.
კახი ბექაური პროფესიით მათემატიკოსია და მას წლების მანძილზე სხვადასხვა მაუწყებლში მმართველი თანამდებობები ეკავა. ბექაური მუშაობდა საზოგადოებრივ მაუწყებელში (2000-2002 და 2003-2005 წლებში). იგი ასევე იყო ტელეკომპანია „მზის” დირექტორი და პარტნიორი. მოგვიანებით კი ბექაური ტელეკომპანია „მაესტროს”(2010-2011) და „მეცხრე არხის” (2012 წლის მარტიდან დეკემბრამდე) გენერალურ დირექტორად მუშაობდა.
ბექაური ფლობს შპს „სხვა არხს,” რომელიც 2012 წელს დაარსდა, თუმცა, არ ფუნქიონირებს როგორც მაუწყებელი. მის მფლობელობაშია ასევე სუპერმარკეტების ქსელი „ორი ნაბიჯი” (25%) და შპს „რითეილ ფროფერთიზ” (25%). 2009-2010 წლებში ბექაური „რუსთავის მედიის მართვის კომპანიის” დირექტორი იყო, რომელსაც „რუსთავი 2-ის” ყოფილი პარტნიორი ეროსი კიწმარიშვილი ფლობდა.
თამაზ ინაშვილი პროფესიით იურისტია და შპს „ჯორჯიან უოთერ ენდ ფაუერში” მუშაობს. იქამდე იგი მუშაობდა საქართველოს ენერგეტიკისა და წყალმომარაგების მარეგულირებელ ეროვნულ კომისიაში, 90-იან წლებში კი წამყვანი თანამდებობები ეკავა ენერგეტიკის სამინისტროსა და მთავრობის კანცელარიაში.
ინაშვილი ფლობს 17%-ს შპს „ჯიაიჯი 2007”-ში. აღნიშნული კომპანიის საჯარო დოკუმენტებში 2011 წლის შემდეგ ცვლილებები არ ფიქსირდება, რაც მიუთითებს, რომ კომპანია, შესაძლოა, აღარ ფუნქციონირებს. მისი ბიზნეს პარტნიორი მუხრან გულაღაშვილი დიასპორის საკითხებში სახელმწიფო მინისტრის მოადგილეა.
სერგო შავგულიძე პროფესიით ელექტროკავშირგაბმულობის ინჟინერია და კომუნიკაციების ეროვნულ კომისიაში რადიოსიხშირეთა მართვის დეპარტამენტს ხელმძღვანელობს. იგი ამავდროულად ტექნიკური უნივერსიტეტის სრული პროფესორია და კერძო სექტორში არ საქმიანობს.
ლია ლიბერნამი ამჟამად გერმანიაში ცხოვრობს და სასამართლოში მისი წარმომადგენელი დედა, გუგული კვირიკაძეა, ოჯახის ინტერესებს კი ადვოკატი ნოდარ დეისაძე იცავს, რომელმაც მოსამართლეს უთხრა, რომ 2010 წელს, მაშინ როცა მისმა კლიენტებმა კომპანიასთან ბინის ნასყიდობის ხელშეკრულება გააფორმეს, ხელშეკრულებაში ეწერა, რომ შენდებოდა საცხოვრებელი კორპუსი, თუმცა კომპანიამ მშენებლობის დროს კორპუსის პროფილი შეუცვალეს და კორპუსში სასტუმრო გაიხსნეს.
მომჩივანი კომპანიანსთან ხელშეკრულების გაუქმების ერთ-ერთ მიზეზად სწორედ კორპუსში სასტუმროს გახსნას ასახელებს. გარდა ამისა, მოსამართლეს ლია ლიბერნამის ადვოკატმა უთხრა რომ კომპანიამ ბინა მის მარწმუნებელს მეხუთე სართულის ნაცვლად მეექვსე სართულზე მისცა.
გარდა ამისა მომჩივან მხარეს ამ კორპუსში ცხოვრება იმიტომ აღარ სურს რომ წყლის, ელექტროენერგიისა და გაზის გადასახადის გადახდა როგორც კომერციული ფართის მფლობელებს ისე მოუწევს, თუმცა სამშნებლო კომპანიის იურისტი გელა მახარაძე ამბობს რომ ეს ინფორმაცია არ შეესაბამება სიმართლეს და კორპუსში სასტუმროს გარდა საცხოვრებელი ფართები არის, ეს ადამიანები კი კომერციული ფართის გადასახადებით არ ისარგებლებენ თუ ისინი ეკონომიკური მოგებისთვის აღნიშნულ ფართებს არ გამოიყენებენ და იცხოვრებენ.
მომჩივანი ამბობს რომ კომპანიამ ის მოატყუა და ბინა სხვა ხედით და სხვა სართულზე მისცა.
საქმეს ბათუმის საქალაქო სასამართლოს განიხილავს. მხარეებს უკვე მოუსმინა მოსამართლე თამარ ბურჯანაძემ და გადაწყვეტილებას 29 იანვარს გამოაცხადებს. მოსამართლეს კომპანიის იურისტმა გელა მახარაძე უთხრა, რომ სასამართლომ ახლა მხოლოდ ერთ რამეზე უნდა იმსჯელოს: რა ზარალი მიადგა მოქალაქეს შენობის ფუნქციის შეცვლით.
გამოფენაზე მე-20 საუკუნის 20-იანი წლების ნივთებია წარმოდგენილი.
„მუზეუმი მდიდარია ეთნოგრაფიული ექსპონატებით. შევეცადეთ მნახველი დაგვებრუნებინა ორი-სამი წლით უკან. აქ გამოფენილია სხვადასხვა დანიშნულების ნივთები კარდალა, საცერი, გიდელი, ძველებური არყის ჭურჭელი, ნარდი თავისი დასადგამით. გავაკეთეთ ამ პერიოდის ოთახის იმიტაცია, გვინდოდა ძველი ტრადიციით აღგვენიშნა ახალი წელი“ – აღნიშნა მუზეუმის ისტორიის განყოფილების თანამშრომელმა ინგა დიასამიძემ.
ძველი კულტურით დაინტერესებულებს მუზეუმი დღეიდან 10 დღის განმავლობაში უმასპინძლებს.
ბილეთის ფასი 2 ლარია. ბავშვებისთვის 50 თეთრი, სტუდენტებისთვის 1 ლარი, ხოლო ექსკურსია ჯგუფებზე მომსახურება 5 ლარი ეღირება.
შიიტთა რელიგიურ საბჭოში 18 ადამიანი შედის, აღმოსავლეთ საქართველოს სუნიტთა რელიგიურ საბჭოში 14, ხოლო დასავლეთ საქართველოს სუნიტთა რელიგიურ საბჭოში 19 ადამიანი. რელიგიურმა საბჭოებმა თავიანთი რელიგიური ლიდერები 9 იანვარს აირჩიეს.
დასავლეთ საქართველოს სუნიტთა მუფთად ჯემალ პაქსაძე დაინიშნა, აღმოსავლეთ საქართველოს სუნიტთა ახალი მუფთი კი იასინ ალიევი გახდა. კრების ოქმით ირკვევა, რომ „სრულიად საქართველოს მუსლიმთა სამმართველოს“ შიიტთა შეიხმა ვაგიფ აქპეროვმა რელიგიურ საბჭოს გადადგომის თხოვნით მიმართა. საბჭომ მისი თხოვნა დააკმაყოფილა და ახალ შეიხად რამინ იგიდოვი აირჩია.
„ორი ცვლილება მოხდა ჩვენს სამმართველოში, პირველი ის, რომ შეიცვალა შეიხი და აირჩიეს ახალი. მეორე კი გახლავთ ის, რომ ერთის ნაცვლად ორი მუფთია, დასავლეთისა და აღმოსავლეთის. ეს იმიტომ, რომ მანძილი აღმოსავლეთსა და დასავლეთ საქართველოს შორის დიდია,“ – აღმოსავლეთ საქართველოს სუნიტთა მუფთმა იასინ ალიევმა ეს განცხადება აჭარის ტელევიზიასთან გააკეთა.
დასავლეთ საქართველოს სუნიტთა მუფთი ჯემალ პაქსაძე „ბათუმელებთან“ აცხადებს, რომ ცვლილება ეთნიკურად ქართველ სუნიტებს არ შეხებია და გაყოფა საქართველოში მცხოვრებ ეთნიკურად აზერბაიჯანელ მუსლიმებში მოხდა.
„ცვლილება მოხდა ეთნიკურად აზერბაიჯანელ მუსლიმებს შორის. იქ გაიყო შიიტი და სუნიტი რელიგიური ლიდერები. დღემდე „სრულიად საქართველოს მუსლიმთა სამმართველოს“ ორი ხელმძღვანელი ჰყავდა. ეს იყო ქართველი სუნიტების ხელმძღვანელი ანუ მე და ასევე იყო შიიტი ხელმძღვანელი ვაგიფ აქპეროვი. გადადგა შიიტი ხელმძღვანელი და მის ადგილას აირჩიეს ახალი შეიხი. ამასთან, ეთნიკურად აზერბაიჯანელმა სუნიტებმა აირჩიეს თავიანთი ხელმძღვანელი და აღარ არიან დამოკიდებული შიიტებზე. სრულიად საქართველოს მუფთი ისევ მე ვარ, ქართველი სუნიტების დარგში,“ – ამბობს ჯემალ პაქსაძე
არასამთავრობო ორგანიზაცია „ქართველ მუსლიმთა კავშირის“ ხელმძღვანელი ტარიელ ნაკაიძე ამბობს, რომ დასავლეთისა და აღმოსავლეთის სამმართველოებად გაყოფა აბსურდული გადაწყვეტილებაა.
„ეს არის აბსურდი. საქართველოში უნდა არსებობდეს მუსლიმთა სამმართველო, სადაც თანხმდებიან შიიტებიც და სუნიტებიც. სხვათა შორის, ესეც ძალიან მნიშვნელოვანია. საქართველოში არსებულ ყველა რელიგიურ ორგანიზაციასთან მქონდა საუბარი და ყველა თანხდება ერთ რამეზე – ამ სამმართველოში გაერთიანდება ყველა. ოღონდ მთავარია ამ ადამიანებისთვის ერთობლივი სანდო ხალხი იყვნენ მისი დამფუძნებლები და მმართველები,“ – აცხადებს ტარიელ ნაკაიძე.
ნაკაიძის განცხადებით, 2011 წელს „სრულიად საქართველოს მუსლიმთა სამმართველო“ მიხეილ სააკაშვილის ხელისუფლებამ დააფუძნა და მისი დამფუძნებლები აბსოლუტურად უცნობი ადამიანები გახდნენ.
„წარმოიდგინეთ, რომ საპატრიარქო დააფუძნოს ვიღაცამ, მართლმადიდებელი მრევლისთვის უცნობმა პირებმა, ამათ აირჩიონ სინოდი და მერე მათ დანიშნონ მეუფეები. ზუსტად ასე მოგვექცნენ. რეალურად აქ არის ძალიან სერიოზული საფრთხე და სერიოზული ჩარევა მუსლიმთა თემში სახელმწიფოს მიერ. ჩვენი მთავარი პრეტენზია არის დამფუძნებელ პირებზე. რელიგიურ საბჭოში არსებული პირები რომ დამფუძნებლად იყვნენ, პრობლემა აღარ იქნება. ეს ადამიანები ასე თუ ისე მუსლიმებისთვის ცნობილები არიან. ის, რომ დამფუძნებელი რვა პირი აბსოლიტურად უცნობი ადამიანია მუსლიმთა საზოგადოებისათვის, ეჭვს აჩენს. ამ ადამიანებს ნებისმიერ დროს შეუძლიათ ნებისმიერი სასურველი ან არასასურველი გადაწყვეტილების მიღება, ამას წინ ვერ აღუდგება, ვერც ეს საბჭო და ვერც მუფთი. ესეც უფრო მეტ საფრთხეს ქმნის ამ ორგანიზაციისთვის. ეს არის სირცხილი და ლაფის დასხმა. სხვათა შორის, ჭელის, სამთაწყაროს მოვლენებმა ძალიან კარგად გვაჩვენა მუფთის სახე. გაორმაგებული სახე. რა უნდა ესაუბრა. როგორ უნდა ესაუბრა. რა დამოკიდებულება უნდა ჰქონოდა და რა სიტუაცია დაუდგა, როცა ჩავიდა ახალციხეში,“ – აცხადებს ტარიელ ნაკაიძე.
გაყოფილი რელიგიური ლიდერების შესახებ განცხადება გაავრცელა სრულიად საქართველოს მუსლიმთა უმაღლესმა რელიგიურმა სამმართველომ.
განცადებაში, რომელსაც ხელს სრულიად საქართველოს მუსლიმთა უმაღლესი რელიგიური სამმართველოს თავმჯდომარე მირ ჰუსეინ ასადოვი აწერს ხელს, წერია: „ძვირფასო მუსლიმებო! როგორც იცით, სახელმწიფო მოხელეების დაარსებულ სამმართველოში საქართველოს მუსლიმებს ახალი ხელმძღვანელი დაუნიშნეს, სხვა გვარად რომ ვთქვათ, სააკაშვილის რეჟიმის ნამოქმედარი გაიმეორეს. მხოლოდ ერთი განსხვავებით – ამჯერად, ახალი დანიშნული პირი ერთ-ერთი ჩვენთაგანი აირჩიეს და დანიშნეს. ამით ისინი სიყალბეს, ჭეშმარიტების სამოსის ჩაცმევა სცადეს. ახლა ისინი ამით პატარა თაღლითობა, რომ ჩაიდინეს ეს დაამტკიცეს. შუაში არაფერი არ შეიცვალა. პრობლემა საფუძვლიანად არ მოაგვარეს და იმ მეთოდით გააგრძელეს. კიდევ შეცდომა დაუშვეს. ჩვენ სახელმწიფო მოხელეებს ვურჩევთ, რომ მუსლიმებისათვის, რომელიმე ხელმძღვანელის დანიშვნის ნაცვლად კონსტიტუციაში არსებული სიცარიელეები შეავსონ“.
პროექტის ბენეფიციარები წელს ორი ტიპის ბარათით ისარგებლებენ. ნიადაგის ხვნის სამუშაოებისთვის დარიგდება სასოფლო სამეურნეო ბარათი. სასოფლო-სამეურნეო საქონლის მისაღებად კი, გასული წლისგან განსხვავებით, წელს ფერმერები საბანკო პლასტიკური ბარათით, ე.წ. აგრობარათით ისარგებლებენ.
პროეტი სახელმწიფო ბიუჯეტიდან და სოფლის მეურნეობის განვითარების ფონდიდან დაფინანსდება, მის განხორციელებას კი სოფლის მეუნეობის პროექტების მართვის სააგენტო უზრუნველყოფს.
2014 წლის საგაზაფხულო სამუშაოების ხელშეწყობის პროექტით, საქართველოს მასშტაბით წელს 800 000 – მდე მცირემიწიანი ფერმერი ისარგებლებს. ბენეფიციარები კი იქნებიან ფერმერები, რომლებსაც საკუთრებაში, სარგებლობაში, ან მფლობელობაში გააჩნიათ 1.25 ჩათვლით ჰექტარის ფართობის სასოფლო- სამეურნეო დანიშნულების მიწის ნაკვეთები.
აჭარის მთავრობის თავმჯდომარის ინფორმაციით, აგრობარათების გაცემა აჭარაში თებერვლიდან დაიწყება:
„ამ ეტაპზე მთავრობა სიების დაზისტებაზე მუშაობს. გახსოვთ ალბათ, რომ გასულ წელს ბევრმა ბარათი ვერ მიიღო, ამიტომ წელს სია უნდა იყოს უფრო ზუსტი“, – აღნიშნა არჩილ ხაბაძემ ჟურნალისტებთან.
მცირემიწიან ფერმერთა საგაზაფხულო სამუშაოებს, რომელიც ნიადაგის ხვნასა და სასოფლო სამეურნეო ტექნიკით მომსახურებას გულისხმობს, შპს „მექანიზატორი“ და 117 კონტრაქტორი შეასრულებს.
„ორგანიზაცია წინ გადადგმულ ნაბიჯად მიიჩნევს, რომ საქართველოს მთავრობამ დაიწყო შშმ პირებზე ზრუნვა და შემოიღო „შეზღუდული შესაძლებლობების მქონე პირებისათვის სივრცის მოწყობისა და არქიტექტორული დაგეგმარების რეგლამენტი“. ორგანიზაცია მიიჩნევს, რომ საქართველოს ეკონომიკური მდგომარეობის ფონზე, ამ პროექტის განხორციელება იქნება რთული, მითუმეტეს, რომ დადგენილების მიხედვით, უნდა მოხდეს ყველა შენობის ადაპტირება“, – განაცხადა ბრიფინგზე ორგანიზაციის თავმჯდომარემ თამაზ მჟავანაძემ.
მსგავსი დადგენილება პირველად შემოიღეს საქართველოში. თამაზ მჟავანაძის რეკომენდაციით კარგი იქნება თუ შემოვა რეგლამენტი შშმ პირების დასაქმების კუთხითაც.
გარდა ამისა, რეგლამენტის მიხედვით შშმ პირები დაიყო სხვადასხვა კატეგორიად, ორგანიზაცია მიიჩნევს, რომ მთავრობამ უნდა იმუშაოს ტერმინი „შეზღუდული შესაძლებლობების მქონე პირების“ „განსაკუთრებული საჭიროების მქონე პირებით“ შეცვლისთვის, რადგან შშმ პირები არასწორად გამოხატავს ამ კატეგორიის ადამიანების მდგომარეობას.
ინფორმაცია საკონკურსო კომისიის წევრების შემადგენლობის შესახებ „ბათუმელებს“ საზოგადოებრივი მაუწყებლის აჭარის ტელევიზიასა და რადიოს იურისტმა მალხაზ ბოლქვაძემ მოაწოდა.
ტელევიზიაში საინფორმაციო სამსახურის ხელმძღვანელობა ირინა ყურუას, მეგი შავლაყაძეს, შორენა ღლონტს, ვახო ხუზმიაშვილს, ალეკო ჩუბინიძესა, შორენა გოგიჩაიშვილსა და ირაკლი მანაგაძეს სურთ. კონკურსის გამოცხადებამდე აჭარის ტელევიზიის საინფორმაციო სამსახურის ხელმძღვანელი ირინა ყურუა იყო. ტელევიზიის ხელმძღვანელობამ მას დროებით ხელშეკრულების გაფორმებაზე უარი უთხრა.
რაც შეეხება სხვა პოზიციებზე გამოცხადებულ ვაკანსიებს – აჭარის ტელევიზიაში მთავარი რეჟისორის თანამდებობის დასაკავებლად ხუთი კონკურსანტის განაცხადია შესული: თემურ ბეჟანიძე, იმედა თავდგირიძე, ნიკა ტუღუში, ზურაბ ჩართოლანი, გიორგი გოგიბერიძე.
პროგრამების სამსახურის ხელმძღვანელობა აჭარის ტელევიზიაში ინგა გოგოლიშვილს, გიორგი უგრელიძესა და შორენა გოგიჩაიშვილს სურთ.
არხის გენერალური პროდიუსერი თანამდებობაზე კი ზაზა ფირცხალაიშვილის კონკურენტი არ ეყოლება. ამ პოზიციაზე მხოლოდ მას აქვს განაცხადი შეტანილი.
კონკურსის შედეგები 18 იანვრამდე გახდება ცნობილი.
აჭარის მთავრობის საქვეუწყებო დაწესებულება ტელე-რადიო დეპარტამენტი საზოგადოებრივ მაუწყებლად 2013 წლის ივლისში, „მაუწყებლობის შესახებ“ კანონში შესული ცვლილებების შემდეგ გარდაიქმნა. აჭარის უმაღლესი საბჭოს მიერ დამტკიცებულმა ხუთწევრიანმა მრჩეველთა საბჭომ არხის გენერალურ დირექტორად სოსო სტურუა 2013 წლის 20 დეკემბერს აირჩია (მრჩეველთა საბჭოს ორ წევრს სასამართლომ უფლებამოსილება შეუჩერა, შესაბამისად, დირექტორი სამწევრიანმა საბჭომ დაამტკიცა).
12: 00 „გაყინული“ 3D – 7ლარი
14:00 „მისტერ ძიძა“ – 7ლარი
16:00 „ჩემი ცოლის დაქალები“ – 8 ლარი
18:00 „ჩემი ცოლის დაქალები“ – 8 ლარი
20:00 „ჩემი ცოლის დაქალები“ – 8 ლარი
22:00 „რონინი“ – 3D – 9ლარი
კონცეფციის შემუშავებას საქართველოს მთავრობის კანცელარიასთან ერთად საჯარო სამსახურის სამთავრობო საკოორდინაციო საბჭო ხელმძღვანელობს, რომელიც აღმასრულებელი ხელისუფლებისა და პარლამენტის წევრებითაა დაკომპლექტებული.
პროექტი „საჯარო სამსახურის რეფორმის კონცეფციისა და სამოქმედო გეგმის შემუშავება“ დემოკრატიული მმართველობის პროგრამის მხარდაჭერით (USAID) ცენტრალური და ადგილობრივი მთავრობის, სამოქალაქო საზოგადოებისა და აკადემიური სასწავლებლების წარმომადგენლებთან, ადგილობრივ და საერთაშორისო ექსპერტებთან კონსულტაციების შემდეგ მიიღებს საბოლოო სახეს.
აჭარის საგანგებო და გადაუდებელ საქმეთა მართვის სააგენტოს უფროსის მამუკა თურმანიძის ინფორმაციით, კოშკში მაშველები არ იმყოფებოდნენ. იმის გამო, რომ დღეს თითქმის სამბალიანი შტორმი დაფიქსირდა, ღია ზღვაში მყოფი მცურავი საშუალებები იახტკლუბში, სამაშველო სამსახურის მიერ კონტროლირებად ტერიტორიაზეა გადაყვანილი.
ანდრო ენუქიძე თბილისში მოღვაწე რეჟისორია. ის შოთა რუსთაველის თეატრისა და კინოს სახელმწიფო უნივერსიტეტის დრამის ფაკულტეტის ასოცირებული პროფესორია. თუ როგორ შეძლებს ის ორ ქალაქში ერთდროულად მუშაობას ამბობს, რომ ეს საკითხი სირთულეებთან არის დაკავშირებული: „ვფიქრობ, კარგი დაგეგმარების შემთხვევაში ყველაფრის მოსწრება შეიძლება ისე, რომ არც ერთი საქმე არ გაფუჭდეს. ჩემთვის ეს თანამდებობა იმდენად დიდი პატივია, ვეცდები გავაკეთო ყველაფერი ისე, რომ ბათუმის თეატრი იყოს იმ სიმაღლეზე, როგორსაც ის იმსახურებს – შიდა ქართული ავტორიტეტითა და შემოქმედებითი შინაარსით, რომელიც უნდა არსებობდეს თეატრში. დარწმუნებული ვარ თავს გავართმევ“.
ბათუმის დრამატული თეატრის ხელმძღვანელობის თანამდებობაზე ზაზა სიხარულიძისა და პაატა ციკოლიას კანდიდატურაც განიხილებოდა, თუმცა მან უარი განაცხადა ხელმძღვანელობაზე. ანდრო ენუქიძის კანდიდატურაზე კი, როგორც აჭარის განათლების, კულტურისა და სპორტის მინისტრის მოადგილე, ქეთევან მანელიშვილი განმარტავს, პროფესიული გამოცდილებისა და ადამიანებთან ურთიერთობის გამო შეჩერდნენ.
49 წლის ახლად არჩეულ ბათუმის დრამატული თეატრის ხელმძღვანელი, გარდა თეატრალური დადგმებისა, ავტორია რამდენიმე ფილმის, პიესისა და სცენარის. ასევე ფლობს ჯილდოებს „ოქროს ნიღაბი“ (2000 წ.), „გრან პრი“ დოსტოევსკის სახელობის მეცხრე თეატრალურ ფესტივალზე (2005 წ.). ბათუმის დრამატულ თეატრში კი მან დღემდე სამი სპექტაკლი დადგა:
„ზვავი“ (2007) – თურქი დრამატურგის თუნჯერ ჯუჯენოღლუს დრამის მიხედვით.
„დავა გემოვნებაზე“ (2013 თებერვალი) – ანდრო ენუქიძის მიერ დაწერილი კომედიური ჟანრის პიესა.
„ერთი უბრალო ამბავი“ (2013 ოქტომბერი) – უკრაინელი დრამატურგისა და სცენარისტის მარია ლადოს ორმოქმედებიანი კომედიური ჟანრის პიესის მოხედვით.
ბოლო რამდენიმე თვეა ბათუმის დრამატული თეატრის დასი ერთმანეთს იყო დაპირისპირებული. მსახიობთა ნაწილი სამხატვრო ხელმძღვანელის პოსტზე თემურ კეჟერაძის დანიშვნას აპროტესტებდა და მხარს ყოფილ ხელმძღვანელს – გიორგი თავაძეს უჭერდნენ.
ბათუმის მერიის მასმედიასა და საზოგადოებასთან ურთიერთობის განყოფილების უფროსის, ირინა შერვაშიძის ინფორმაციით, დაზარალებულების მდგომარეობას სპეციალური კომისია შეისწავლის, ანუ დაზარალებულებს ამის მიხედვით დაეხმარებიან.
მერიის ინიციატივით ავარიული საერთო საცხოვრებელი დროებით გადახურეს.
დღეს ბათუმის სანაპიროზე, ზღვაში, სპეციალისტებმა სამბალიანი შტორმი დააფიქსირეს.
