Batumelebi | ნასვამი მძღოლების მომსახურების სერვისი ბათუმსა და ქობულეთში ნასვამი მძღოლების მომსახურების სერვისი ბათუმსა და ქობულეთში – Batumelebi
RU | GE  

ნასვამი მძღოლების მომსახურების სერვისი ბათუმსა და ქობულეთში

 

 


ბათუმში ახალი სერვისი ამოქმედდა. ნასვამ მძღოლებს დახმარების გამოძახება შეუძლიათ.  სერვისით სარგებლობა ბათუმის, ჩაქვისა და ქობულეთის არეალში არის შესაძლებელი. 

 

ინიციატივა კომპანია „მწვანე გზას“ ეკუთვნის. კომპანია დირექტორი  დავით სამნიძე ამბობს, რომ აღნიშნული საქმიანობა მხოლოდ გუშინ დაიწყეს და ჯერ გამოძახებების რაოდენობა მცირეა.

 

„ხალხის უსაფრთხოდ გადაადგილებისთვისაა ეს სერვისი.  საავარიო შემთხვევები რომ შემცირდეს და მოქალაქეებმა  შეზღუდვების გარეშე იარონ.  ერთდროულად ათამდე გამოძახების მიღება შეგვიძლია. ჩვენს მძღოლებს ყველა კატეგორიის მართვის მოწმობა აქვთ,“ – ამბობს დავით სამნიძე.

 

სერვისით სარგებლობა ნებისმიერ მსურველს შეუძლია. უსაფრთხო გადაადგილებისათვის მძღოლის გამოძახება ბათუმის ფარგლებში 20 ლარი ღირს, ჩაქვსა და ქობულეთში კი 30 ლარი.

 

ნეტგაზეთის მასალების სხვა გამოცემებში გადაბეჭდვის წესი
მანანა ქველიაშვილი