Batumelebi | აქცია გონიოში აქცია გონიოში – Batumelebi
RU | GE  

აქცია გონიოში

 

დღეს გონიოში, ანდრია პირველწოდებულის დასახლებაში მცხოვრებმა მოსახლობამ ბათუმი-სარფის დამაკავშირებელი გზა გადაკეტა. ისინი გონიოში მდებარე პარკის გაჩეხვას აპროტესტებენ. ინვესტორმა, რომელიც ზღვის სანაპირო ზოლში მშენებლობის დაწყებას აპირებს, პარკში 5 ფიჭვის ხე მოჭრა.

 

 

 

„გვესმის რომ აღმშენებლობა ქვეყნისთვის მნიშვნელოვანია, მაგრამ იმ ადგილას იყო პარკი, ბავშვები თამაშობდნენ და დიდები ისვენებდნენ. წინა ხელისუფლების პირობებში როდესაც ხელისუფლებამ სცადა იქ მშენებლობის დაწყება არ გამოვიდა,  ხალხი შეეწინააღმდეგა. ახალი ხელისუფლების პირობებში კი სკვერი განადგურდა. მოსახლეობის მოთხოვნაა აღდგეს პარკი თავისი პირვანდელი ფუნქციით, ინვესტორს კი სხვა ტერიტორია გამოეყოს მშენებლობისათვის,“  – აცხადებს „ბათუმელებთან“ საუბარში აქციის ერთ-ერთი ორგანიზატორი „ახალგაზრდული ცენტრი – მომავალი საქართვლეოსათვის“ წარმომადგენელი ლაშა ადამია.

 

აქციის მონაწილეებს გზა ოცი წუთის მანძილზე ჰქონდათ გადაკეტილი. სიტუაცია საპატრულო პოლიციის მისვლის შემდეგ განიმუხტა.

ნეტგაზეთის მასალების სხვა გამოცემებში გადაბეჭდვის წესი
მანანა ქველიაშვილი