Batumelebi | ხელვაჩაურის ბიუჯეტს ციტრუსის მოსავლის აღების ფული დაემატება ხელვაჩაურის ბიუჯეტს ციტრუსის მოსავლის აღების ფული დაემატება – Batumelebi
RU | GE  

ხელვაჩაურის ბიუჯეტს ციტრუსის მოსავლის აღების ფული დაემატება

 

ამ წუთებში ხელვაჩაურის მუნიციპალიტეტის საკრებულოში სხდომა დაიწყება. დღის წესრიგის მიხედვით, პირველ საკითხად საკრებულოს წევრები ბიუჯეტში შესატან ცვლილებებს განიხილავენ. 

 

განსახილველი დოკუმენტაციის მიხედვით, ხელვაჩაურის მუნიციპალიტეტის ბიუჯეტი 3 მილიონი ლარით გაიზრდება. საქართველოს მთავრობის განკარგულების საფუძველზე ამ თანხას მუნიციპალიტეტი ცენტრალური ბიუჯეტიდან  მიიღებს.

 

მუნუციპალიტეტის გამგეობის საფინანსო-საბიუჯეტო სამსახურის ხელმძღვანელის ტარიელ ნაკაშიძის ინფორმაციით, ეს თანხა მუნიციპალიტეტმა ციტრუსის მოსავლის აღების სეზონზე მეციტრუსეების ხელშეწყობისთვის უნდა გამოყენოს.

 

„მთავრობა კილოგრამ მანდარინზე 15 თეთრის სუფსიდირებას ახდენს“.

 

2014 წლის ბიუჯეტი მუნიციპალიტეტის საკრებულომ გასული წლის 24 დეკემბერს, 11  მილიონ 880 106 ლარით განსაზღვრა.  ამ თანხიდან 2 მილიონ 100 000 ლარი მუნიციპალიტეტის ტერიტორიაზე სოციალური სახლის მშენებლობისთვის უნდა დაიხარჯოს. 

 

ნეტგაზეთის მასალების სხვა გამოცემებში გადაბეჭდვის წესი
ცაგო კახაბერიძე