Batumelebi

მერიასთან დადებული ხელშეკრულების საფუძველზე სამუშაოებს შპს “გზამშენპროექტი” განახორციელებს.

ხელშეკრულების თანახმად კომპანიას ევალება მიწისქვეშა კომუნიკაციების, გზების, ქუჩების, პარკების, სკვერების, მოედნებისა და სხვა კეთილმოწყობის სამუშაოების ტექნიკური ზედამხედველობის მომსახურება.

ამ სამუშაოებისთვის ბიუჯეტიდან 48 850 ათას ლარია გამოყოფილი.

ყველა ეს სამუშაო, მიმდინარე წლის 31 დეკემბრამდე დასრულდება.

 

 

 

 კონფერენციას დაეწრებიან აჭარის ჯანდაცვის სამინისტროს წარმომადგებლები.

კონფერენციაში მონაწილეობას მიიღებენ ნეონატოლოგები, პედიატრები, გინეკოლოგები, ოჯახის ექიმები და სოფლის ექიმები. კონფერენცია კვირას, 6 ივლისს დასრულდება.

 

 

პროგრამა ორ ეტაპად ხორციელდება, მისი პირველი ეტაპი დღეს, 4 ივლისს დაიწყო და 31 ივლისს დასრულდება, ხოლო მეორე ეტაპი – 4 აგვისტოდან 29 აგვისტომდე გაგრძელდება.

 

თითოეული ეტაპის ბოლოს, პროგრამაში მონაწილე სტუდენტები 375 ლარის ოდენობის ანაზღაურებას მიიღებენ.

 

,,სტუდენტური დასაქმების“ პროგრამაში მონაწილეობა შეუძლიათ სტუდენტებს, რომელთა აკადემიური მოსწრება უტოლდება ან აღემატება 81 ქულას, სოციალურად დაუცველი ოჯახების შვილებს, რომელთა სარეიტინგო ქულა არ აღემატება 70 ათასს,  ობლებს, მრავალშვილიანი ოჯახის შვილებს (ოთხი ან მეტი), იძულებით გადაადგილებულის სტატუსის მქონე სტუდენტებს. 

 

პროგრამის განხორციელებისთვის ბათუმის ბიუჯეტიდან 124 ათასი ლარია გამოყოფილი.

 

პროგრამას ბათუმის მერიის სპორტისა და ახალგაზრდობის განყოფილება ახორციელებს.

 

 

ზექიე დავითაძეს 100 წელი 3 ივლისს შეუსრულდა. უხუცეს ქალბატონს საიუბილეო თარიღი აჭარის ჯანდაცვის სამინისტროს წარმომადგენლებთან ერთად შუახევის მუნიციპალიტეტის გამგეობის წევრებმა მიულოცეს. ზექიე დავითაძეს 2 შვილი, 8 შვილიშვილი და 14 შვილთაშვილი ჰყავს. აჭარის ჯანმრთელობისა და სოციალური დაცვის სამინისტრო „100 წელს გადაცილებულ მოქალაქეებზე ერთჯერადი დახმარების“ პროგრამას 2004 წლიდან ახორციელებს.

 

2014 წლამდე აჭარაში მცხოვრებ 100 წელს გადაცილებულ მოქალაქეებს 500 ლარი გადაეცემოდათ, წელს თანხის ოდენობა გაიზარდა და იგი 1 000 ლარს შეადგენს. აჭარაში დღეისათვის 100 წელს გადაცილებული 60 მოქალაქე ცხოვრობს, მათ შორის ყველაზე უხუცესი სოფელ ჩანჩხალოში მცხოვრები 114 წლის სოფიო მიქელაძეა.

 

 

თვითმხილველთა თქმით, დაახლოებით მეორე სართულის სიმაღლიდან გადმოვარდნილი 50-მდე წლის მუშა სასწრაფო დახმარების მანქანამ ბათუმის რესპუბლიკურ  საავადმყოფოში გადაიყვანა.

 

მრავალსართულიან საცხოვრებელ სახლს კომპანია “AKME GEORGIA” აშენებს.  

 

 არის თუ არა საკმარისი მსჯავრდებულისთვის პოლიტპატიმრის სტატუსის მინიჭება და რატომ არ ხდება მათი საქმეების გადახედვა?

 

სიუჟეტში თქვენ მოისმინეთ კონკრეტულ ისტორიებს, გაეცნობით საჯარო უწყებისა თუ არასამთავრობო ორგანიზაციების მუშაობის პრინციპებს.

 

 

საჯარო ლექციები საგანმანათლებლო კლასში კვლევის მეთოდებსა და  მონაცემთა საფუძველზე გადაწყვეტილებების მიღებაზე გაიმართა.   

 

რა არის კვლევა საგანმანათლებლო კლასში, ემპირიული და ნორმატიული მიდგომები, კვლევის როლი პროფესიულ პრაქტიკაში, კვლევის რაოდენობრივი, თვისობრივი და შერეული მეთოდური მიდგომების განსაზღვრება, კვლევების გამოყენება საგანმანათლებლო პრობლემებთან მიმართებაში და შეფასებითი კვლევა – საჯარო ლექციაზე მომხსენებელმა ყურადღება ამ  საკითხებზე გაამახვილეს.

 

 ანა გილ-გარსიას საჯარო ლექციების ციკლი 29 ივნისიდან 3 ივლისის ჩათვლით მიმდინარეობდა აჭარის განათლების, კულტურისა და სპორტის სამინისტროს „უმაღლესი განათლების ხელშეწყობის“ პროგრამის ფარგლებში. 

 

 

“სს ”საქართველოს რკინიგზის” 2010 წლის 1 ივნისის ბრძანებულებით თბილისი-მახინჯაურის მიმართულებით მოძრავ ელექტრო-მატარებლებზე, დადგინდა სამგზავრო ბილეთის ტარიფები; კერძოდ პირველი კლასის ბილეთის ფასი განისაზღვრა 45 ლარით, ხოლო მეორე კლასის ბილეთის ფასი – 23 ლარით.

 

2013 წლის 23 აპრილს დირექტორთა საბჭოს გადაწყვეტილებით, ამოქმედდა 10 თვიანი ფასდაკლება, რომელიც მოიცავს 16 სექტემბრიდან-10 ივლისამდე პერიოდს.

 

ფასდაკლების მიხედვით, პირველი კლასის ბილეთის ფასი 45 ლარის ნაცვლად გახლავთ 25 ლარი, მეორე კლასის ბილეთის ფასი 23 ლარის ნაცვლად 18 ლარი. ფასდაკლების ტარიფი 16 სექტემბრიდან კვლავ შევა ძალაში.

 

გვინდა ხაზგასმით აღვნიშნოთ, რომ საქართველოს რკინიგზამ 10 თვის განმავლობაში გააიაფა სამგზავრო ბილეთის საფასური და მხოლოდ ორი თვის გამნამვლობაში დატოვა ის ტარიფი, რომელიც 2010 წლიდან თითქმის სამი წლის განმავლობაში უცვლელად მოქმედებდა.

 

აღნიშნული ფასდაკლება ეხება მხოლოდ თბილისი-მახინჯაური-თბილისის სამგზავრო მატარებლებს. სხვა დანარჩენ მიმართულებებზე, სამგზავრო ტარიფი უცვლელი რჩება”. 

 

ტარიფები გასულ წელსაც ამავე პერიოდში შეიცვალა. 

 

 

 

სამინისტროს პრესსამსახურის მიერ გავრცელებული რელიზის მიხედვით სამედიცინო სამსახურების ორგანიზაციული საკითხების გაცნობის მიზნით  ბეშუმში აჭარის ჯანმრთელობისა და სოციალური დაცვის მინისტრის მოადგილე ლევან გორგილაძე ჩავიდა. მასთან ერთად სასწრაფო სამედიცინო დახმარების რეგიონული სამსახურის უფროსი მინდია კახიძე და ხულოს მუნიციპალიტეტის გამგების სოციალური სამსახურის უფროსის მოვალეობის შემსრულებელი გოჩა ცეცხლაძეც იმყოფებოდნენ.

 

ვიზიტის ფარგლებში სამინისტროს, სასწრაფო სამედიცინო დახმარების და ხულოს მუნიციპალიტეტის გამგეობის წარმომადგენლებმა  ხულოს მუნიციპალიტეტის სასწრაფო სამედიცინო დახმარების სამსახურის თანამშრომლები მოინახულეს. ისინი ბეშუმში 10 ივნისიდან მორიგეობენ. შეხვდნენ კურორტზე მყოფ მოიალაღეებს და მოისმინეს მათი მოთხოვნები.

 

„მოიალაღეების მთავარ მოთხოვნას კურორტზე სასწრაფო სამედიცინო დახმარების დროული მიწოდება წარმოადგენს, რაც უკვე გადაწყვეტილია,“ – წერია პრესრელიზში.

 

 წელს ბეშუმში სასწრაფო სამედიცინო დახმარების ბრიგადები საკურორტო სეზონის დასრულებამდე, 15 სექტემბრამდე დარჩებიან. 

 

 

„ქართული ოცნების“ პროპორციული სიის პირველი ნომერი ირაკლი ჭეიშვილია. ის ამ დრომდე აჭარის მთავრობის ადმინისტრაციას ხელმძღვანელობს. წინასაარჩევნო პერიოდში მან შვებულებით ისარგებლა.

 

ირაკლი ჭეიშვილს არაოფიციალურად საკრებულოს თავმჯდომარეობის კანდიდატად მოიხსენიებენ. ვარაუდობენ იმასაც, რომ შესაძლოა მან მთავრობის ადმინისტრაციის ხელმძღვანელის თანამდებობა არ დატოვოს და საკრებულოში რიგით წევრად დარჩეს. „ქართულ ოცნებაში“ კი აცხადებენ, რომ ეს საკითხი ჯერ გადაწყვეტილი არ არის.

 

 

2004-2005 წელს ირაკლი ჭეიშვილმა ბათუმის მერიაში სპეციალისტად დაიწყო მუშაობა. 2006 წელს მერის თანაშემწედ გადაიყვანეს. მალევე ის აჭარის მთავრობის აპარატის პროტოკოლისა და მედიასთან ურთიერთობის განყოფილების უფროსად დაინიშნა.

 

 

„ამ სამსახურში 2009 წლამდე ვიმუშავე და შემდეგ საკუთარი განცხადების საფუძველზე წავედი. შემდეგ ვიყავი ოპოზიციური გაერთიანება ალიანსი საქართველოსთვის წევრი. 2010 წლის თვითმმართველობის არჩევნებზე კი მაჟორიტარობის კანდიდატი ბონი-გოროდოკის უბანში. პარალელურად ვეწეოდი პატარა ბიზნესს, განსაკუთრებულს არაფერს“, – ამბობს ირაკლი ჭეიშვილი, რომელიც ფლობს ბებიის დანატოვარ კერძო სახლს ბონი-გოროდოკის უბანში და ბინას ბათუმში, რომელიც მან კრედიტით შეიძინა: „ეს ბინა ჯერ კიდევ არ არის ჩემს სახელზე, რადგან დავალიანება მაქვს. ბებიის დანატოვარ სახლში კი მშობლები ცხოვრობენ.“  

 

ირაკლი ჭეიშვილს აქვს მანქანა.

 

საჯარო რეესტრის მონაცემებით, ირაკლი ჭეიშვილი „ქართული ოცნების“ ბონი-გოროდოკის მაჟორიტარობის კანდიდატთან, ლევან კინწურაშვილთან ერთად ფლობს შპს „ეიჩ ენდ ემს“ (50-50%). ეს კომპანია მათ 2010 წელს ერთად ჩამოაყალიბეს. ირაკლი ჭეიშვილის თქმით, ლევან კინწურაშვილი მისი მეგობარია: `ჩვენ ბავშვობის მეგობრები ვართ, ამიტომ ეს საქმე ერთად დავიწყეთ, თუმცა ვერ ვამუშავეთ კომპანია, რადგან იმ დროს ბიზნესის კეთება რთული იყო.“

 

 

საკრებულოში შედის ბიზნესმენი ლევან კინწურაშვილიც. იგი  ბონი-ბარცხანა-გოროდოკის მაჟორიტარი დეპუტატი იქნება „ქართული ოცნებიდან“. ლევან კინწურაშვილი პროფესიით იურისტია და ბოლო პერიოდში სამშენებლო საქმიანობით იყო დაკავებული. 2005-2006 წლებში მუშაობდა საქართველოს ენერგეტიკის სამინისტროს პარლამენტთან ურთიერთობის განყოფილების უფროსად. 2000-2002 წლებში კი „საქართველოს ახალგაზრდა იურისტთა ასოციაციის“ აჭარის ფილიალის თავმჯდომარე ყოფილა.

 

 

საჯარო რეესტრის მონაცემებით ლევან კინწურაშვილი ფლობს კიდევ ერთ კომპანიას შპს „ტიფლის დეველოპმენტ აჭარას“. ის ამ კომპანიის 50%-ის მფლობელია. ეს კომპანია თავდაპირველად დააარსეს სახელწოდებით „სახლი ბათუმში“, შემდეგ კი სახელი შეუცვალეს. ლევან კინწურაშვილის ინფორმაციით, კომპანიას მუშაობა დიდი ხანია შეჩერებული აქვს.

 

 

ლევან კინწურაშვილის სახელზე რეესტრში სხვა რაიმე სახის ქონება არ ირიცხება.

 

 

მეორე ნომერი ჯერ კიდევ მოქმედი საკრებულოს თავმჯდომარე, ისტორიკოსი ირაკლი ჩავლეიშვილია. საკრებულოს ვებგვერდზე გამოქვეყნებული მონაცემებით, მისი შრომითი ბიოგრაფია 1973 წელს ბათუმის ელექტრომექანიკურ ქარხანაში დაიწყო, ამ ქარხანაში ირაკლი ჩავლეიშვილს მუშად უმუშავია.

 

 

„რესპუბლიკელი“ ირაკლი ჩავლეიშვილი 2006 წლიდან დღემდე საკრებულოს ორი მოწვევის წევრი იყო. 2013 წლის იანვრიდან კი საკრებულოს თავმჯდომარის თანამდებობა ჩაიბარა. ამ თანამდებობაზე ყოფნის პერიოდში მან ქონებრივი დეკლარაცია ორჯერ შეავსო. 

 

 

2013 წლის აპრილის მდგომარეობით ირაკლი ჩავლეიშვილისა და მისი ოჯახის წევრების სახელზე არანაირი ქონება, ბინა, მიწის ნაკვეთი და სხვა რაიმე სახის უძრავი ქონება არ ფიქსირდება. ამ წელს დეკლარაციაში ირაკლი ჩავლეიშვილმა ქონების ჩამონათვალის ნაწილში მხოლოდ პირადი ავტომანქანა „ტოიოტა 003“ შეიტანა. დოკუმენტის მიხედვით, ამ დროისათვის ირაკლი ჩავლეიშვილის საკრედიტო ანგარიშზე 448 ლარი, ხოლო სახელფასო ანგარიშზე ნული ლარი ირიცხებოდა. დეკლარაციაში მონაცემებს არ შეიცავს გრაფები ოჯახის წევრების საკუთრებაში არსებული იმ ქონების შესახებ, რომლის ღირებულებაც 4 ათას ლარს აღემატება.

 

 

ირაკლი ჩავლეიშვილის ვაჟი შპს „ელდეპოს“ ბათუმის ფილიალის მენეჯერია და მისი ერთი წლის შემოსავალი 7 500 ლარია. მეორე ვაჟი, ზაზა ჩავლეიშვილი კი, „ლიბერთი ბანკის“ ბათუმის ფილიალის მენეჯერია და მისი შემოსავალიც იგივეა.

 

 

2014 წელს შევსებული ქონებრივი დეკლარაციის მიხედვით, ირაკლი ჩავლეიშვილი გურიაში, სოფელ შემოქმედში სამ სხვადასხვა ადგილზე ფლობს მიწის ნაკვეთს, 144.66 კვ/მ საცხოვრებელ სახლს და ორ ბინას ბათუმში, ზურაბ გორგილაძის ქუჩაზე 37,58 კვ/მ და 158, 66 კვ/მ ბინას ჟორდანიას ქუჩაზე. ბათუმში გიორგი ბრწყინვალის ქუჩაზე 65.1 კვ/მ ბინას ფლობს ირაკლი ჩავლეიშვილის რძალი ნინო ხელაია. ორ მიწის ნაკვეთს ფლობს ირაკლი ჩავლეიშვილის მეუღლე ნარგიზ ცერცვაძე ვანში.

 

 

ირაკლი ჩავლეიშვილის განმარტებით, მის სახელზე რეგისტრირებული ორივე ბინა მშობლების დანატოვარია. „ადრე იმიტომ არ გავიფორმე, რომ ოპოზიციაში ვიყავი და ნაციონალებისგან ყველაფერს ველოდი“, – ამბობს ის.

 

 

2013 წელს ირაკლი ჩავლეიშვილის სახელფასო შემოსავალი 65 550 ლარი ყოფილა.

 

 

სიის მესამე ნომერი ბიზნესმენი თამაზ თურმანიძეა. ის „ქართული ოცნების“ აჭარის ორგანიზაციას ხელმძღვანელობს. საჯარო რეესტრის მონაცემებით, ის შპს „სოლო ჯგუფის“ 30%-ის მფლობელია. კომპანია რეკლამაზე, დიზაინსა და პროგრამირებაზე მუშაობს. გარდა ამისა, მას აქვს რამდენიმე დეველოპერული კომპანია. ბიზნესი აქვს უკრაინასა და ჩეხეთში. თამაზ თურმანიძე ბოლოს თბილისში ცხოვრობდა.

 

 

„მაქვს სარეკლამო კომპანია „აითიბი ჰოლთინგი“ უკრაინასა და ჩეხეთში. სხვა კომპანიები, რაც საქართველოში მქონდა, უკვე გავასხვისე. მაქვს მხოლოდ ერთი კომპანია – „ექსპერტჯგუფი“, რომელიც 2008 წლიდან აღარ მუშაობს. ორივე კომპანია თბილისში მუშაობს, ამიტომ საკრებულოში მუშაობაში მე ბიზნესი ხელს არ შემიშლის. კომპანიებს დირექტორები მართავენ.“

 

 

საკრებულოს წევრი გახდება „რესპუბლიკელი“ ზაურ ახვლედიანიც. ის „ქართული ოცნების“ სიაში 22-ე ნომრად ეწერა. პროფესიით იურისტია და სხვადასხვა დროს კითხულობდა ლექციებს ბათუმის სახელმწიფო უნივერსიტეტში, იყო ორგანიზაცია „სამართლიანი არჩევნების“ კოორდინატორი. 2008 წელს დაამთავრა მახინჯაურის საზღვაო სასწავლებელი, რის შემდეგაც სხვადასხვა გემზე დაცვის ოფიცრის თანამდებობაზე, საზღვაო მეკობრეების წინააღმდეგ ბრძოლის სამსახურში მუშაობდა.

 

 

„მაშინ „რესპუბლიკელი“ ვერსად იმუშავებდა. ამიტომ გადავწყვიტე ზღვაზე წავსულიყავი, “_ ამბობს ზაურ ახვლედიანი „ბათუმელებთან“. 2013 წლიდან დღემდე ის აჭარის კულტურული მემკვიდრეობის დაცვის სააგენტოში მუშაობს, პარალელურად „რესპუბლიკური პარტიის“ ბათუმის ორგანიზაციის ხელმძღვანელია.

 

 

რეესტრის მონაცემებით ზაურ ახვლედიანი ფლობს 615 კვ/მ არასასოფლო სამეურნეო ნაკვეთს მახინჯაურში და 4919 კვ/ მ სასოფლო-სამურნეო მიწის ნაკვეთს ჰორტენზიის ქუჩაზე საცხოვრებელ სახლთან ერთად. რეესტრის მონაცემებით, ეს ნაკვეთი ზაურ ახვლედიანმა გასულ წელს საჩუქრად მიიღო. ის მახინჯაურში კიდევ ერთ – 3585კვ/მ სასოფლო-სამეურნეო ნაკვეთს ფლობს.

 

ზაურ ახვლედიანი ფლობს 7 000 ლარად ღირებულ მანქანასაც, რომელიც მეუღლის, მაკა ლომაძის სახელზეა რეგისტრირებული.

 

„ქართული ოცნების“ სიის მეხუთე ნომერი თენგიზ აფხაზავაა. არჩევნებამდე ის აჭარის ტელევიზიაზე გადაცემა „ეკონომიკურ სტრატეგიას“ უძღვებოდა.

 

 

თენგიზ აფხაზავა 2013 წლამდე „საზღვაო ტრანსპორტის სააგენტოს“ ექსპერტად მუშაობდა – სატრანსპორტო და ლოგისტიკის საკითხებს კურირებდა. იმავე საკითხებში ის 2012 წელს გაეროს განვითარების ფონდის კონსულტანტადაც მუშაობდა. 2012 წლიდან დღემდე ბათუმის ნავიგაციის სასწავლო უნივერსიტეტის პროფესორია. ასევე 2012 წლიდან დღემდე არის „ლოგისტიკის რეგიონული ცენტრის“ თავმჯდომარე, შპს „გ-ფუნდამენტისა“ და შპს „შთ LOGIშთIჩშ“-ის გენერალური დირექტორი. მისივე ინფორმაციით, ის ფლობს ბინას ბათუმში, მემედ აბაშიძის ქუჩაზე და კიდევ ერთ ბინას თბილისში – ხუდადოვის ქუჩაზე.

 

 

მომავალი საკრებულოს კიდევ ერთი წევრი უმრავლესობიდან თემურ ყურაშვილია. ის 2006-2010 წლების საკრებულოს წევრი იყო. პროფესიით ეკონომისტია.  თემურ ყურაშვილს თბილისის სახელმწიფო უნივერსიტეტის  საინჟინრო ეკონომიკური ფაკულტეტი აქვს დამთავრებული. 2012 წლის დეკემბერიდან დღემდე აჭარის უმაღლესი საბჭოში, ფრაქცია “აჭარის”– მოწვეულ სპეციალისტად, აპარატის უფროსის თანამდებობაზე მუშაობს. 1991–1996 წლებში კი ის აჭარის ავტონომიური რესპუბლიკის უზენაესი საბჭოს დეპუტატი იყო.

 

 1980 წელს თემურ ყურაშვილი #5 ტრეტის ეკონომისტად, შემდეგ მრავალდარგობრივი კოოპერატივის ბუღალტრად მუშაობდა. 1996 წელს  ის განვითარებისა და თანამშრომლობის ცენტრის „პლურალიზმის“ პროგრამის კოორდინატორი, 2000-2001 წლებში კი შპს „აჭარტრანსის“ ინჟინერი იყო.  

 

 

თემურ ყურაშვილსა და მისი ოჯახის წევრებზე რეესტრში უძრავი ქონება არ იძებნება. „ბინა მაქვს სამოთახიანი, ისიც პრივატიზებულია, ამიტომ არ მაქვს რეესტრში დარეგისტრირებული. არც ის მგონია, სამი წლის შემდეგ რამე მქონდეს“, – უთხრა მან „ბათუმელებს“.

 

 

საკრებულოში „ქართული ოცნების“ კვოტით შედის ნატალია საზოიძე, მერიის მფლობელობაში არსებული შპს „შავი ზღვის ფლორისა და ფაუნის შემსწავლელი სამეცნიერო-კვლევითი ცენტრის“ დირექტორი. ნატალია ზოიძე რუსული ენისა და ლიტერატურის სპეციალისტია, პარალელურად მას აქვს იურისტ-ეკონომისტის მაგისტრის ხარისხი.  აქვს ასევე დოქტორის ხარისხი.

 

 

რეესტრის მონაცემებით ნატალია ზოიძე ფლობს 146,2 კვ/მ ნაკვეთსა და საცხოვრებელ სახლს ბათუმში, ფალავანდიშვილის ქუჩაზე დასთან, ქეთევან ზოიძესთან ერთად. სხვა ქონება მის სახელზე არ იძებნება.

 

 

საკრებულოში „ქართულ ოცნების“ კვოტით შედის დიმა დარჩია. იგი პროფესიით ეკონომისტია. 2008 წელს უმაღლეს საბჭოში დავით ბაციკაძის წარმომადგენლად მუშაობდა. 2011-2012 წლებში ბათუმის საკრებულოში ფრაქცია „ბათუმისათვის“ მთავარი სპეციალისტი იყო. 2013 წლიდან დღემდე აჭარის საგანგებო და გადაუდებელი სიტუაციების მართვის სააგენტოს უფროსის მოადგილეა.

 

დიმა დარჩია ფლობს ბაბუის დანატოვარ სახლს ლუკა ასათიანს ქუჩაზე. სხვა ქონება ამ დროისათვის მის სახელზე არ ირიცხება.

 

გაგრძელება იხილეთ გაზეთ „ბათუმელების“ ახალ, 7 ივლისის ნომერში. 

 

 

„გვინდა გამოვეხმაუროთ ცვლილებებს, რომლებიც მზადდება  საჯარო სამსახურის შესახებ კანონში. კანონი საჯარო სამსახურის შესახებ  ითვალისწინებს ყოველ სამ წელიწადში ერთხელ საჯარო მოხელეებისათვის ატესტაციის ჩატარებას, თუმცა ეს, ჩვენი აზრით, არავითარ შემთხვევაში არ უნდა ხდებოდეს წინასაარჩევნოდ ან არჩევნების შემდგომ.“ – განაცხადა „ერთიანი ნაციონალური მოძრაობის“ ბათუმის ოფისში გამართულ ბრიფინგზე გია დიასამიძემ.

 

მისი თქმით, მისი გამარჯვების შემთხვევაში ეს არ იქნება გამოყენებული „საკუთარი პარტიული აქტივის“ დასასაქმებლად:

 

„დღეს ბათუმის მერიას და თვითმმართველობას ჰყავს ძალიან კარგი გუნდი, ამ ადამიანების უმრავლესობა არის აბსოლუტურად აპოლიტიკური და ვფიქრობ, ასეთი გუნდის დაშლა, იმ მოტივით, რომ საკუთარი პოლტაქტივი დაასაქმო, არის ძალიან დიდი დანაშაული ქალაქის წინაშე. რაც შეეხება ზოგადად ატესტაციას, უნდა ჩატარდეს, მაგრამ ისე არა, როგორც ბოლო ოცი თვეა ტარდება ქვეყანაში,“  – განაცხადა გია დიასამიძემ.

 

ბათუმის მერიის ადმინისტრაციის უფროსის მოვალეობის შემსრულებლის, თემურ კახიძის თქმით, ამ დროისათვის მერიაში ტესტრება არ იგეგმება. მისივე თქმით, მერია თანამშომლების გადამზადებასა და კვალიფიკაციის ამაღლებაზე აკეთებს აქცენტს.  რაც შეეხება რეორგანიზაციას, რომელსაც თვითმმართველობის ახალი კოდექსი ითვალისწინებს, რეორგანიზაცია არჩევნების საბოლოო შეგედების გამოცხადების შემდეგ უნდა დაიწყოს.  

 

მისივე თქმით, თანამშრომელთა ტესტირება მერიაში ბოლოს 2004 წელს ჩატარდა. 

 

 ბათუმის მერიაში – 470, საკრებულოში კი 38 საჯარო მოხელე მუშაობს. 

 

 

„მიმაჩნია, რომ ბათუმი უკვე თუნდაც საქართველოსა და ამიერკავკასიაზე 30 წლით წინ წავწიეთ თანამედროვე ხელოვნებაში,“ – უთხრა „ბათუმელებს“ ფესტივალის ორგანიზატორმა და ბათუმში პირველი თანამედროვე ხელოვნების ცენტრის ხელმძღვანელმა გელა წულაძემ.

„სტრიტ არტ ფესტივალი“ არტსტუდია „DOT COMMA“-ს მიერ იყო ორგანიზებული. თანამედროვე ხელოვნების ცენტრის განვითარების მენეჯერი მირანდა ჩარკვიანი ამბობს, რომ ბათუმი პირველი ქალაქია საქართველოში, სადაც  მაღალ დონეზე გაკეთდა სტრიტარტი.

„სტრიტ არტი, რაც მივიღეთ არის ძალიან მაღალი მხატვრული ღირებულების. მე არა ერთ კრიტიკოსს ვესაუბრე, ყველამ ერთხმად აღიარა, რომ ეს არ არის ორდინალური საქართველოსთვის, ეს არის ძალიან კოსმოპოლიტური პრინტები, არა ლოკალური მნიშვნელობის, არამედ საერთაშორისო. მასშტაბური აზროვნების ხარისხიანი პროდუქტი მივიღეთ,“ – ამბობს მირანდა ჩარკვიანი.

მისივე თქმით, ფესტივალის დასრულების შემდეგ ქალაქში გაჩნდა ახალი ტურისტული მარშრუტი – „სტრიტ არტ ტური“.

„ტურისტული თვალსაზრისით ბათუმი გამრავალფეროვნდა, იმიტომ, რომ ტურისტებს დახვდათ `სტრიტ არტ მარშრუტი“. ამ პროექტმა ასევე  ქართველი და ფრანგი არტისტების დაახლოებას და მჭიდრო  თანამშრომლობას შეუწყო ხელი, რაც იმას ნიშნავს, რომ მომავალში ამ ადამიანებს შესაძლებლობა აქვთ კიდევ დაგეგმონ საქართველოში პროექტები და განახორციელონ. ბათუმში აქტიურად ვითარდება ურბანული ხელოვნება, რაც იმას ნიშნავს, რომ ხელოვნება მუზეუმიდან და ჩაკეტილი სივრციდან გადმოდის ქუჩაში. მომხმარებელი ხდება ყველა ადამიანი,  არა ის, ვინც მუზეუმში მიდის, არამედ ნებისმიერი გამვლელი,“ – ამბობს მირანდა ჩარკვიანი.

„ფესტივალი კარგია განვითარებისთვის, კონტაქტებისთვის. კონტაქტი გვაქვს უცხოელებთან. ხედავ, ვინ რას აკეთებს და უფრო ახლო კონტაქტი გაქვს მსოფლიოსთან. სტიმული გაქვს, რომ რაღაც აკეთო. რაც მოგვწონს, იმას ვხატავთ, ეს არის  თავისუფალი ფესტივალი,“ – ამბობს ფესტივალის მონაწილე მხატვარი თამუნა წახნაკია.

კითხვაზე, რას ელოდნენ და რამდენად გაამართლა ფესტივალზე მიღებულმა საბოლოო შედეგმა მოლოდინი, გელა წულაძე პასუხობს:

„მოლოდინი იყო, რომ მოსახლეობა ამას შეხვდებოდა სიხარულითა და  სიყვარულით. ეს მოლოდინი გამართლდა. სადაც მივედით დასახატად, მოსახლეობა ყველგან გამოვიდა, დაგვეხმარა, ხან გვაჭამა, ხან ლუდი დაგვალევინა,  ხან რაღაცა გვთხოვა, ვიღაცები იმ ზომამდე მივიდნენ, რომ ჩვენი შენობის „არკა“ მოგვიხატონო, გვთხოვეს. ჩემი მოლოდინი ფესტივალმა გაამართლა,“ – ამბობს გელა წულაძე.

„სტრიტ არტ ფესტივალი“ 27 ივნისს დასრულდა, იმ დღეს, როდესაც საქართველომ ევროკავშირთან ასოცირების ხელშეკრულებას მოაწერა ხელი. ფესტივალის ორგანიზატორების თქმით, ფესტივალი მიუძღვნეს ასოცირების ხელშეკრულების ხელმოწერას, საქართველოს დასავლურ კურსსა და საქართველოს ინტეგრაციას ევროკავშირში.

 

ოჯახის ინფორმაციით, იმედა სურმანიძე 2010 წელს დააკავეს ნარკოტიკების შენახვა-რეალიზაციის ბრალდებით. მას 12 წელი ჰქონდა მისჯილი, ამინისტრიის შემდეგ კი სასჯელი შეუმსუბუქდა, თუმცა ოჯახის წევრები ამბობენ, რომ პატიმარი ორჯერ იყო საავადმყოფოში გადაყვანილი, მისი მდგომარეობა მძიმეა და ისინი სიმართლის დადგენას ითხოვენ, რადგან ბრალდების ერთ-ერთმა მთავარმა მოწმემ ჩვენება შეცვალა.  

 

 

„სამნი დაიჭირეს, თავიდან ორი ამბობდნენ, რომ იმედა სურმანიძემ მისცა მათ წამალი, ისინი საპროცესო შეთანხმებით გამოვიდნენ. ხელისუფლების შეცვლის შემდეგ მათ ჩვენება შეცვალეს და ხელახლა მისცეს ჩვენება, რომ იმედა სურმანიძე წამალი მათთვის არ მიუცია და თქვეს, მაიძულეს ასეთი ჩვენების მიცემაო. ჩვენი თხოვნაა, ხელახლა განიხილონ საქმე და სიმართლე დადგინდეს“ – ამბობს მალხაზ სურმანიძე, პატიმრის ძმა.

 

„დანაპირები სამართლიანობის აღდგენის პროცესი უნდა დაიწყოს ქვეყანაში. დღეს ეს ხალხი მარტო იმედა სურმანიძეს კი არ უდგას გვერდით, არამედ ყველა იმ ადამიანს, ყველა იმ პატიმარს, რომლებიც დღეს წინა ხელისუფლების მსხვერპლნი არიან და სასჯელს უკანონოდ იხდიან  ციხეში, ბევრი მათგანი კრიტიკულ მდგომარეობაშია. ჩვენ უნდა ვიაქტიუროთ, ვიბრძოლოთ, რომ მათ მიმართ აღდგეს სამართლიანობა. მე გავეცანი ამ საქმეს, ოჯახის წევრების, მოწმის ინფორმაციას, რომელმაც განაცხადა, რომ თავის დროზე სახელმწიფო ოპერატიული დეპარტამენტის და სხვა წყებების ერთობლივი ღონისძიების შედეგად იქნა მიცემული ცრუ ჩვენება, რომ თითქოსდა ადგილი ჰქონდა ნარკოტკის შენახვა-გადაზიდვა-რეალზაციას. ამ შემთხვევაში ყველა ცივილიზებულ ქვეყანაში ხდება დაუყოვნებლივ საქმის გადახედვა და ყველა დამნაშავე პირის დასჯა, რაც ჩვენ ქვეყანაში ჯერ ვერ ხდება“ –  განაცხადა აქციიაზე მყოფმა ადამიანის უფლებადამცველმა თამაზ ბაკურიძემ.

 

 

 

ბატონო ნუგზარ, თქვენ ამბობთ, რომ მასალებს აწვდიდით პრემიერ-მინისტრის აპარატს და ასევე შს სამინისტროს. რა ინფორმაციაზე საუბრობთ?

ეს იყო დახურული ინფორმაცია, რისი ცოდნაც იმ დროს საზოგადოებისთვის არც იყო აუცილებელი.  მე და ჯემალ ბერიძე, რომელიც იყო მთავრობის აპარატის საინვესტიციო პოლიტიკის დეპარტამენტის ხელმძღვანელი, რამდენჯერმე შევხვდით შს სამინსიტროს შესაბამისი სამსახურის უფროსს. როცა ბიზნესმენები მოდიოდნენ აჭარის მთავრობაში, მათთან შეხვედრებს აწარმოებდა ბატონი ჯემალი და ის იყო შეწუხებული იმის გამო, რომ რაღაც ფორმით ხორციელდებოდა ზეწოლა ბიზნემენებზე. ეს შეწუხებული ბიზნესმენები შემოჰყავდა ჩემთან ბატონ ჯემალს.  მათზე ბევრი ფორმით ხორციელდებოდა ზეწოლა ხელისუფლებისგან. 

 

მაგალითად, რა ფორმით?

ნებართვები, ჯარიმები… საინვესტიციო კომპანიებზე იყო ზეწოლა, რომ დაკვეთა მიეცათ ადგილობრივი კომპანიისათვის და სთავაზობდნენ, რომ ეს კომპანია ყოფილიყო „ანაგი“ . აქ, როგორც ჩანს, მუშაობდა ფინანსთა და ეკონომიკის მინისტრის, ბალაძის მომენტი.  ვიცით, რომ ბალაძე 2012 წლის 1 ოქტომბრამდე იყო ამ კომპანიის ფინანსური მენეჯერი. ერთ-ერთი კომპანიის, რომელსაც ხუთი მილიონ ნახევარი ჰქონდა გათვალისწინებული მშენებლობისთვის, ბიზნესმენისგან გვქონდა ინფორმაცია, რომ მასზე მთავრობის თავმჯდომარე ახორციელებდა ზეწოლას – ის მისცემდა ნებართვას იმ შემთხვევაში, თუ დაამატებდა მილიონს და დაკვეთას მიიღებდა „ანაგი.“ ეს იყო თურქული საინვესტიციო კომპანია. 

 

 

კომპანიას არ დაასახელებთ?

მგონი ეს იყო „ბაბილონი“.

 

 

„ბაბილონს“ წინა ხელისუფლება შეუთანხმდა, მე როგორც მახსოვს, და მშენებლობაც წინა ხელისუფლების დროს დაიწყო. მშენებლობის ნებართვას ეს მთავრობა როგორ გასცემდა?

 

საბოლოოდ მათ ნებართვა ამ ხელისუფლების პირობებში მიიღეს. ბიზნესმენზე იყო სერიოზული ზეწოლა. ამის შესახებ მან ძალიან მძიმე საყვედური გამოთქვა ჩვენთან.

„ანაგმა“ რომ გიჩივლოთ სასამართლოში, დაამტკიცებთ იმას, რასაც ამბობთ – გაქვთ სათანადო მტკიცებულება?

თქვენ ფიქრობთ, რომ რომელიმე ბიზნესმენი სასამართლოში ზოწოლაზე განაცხადებს? – თუ მიჩივლებს, ვერანაირ მტკიცებულებას ვერ წარვადგენ. მე აქ არ ვლაპარაკობ „ანაგზე“ და გოგოტიშვილზე, მე ვლაპარაკობ დავით ბალაძის დაინტერესებაზე და ამას ჯემალ ბერიძეც დაადასტურებს. ჩვენ დავინახეთ მისი ინტერესი.  

 

კიდევ შემიძლია მსგავსი მაგალითების დასახელება: ბულვარის შესასვლელში კაფე „ტყუპები“ ხომ იცით, მაგის შესყიდვის სანაცვლოდ შესთავაზეს თურქ  ბიზმესმენს უკვე უკანონოდ აშენებული პირსის კანონმდებლობის ჩარჩოებში მოყვანა. აუდიტს კაფე „ტყუპები“ ნახევარმილიონ დოლარად ჰქონდა შეფასებული. ინვესტორს სთხოვდნენ ეყიდა მილიონახევრად. ამ საქმეში მონაწილეობდა ვინმე ჭოხონელიძე. მე და ჯემალი მივედით შს სამინსიტროს შესაბამისი სამსახურის უფროსთან და ვუთხარით, რომ ჩვენთან მოვიდა ბიზნემენი, რომელმაც გვაჩვენა არჩილ ხაბაძის მიერ მიწერილი მესიჯი (ეს იყო გასული წლის 19 სექტემბერი). ხაბაძე წერდა 20 სექტემბერს, შაბათს თუ ეს საკითხი დადებითად არ გადაწყდება, მძიმედ წაგივათ საქმეო.  

 

ვინ არის ჭოხონელიძე?

კეთილისმსურველებმა მითხრეს, არ გინდა, შეეშვითო. ვიკითხე, რატომ-მეთქი. ჭოხონელიძე კახა კალაძის კაციაო. მე არ ვიცი მის პირველ აგენტზე რეზო ჭოხონელიძეზეა საუბარი თუ მის ძმაზე. ამ ჭოხონელიძის სახელი ვერ გავიგე.

 

ეს ჭოხონელიძე ითხოვდა ბიზნესმენისგან კაფე „ტყუპების“ მილიონნახევრად ყიდვას, სამაგიეროდ მოუგვარებდა პირსის კანონიერების საკითხს. ამ საქმეში მთავრობის თავმჯადომარის ჩართულობას ადასტურებს მესიჯი, რომელიც ამ ბიზნესმენმა გადმოგვიქაჩა. ეს მესიჯი უშიშროების უფროსს ვაჩვენეთ.

 

ბიზნესმენმა თქვა, რომ ის მიმართავდა ერდოღანს და მისი მეშვეობით ხმას მიაწვდიდა საქართველოს მაშინდელ პრემიერ-მინისტრს ბიძინა ივანიშვილს.

 

ვინც ეს მესიჯი მოგვიტანა, ეს ბიზნესმენი ახლა სასათბურე პირობებით სარგებლობს აჭარის მთავრობაში. ხაბაძეს ის უცხოეთში ვიზიტებისას დაყვება. მან ჩვენთან კონტაქტი გაწყვიტა.

 

ვინ არის ეს ბიზნესმენი?

ზოგიერთ სახელს და გვარს ვერ დავასახელებ.

 

შარშან არჩევნების დროს, ბათუმში რამდენიმე ბიზნესმენთან მივიდა სამი ნარკომანი, რომლებიც მათ ფულს სძალავდნენ. ისინი მოქმედებდნენ მთავრობის თავმჯდომარისა და აპარატის უფროსის, ჭეიშვილის სახელით. მე და ჯემალმა ამის შესახებაც მივაწოდეთ უშიშროების უფროსს ინფორმაცია. სამი დღის შემდეგ მივიღეთ ინფორმაცია, რომ სამიდან ერთი დააპატიმრეს. 

 

კიდევ ერთი მძიმე ფატის შესახებ გეტყვით, რასთან დაკავშირებითაც სახელებს და გვარებს ვერ დავასახელებ, რადგან შექმნილია კომისია და მიმდინარეობს მოკვლევა. საქმე ეხება მაღალჩინოსნის მანქანით საზღვარზე ნარკოტიკების გადმიტანას. ამ ფაქტთან დაკავშირებით ფრაქცია „ქართულ ოცნებას“ მივაწოდეთ ინფორმაცია, რომელმაც საქმის კურსში ჩააყენა თბილისი.  ვშიშობთ, რომ ისინი შეეცდებიან ყველა კვალი წაშალონ.

 

კიდევ ვინ იცოდა ამ ყველაფრის შესახებ, ხაბაძესთან დალაპარაკება რატომ არ სცადეთ?

ჩვენ ამ ინფორმაციას ვაწვდიდით უმაღლესი საბჭოს „ქართული ოცნების“ ფრაქციას. ამიტომაა, რომ ამ ჯგუფის წინააღმდე მძიმე ბრალდებებისა და ტალახის სროლა მიდის.  ფრაქცია ამ ამბებით ჩადიოდა პრემიერ-მინისტრთან. 

 

ბატონ არჩილთან შეხება არ მქონია 2013 წლის თებერვლის შემდეგ. ადმინისტრაციის უფროსი ვიყავი მხოლოდ ქაღალდზე და პრაქტიკულად ვსარგებლობდი სამთავრობო ფუფუნებით. ეს არის მანქანა, ტელეფონი, კაბინეტი. 2013 წლის თებერვლის შემდეგ,  მურმან დუმბაძის პრემიერთან პირველი დაპირისპირების შემდეგ, პრაქტიკულად, ჩვენი ჯგუფი ხელისუფლებას ჩამოსცილდა. ამის შემდეგ ერთადერთხელ შევხვდი არჩილ ხაბაძეს, როცა ბიზნესმენები მოვიდნენ მანდარინის საკითხთან დაკავშირებით.

 

ჩვენი საუბრები ისმინებოდა. აჭარის შინაგან საქმეთა სამინისტროს აჭარის სამმართველოს ყოფილი უფროსი თელია საკუთარ კაბინეტში ხაბაძეს ჩვენს საუბრებს ასმენინებდა. როგორც ჩანს, ცენტრიდან იყო დავალება, რომ ამ ორ ჯგუფს შორის ყოფილიყო მაქსიმალური სიცივე. დარწმუნებული ვარ, რომ ეს იყო დავალება ცენტრიდან. პირველი ორი თვის შემდეგ ჩვენგან უკვე რეკომენდაციის გაწევაც კი დამღუპველი იყო. 

 

 

თუ ამდენი დანაშაული ხდებოდა და თქვენ ამას ხედავდით, ამ დრომდე რატომ არ გაასაჯაროვეთ – თანამდებობიდან გათავისუფლების შემდეგ გაბრაზებული კაცის პოზიციიდან ხომ არ საუბრობთ?

ვაწვდიდი ინფორმაციას უშიშროებას და ფრაქციას. ვსაუბრობდით ამაზე შიგნით გუნდში. მე როგორც თანამდებობის პირს, პოლიტიკური განცხადებების გაკეთების უფლება არ მქონდა. ახლა გათავისუფლებული ვარ და უკვე შემეძლო ამაზე განცხადებები გამეკეთებინა.

 

 

გავრცელდა ინფორმაცია, რომ უმაღლესი საბჭოს „ქართული ოცნების“ ფრაქციის აპარატში გააგრძელებთ მუშაობას, ასეა?

 

შემოთავაზება მაქვს, დავინიშნები თუ არა, ჯერ არ ვიცი. ვიმუშავებ, რატომაც არა, ეს ის ხალხია, ვისთან ერთადაც ჩვენ ვიბრძოდით.

 

 

 

 

2002 წელს დაამთავრა ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი. 2002 წელს საქართველოს იუსტიციის უმაღლეს საბჭოსთან არსებულ სამოსამართლო სწავლების ცენტრში გაიარა მოსამართლის თანაშემწის სამთვიანი კურსი. 2003 წელს ჩააბარა პროკურატურის მუშაკთა საკვალიფიკაციო გამოცდა.

 

2006 წელს ჩააბარა ნოტარიუსთა საკვალიფიკაციო გამოცდა. 2006 წელს ჩააბარა ადვოკატთა საკვალიფიკაციო გამოცდა საერთო სპეციალობით. 2002-2006 წლებში მუშაობდა ქობულეთის რაიონის სანოტარო ბიუროში კონსულტანტად. 2007 წლის თებერვლიდან 2007 წლის ნოემბრის ჩათვლით მუშაობდა საქართველოს უზენაესი სასამართლოს ადმინისტრაციულ და სხვა კატეგორიის საქმეთა პალატაში მთავარ სპეციალისტად.

 

2007 წლის ნოემბრიდან 2012 წლის ნოემბრამდე მუშაობდა თბილისის სააპელაციო სასამართლოს ადმინისტრაციულ საქმეთა პალატაში მოსამართლის თანაშემწედ. 2012 წლის ნოემბრიდან 2013 წლის ოქტომბრამდე იყო საქართველოს იუსტიციის უმაღლესი სკოლის მსმენელი. 2013 წლის ნოემბრიდან 2014 წლის მაისამდე მუშაობდა საქართველოს უზენაეს სასამართლოში კონსულტანტად.

 

საქართველოს იუსტიციის უმაღლესი საბჭოს 2014 წლის 27 მაისის №1/41 გადაწყვეტილებით დაინიშნა ბათუმის საქალაქო სასამართლოს მაგისტრატ მოსამართლედ ქობულეთის მუნიციპალიტეტში და 2014 წლის 9 ივნისიდან მოსამართლის უფლებამოსილებას ახორციელებს ბათუმის საქალაქო სასამართლოში.

 

2013 წელს – 493 პირის მიმართ (აჭარის ტერიტორიაზე 36 პირის მიმართ);
2014 წლის 4 თვეში -147 პირის მიმართ (აჭარის ტერიტორიაზე 6 პირის მიმართ).

 

 

 

როგორც გამგებლის მოვალეობის შემსრულებელი ანზორ ფერცელიძე ამბობს, ხელვაჩაურის სოფელ მახვილაურში მცხოვრები მურმან პაქსაძემ პროტესტის უკიდურეს ფორმას სოციალური პირობების გამო მიმართა. 

 

„ოჯახი სოციალურად დაუცველია. გეოლოგების დასკვნით მისი სახლი საცხოვრებლად გამოუსადეგარია და ამჟამად თავის ძმასთან ცხოვრობს“ – ამბობს ანზორ ფერცელიძე,

 

ანზორ ფერცელიძისვე თქმით, მურმან პაქსაძის სოციალურ მდგომარეობას სამთვრობო კომისია სწავლობს და სოციალურ სახლში, რომლის მშენებლობაც მიმდინარეობს, მურმან პაქსაძეს ბინას გადასცემენ.

 

 ირაკლი ღარიბაშვილმა საზეიმო მიღებაზე  ევროკავშირის ბაზრის ხელმისაწვდომობის მნიშვნელობაზე ისაუბრა და აღნიშნა, რომ საქართველოს ხელისუფლება აცნობიერებს პასუხისმგებლობას, რომელიც რეფორმების განხორციელების კუთხით ეკისრება.