Batumelebi | თბილისი-მახინჯაურის მიმართულებით მატარებლით მგზავრობის ფასი იცვლება თბილისი-მახინჯაურის მიმართულებით მატარებლით მგზავრობის ფასი იცვლება – Batumelebi
RU | GE  

თბილისი-მახინჯაურის მიმართულებით მატარებლით მგზავრობის ფასი იცვლება

 

 თბილისი-მახინჯაურის მიმართულებით მოძრავ სამგზავრო მატარებლებზე ბილეთის ფასი იცვლება. შეცვლილ ტარიფებთან დაკავშირებით საქართველოს რკინიგზამ განცხადება გაავრცელა, რომელსაც უცვლელად გთავაზობთ. 

 

“სს ”საქართველოს რკინიგზის” 2010 წლის 1 ივნისის ბრძანებულებით თბილისი-მახინჯაურის მიმართულებით მოძრავ ელექტრო-მატარებლებზე, დადგინდა სამგზავრო ბილეთის ტარიფები; კერძოდ პირველი კლასის ბილეთის ფასი განისაზღვრა 45 ლარით, ხოლო მეორე კლასის ბილეთის ფასი – 23 ლარით.

 

2013 წლის 23 აპრილს დირექტორთა საბჭოს გადაწყვეტილებით, ამოქმედდა 10 თვიანი ფასდაკლება, რომელიც მოიცავს 16 სექტემბრიდან-10 ივლისამდე პერიოდს.

 

ფასდაკლების მიხედვით, პირველი კლასის ბილეთის ფასი 45 ლარის ნაცვლად გახლავთ 25 ლარი, მეორე კლასის ბილეთის ფასი 23 ლარის ნაცვლად 18 ლარი. ფასდაკლების ტარიფი 16 სექტემბრიდან კვლავ შევა ძალაში.

 

გვინდა ხაზგასმით აღვნიშნოთ, რომ საქართველოს რკინიგზამ 10 თვის განმავლობაში გააიაფა სამგზავრო ბილეთის საფასური და მხოლოდ ორი თვის გამნამვლობაში დატოვა ის ტარიფი, რომელიც 2010 წლიდან თითქმის სამი წლის განმავლობაში უცვლელად მოქმედებდა.

 

აღნიშნული ფასდაკლება ეხება მხოლოდ თბილისი-მახინჯაური-თბილისის სამგზავრო მატარებლებს. სხვა დანარჩენ მიმართულებებზე, სამგზავრო ტარიფი უცვლელი რჩება”. 

 

ტარიფები გასულ წელსაც ამავე პერიოდში შეიცვალა. 

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"