Batumelebi

ოცნების ქალაქში მცხოვრები: შეშა არ გვაქვს

„დღემდე იმ შეშას ვხმარობდით, რაც ზაფხულში მოვაგროვეთ. უკვე გვითავდება. ჩემი ოჯახი შვიდი წევრისგან შედგება, აქედან ოთხი ბავშვია, მათ შორის ერთი სამი წლისაა. მე კიდევ სამ მეზობელთან ვიყავი, შეშა არც მათ აქვთ. ხვლა ვაპირებ აქვე მოვჭრა ალვის ხე, მერე მოვლენ ალბათ და დამაჯარიმებენ“, – მოწერა „ბათუმელებს“ როინ გუნდაძემ და დაამატა, რომ „დიდებისთვის ასატანია ეს სიცივე, მაგრამ პატარებს ძალიან უჭირთ“.

როინ გუნდაძის თქმით, მათ დახმარებისთვის ბათუმის მერიას მიმართეს, მაგრამ „შეშა არ შეხვდათ“.

როინ გუნდაძე ამბობს, რომ მისი ოჯახი სოციალურად დაუცველთა და სახელმწიფოსგან შემწეობას იღებს.

ბათუმში თოვს. „ოცნების ქალაქი“ კი ბათუმის გარეუბანში მდებარეობს.

9 იანვარს ბათუმში ითოვებს

ამინდის პროგნოზის ვებგვერდების მონაცემებით ამ დროისათვის ტემპერატურა 1 გრადუსია. წინასწარი პროგნოზით ბათუმში ხვალ, 9 იანვარს, სუსტი თოვაა მოსალოდნელი, ტემპერატურა 4-0 გრადუსი იქნება.

სინოპტიკოსები გამოდარებას 10 იანვრიდან ელიან. გრძელვადიანი პროგნოზის თანახმად იანვრის მეორე ნახევარში ბათუმში ტემპერატურა 17 გრადუსამდე გათბება.

იდენტობა აცხადებს, რომ ორგანიზაციას და ირაკლი ვაჭარაძეს ემუქრებიან

უფლებადამცველმა არასამთავრობო ორგანიზაციამ მუქარის შესახებ განცხადება საჯაროდ თავის ვებ გვერდზე გაავრცელა. “იდენტობის” ხელმძღვანელის ანა რეხვიაშვილის თქმით, განცხადებას ასევე შეიტანენ შინაგან საქმეთა სამინისტროში.

“ირაკლი ვაჭარაძის კომენტარს პატრიარქის საშობაო ეპისტოლეზე, სადაც ის სამართლიანად აფასებს ეპისტოლეს შინაარსს ქალთა უფლებების წინააღმდეგ მიმართულ განაცხადად, ფიზიკური განადგურების მუქარის შემცველი წერილები მოჰყვა”, – წერს იდენტობა 8 იანვარს.

ორგანიზაცია აცხადებს, რომ ოფისში არ წყდება მუქარის ზარები, პოლიციას მიმართავს და თხოვს ყურადღებით მოეკიდონ აღნიშნულ მუქარას, რადგან ამგვარი თავდასხმები ორგანიზაციასა და ირაკლი ვაჭარაძეზე სისტემურ ხასიათს ატარებს და არ შემოიფარგლება ერთჯერადი, ვერბალური დაპირისპირებით. “ამგვარ შემთხვევებს პერმანენტული და სისტემური ხასიათი გააჩნია”.

“იმ ფონზე, როდესაც დღეს მთელი ცივილიზებული მსოფლიო ტერორიზმისა და ფუნდამენტალიზმის სავალალო შედეგებს იმკის, არანაკლებ საფრთხის შემცველია ამგვარი მუქარები ჩვენ მიმართ. ისინი შეიცავს მკაფიოდ გამოხატულ აგრესიას, რაც ეწინააღმდეგება ადამიანის გამოხატვის თავისუფლებას და წარმოადგენს სრულიად მიზანმიმართულ, რეალურ საფრთხეს. რელიგიური ფუნდამენტალიზმის ფონზე ჩადენილი დანაშაულების უგულებელყოფა მხოლოდ წაახალისებს ძალადობას და ადამიანების სიცოცხლის ხელყოფის სერიოზულ საფრთხეს წარმოადგენს”, – აცხადებს “იდენტობა”.

ორგანიზაცია თავის განცხადებაში იმ პირებსაც ასახელებს, რომლებიც “იდენტობას” და ირაკლი ვაჭარაძეს ემუქრებიან, მათ შორის ერთ-ერთი სასულიერო პირი, არქიმანდიტი ანთიმოზია, მეორე – ლადო სადღობელაშვილი.

ეს უკანასკნელი თავის ფეისბუქის გვერდზე წერს:

“ირაკლი ვაჭარაძე – მოიხადე ბოდიში! ითხოვე პატიება! წინააღმდეგ შემთხვევაში ჩათვალეთ „იდენტობა“ არ არსებობს! შენ და შენს კანტორას ელის ძალიან ცუდი დღეები! შენს ნაც კონტროლირებად-ექსტრემისტულ ორგანიზაციას უნდა მოეღოს ბოლო !!!
ჩვენთან არს უფალი!”

სადღობელაშვილი 10 იანვარს იდენტობას ოფისთან აქციასაც აანონსებს, რომლის მთავარი მოთხოვნა “იდენტობის” აკრძალვა იქნება.

“იდენტობაში” აცხადებენ, რომ მუქარის შემცველი კომენტარების ნაწილი სოციალური ქსელებიდან წაშლილია, თუმცა აქვთ ეკრანის ანაბეჭდები, რომელსაც თან დაურთავენ საჩივარს.

ორგანიზაცია „იდენტობა“ სამართალდამცავ ორგანოებს რეაგირებისკენ მოუწოდებს და აცხადებს, რომ ამგვარი თავდასხმები ფიზიკური ანგარიშსწორების რეალურ საფუძველს შეიცავს.

ნეტგაზეთი დაუკავშირდა შინაგან საქმეთა სამინისტროს კითხვით, დაიწყეს თუ არა სამართალდაცავებმა გამოძიება და როგორ აპირებენ უზრუნველყონ ორგანიზაციის და ირაკლი ვაჭარაძის უსაფრთხოება. შსს-ს პრესსამსახურმა განაცხადა, რომ “ირაკლი ვაჭარაძეს სამართალდამცავები გაესაუბრებიან და მოახდენენ რეაგირებას”.

სახსრების ენდოპროთეზირება – ვინ ისარგებლებს სამედიცინო ვაუჩერით

მომსახურება განხორციელდება სამედიცინო ვაუჩერის საშუალებით. აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს მიერ ქვეპროგრამის მოსარგებლის მკურნალობის დაფინანსების ზღვრული თანხა შეადგენს 4000 ლარს.

მოსარგებლეთა შერჩევის წესი:

ქვეპროგრამის მოსარგებლედ განისაზღვრება საქართველოს მოქალაქეები, რომლებიც 2015 წლის 1 იანვრის მდგომარეობით და ვაუჩერის გაცემის პერიოდისათვის უწყვეტად რეგისტრირებულნი არიან აჭარის ავტონომიური რესპუბლიკის ტერიტორიაზე.

ქვეპროგრამის ფარგლებში მკურნალობა დაფინანსდება ფაქტიური ხარჯის 90 %-ით:

100 000-მდე სარეიტინგო ქულის მქონე პაციენტებისათვის;

მკურნალობა დაფინანსდება ფაქტიური ხარჯის 80%-ით შემდეგი ბენეფიციარებისთვის:

ვინც რეგისტრირებულია სოციალურად დაუცველი ოჯახების მონაცემთა ერთიან ბაზაში და მინიჭებული აქვს 100 000–დან 200 000-ის ჩათვლით სარეიტინგო ქულა;

შეზღუდული შესაძლებლობის სტატუსის მქონე პირები;

ომის ვეტერანები;

ტერიტორიული მთლიანობისთვის ომში მონაწილეები, ომში დაღუპულთა ოჯახის წევრები (დედა, მამა, მეუღლე, შვილები);

მრავალშვილიანი (18 წლამდე ასაკის 5 და მეტი შვილი) ოჯახის წევრები.

სხვა დანარჩენი მოქალაქეებისათვის 70%–ით, მაგრამ არაუმეტეს 4000 ლარისა.

მკურნალობის ღირებულების დარჩენილი ნაწილი დაიფარება პაციენტის მიერ.

ქვეპროგრამით გათვალისწინებული სერვისებით ვერ ისარგებლებენ:

სახელწიფო ბიუჯეტის ფარგლებში დაფინანსებული სამედიცინო პროგრამის მოსარგებლეები, ასევე ინდივიდუალური და კორპორაციული დაზღვევით მოსარგებლეები, გარდა იმ შემთხვევებისა, თუ ისინი არ ითვალისწინებს აღნიშნულ ქირურგიულ მკურნალობას.

ქვეპროგრამის მოცულობით არ დაფინანსდება უკვე ჩატარებული მკურნალობა (პაციენტის სტაციონარიდან გაწერის შემდეგ), საზღვარგარეთ მკურნალობა და ასევე არ დაფინანსდება სამედიცინო პროგრამებით გათვალისწინებული თანაგადახდა მოსარგებლის მხრიდან.

ვაუჩერის გაცემის საფუძველს წარმოადგენს:

– განცხადება;

– პირადობის დამადასტურებელი მოწმობის ასლი ან სხვა დოკუმენტი, რომლითაც შესაძლებელია პირის იდენტიფიკაცია;

– ქვეპროგრამის ბენეფიციარის დამადასტურებელი საბუთი;

– ცნობა ჯანმრთელობის მდგომარეობის შესახებ – ფორმა №IV-100/ ა (პაციენტის დიაგნოზი, ჩარევები და გამოკვლევები მითითებული უნდა იყოს ქვეყანაში დადგენილი კლასიფიკატორების შესაბამისად);

– სამედიცინო დაწესებულების მიერ გაცემული ანგარიშ–ფაქტურა.

სამედიცინო მომსახურების დაფინანსებისთვის აჭარის ბიუჯეტიდან წელს 200 000 ლარია გამოყოფილი, რომელიც 70 ბენეფიციარზეა გათვლილი.

ქირავდება ბინა ბათუმის ცენტრში, თეატრთან

ქალაქ ბათუმში, ახმეტელის ქუჩაზე, შვიდსართულიანი სახლის, მეხუთე სართულზე ქირავდება, ორ ოთახიანი გარემონტებული ბინა. შესაძლებელია ფართის ზაფხულამდე გაცემა.

დაგვირეკეთ : 557919143 იზო

ქირავდება სამსართული სახლი ბათუმში

აგვისტოს ომში და ავღანეთში დაღუპულთა ოჯახების დახმარება

აგვისტო, 2008 წელი /ფოტო ბათუმელების არქივიდან/

ქვეპროგრამა ითვალისწინებს 2008 წლის აგვისტოს თვეში განვითარებული საომარი მოქმედებების შედეგად დაღუპულ აჭარის ადმინისტრაციულ ტერიტორიაზე მცხოვრებ 16 სამხედრო მოსამსახურის, ასევე, 2012 წელს ავღანეთში საერთაშორისო სამხედრო ოპერაციის შესრულების დროს დაღუპულ 3 მეომრის ოჯახზე დახმარების გაწევას.

დედისა და ქალთა საერთაშორისო დღესთან დაკავშირებით მატერიალური დახმარება გაეწევა დაღუპული მეომრების დედებსა და მეუღლეებს თითოეულს 1000 ლარის ოდენობით, სულ 23 ბენეფიციარს, ხოლო აგვისტოს თვეში ერთჯერადი მატერიალური დახმარება გაეწევა 19 მეომრის ოჯახს – თითოეულს 3000 ლარის ოდენობით.

დახმარების გასაცემად აჭარის ჯანმრთელობისა და სოციალური დაცვის სამინისტროში აჭარის მუნიციპლიტეტების გამგეობებმა და ქალაქ ბათუმის მერიამ უნდა წარადგინოს დაღუპულთა და მათი ოჯახის წევრთაგან მატერიალური დახმარების მიმღებ პირთა სია და საბანკო რეკვიზიტები.

შესაბამისი ადგილობრივი თვითმმართველობის ერთეულის შუამდგომლობის საფუძველზე დასაშვებია ოჯახის დახმარების თანხის წილობრივი გაცემა მეუღლეზე, მშობელზე, შვილზე ან შვილის კანონიერ წარმომადგენელზე.

ზემოაღნიშნული ოდენობით ერთჯერადი მატერიალური დახმარების გაწევა აჭარის ბიუჯეტიდან დაგეგმილია მიმდინარე 2015, ასევე 2016-17 და 2018 წლებშიც – ყოველწლიურად 80 ათასი ლარის, სულ 320 ათასი ლარის ფარგლებში.

ELT ლომბარდი: საჯარო შეტყობინება დავალიანების დაფარვისა და გირავნობის საგნების შესაძლო რეალიზაციის თაობაზე

იზა ბედინაძე; თამილა გვიანიძე; მარინა ირემაძე; თამარ გარაყანიძე; ჯუნა შავლიძე; რომან ჩაზმავა; თამილა კილაძე; ნაზი დუმბაძე; რუსუდან ჯანელიძე; ირმა ჯაში; ელზა ბერიძე; დიანა დიასამიძე; ჯემალ აბაშიძე; ნიკა უნაფქოიშვილი; თენგიზ დუმბაძე; ხათუნა ჭაღალიძე; კახა ფუტკარაძე; იოსებ ეზიეშვილი; ნოდარ გელაძე; შორენა კახიძე; გიორგი ციმაკურიძე; დავით რომანაძე; ქსენია ხათაშვილი; ნინო ბეჟანიძე; ჯაბა ოქროპირიძე; რევაზ წულუკიძე; ლელა მოწყობილი; იაკობ ვართანიანი; პაატა ვადაჭკორია; ირმა მახარაძე; ტარიელ ნიოლაიშვილი; ნინო ჭყონია; სოფიო ქათამაძე; მალხაზ თხილაიშვილი; რუსუდან მიქელაძე; ვალერიან ხოფერია; ექეკლე ქაჯაია; კობა ჯორბენაძე; გიორგი ქონიაძე; გოგიტა გორგაძე; ცისანა გორგილაძე; მურმან სალაძე; ნაზიბროლა მაკარაძე; მეგი თედორაძე; მახარე ქათამაძე; ჯულიეტა ჭინკაძე; ნატალია უმეთაძე; რამინ სურმანიძე; ანაიდა ბაგდასარიანი; მიხეილ ფუტკარაძე; დავით ტოგონიძე; დავით კვირიტიძე; მაია ზოიძე; ალბერტ დავიდიანი; გელა ლორთქიფანიძე; რობერტ ესოიანი; მიხეილ ფუტკარაძე; ნათია თურმანიძე; ზურაბ ქარჩავა; როლანდ პაქსაძე; კობა ჩხიკვაძე; ავთანდილ ბერიძე; ლუიზა ჯაყელი; ნონა ვერძაძე; ლელა დოხაძე; ასლან სურმანიძე; ჯულიეტა ახცხეციანი; გიორგი მამუშაძე; მირზა დუმბაძე; ქეთევან მურადოვა; ზინა ფარტენაძე; მამუკა თავდგირიძე; გოჩა აბულაძე; ხათუნა ბასილაძე; რამაზ გაბაიძე; დარეჯან კაკაბაძე; ანა ქათამაძე; თეონა მახარაძე; ლელა ნაგერვაძე; იმედა ლორთქიფანიძე; ამირან საგინაძე; ილია ყურშუბაძე; მამუკა დიასამიძე; მალხაზ დევაძე; რაულ კონცელიძე; შორენა მამულაძე; ნუკრი ფუტკარაძე; რუსლან ფუტკარაძე; რუსთამ ისკენდეროვ; ლევან დავითაძე; ნანა ხალვაში; ნესტან ბერიძე; ირაკლი ჭაღალიძე; ზვიად მახარაძე; ავთანდილ აბაშიძე; მერაბ გორჯელაძე; ფრიდონ კიკვაძე; მიხეილ კენჭაძე; ალექსანდრე ღელეყვა; გიორგი გამრეკელი; გიორგი გამრეკელი; ლევან ცხოიძე; ნინო ბაქრაძე; გურანდა ღონიაძე; მაია ქავჯარაძე; რეკლე ქაჯაია; მამუკა გოგიტიძე; გიორგი ტუქსაძე; რომან ყაზაიშვილი; ლევან ვაჭარაძე; ნიგარ თავდგირიძე; ბაჩუკი ნაროუშვილი; მარიამ ფოთელიძე; თამაზ გურგენიძე; მაია დიასამიძე; მამუკა გოგიჩაიშვილი; ბაადურ ანთაძე; თემურ მახაჭაძე; ირინე რუსია; პაატა გურგენიძე; ზაზა ვადაჭკორია; იგორ ხალვაში; თეიმურაზ გოგუაძე; ფრიდონ ანთაძე; ინდირა მგელაძე; ვლადიმერ არქელოვი; მინდია კონცელიძე; რევაზ ტიკარაძე; მირანდა ახალაძე; ზვიად გელაძე; მალხაზ წითელაძე; ასლან დიასამიძე; რაულ ტაკიძე; დავით ლორთქიფანიძე; ზაურ ზაგანია; დურმიშხან ხიმშიაშვილი; ანდრეი ლობკო; დავით კაჭუა; ნანა ტუღუში; თეონა დუმბაძე; ნოდარი გოგობერიშვილი; ასმათ ჭურღულია; ალდონა ჯალაღონია; ანატოლი შამოევი; გოჩა აბუსელიძე; ნაზი ჯაში; მალვინა კვირიკაძე; რამაზ ცქვიტინიძე; ზაზა საღრიშვილი; ზაურ ქაჯაია; ქრისტინა ტუღუში; მამუკა ხალაძე; თეონა ქართველიშვილი; კახა კილაძე; იზოლდა ნაგერვაზე; მინდია ზაქარაძე; როდიონ იგნატევი; ფრიდონ ოქროპირიძე; გიორგი ჯაფარიძე; გიორგი კეშელავა; კახა ბერიძე; მიხეილ კეკელიძე; ირაკლი კუნჭულია; კახა კობალაძე; ზურაბ ქურდობაზე.

მის: 26 მაისის ქ.#29. მობ.: 597 49 89 99/593 49 89 99; ტელ.: (0422) 27 30 29;

მის.: ჭავჭავაძის ქ.#8 (ბათუმი პლაზის წინ), ტელ.: (0422) 25 95 30

www.eltcompany.ge

13 მილიონი ლარი დაზარალებული ოჯახების ბინებით უზრუნველსაყოფად

სპეციალური პროგრამის მიხედვით, აჭარის ბიუჯეტიდან დაფინანსდება სოციალური და სტიქიის შედეგად დაზარალებული ოჯახებისათვის საცხოვრებელი ბინების მშენებლობა ქალაქ ბათუმსა და მუნიციპალიტეტებში მოთხოვნის შესაბამისად, აგრეთვე ხულოს მუნიციპალიტეტში მიმდინარე მშენებლობის დასრულება.

სოციალური და ეკომიგრანტი ოჯახებისათვის საცხოვრებელი სახლების მშენებლობისათვის საპროექტო-სახარჯთაღრიცხვო დოკუმენტაციის შესყიდვაში წელს 10 ათასი ლარი, ხოლო საცხოვრებელი სახლების მშენებლობაში 3 990 000 ლარი დაიხარჯება.

მიმდინარე წელს ხულოს მუნიციპალიტეტში სტიქიის შედეგად დაზარალებული ოჯახებისათვის 72 ბინიანი საცხოვრებელი კომპლექსის მშენებლობა დასრულდება. როგორც პროგრამაშია აღნიშნული, შარშან, ანალოგიური პროგრამის ფარგლებში ქედის მუნიციპალიტეტში დაკმაყოფილდა სტიქიის შედეგად დაზარალებული 12 ოჯახი.

2016, 2017 და 2018 წლებში კი, ყოველწლიურად 75 [ჯამში 225] სოციალური და სტიქიის შედეგად დაზარალებული ოჯახის საბინაო პირობებით უზრუნველყოფაა დაგეგმილი.

თოვლი ხელვაჩაურში

როგორც ხელვაჩაურში მყოფი „ბათუმელების” ჟურნალისტი იუწყება, თოვლის გამო მოძრაობა ჯერჯერობით, არც ერთი მიმართულებით არ შეფერხებულა. ხელისუფლების ცნობით, ხელვაჩაურში მანდარინის მოსავალი სრულად არის მოკრეფილი.

საქართველოს სხვა რეგიონებში ამ დროისთვის განსაკუთრებით დიდი თოვლი მოვიდა, ახალციხის მუნიციპალიტეტში კი სიცივისგან ერთი ადამიანი გაიყინა და გარდაიცვალა.

რაც შეეხება აჭარის მაღალმთიან მუნიციპალიტეტებს, გუშინ ხულოს მუნიციპალიტეტის სოფლებში ოთხ სახლს ქარბუქმა სახურავი გადახადა. გამგებლის – ბესიკ ბუაჩიძის ინფორმაციით, ამ სახლებში მცხოვრები ოჯახები უსაფრთხო ადგილას, მეზობლებთან არიან გადაყვანილები.

მთავრობის თანადაფინანსება სესხის პროცენტის დასაფარად

სამინისტრო იმ სესხის საპროცენტო განაკვეთის ნაწილს გადაიხდის, რომელსაც შერჩეული ბანკი აჭარის რეგიონში მცირე და საშუალო ტურისტული ობიექტების ინფრასტრუქტურის მოწესრიგებისა და ტურისტული მომსახურების გაუმჯობესების მიზნით გასცემს.

პროგრამაში აღნიშნულია, რომ შერჩეული კომერციული ბანკი საკრედიტო რისკების გათვალისწინებით მოახდენს ტურისტული ბიზნესით დაკავებული მცირე და საშუალო ბიზნეს სუბიექტების დაფინანსებას.

ტურისტულ ბიზნესად ჩაითვლება საქმიანობა, რომელიც უკავშირდება აჭარის ადმინისტრაციულ საზღვრებში საზოგადოებრივი კვების ობიექტის (კაფე, რესტორანი, ბისტრო, ბარი, სასადილო და სხვა), სასტუმროს (არაუმეტეს 50 ნომრიანი, მათ შორის საოჯახო ტიპის), გასართობი ობიექტის (ღამის კლუბი, დისკოთეკა, საბილიარდო, ბუნგალო და სხვა) მოწყობას (მშენებლობა, რეკონსტრუქცია, რემონტი) და სხვა ტურისტულ საქმიანობას.

საკრედიტო რესურსი განისაზღვრება 6 მილიონი ლარის ოდენობით, წლიური საპროცენტო განაკვეთი შეადგენს 15%-ს. სესხის მაქსიმალური ოდენობა განისაზღვრა 200 000 ლარით და სესხი გაიცემა არაუმეტეს 7 წლის ვადით.

ბიზნეს სუბიექტი პირველი სამი წლის განმავლობაში გადაიხდის დადგენილი სესხის საპროცენტო განაკვეთის 3%-ს. ხოლო სხვაობა სუბიექტის მიერ ასანაზღაურებელ და დადგენილ საპროცენტო განაკვეთებს შორის – 12% სამი წლის განმავლობაში ანაზღაურდება აჭარის ფინანსთა და ეკონომიკის სამინისტროს მიერ ბანკის მიერ წარდგენილი მოთხოვნის საფუძველზე.

პროგრამის განხორციელების პერიოდად მითითებულია 2015-2018 წლები; წელიწადში, 2017 წლის ჩათვლით, უნდა დაფინანსდეს არანაკლებ 30, ანუ მთლიანობაში არანაკლებ 60 სუბიექტი. გაცემული სესხის მომსახურების თანადაფინანსების მიზნით სამინისტროსთვის გამოყოფილი თანხა კი შემდეგნაირად გადანაწილდა:

2015 წელი – 598 000 ლარი;

2016 წელი – 481 000 ლარი;

2017 წელი – 299 000 ლარი;

2018 წელი – 0

სამედიცინო დახმარება სოციალურად დაუცველებს – აჭარის ბიუჯეტიდან

მოსახლეობის ინდივიდუალური სამედიცინო დახმარების პროგრამის ფარგლებში, აჭარის ბიუჯეტში, 855 ბენეფიციარზე 1 315 000 ლარია გამოყოფილი. ქვეპროგრამით გათვალიწინებული მომსახურება განხორციელდება სამედიცინო ვაუჩერის საშუალებით. ბენეფიციარებს კი წარმოადგენენ:

პაციენტები სტიქიური მოვლენებისა და კატასტროფების შედეგად გამოწვეული დაზიანებებით, სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახების წევრები, რომლებსაც მინიჭებული აქვთ 200 000-ის ჩათვლით სარეიტინგო ქულა;

შეზღუდული შესაძლებლობის სტატუსის მქონე პირები;

ომის ვეტერანები; ტერიტორიული მთლიანობისათვის ომში მონაწილეები, დაღუპულთა ოჯახის წევრები (დედა, მამა, მეუღლე, შვილები);

მრავალშვილიანი (18 წლამდე ასაკის 5 და მეტი შვილი) ოჯახის წევრები;

ჩერნობილის ატომური ელექტროსადგურის ავარიის შედეგების სალიკვიდაციო სამუშაოების მონაწილეები;

პოლიტიკური რეპრესიების მსხვერპლად აღიარებული პირები; უსახლკაროთა თავშესაფარის კონტინგენტი;

უსახლკაროები;

მარტოხელა დედები და პაციენტები, რომლებიც ამ დროისთვის არ არიან რეგისტრირებულნი სოციალურად დაუცველი ოჯახების მონაცემთა ერთიან ბაზაში, არა აქვთ მინიჭებული სარეიტინგო ქულა, მაგრამ მათი მატერიალური მდგომარეობა არ იძლევა საშუალებას დააფინანსოს აუცილებელი მკურნალობა, რაც დასტურდება ადგილობრივი თვითმართველობის ორგანოებიდან წარმოდგენილი შუამდგომლობით.

გადაწყვეტილებას ბენეფიციართა მკურნალობის დაფინანსების შესახებ ღებულობს შესაბამისი კომისია. ქვეპროგრამით გათვალისწინებული მომსახურებით ისარგებლებენ საქართველოს მოქალაქეები, რომლებიც 2015 წლის 1 იანვრის მდგომარეობით და ვაუჩერის გაცემის პერიოდისათვის უწყვეტად რეგისტრირებულნი არიან აჭარის ავტონომიური რესპუბლიკის ტერიტორიაზე.

ქვეპროგრამის ფარგლებში მკურნალობა დაფინანსდება ფაქტიური ხარჯით შემდეგი პროპორციებით:

მკურნალობის ღირებულება _ 1000 ლარის ჩათვლით _ 100%-ით;

მკურნალობის ღირებულება _ 1001 ლარიდან _ 2000 ლარის ჩათვლით _ 90%-ით;

მკურნალობის ღირებულება _ 2001 ლარიდან _ 3000 ლარის ჩათვლით _ 80%-ით;

მკურნალობის ღირებულება _ 3001 ლარი და მეტი _ 70%-ით, მაგრამ არაუმეტეს 7000 ლარისა.

პაციენტები სტიქიური მოვლენებისა და კატასტროფების შედეგად გამოწვეული დაზიანებებით სამედიცინო დაწესებულებიდან წარმოდგენილი ანგარიშ–ფაქტურის მიხედვით დაფინანსდება სრულად არაუმეტეს 10 000 ლარისა;

ონკოლოგიურ პაციენტთა ტარგენტული, იმუნოთერაპიული მკურნალობისათვის საჭირო მედიკამენტებისა და ბისფოსფონატების ჯგუფის მედიკამენტების დაფინანსება განხორციელდება სამკურნალო დაწესებულებიდან წარმოდგენილი ანგარიშ–ფაქტურის მიხედვით ქვეპროგრამით გათვალისწინებული პროპორციების დაცვით არაუმეტეს 5000 ლარისა, წლიური ლიმიტი კი შეადგენს 10 000 ლარს.

აჭარის რეგიონში არსებული უმწეოთა თავშესაფარის კონტიგენტის და უსახლკაროების მკურნალობა დაფინანსდება სრული მოცულობით თანაგადახდის გარეშე ზღვრული ტარიფით არაუმეტეს 3000 ლარისა.

ქვეპროგრამის მაღალი რესურსტევადობის გამო გეგმიური მკურნალობის დაფინანსებისას გამოყენებული იქნება რიგითობისა და მოცდის პრინციპი.

მკურნალობის დაფინანსების შესახებ პაციენტის წარმომადგენელმა აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს უნდა მიმართოს პაციენტის მკურნალობის დაწყებამდე ან მკურნალობის პროცესში (სტაციონარიდან გაწერამდე).

იმ შემთხვევაში, როდესაც პაციენტი, მისი ან მისი წარმომადგენლის მოთხოვნით გადაჰყავთ ქვეპროგრამაში მონაწილე სხვა სამკურნალო დაწესებულებაში, მაშინ სამედიცინო ვაუჩერით დაიფარება მკურნალობის ხარჯები მათ მიერ არჩეულ ერთ–ერთ სამედიცინო დაწესებულებაში, მეორე სტაციონარში მკურნალობის ხარჯებს სრული მოცულობით ფარავს ბენეფიციარი.

დაუშვებელია ქვეპროგრამის მოსარგებლის მკურნალობის ერთსა და იმავე ეპიზოდზე ერთი და იგივე ნოზოლოგიური კოდის სხვადასხვა კლინიკაში დაფინანსება ან მკურნალობის გახანგრძლივების შემთხვევაში განმეორებით დაფინანსება.

სტაციონარულ მკურნალობაზე მყოფი (სამედიცინო მომსახურება, რომელიც საჭიროებს პაციენტის სტაციონარში 24 (ოცდაოთხი) საათზე მეტი დროით მოთავსებას და რომელიც არ წარმოადგენს დღის სტაციონარულ სამედიცინო მომსახურებას) პაციენტის გარდაცვალების შემთხვევაში დაფინანსების საკითხის განხილვის მიზნით პაციენტის წარმომადგენლებმა აჭარის ჯანმრთელობისა და სოციალური დაცვის სამინისტროს უნდა მომართონ გარდაცვალებიდან არაუგვიანეს 10 დღის განმავლობაში.

საყოველთაო ჯანმრთელობის დაცვის სახელმწიფო პროგრამის, ინდივიდუალური და კორპორაციული დაზღვევის მოსარგებლეები ქვეპროგრამით გათვალისწინებული მომსახურეობით (არსებული პროპორციების დაცვით) ისარგებლებენ შესაბამისი ლიმიტის ამოწურვის შემდეგ. ქვეპროგრამის ფარგლებში აღნიშნული კატეგორიის ბენეფიციარების მკურნალობის წლიური ლიმიტი შეადგენს 5 000 ლარს.

ხოლო პაციენტები სტიქიური მოვლენებისა და კატასტროფების შედეგად გამოწვეული დაზიანებებით დაფინანსდება სრულად (თანაგადახდის გარეშე) არაუმეტეს 10 000 ლარისა;

ქვეპროგრამის მოცულობით არ დაფინანსდება:

ა) სამედიცინო ჩვენებისა და ექიმის დანიშნულების გარეშე მკურნალობა, თვითმკურნალობა; ამბულატორიული მკურნალობისათვის მედიკამენტების ხარჯები (გარდა ონკოლოგიური ავადმყოფებისათვის ტარგენტულ მკურნალობასთან დაკავშირებით საჭირო მედიკამტებისა და ბისფოსფონატების ჯგუფის მედიკამენტებისა);

ბ) საზღვარგარეთ გაწეული სამედიცინო მომსახურების ხარჯები;

გ) სანატორიულ-კურორტული მკურნალობა;

დ) ესთეტიკური ქირურგია, კოსმეტიკური მიზნით ჩატარებული მკურნალობა;

ე) სექსუალური დარღვევების, უშვილობის მკურნალობის ხარჯები;

ვ) აივ-ინფექციის/შიდსის, ქრონიკული ჰეპატიტის სპეციფიკურ ანტივირუსულ მკურნალობასთან დაკავშირებული ხარჯები;

ზ) თუ სამედიცინო მომსახურების საჭიროება დადგა თვითდაშავების, კრიმინალურ აქტებში მონაწილეობის ან ექიმის დანიშნულების გარეშე მოხმარებული ნარკოტიკული და ფსიქოაქტიური ნივთიერებების ზემოქმედების შედეგად, ასევე ალკოჰოლის მიღებით გამოწვეული ფსიქიკური და ქცევითი აშლილობების მკურნალობასთან დაკავშირებული ხარჯები.

თ) ორგანოთა ტრანსპლანტაციის ხარჯები;

ი) უკვე ჩატარებული მკურნალობა (პაციენტის სტაციონარიდან გაწერის შემდეგ);

კ) სამედიცინო პროგრამებით გათვალისწინებული თანაგადახდა მოსარგებლის მხრიდან.

ახალდაბადებული ტყუპების ოჯახი ფულად დახმარებას მიიღებს

ახალშობილი ტყუპების ოჯახების მატერიალური დახმარების თანხა ჩაირიცხება მშობლის (დედის ან მამის) საბანკო ანგარიშზე.

ერთჯერადი დახმარების მისაღებად აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს უნდა წარედგინოს დაინტერესებული პირის განცხადება, ცნობა ჯანმრთელობის მდგომარეობის შესახებ – ფორმა №IV-100/ა, მშობლების პირადობის მოწმობების (ან სხვა დოკუმენტის, რომლითაც შესაძლებელია პირის იდენტიფიკაცია) ასლები, ახალშობილების დაბადების მოწმობების ასლები, საბანკო რეკვიზიტები.

პროგრამით გათვალისწინებული მომსახურებით ისარგებლებენ საქართველოს მოქალაქეები, რომლებიც 2015 წლის 1 იანვრის მდგომარეობითა და მატერიალური დახმარების გაცემის პერიოდისათვის უწყვეტად რეგისტრირებულნი არიან აჭარის ავტონომიური რესპუბლიკის ტერიტორიაზე.

წელს გათვალისწინებულია 150 ახალშობილი ტყუპების ოჯახისთვის დახმარების გაწევა, რისთვისაც მიმდინარე წლის აჭარის ბიუჯეტში 150 000 ლარია გამოყოფილი.

სეზონის გახსნის ფასები და სეზონური ფესტივალები აჭარაში

ამ ღონისძიებებისთვის სპეციალური პროგრამის ფარგლებში დეპარტამენტი აჭარის ბიუჯეტიდან 430 ათას ლარს დახარჯავს. პროგრამა, ახალი ტურისტული მარშრუტების მარკირებას, მათი ინფრასტრუქტურის განვითარების ხელშეწყობას, ტურისტული ობიექტების ბაზის შექმნას და მუდმივ განახლებასაც გულისხმობს.

აჭარის ბიუჯეტიდან ზამთრის სეზონის გახსნის ღონისძიების ორგანიზებისთვის 95 ათასი ლარია გათვალისწინებული;

ამასთან, საზღვაო სეზონის გახსნას – 90 ათასი ლარი;

შემოდგომის ფესტივალის ორგანიზებას – 85 ათასი ლარი;

ფრინველების ფესტივალის ორგანიზებას – 25 ათასი ლარი;

ბათუმში საკრუიზო ტურიზმის განვითარების სტრატეგის შემუშავებას – 75 ათასი ლარი;

ხოლო, ეკო და სოფლად ტურისტული პროდუქტების განვითარებას – 60 ათასი ლარი მოხმარდება.

აჭარის მთავრობაში თვლიან, რომ ამ ღონისძიებების შედეგად, რეგიონში გაუმჯობესდება ტურისტული სერვისების ხარისხი და გაიზრდება/განვითარდება ტურისტული პროდუქტები.

„სანდასუფთავებამ“ 12 ადამიანი გაათავისუფლა სამსახურიდან

დავით ასამბაძე: „გაუქმდა ადმინისტრაციის უფროსის, არქივარიუსის თანამდებობები და ასევე რამდენიმე სამსახური. გათავისუფლებულებმა, რომლებსაც კანონმდებლობით ეკუთვნოდათ კომპენსაცია, მიიღეს კომპენსაცია. მათგან რამდენიმეს ხელშეკრულების ვადა გაუვიდა 31 დეკემბერს, შესაბამისად, მათ კომპენსაცია ვერ მიიღო“.

ახალი წლის შემდეგ, ოფიციალური ინფორმაციით, „14 საშუალო რანგის თანამშრომელი“ გაათავისუფლეს ბათუმის მერიის კიდევ ერთი შპს-დან – „ბათუმის წყლიდან“. თავად გათავისუფლებულების მიერ მოწოდებული ინფორმაციით კი, „ბათუმის წყალმა“ ახალი წლის შემდეგ 50-მდე ადამიანი დაითხოვა სამსახურიდან.

ოდესელი წყვილის ”CHOCOLATTE” ბათუმში

არტიური და ირინა CHOCOLATTE-ს ბართან

„ჩოკო“ უკრაინულად შოკოლადს ნიშნავს, „ლატე“ კი ფრანგული სიტყვაა და აღნიშნავს დასალევს, მაგალითად რძეს, ყავას. „ჩოკოლატე“ ასეთი სიმბიოზია – დესერტი დასალევთან ერთად. ჩვენ არ გვაქვს მძლავრი სამზარეულო. ჩვენ მსუბუქი დესერტი ბლინები, პეჩენიები, ბულკები, სხვადასხვა სახის ყავასა და წვენთან ერთად. შეგიძლიან მიირთვათ, როგორც ადგილზე ასევე წაიღოთ ყავა ან დესერტი სახლში“ – გვაცნობს არტური „ჩოკოლატეს“.

ირინა ხოლოსტენკო და არტურ ნაზარენკო უკრაინის ქალაქ ოდესიდან არიან. ისინი საქართველოში სამოგზაუროდ გასულ წელს ჩამოვიდნენ. მოიარეს საქართველოს რამდენიმე ქალაქი და ბათუმში დარჩენა გადაწყვიტეს.

„ბათუმი ჩვენი ქალაქის მსგავსი აღმოჩნდა. აქაური არქიტექტურა ოდესის არქიტექტურას ჰგავს. ჩვენი ქალაქიც, როგორც ბათუმი საზღვაო და ტურისტული ქალაქია. აქ ავიხდინეთ ჩვენი პატარა ოცნება“– ამბობს არტიური.

„პატარა ოცნებას“ „ჩოკოლატეს“ უწოდებენ, რომლის გახსნისთვისაც თავიანთი დანაზოგი გამოიყენეს და ორი თვე მუშაობდნენ.

„როცა შევაგროვეთ პატარა კაპიტალი გვქონდა ოცნება გვეყიდა ავტომობილი, ან გადაგვეხადა ქორწილი. მაგრამ ბოლოს ეს პროექტი ვამჯობინეთ. თუკი საქმე კარგად წაგვივიდა მერე მანქანასაც შევიძენთ და ქორწილსაც გადავიხდით“ – ამბობენ ირინა და არტური.

კაფეს მთავარი მენიუ უკრაინული ბლინებია, სხვადასხვა შიგთავსით. მაგალითად კარტოფილით, კომბოსტოთი, ხაჭოთი, ხორცით, ასევე რძით, თაფლით, შოკოლადით.

„ჩვენ ვამზდებთ უკრაინულ ნაციონალურ ბლინებს, რომლის რეცეპტიც ბებიამ გადმოგვცა. ბლინები იდეალურია, როგორც საუზმისთვის ასევე დესერტისთვის“.

თითოეული ბლინის წონა 20 გრამია და მათი ფასი 50 თეთრიდან ერთ ლარამდეა. 50 თეთრი ღირს ბლინი შიგთავსის გარეშე. ბლინი თაფლის, რძის, შოკოლადის შიგთავსით – 70 თეთრი, ხოლო ბლინი ხორცით – ერთი ლარი.

„ჩოკოლატე“ დილის 8 საათიდან საღამოს 9 საათამდე მუშაობს. კაფეს ღია მენიუ აქვს და იქ შესულს ინტერიერის დათვალიერებისას შეუძლია შეარჩიოს სასურველი ყავა, დესერტი ან წვენი. აუცილებლად მოგხვდებათ თვალში კედელზე ჩამოკიდებული ცნობილი ადამიანების კარიკატურები, მაგალითად მაიკლ ჯექსონის, ჩარლი ჩაპლინის, ჩე გევარას. არტური ამბობს, რომ „ეს არის ჩვენი ინტერპრეტაცია „ჩოკოლატეში“ შემოსული ადამიანისთვის კარგი გუნების შესაქმნელად. მან არა მარტო უბრალოდ უნდა დალიოს ყავა და წავიდეს, არამედ ცოტათი მოდუნდეს და განიტვირთოს. ფერებიც ასეთი გარემოს შესაქმნელად გვაქვს შერჩეული“.

ირინამ და არტურმა ერთმანეთი ოდესაში გაიცნეს. ერთად თანაცხოვრებაზე კი ოფიციალურად 22 დეკემბერს ბათუმში იუსტიციის სახლში მოაწერეს ხელი. ისინი ახლა „ბენზეში“ მეგობართან ერთად ცხოვრობენ. არტური პროფესიით მზარეულია, ირინას კი ბარმენობა სურდა.

არტური: „ენერგეტიკის უნივერსიტეტში ვსწავლობდი, მაგრამ ზღვაში უნდა წავსულიყავი მზარეულად და სწავლა აღარ გამიგრძელებია. შემდეგ, მოხდა ისე, რომ შევხვდი ირინას და მივხვდი, რომ შორს ზღაში ვერ წავიდოდი და მას მარტო ვერ დავტოვებდი“.

ირინა: „მეორე კურსიდან გამოვედი და დედას ვუთხარი – აღარ მინდა სწავლის გაგრძელება, მინდა ვიმუშაო. მუშაობა დავიწყე ოფიციანტად, რესტორანში, შემდეგ სასტუმროში. მინდოდა ბარმენი გავმხდარიყავი, მაგრამ სამუშაოდ არ ავყავდი არავის, რადგან ბარმენის ადგილი მაღალია, მე კი დაბალი ვიყავი. ახლა კი ნამდვილად შემიძლია ბარმენად მუშაობა ჩემს კაფეში“.

ირინა და არტური ბათუმში დიდხანს აპირებენ დარჩენას.

„CHOCOLATTE“ ჩვენი პატარა ოცნებაა, რომელიც იმედი გვაქვს, თანდათან გაიზრდება. ჩვენ ჩაფიქრებული გვაქვს ყველა დეტალი გამოვიყენოთ და საინტერესოდ შევქმნათ. ვგეგმავთ პროექტორის დამონტაჟებას და თემატური კინოსაღამოების მოწყობას“– გვეუბნება ირინა.

„ბათუმის წყალმა“ თანამშრომლები დაითხოვა

„ბათუმელებს“ განსხვავებული ინფორმაცია მიაწოდეს გათავისუფლებულებმა, მათი თქმით, გათავისუფლებულია ორმოცდაათამდე თანამშრომელი.

ცოტა ხნის წინ ბათუმის მერმა შპს „ბათუმის წყლის“ დირექტორი ჯანი ვარშალომიძე დაითხოვა. ეს თანამდებობა ჯერ კიდევ ვაკანტურია, მოვალეობას ამ დრომდე მოადგილე ალექსანდრე მიქელაძე ასრულებს.

ბათუმის მერიაში უამინდობისთვის სპეცტექნიკაა მობილიზებული

ბათუმის მერის გიორგი ერმაკოვის თქმით, საჭირო შემთხვევაში ყველა სპეციალური სამსახური მზადყოფნაში იქნება.

„მთელ საქართველოში ტემპერატურის კლება შეინიშნება. ამიტომ მაქსიმალურად შევეცადეთ, საჭიროების შემთხვევაში, ყველა სამსახური ყოფილიყო მობილიზებული. ეს იქნება მერიის სამსახურები, სახანძრო–სამაშველო სამსახური, ბათუმის წყალი, დასუფთავების სამსახური თუ საპატრულო პოლიცია“.

ბათუმის მერიის ინფორმაციით, მზადყოფნაშია ჯაგრისებითა და ყინულის სამტვრევი მექანიზმით აღჭურვილი ორი ერთეული სპეცტექნიკა, 10 ერთეული ხელის მოტობლოკი, შვიდი ერთეული ტრაქტორი, რომელიც ისეთი ქუჩების თოვლისგან გასაწმენდად გამოიყენება, სადაც დიდი მანქანა ვერ მუშაობს. მობილიზებულია სამი გრეიდერი, ერთი ხუთტონიანი თვითმტვირთავი მანქანა, სამი ერთეული ე.წ. ბობკატი, რომელიც აღჭურვილია თოვლის საწმენდი ჯაგრისით.

დამატებით რეზერვშია ორი ერთეული ტრაქტორი და ოთხი ერთეული თვითმცლელი, რომელთა გამოყენება საჭიროების შემთხვევაში მოხდება.
უახლოეს პერიოდში შეემატება ხუთი ერთეული თოვლსაწმენდი მანქანაც“.

გარდა ამისა, მობილიზებულია შპს სანდასუფთავების ადმინისტრაციული რესურსი – 300 თანამშრომელი.

ბათუმის მერია მოუწოდებს გამოუცდელ მძღოლებს და იმ მძღოლებს, რომელთა ავტოსატრანსპორტო საშუალებებს არ აქვთ ზამთრის საბურავები, მოძრაობისგან თავი შეიკავონ. მოსახლეობას შეეძლება ისარგებლოს მუნიციპალური ტრანსპორტით, რომელიც შეუფერხებლად იმუშავებს.

აჭარის სამაშველო სამსახური უქმდება

სააგენტოს უფროსი მამუკა თურმანიძე, 2014 წლის 31 დეკემბერს აჭარის მთავრობის თავმჯდომარის განკარგულების საფუძველზე, თანამდებობიდან გათავისუფლდა. იმავე დღეს, სააგენტოს უფროსად დაინიშნა სულხან ხაბაზი. ეს ინფორმაცია “ბათუმელებს” აჭარის მთავრობაში დაუდასტურეს. მანამდე, სულხან ხაბაზი ქობულეთის საგანგებო და გადაუდებელი სიტუაციების მართვის განყოფილების უფროსი იყო.

სსიპ – აჭარის საგანგებო და გადაუდებელი სიტუაციების მართვის სააგენტო ლიკვიდაციის შემდეგ, შს სამინისტროს დაქვემდებაში ახალი სამსახურის სახით გადავა.

საახალწლო კონცერზე დღეს ადგილობრივი მუსიკალური ბენდები დაუკრავენ

საკონცერტო სცენა ერას მოედანზე

ამ საღამოს დაუკრავენ მუსიკლური ჯგუფები: „მემო“, „მაო ძე დუნი“, “ფემილი ბენდი” და “ბაბილონი”. კონცერტი 19:00 საათზე დაიწყება და 10 საათამდე გაგრძელდება.

საახალწლო–საშობაო კვირეულის ფარგლებში გამართული კონცერტები ხვალ 7 იანვრას, ერას მოედანზე ბათუმელი მომღერლის სოფო ხალვაშის კონცერტით დასრულდება.

საახალწლო–საშობაო კვირეულის ღონისძიებები ბათუმის მერიისგან ფინანსდება.

ხვალ ბათუმში ალილო გაიმართება

7 იანვარს კი ბათუმში ტრადიციული ალილო გაიმართება. როგორც მიტროპოლიტმა დიმიტრიმ „ბათუმელებთან“ განაცხადა, ალილო „ხვალ 12 საათზე საკათედრო ტაძართან დაიწყება და მთელ ქალაქს მოიცავს. ალილოზე შეგროვილ პროდუქტს კი მოხუცებულთა ან/და ბავშვთა სახლს გადასცემენ.

შობის დღესასწაულზე მორწმუნეთათვის 40-დღიანი მარხვაც დასრულდება.

ქრისტესშობა (შობა) – ქრისტიანული რელიგიური დღესასწაულია, რომელიც 25 დეკემბერს აღინიშნება. ზოგი მართლმადიდებელი ეკლესია, მათ შორის ქართული, შობას იულიუსის კალენდრით 25 დეკემბერს აღნიშნავს, რაც გრიგორიანული კალენდრის 7 იანვარს ემთხვევა.

[polldaddy poll=0]

ვიქირავებ ბინას ბათუმში

მსგავს ბინაში შემიძლია გადავიხადო თანხა 300 ლარის ფარგლებში. მობ.: 595 008451

დაუბეგრავი მინიმუმი 2015 წელშიც გაიცემა – მოთხოვნის ბოლო ვადა 30 სექტემბერია

საგადასახადო კოდექსში შეტანილი ცვლილების მიხედვით, რომელიც მიმდინარე წლის 1 იანვრიდან შევიდა ძალაში, „დაქირავებულს უფლება აქვს, 2013 და 2014 კალენდარული წლების მიხედვით გადახდის წყაროსთან დაკავებული საშემოსავლო გადასახადის გადაანგარიშებისა და სათანადო თანხის დაბრუნების მიზნით დაუბეგრავი მინიმუმის გამოქვითვის შესახებ დეკლარაცია (მათ შორის, დაზუსტებული დეკლარაცია) საგადასახადო ორგანოს წარუდგინოს შესაბამისი საანგარიშო წლის დასრულებიდან 3 თვის შემდეგ, მაგრამ არაუგვიანეს 2015 წლის 30 სექტემბრისა“.

აჭარაში 2014 წელს, აჭარის ფინანსთა და ეკონომიკის სამინისტროს ინფორმაციით, დაუბეგრავი მინიმუმის სახით დაბრუნებულმა თანხამ 8 823 300 ლარი შეადგინა, საიდანაც ყველაზე მეტი მოცულობის თანხა დაუბეგრავი მინიმუმის სახით აპრილში გაიცა.

აჭარაში, სტატისტიკური ინფორმაციის მიხედვით:

აპრილში გაიცა – 3 591 000 ლარი,

მაისში – 2 080 400 ლარი,

ივნისში – 2 717 300 ლარი,

ივლისში – 321 400 ლარი,

აგვისტოში – 44 400 ლარი,

სექტემბერში – 22 800 ლარი,

ოქტომბერში – 14 100 ლარი,

ნოემბერში – 18 400 ლარი,

ხოლო დეკემბერში – 13 500 ლარი.

საქართველოს ფინანსთა სამინისტროს ინფორმაციით კი, ქვეყნის მასშტაბით, ჯამში 131 მლნ ლარზე მეტია დაბრუნებული.

ფიზიკური პირის მიერ ხელფასის სახით მიღებული დასაბეგრი შემოსავლიდან დაუბეგრავი მინიმუმის გამოქვითვის და თანხის დაბრუნების წესი ფინანსთა მინისტრის ბრძანებითაა განსაზღვრული.

თუ პირის მიერ 2014 წელს მიღებული დასაბეგრი ხელფასი არ აღემატება 6000 ლარს, მას უფლება ექნება 2015 წელს გამოქვითოს დაუბეგრავი მინიმუმი 1800 ლარი და მოითხოვოს აღნიშნულზე გადახდილი შესაბამისი საშემოსავლო გადასახადის თანხის დაბრუნება. კერძოდ, თუ პირის მიერ 2014 წელს ხელფასის სახით მიღებული შემოსავალი 1800-დან 6000 ლარია, მოცემულ შემთხვევაში, უფლება ექნება დაიბრუნოს 360 ლარი, ხოლო თუ 1800 ლარამდეა, მოცემულ შემთხვევაში, დაბრუნებას ექვემდებარება კონკრეტული თანხის 20 პროცენტი.

ბათუმელი სტუდენტის წარმატება თეატრალურ ფესტივალზე

„უნივერსიტეტში მივედი თუ არა ვიკითხე, თუ იყო თეატრალური დასი. მაშინ მხოლოდ იმაზე ვფიქრობდი, რომ თავისუფალი დრო სწორად გამომეყენებინა. ეს სფერო ყოველთვის მაინტერესებდა, ვცდილობდი გამეგო, როგორი იყო ცხოვრება კულისებს მიღმა. მანამდე სცენაზე არ ვმდგარვარ. ჩემი აზრით, მსახიობობა ერთ-ერთი ყველაზე რთული პროფესიაა, გიწევს სხვისი ცხოვრების გათავისება, ძალიან რთულია ზუსტი ხასიათის დაჭერა. მე, მოყვარულს, მიწევდა ღამეების გათენება რეპეტიციებზე, წარმომიდგენია როგორ ცხოვრობენ მსახიობები, ალბათ საკუთარი ცხოვრება უკანა პლანზე რჩებათ“, – ამბობს ნინო გაბეჩავა.

სპექტაკლ „ნაფტალინში“ ნინო ასრულებდა მარტოხელა, ქვრივი, პენსიონერი ქალის, ნუნუს როლს, რომელიც გადაწყვეტს ნათესავი იშვილოს. საბოლოოდ ქონებას დახარბებული ნათესავი ნუნუს მოკლავს. `ნუნუ სკოლის დირექტორია, კეთილი ქალი. ლელა (ნათესავი) არ დაელოდება ნუნუს ბუნებრივ სიკვდილს და მას მოტყუებით „ნაფტალინს“ ასმევს. ნუნუ ფიქრობს, რომ გული აწუხებს, სინამდვილეში კი „ნაფტალინით“ მოკლეს. ამის შემდეგ ნუნუ ჯოჯოხეთში ხვდება შეცდომით. საბედნიეროდ ბოლოს ყველაფერი კარგად მთავრდება, ნუნუს დედამიწაზე სიცოცხლის 80 წელს აჩუქებენ შეცდომის გამოსასწორებლად“, – გვიყვება ნინო მის მიერ შესრულებული როლის შესახებ.

„ნაფტალინში“ შესრულებული როლი ნინოსთვის რიგით მეორეა. აქამდე ნინომ ეპიზოდური როლი „ლივ შტაინში“ შეასრულა. იგი ამ როლისთვისაც იყო წარდგენილი სტუდენტურ ფესტივალზე, ქალის ეპიზოდური როლის შესრულებისთვის: „პრემიერა პირდაპირ ფესტივალზე გვქონდა, ძალიან ვნერვიულობდი, მაყურებლის წინაშე პირველად ვიდექი. მაშინ მივხვდი, რომ სცენაზე ყველაფერი შენზეა დამოკიდებული, მაქსიმალურად უნდა გამოავლინო საკუთარი შესაძლებლობები. მაშინ ვერ გავიმარჯვე, მაგრამ ის, რომ ვიყავი წარდგენილი ერთ-ერთ ნომინაციაზე იმდენად შთამბეჭდავი იყო ჩემთვის, გამარჯვებას უდრიდა. ფესტივალი „ნიღაბი 2014“ საერთაშორისო იყო, ბევრი ქვეყნის უნივერსიტეტებიდან იყვნენ ჩამოსული სტუდენტები, რვა ნომინაცია იყო წარმოდგენილი, გამარჯვებას ამჯერადაც არ ველოდი, გამარჯვებულად რომ გამომაცხადეს, მას შემდეგ არაფერი აღარ მახსოვს, ძალიან მაგარი იყო, კარგი პრიზები მივიღე, გადმომცეს ფესტივალის ლოგო, ფიტნესკლუბის ერთვიანი აბონიმენტი, ინგლისურის სამთვიანი მოსამზადებელი კურსი უფასოდ, პლასტიკურ-ქირურგიული ცენტრის ვაუჩერი და სხვა საჩუქრები“, – გვიყვება ნინო.

თეატრალურ ფესტივალზე გამარჯვების მიუხედავად ნინო არ ოცნებობს წარმატებულ სამსახიობო კარიერაზე. იგი ამბობს, რომ ყოველთვის მასწავლებლობა უნდოდა, სწორედ ამიტომ ჰუმანიტარულ მეცნიერებათა ფაკულტეტის სტუდენტია. ნინოს ლექტორობა და საკუთარი სკოლის გახსნა სურს: „როცა რამე გინდა, ყველაფერი უნდა გააკეთო, რომ გამოვიდეს, იმიტომ, რომ მთელი სამყარო გეხმარება მიზნის მისაღწევად. გამარჯვება სტიმულის მომცემია, მაგრამ იმ გეგმებს, რომლებსაც წლებია ვაწყობ, ვერ შემიცვლის. ამბიციური მეჩვენება ჩემი მხრიდან, მაგრამ მაინც ყველაზე მეტად პროფესორობა მინდა, პროფესორი რომ ვიქნები, ჩემი სკოლაც მინდა მქონდეს, თანამედროვე სტანდარტების სკოლა. ჩემი ეს მიზანი დედაჩემის დამსახურებაა, ის არის პედაგოგი, მინდა, მასსავით წარმატებული ვიყო ამ სფეროში, საერთოდ, დედაჩემს მინდა ვგავდე, თუ ვინმეზე შემიძლია ვთქვა, რომ ჩემი კუმირია, ეს დედაჩემია“, – ამბობს ნინო.

როცა ამინდი აძლევს საშუალებას, ნინო უნივერსიტეტში ველოსიპედით მიდის. არ გამორიცხავს, რომ პროფესორის ამპლუაშიც მისთვის ველოსიპედი შეუცვლელი ტრანსპორტი იქნება: „ველოსიპედი და ყურსასმენები ჩემთვის შეუცვლელი ატრიბუტია, ვუსმენ ყველაფერს და ვსეირნობ ზღვისპირას, ამ დროს საერთოდ არაფერი მედარდება. თავისუფალი ცხოვრება მომწონს, ევროპაში პიჯაკითა და ჰალსტუხით სხედან ველოსიპედებზე, მინდა აქაც დამკვიდრდეს ეს, უნივერსიტეტში მხოლოდ ოთხი სტუდენტი დავდივართ ველოსიპედით, ამ ასაკში, ვფიქრობ, სხვა ტრანსპორტს არ უნდა ვიყენებდეთ“.

ნინო ამბობს, რომ მას და მის ძმას ერთი საერთო ოცნება აქვთ: „გვინდა მსოფლიო მოვიაროთ, მე ჩინეთი მაინტერესებს, მინდა ყველაფერი გავიგო ამ ქვეყანაზე და ხალხზე. კიდევ გვინდა ვერტმფრენიდან პარაშუტით გადმოვხტეთ“.

როგორ ხვდებოდნენ ახალ წელს აჭარაში

ძველი აჭარული ტრადიციის მიხედვით, ახალი წლის დადგომამდე ოჯახში აუცილებლად უნდა დაებრუნებინათ წლის განმავლობაში განათხოვრებული სხვადასხვა ნივთი თუ გასესხებული ფული. ახალი წლის დადგომამდე, რამდენიმე საათით ადრე, მისაღებ ოთახში შემოჰყავდათ ფერადი ნივთებით მორთული მამალი ცხვარი, რომელიც ხვავისა და ბარაქის სიმბოლოდ მიიჩნეოდა. ღამის 12 საათზე, ნიშნად სიცოცხლის გაგრძელებისა და სიხარულისა, მამაკაცი გარეთ გამოდიოდა და ჰაერში თოფს ისროდა, დილით კი ბოსელში ჩადიოდა და რკინის ჯაჭვს გაათრევდა, რაც საქონლის სიმრავლის უწყვეტობასთან იყო გაიგივებული. ამ დროს ოჯახის დიასახლისი ეზოში გადიოდა და შინ წყლით სავსე დოქი შემოჰქონდა, რომელსაც ოთახში მოაპკურებდა.

გარდა ამისა, მთელი წლის მანძილზე სიტკბოსა და სიუხვის დასაბედებლად, დიასახლისს ერთმანეთში არეული ბრინჯი და შაქარი ოთახების ყველა კუთხეში უნდა მოებნია. დიასახლისს აუცილებლად წითელი ფერის კაბა უნდა სცმოდა, რაც ინეზა ზოიძის თქმით, უძველესი აჭარული ტრადიციის გაგრძელებაა, რომლის მიხედვითაც პატარძალი/დედოფალი – წითელი კაბით იმოსებოდა. ახალი წლის მეორე დღეს კი წესად იყო და დღემდე რჩება ნათესავებთან სტუმრად წასვლა.

ძველად აჭარაში ძალიან დიდი მნიშვნელობა ენიჭებოდა ფერხვას (იგივე მეკვლეობა). „უპირატესობა ენიჭებოდა ბავშვის, უფრო კი ბიჭი ბავშვის ფერხობას. დილით ბავშვებს ჭიშკართან აჩერებდნენ და ავალებდნენ, რომ უცხო არ შემოეშვათ, ანუ იმათ ვისი ფეხიც დაცდილი არ ჰქონდათ, როგორი იქნებოდა ახალ წელს“, – ამბობს ინეზა ზოიძე.

საახალწლო სუფრას ტრადიციული აჭარული კერძებით აწყობდნენ: ხარჩო, ხალვა, ნიგვზიან-თაფლიანი ნამცხვარი და აჭარული საახალწლო სუფრის აუცილებელი ატრიბუტი – მოხარშული სიმინდი. „რახან სიმინდი ხარშვისას მოცულობაში მატულობს, იგი ოჯახში მატებასთან ასოცირდებოდა, ეს ტრადიცია დღემდე შემორჩენილია აჭარის სოფლებში“, – ამბობს ეთნოლოგი.

თოვლის ბაბუა, ისევე როგორც ნაძვის ხის მორთვა, ზემო აჭარაში გვიან დამკვიდრებული ტრადიციაა. „ეს ტრადიციები დაახლოებით მეოცე საუკუნის მეორე ნახევარში 70-80-იან წლებში დამკვიდრდა და 90-იანებში უფრო აქტიური სახე მიეცა. ძველად აჭარაში არანაირი ნიშანი არ ჩანს იმისა, რომ თოვლის ბაბუას რაიმე განსაკუთრებული როლი ენიჭებოდეს, ასეთი მნიშვნელობა ენიჭებოდა იმ პიროვნებას, რომელიც ამ ოჯახს უფერხებდა, ანუ მეკვლეს“, – ამბობს ინეზა ზოიძე.

ეთნოლოგი ამბობს, რომ ახალი წლის თანამედროვე ტრადიციების პარალელურად აჭარის მაღალმთიან სოფლებში დღემდე არ კარგავს თავის მნიშვნელობას უძველესი ტრადიციები და მათი უმეტესობა თითქმის უცვლელად არის შემონახული.

ვინ ისარგებლებს უფასო და შეღავათიანი მგზავრობით ბათუმში

ფოტო ბათუმელების არქივიდან

სოციალური დაცვის პროგრამის ფარგლებში ბათუმის მერია მოქალაქეებისთვის საქალაქო ტრანსპორტით შეღავათიანი მგზავრობის უზრუნველსაყოფად მიმდინარე წლის ბიუჯეტიდან 1 297 684 ლარს დახარჯავს.

აქედან, მასწავლებელების, სტუდენტების, იძულებით გადაადგილებული პირებისა და ასაკით პენსიონერების საქალაქო ტრანსპორტით შეღავათიანი მგზავრობისთვის 270 551 ლარს, ხოლო ბათუმის ხანდაზმულთა სოციალური ცენტრის ბენეფიციარების, ვეტერანებისა და მათთან გათანაბრებული პირების, 0-70 000 ქულის მქონე ბენეფიციარების, შშმ პირებისა და მოსწავლეების საქალაქო ტრანსპორტით უფასო მგზავრობისთვის 1 027 133 ლარს.

ქალაქ ბათუმში საქალაქო სამგზავრო ავტობუსით შეღავათიანი და უფასო მგზავრობით სარგებლობის უფლება ენიჭება მგზავრს, რომელსაც გააჩნია ამ პროგრამით მოსარგებლე კატეგორიის შესაბამისი დამადასტურებელი დოკუმენტი და სამგზავრო ელექტრონული ბარათი. მოწოდებული ინფორმაციის სიზუსტეზე პასუხისმგებელია გადამზიდავი. საჭიროების შემთხვევაში ღონისძიებებს შორის თანხა შეიძლება გადანაწილდეს ცალკეულ მგზავრობის შეღავათზე მოთხოვნილების მიხედვით.

საქალაქო სამგზავრო ავტობუსით შეღავათიანი და უფასო მგზავრობით ისარგებლებს პროგამის შესაბამისად ქ.ბათუმის ტერიტორიაზე არსებული აკრედიტირებული უმაღლესი სასწავლებლების, კოლეჯების სტუდენტები, საჯარო და კერძო სკოლების მასწასავლებლები და მოსწავლეები, მიუხედავად მათი რეგისტრაციის ადგილისა.

როგორ ამოვიცნოთ ღვიძლის ჭია

სიმპტომები – პარაზიტოლოგი ინგა საღლიანი ამბობს, რომ ჭიები გარემოში ჰელმინთის (ჭიის) კვერცხის ან ლარვის (მატლის) განვითარების თავისებურებების მიხედვით სხვადასხვა სახის არსებობს – კონტაქტური (ჭიები, რომლებიც გარემოში გამოჰყოფენ კვერცხს და უშუალოდ ამ კვერხით ხდება ადამიანის დასნებოვნება), გეოჰელმინთოზი (ჭიები, რომელთა განვითარება მასპინძლის შეცვლის გარეშე ხდება) და ბიოჰელმინთოზი (ჭიები, რომლებსაც საბოლოო განვითარებისთვის, რამდენიმე მასპინძლის გამოცვლა ესაჭიროებათ).

„ასეთი უამრავი ჭია არსებობს და ორგანიზმში ყოველი მათგანის არსებობას სხვადასხვა გამორჩეული სიმპტომი ახასიათებს“, – განმარტავს ექიმი. მისივე თქმით, სხვადასხვა პარაზიტებით დასნებოვნება შესაძლოა ამოვიცნოთ ზოგადი სიმპტომებით: ჭიებით დაავადებულ ბავშვს უმეტესად მუცლის ტკივილი, გულისრევის შეგრძნება, უმადობა, წონის კლება, სიფერმკრთალე, უმიზეზო დაღლილობა და საერთო სისუსტე აღენიშნება.

იმ შემთხვევაში, თუ ამ სიმპტომებს თან ერთვის სიყვითლე, ტკივილი მარჯვენა ფერდქვეშ, ალერგიული გამონაყარი, ტანის ქავილი და ცხელება, შესაძლოა პაციენტი დასავლეთ საქართველოში გავრცელებული პარაზიტით – ღვიძლის ორპირათი, იგივე ფასციოლათი, იყოს ინვაზირებული, რომელიც ღვიძლსა და სანაღვლე გზებს აზიანებს, რაც საბოლოოდ ღვიძლის ციროზსაც კი იწვევს.

დასნებოვნება – პარაზიტოლოგის თქმით, ღვიძლის ორპირათი დასნებოვნების მთავარი წყარო გაურეცხავი მწვანილი და ბოსტნეულია – „ფასციოლას ორი მასპინძელი ჰყავს – მსხვილფეხა პირუტყვი და ადამიანი, რომელთა განავლიდან იგი გარემოში ხვდება, შემდგომ კვერცხი მტკნარი წყლის წყალსატევში ვითარდება, იჭრება მოლუსკის ორგანიზმში და მას შემდეგ, რაც ადოლესკარიად ჩამოყალიბდება, მჭიდროდ ეკვრება მწვანილს, თუ ბოსტნეულის ფოთლებსა და ღეროებს. როცა ადამიანი გაურეცხავ ბოსტნეულს მიირთმევს, ადოლესკარია ორგანიზმში ხვდება და იქედან გამოჩეკილი პარაზიტი კუჭ-ნაწლავის ტრაქტიდან ღვიძლისკენ გადაადგილდება“, – ამბობს ინგა საღლიანი.

ექიმ-პარაზიტოლოგის თქმით, ფასციოლოზის დროს განარჩევენ მიგრაციისა და ქრონიკულ ფაზებს, რომელთაგან პირველი განსაკუთრებულად რთულად მიმდინარეობს – „მიგრაციულ პერიოდში ფასციოლოზის სიმპტომატიკა მკვეთრად არის გამოხატული. პაციენტს აღენიშნება ტკივილი ეპიგასტრიუმის (მუცლის ზედა ნაწილის) არეში, დამახასიათებელია ღვიძლის გადიდება, ცვლილებებია სისხლშიც, მატულობს როე და ა.შ. ხოლო მას შემდეგ, რაც მიგრაციული ფაზა ჩაივლის, მწვავე მოვლენები ლაგდება და იწყება ქრონიკული ფაზა. ამ დროს პაციენტს ალერგიული რეაქციები აღარ აღენიშნება, მაგრამ ტკივილი მაინც გრძელდება, რადგან 3-4 თვის განმავლობაში ჭია ღვიძლში ვითარდება“.

ღვიძლის ჭიების გამრავლება ორგანიზმში შესაძლებელია მაშინ, თუ ორგანიზმში რამდენიმე კვერცხი მოხვდება და იქედან დედალ-მამალი ფასციოლა გამოიჩეკება.

დიაგნოზირება და მკურნალობა – ფასციოლოზის დიაგნოსტირებისთვის საჭიროა განავლის მიკროსკოპული ანალიზი, მკურნალობა კი ძირითადად მედიკამენტოზურია – „მედიკამენტი, რომელიც ღვიძლში პარაზიტის განადგურებაზეა მიმართული, პაციენტის წონის მიხედვით ინიშნება. გარდა ამისა, წამლის უარყოფითი ზეგავლენისგან ღვიძლის დასაცავად ინიშნება ღვიძლის პროტექტორი (დამცავი)“, – ამბობს ექიმი.

ფასციოლიზის მკურნალობა სტაციონაში ხდება და ის რამდენიმე დღეს გრძელდება, ინგა საღლიანის თქმით, მკურნალობა საკმაოდ ეფექტურია, მაგრამ კლინიკიდან გაწერის შემდეგ პაციენტი რამდენიმე თვე აღრიცხვაზე რჩება.

ხალხური მედიცინა – ხშირად ჭიებზე ეჭვის არსებობისას მშობლები ცდილობენ ბავშვებს ხალხური მეთოდებით უმკურნალონ, თუმცა ინგა საღლიანი ამბობს, რომ ასეთ დროს ყველაზე სწორი არჩევანი პარაზიტოლოგისთვის მიმართვაა. თუმცა მისივე თქმით, ზოგიერთი ხალხური საშუალება მართლაც უწყობს ხელს ჭიების გამოდევნას ორგანიზმიდან, მაგრამ ეს მხოლოდ ექიმის მიერ დანიშნული მკურნალობის კურსის შემდეგაა დასაშვები: „ხშირად მშობლები მეკითხებიან ნივრის ოყნის შესახებ, რაც საერთოდ არ არის რეკომენდებული, რადგან ის ნაწლავის ლორწოვან გარსს აღიზიანებს. მკურნალობის შემდეგ მშობელს შეუძლია დილაობით გატარებული გოგრის თესლი და თაფლი მისცეს ბავშვს, ან აჭამოს ერთი კბილი ნიორი, მაგრამ მხოლოდ ამით მკურნალობა გამოსავალი არ არის“.

პროფილაქტიკა – სამედიცინო პარაზიტოლოგიის ინსტიტუტის რეკომენდაციით, დაავადებებისგან დასაცავად მნიშვნელოვანია მარტივი პრევენციული საშუალებების გამოყენება:

დაიბანეთ ხშირად ხელები საპნით (ყოველი კვების, ქუჩიდან შემოსვლის და საპირფარეშოში ყოფნის შემდეგ).
მიაჩვიეთ ბავშვები პარადი ჰიგიენის დაცვას. საგულდაგულოდ გარეცხეთ მწვანილი და ბოსტნეული გამდინარე წყლით. არ მიირთვათ გაურეცხავი ხილი.
საკვებად გამოიყენეთ თერმულად კარგად დამუშავებული ხორცი და თევზი.
მოერიდეთ არაპასტერიზებული რძისა და რძის პროდუქტების გამოყენებას.
ნუ დალევთ წყალს ღია წყალსატავებიდან. დაბინძურების ეჭვის არსებობისას მიიღეთ გადადუღებული წყალი.
მკურნალობის პარალელურად აუცილებელია სისტემატურად გამოიხარშოს პარაზიტებით დასნებოვნებული ოჯახის წევრის თეთრეული და სადეზინფექციო საშუალებებით დამუშავდეს საპირფარეშო.

ბათუმში სტადიონი ლეონიძის ქუჩაზე აშენდება

ადგილი სადაც სტადიონი უნდა აშენდეს [ფოტო: ნინო ხიმშიაშვილი]

საპროექტო ტერიტორია განთავსებულია ლეონიძის ქუჩა №15-ში, რომლის ფართობია 84 712 კვ/მ. ტერიტორია მოქცეულია გაგარინისა და ლეონიძის ქუჩებს შორის, რომელსაც მრავალწახნაგოვანი კონფიგურაცია აქვს. ის წარმოადგენს გმირთა ხეივნის სატრანსპორტო ღერძის (ლეონიძის ქუჩის ჩათვლით) მომიჯნავე ტერიტორიას და გადამკვეთი ქუჩების ერთობლიობით ჩამოყალიბებულია მოხერხებული სატრანსპორტო ნაკადების სქემა. ქუჩა უზრუნველყოფილია საინჟინრო კომუნიკაციებით, რომლებიც ფუნქციონირებისა და გამტარუნარიანობა მოითხოვს დამატებით შესწავლას და საჭიროების შემთხვევაში რეკომენდაციების გაცემა მათი სიმძლავრების გაზრდის შესახებ.

პროექტირების ამოცანები: ტერიტორის ურბანულ-სივრცითი განვითარების დაგეგმვა; საზოგადოებრივი სივრცეებისა და სპორტულ-სარეკრეაციო ზონების მოწყობის შექმნა; სატრანსპორტო ნაკადებისა და პარკირების საკითხების რეგულირება; ქვეითთა, შეზღუდული შესაძლებლობების მქონე პირთა და ველოსიპედით მოსიარულეთა უსაფრთხო გადაადგილებისა და ნაკადების ორგანიზება;

კონკურსის ძირითადი მოთხოვნაა: სტადიონთან ერთად დაიგეგმოს 3500 მაყურებელზე ძირითადი და 800 მაყურებელზე დამხმარე დახურული ხელბურთის დარბაზის განთავსების ადგილი რომლისთვისაც საპროექტო ტერიტორიას უნდა გაემიჯნოს საორიენტაციოდ 1.5 ჰა მიწის ნაკვეთი (გენგეგმაზე ნაჩვენები იქნას დახურული დარბაზების განთავსების სქემა). ტერიტორია კეთილმოეწყოს და განთავსდეს ავტოპარკინგი, გათვალისწინებული იქნას გამწვანების ზონები, რომელშიც შესაძლებელია განთავსდეს სპორტული კომპლექსისა და სარეკრეაციო ზონის ფუნქციონირებისათვის საჭირო მცირე არქიტექტურული ფორმები/პავილიონები. არქიტექტურულ-კომპოზიციური გადაწყვეტა უნდა პასუხობდეს თანამედროვე მოთხოვნებს.

სტადიონი უნდა აკმაყოფილებდეს UEFA-სა და FIFA-ს (IV კატეგორია) მოთხოვნებს, ოლიმპიური (სარბენი ბილიკებითა და მძლეოსნობაში საერთაშორისო შეჯიბრებების ჩატარების შესაძლებლობით, IAAF-ის მოთხოვნებით) ნორმების გათვალისწინებით.

კონკურსანტმა სამშენებლო დოკუმენტის პროექტის შემადგენელი ყველა დოკუმენტაცია აჭარის ფინანსთა და ეკონომიკის სამინისტროში ქართულ და ინგლისურ ენაზე უნდა წარადგინოს.

დაინტერესებულმა პირებმა საკონკურსო წინადადება (ერთ დალუქულ კონვერტში) და საფასურის გადახდის დამადასტურებელი დოკუმენტი სამინისტროში უნდა წარადგინოს 2015 წლის 04 მარტის 10 სათიდან 15:00 სათამდე. საკონკურსო წინადადების წარდგენისთვის პირი იხდის საფასურს – 50 ლარს.

კონკურსი სამინისტროში 2015 წლის 4 მარტის 16 სათზე ჩატარდება.

ბათუმში საერთაშორისო სტანდარტების ოლიმპიური სტადიონის მშენებლობისთვის აჭარის მიმდინარე წლის ბიუჯეტში 14 550 900 ლარია გათვალისწინებული, 2016 წლის ბიუჯეტში დამატებით 16 250 000 ლარი, ხოლო 2017 წლის ბიუჯეტში 5 699 100 ლარი გამოიყოფა. მთლიანობაში სტადიონის მშენებლობისთვის 36,5 მილიონი ლარია გათვალისწინებული.

3,2 მილიონი ლარი – სპორტულ კლუბებს ბათუმში

ბათუმისა და არმაზის შეხვედრა [ნინო ხიმშიაშვილის ფოტო]

ქალაქის ბიუჯეტიდან დაფინანსდება კლუბები:

შპს “დინამო ბათუმი” – 1,3 მილიონი ლარი;

შპს სარაგბო კლუბი “ბათუმი” – 700 ათასი;

შპს ფრენბურთის კლუბი “ბათუმი” – 110 ათასი;

შპს ხელბურთის კლუბი – 180 ათასი;

შპს წყალბურთის კლუბი – 100 ათასი;

შპს ცხენოსნობის კლუბი – 116 ათასი;

ა(ა)იპ ავტოდრომის კლუბი – 74 ათასი;

ა(ა)იპ ჭადრაკის კლუბი “ნონა” – 240 ათასი

და

შპს საკალათბურთო კლუბი “ბათუმი” – 380 ათასი ლარი.

როგორც მერიაში აცხადებენ პროგრამის მიზანია ბათუმელი სპორტსმენების მოხვედრა სხვადასხვა რანგის ნაკრებებში; საქართველოს ჩემპიონატებში წარმატებული გამოსვლა და კლუბების მზადება/მონაწილეობა როგორც ადგილობრივ, ისე საერთაშორისო სპორტულ შეჯიბრებებში.

ამასთან, ქვეპროგრამა ითვალისწინებს მუნიციპალური სპორტული კლუბების მხარდაჭერას:

„1. საფეხბურთო კლუბის მიზანია საფეხბურთო სკოლის ინფრასტრუქტურული განვითარება და აკადემიის ჩამოყალიბება, მწვრთნელთა კვალიფიკაციის ამაღლება, გულშემატკივართა რაოდენობის მკვეთრი ზრდა, საქართველოს ეროვნულ ჩემპიონატსა და თასზე წარმატებული გამოსვლა, საპლაჟო ფეხბურთის და ფუტზალის განვითარება, პოპულარიზაცია. საერთაშორისო ურთიერთობების ჩამოყალიბება–გაღრმავება და ტურნირებში მონაწილეობა. საფეხბურთო კლუბი მონაწილეობას ღებულობს საქართველოს ჩემპიონატის გათამაშების უმაღლეს ლიგაში. კლუბის მიზანია ექვსეულში მოხვედრა. ასევე კლუბი იბრძვის საქართველოს დავით ყიფიანის თასის ფინალურ ეტაპზე მოსახვედრად.

2. სარაგბო კლუბ „ბათუმი“-ს მიზანია, 2015 წლის საქართველოს უმაღლესი ლიგის ჩემპიონატში შეინარჩუნოს ადგილი და იბრძოლოს პირველ ექვსეულში მოსახვედრად. აგრეთვე, რაგბის პოპულარიზაციის მიზნით საჭიროა ბათუმში მეტი ახალგაზრდის მოზიდვა რაგბის ასაკობრივ გუნდებში.

3. ფრენბურთის კლუბი მონაწილეობას ღებულობს საქართველოს უმაღლეს ლიგაში როგორც ვაჟებში ასევე გოგონებში, კლუბის მიზანია გუნდების ჩემიონობისათვის ბრძოლა.

4. ხელბურთის სპორტული კლუბი მონაწილეობას ღებულობს საქართველოს ჩემპიონატის უმაღლეს ლიგაში და იბრძვის სამეულში მოსახვედრად.

5. წყალბურთის კლუბი მონაწილეობას ღებულობს საქარტველოს ჩემპიონატში ახალგაზრდებს შორის, კლუბის მიზანია შექმნას ბრძოლისუნარიანი გუნდი, რომელიც მომავალში წარმატებით იასპარეზებს საქართველოს უმაღლეს ლიგაში. ნიჭიერი და მაღალი სპორული შედეგების მქონე მოზარდების მაქსიმალური ხელშეწყობა მათი შემდგომი განვითარებისა და სხვადასხვა ასაკობრივ ნაკრებში მოხვედრისათვის. ტურნირების ორგანიზება/მასპინძლობა. ბათუმის წყალბურთის ტრადიციების როგორც ქვეყნის შიგნით ისე მის ფარგლებს გარეთ პოპულარიზაცია.

6. საცხენოსნო კლუბი მონაწილეობას ღებულობს საქართველოსა და ამიერკავკასიის თასის გათამაშებაში. ასევე კლუბი გეგმავს აქტიურად იმუშაოს რაითერაპიულ მკურნალობის საკითხზე, რომელიც განსაზღვრულია შეზღუდული შესაძლებლობის მქონე ახალგაზრდებისათვის.

7. ავტოდრომის კლუბის მიზანია მართვის დონის და უსაფრთხოების ამაღლება, ავტოდრომის გუნდის შექმნა, მრბოლელების აღზრდა, საქართველოს ჩემპიონატზე გამარჯვება სხვადასხვა კატეგორიებში . ბათუმში ავტოდრომის მშენებლობა- გაფართოვება, სადაც საშუალება იქნება საქათველოს ჩემპიონატის ეტაპების მიღება და ჩატარება. ავტოდრომის კლუბი მონაწილეობას ღებულობს საქართველოს ჩემპიონატში (წყვილთა რბოლაში, დრიფტი).

8. საჭადრაკო კლუბის მიზანია ჭადრაკის ფართო მასებში პოპულარიზაცია-აგიტაცია, განვითარება და პროფესიული დონის ამაღლება. ბათუმის პროფესიონალი მოჭადრაკეებისათვის, დიდოსტატებისთვის, ნიჭიერი ბავშვებისათვის საჭადრაკო კლუბ “ნონა”-ს ბაზაზე დაოსტატებისთვის საუკეთესო გარემოს შექმნა, შემდგომი წინსვლისათვის საჭირო სამუშაო პირობებით, ინდივიდუალური პროგრამებით უზრუნველყოფა, ფინანსური მხარდაჭერა, სპეციალური მწვრთნელის მოწვევა, შეკრებების ორგანიზება. სხვადასხვა სახის რესპუბლიკური, ეროვნული და პრესტიჟული საერთაშორისო ტურნირებში მონაწილეობის მიღება. საჭადრაკო კლუბი “ნონა” მონაწილეობას ღებულობს ევროპისა და საქართველოს ჩემპიონატებში, კლუბის მიზანია 2014 წელს მოპოვებული ჩემპიონის ტიტულის შენარჩუნება.

9. საკალათბურთო კლუბი მონაწილეობას ღებულობს საქართველოს სუპერლიგის გათამაშებაში, კლუბის მიზანია ექვსეულში მოხვედრა. კლუბს დაგეგმილი აქვს აქტიურად იმუშაოს ახალგაზრდული გუნდის ჩამოყალიბებაზე, რომელიც ხელს შეუწყობს ბათუმელი ახალგაზრდა პერსპექტიულ კალათბურთელების პროფესიონალებად ჩამოყალიბებას და მათი მეშვეობით შემდგომში ძირითადი გუნდის შევსება და გაძლიერება“.

მერიაში თვლიან, რომ შუალედური შედეგის შეფასების კრიტერიუმები – საქართველოს სხვადასხვა კატეგორიის ნაკრებებში მოხვედრილი 15 ბათუმელი სპორტსმენი და საქართველოს ჩემპიონატებში დაკავებული საპრიზო ადგილები იქნება.

მიმდინარე წელს ბათუმის მერიის მიერ სპორტის სფეროში ასევე დაგეგმილია და შესაბამისად 1148300 ლარითაა დაფინანსებულია შემდეგი ღონისძიებები:

ზამთრის სპორტის სახეობათა და დახურული სპორტული დარბაზის მატერიალური ბაზის მოვლა პატრონობა, სპორტული და გასართობი ღონისძიებების ორგანიზება – 921 ათასი ლარი;

სპორტულ-ახალგაზრდული ცენტრის ბაზაზე ჰოკეის კლუბის შექმნა – 60 ათასი;

სპორტულ-ახალგაზრდული ცენტრის ბაზაზე ფიგურული ციგურაობის კლუბის შექმნა – 80 ათასი;

სპორტული თამაშები ადმინისტრაციულ ერთეულებს შორის – 30 ათასი;

ეზოს ფეხბურთი – 50 ათასი;

ინფრასტრუქტურის მოწყობა და მატერიალურ-ტექნიკური ბაზის განახლება – 7 300 ლარი.

ქედის მოსავალი ციფრებში

მუნიციპალიტეტის ინფორმაციით, სტიქიამ – ქარმა და სეტყვამ წელს მნიშვნელოვნად დააზარალა ყურძნის მოსავალიც – წელს ქედაში მხოლოდ 17.5 ტონა ყურძენი დაკრიფეს.

ყველაზე მეტი ოდენობით ქედის მუნიციპალიტეტში 2014 წელს მოიწიეს კარტოფილი (2200ტ), პომიდორი (1180 ტ.), კიტრი (1100 ტ).

59 მილიონამდე ლარი სესხის დასაფარად ბათუმის ბიუჯეტიდან

ქალაქ ბათუმის მუნიცპალიტეტის მიერ ამ დროისთვის აღებული სასესხო ვალდებულების დადგენილ ვადებში დაფარვისთვის სულ 58 688 900 ლარია საჭირო. აქედან, მომავალი, 2016 წლის ბიუჯეტში 14 459 300 ლარი იქნება გასათვალისწინებელი, 2017 წელს – 16 173 500 ლარი, ხოლო 2018 წელს – 16 004 200 ლარი.

აღნიშნული თანხებით განხორციელდება სესხის მომსახურების საპროცენტო ხარჯების დაფარვა და სასესხო ვალდებულებების კლება (ძირი თანხის დაფარვა).

ბათუმის 2015 წლის ბიუჯეტიდან დონორების მიერ დაფინანსებულ საინვესტიციო პროექტებში თანამონაწილეობისა და თანადაფინანსების ხარჯები 8 203 000 ლარით განისაზღვრა. ეს თანხა წელს ბათუმში კომუნალური ინფრასტრუქტურის დაწესებულებათა რეაბილიტაციის პროექტის განხორციელებას მოხმარდება.

შსს: უცხოელი ვიზიტორების სტატისტიკა დეკემბერში გაიზარდა

სამინისტროს საინფორმაციო-ანალიტიკური დეპარტამენტის მონაცემებით, 2014 წლის დეკემბერში საქართველოს სახელმწიფო საზღვარი გადაკვეთა 433 660 პირმა, რაც 2013 წლის იგივე პერიოდის მაჩვენებელზე 10,5 %-ით მეტია.

„რაც შეეხება იანვარ-დეკემბრის ინტერვალს, ქვეყანაში 5 493 492 ვიზიტი განხორციელდა, რაც 1,9%-ით აღემატება 2013 წლის ანალოგიური საანგარიშო პერიოდის მაჩვენებელს“, – ნათქვამია შს სამინისტროს განცხადებაში.

შს სამინისტროს მონაცემებით, მათ შორის ტურისტიული ვიზიტით საქართველოში იმყოფებოდა – 2 218 050 პირი (საერთო რაოდენობის 40,4% მატება წინა წლის ანალოგიურ მაჩვენებელთან 7,4%); ტრანზიტით – 1 110 015 ვიზიტი (საერთო რაოდენობის 20,2%, კლება წინა წლის ანალოგიურ მაჩვენებელთან -6,6%); სხვა – 2 165 427 ვიზიტი (საერთო რაოდენობის 39,4%, მატება წინა წლის ანალოგიურ მაჩვენებელთან 1,3%).

სამინისტროს ინფორმაციით, „2014 წლის დეკემბერშიც ყველაზე მეტი ვიზიტი კვლავ თურქეთიდან (+2,1%), აზერბაიჯანიდან (+17,2%), სომხეთიდან (+18,6%), რუსეთიდან (+8%) და უკრაინიდან (-9%) განხორციელდა. „საქართველოში ჩამოსვლების რაოდენობის ზრდის კუთხით, იანვარ–დეკემბერშიც კვლავ გამოირჩევა: ლიტვა, პოლონეთი, ლატვია და დიდი ბრიტანეთი (შესაბამისად 93%, 25%, 25% და 11%), შუა აზიის ქვეყნებიდან – ყაზახეთი (34%), ხოლო აღმოსავლეთ ევროპის ქვეყნებიდან – ბელორუსი“.

ახალი ნორმები – ჩამოწერილი დავალიანებები, საურავები და ჯარიმები

“საგადასახადო კოდექსში” შესული ცვლილებებით, რომლებიც უკვე ამოქმედდა, ჩამოწერას დაექვემდებარა „2005 წლის 1 იანვრამდე წარმოშობილი და დღემდე გადაუხდელი საგადასახადო დავალიანების თანხა, თუ გადამხდელს შემდგომ პერიოდში აქტივობები არ უფიქსირდება“.

„აქტივობები არ უფიქსირდება“, ნიშნავს, რომ 2005 წლის 1 იანვრიდან დღემდე, გადამხდელს ჩაბარებული არ აქვს დეკლარაცია, ან ჩაბარებული აქვს, მაგრამ დამატებითი გადასახდელი თანხა არის ნული, ე.ი. არც შემოსავლი ჰქონდა და არც ხარჯი [ანუ, ფაქტობრივად, აღარ არსებობს]. სწორედ ასეთ ფიზიკურ ან იურიდიულ პირს ჩამოეწერება 2005 წლის 1 იანვრამდე წარმოშობილი და დღემდე გადაუხდელი საგადასახადო დავალიანების თანხა.

კოდექსით, ჩამოწერას დაექვემდებარა აგრეთვე „2009 წლის 1 იანვრამდე წარმოშობილ აღიარებულ საგადასახადო დავალიანებაზე დარიცხული საურავი და 2009 წლის 1 იანვრამდე დარიცხული აღიარებული ჯარიმა, აღიარებული გადასახადის თანხის გადახდის პირობით, თუ პირს შემდგომ პერიოდში აქტივობები არ უფიქსირდება“.

გადამხდელს გადასახადი შეიძლება დააკისროს საგადასახადო სამსახურმა, ან თავად გადამხდელმა მოახდინოს რაღაც გადასახადის დეკლარილება, ვთქვათ, დაგვიანებით. შესაბამისად, მას ერიცხება თვით ეს გადასახადი, რომელსაც ემატება საურავი და ჯარიმა. ახალი კანონით, თუ გადამხდელს გადახდილი აქვს ეს ძირითადი გადასახადი და დარჩენილი აქვს საურავი ან/და ჯარიმა, მას ეს საურავი და ჯარიმა ჩამოეწერება, თუ 2009 წლის 1 იანვრიდან დღემდე აღარ უფიქსირდება აქტივობა [ანუ, ამ შემთხვევაშიც, შესაძლოა დეკლარაცია კი აქვს ჩაბარებული შემდგომ პერიოდებში, მაგრამ დამატებით დასარიცხი თანხა არის 0].

მაგალითად, 2009 წლის 1 იანვრამდე გადამხდელს სახელფასო და საშემოსავლო დავალიანება უფიქსირდება, დავუშვათ, 2 ან 3 ათასი ლარი ხანგრძლივი დროის განმავლობაში. მას ამ დავალიანებაზე ყოველდღიურად ერიცხება საურავი, ასევე გარკვეული ჯარიმაც. მოხდა ისე, რომ გადამხდელმა დაფარა ძირი თანხა, მაგრამ შედარების აქტში უჩანს, რომ საურავი/ჯარიმა, ვთქვათ, 1000 ლარი, დარჩენილი აქვს დავალიანებად [ანუ ის, რაც ვერ გადაიხადა]. ზუსტად ამ საურავის და ჯარიმის ჩამოწერაზეა საუბარი [თუ, რა თქმა უნდა, 2009 წლის 1 იანვრიდან დღემდე, აღარ უფიქსირდება აქტივობა].

საგადასახადო კოდექსის მიხედვით ჩამოიწერება „საკონტროლო სალარო აპარატის გამოყენების წესების დარღვევისათვის ფიზიკური პირისათვის 2013 წლის 1 იანვრამდე დაკისრებული/დარიცხული და ამ ნორმის ამოქმედებამდე გადაუხდელი ჯარიმაც“.

ამ შემთხვევაში, ეს ნორმა ეხება მხოლოდ ფიზიკურ პირს [ინდ/მეწარმეს] და არ ეხება იურიდიულ პირს [ შპს-ს და სხვებს]. მაგალითად, პიროვნება [ინდ/მეწარმე] 2013 წლის 1 იანვრამდე, ვთქვათ, დაჯარიმებულია კოდექსის 281-ე მუხლით – სალარო აპარატის გამოუყენებლობა, არასწორად გამოყენება, არასწორი თანხის ამორტყმა და ა.შ. თუ 2013 წლის 1 იანვრიდან 2015 წლის 1 იანვრამდე, მას ეს ჯარიმა არ ქონდა გადახდილი, ჯარიმა ჩამოეწერება და აღარ გადაიხდის [მათ კი, ვისაც გადახდილი აქვთ ეს ჯარიმა, იგი უკან, ბუნებრივია, აღარ დაუბრუნდებათ].

კოდექსში შეტანილი ცვლილებით, „დავალიანების გადახდევინების გადავადება შესაძლებელი გახდა ერთი წლით, უზრუნველყოფის საშუალებების წარდგენის გარეშე, თუ საგადასახადო დავალიანების თანხა არ აღემატება 5000 ლარს“.

„საგადასახადო კოდექსის“ მე-8 მუხლი ჩამოყალიბებულია შემდეგნაირად, რომ შეიძლება 3 წლის განმავლობაში გადაგივადონ გადასახადი, თუ გაგაჩნია აქტივები ფირმის საკუთრებაში, თუ გაქვს საბანკო გარანტია და ა.შ.

ამას ამჯერად დაამატეს, რომ თუ გადამხდელის დავალიანება არ აღემატება 5 ათას ლარს, მაშინ შესაძლებელია მას ყოველგვარი ზემოაღნიშნული გარანტიების გარეშე უბრალოდ გადაუვადონ/გადაუნაწილონ ერთი წლის განმავლობაში ეს დავალიანება და ნელ-ნელა დაფაროს შედგენილი გრაფიკის მიხედვით. თუმცა, გადამხდელს საურვები ამ შემთხვევაში მაინც დაერიცხება.

„ეტაპობრივად განხორციელდება საგადასახადო შემოწმების, გადასახადის გადამხდელისათვის გადასახადის და სანქციის დარიცხვის, აგრეთვე გადასახადის გადამხდელის მოთხოვნის წარდგენის 6-წლიანი ხანდაზმულობის ვადის 3 წლამდე შემცირება. 2015 წლის 1 იანვრიდან 2016 წლის 1 იანვრამდე ხანდაზმულობის ვადა შემცირდება – 5 წლამდე, 2016 წლის 1 იანვრიდან 2017 წლის 1 იანვრამდე – 4 წლამდე, 2017 წლიდან – 3 წლამდე“.

როგორც აუდიტორულ კომპანია „აჭარა ელიტ აუდიტში“ განმარტავენ, ხანდაზმულობის ვადის შემცირება შარშან დაიწყო. თუ 6 წლის შემოწმების უფლება ქონდა საგადასახადოს [ანუ 6 წელი იყო ხანდაზმულობა], საბოლოოდ, ზემოაღნიშნული პერიოდების მიხედვით ეს ვადა დაიკლებს და დარჩება 3 წელი. ამ ვადის იქეთ კი საგადასახადო შემოწმება შესაძლოა, მხოლოდ განსაკუთრებულ შემთხვევაში და ისიც სასამართლოს ძალით განხორციელდეს.

კოდექსში შეტანილი ცვლილებით 2016 წლის 1 იანვრამდე გადავადდა სუსტი კაპიტალიზაციის მარეგულირებელი დებულებების ნორმები.

ამ შემთხვევაში ძირითადად საუბარია სესხის პროცენტის გამოქვითვაზე [სუსტი კაპიტალიზაციის ნორმების მიხედვით საჭიროა კაპიტალთან სპეციალური თანაფარდობა, რათა ფიზიკურ ან იურიდიულ პირს ქონდეს უფლება, რომ ყოველწლიურად გამოქვითოს სესხის პროცენტი].

მაგალითად, გადამხდელს თუ არ გაგაჩნია კაპიტალთან სპეციალური თანაფარდობა შესაძლოა საერთოდ არ ქონდეს სესხთან დაკავშირებული პროცენტის გამოქვითვის უფლება. ვთქვათ, წლის განმავლობაში დარიცხული აქვს სესხის პროცენტი – დავუშვათ 50 ათასი ლარი. მან დაასრულა წელი, ჩააბარა ბალანსი, გამოიყვანა შედეგები და აღმოჩნდა, რომ მისი თანაფარდობა არ ექვემდებარება სუსტი კაპიტალიზაციის თანაფარდობას. ამ შემთხვევაში გადამხდელმა შეიძლება სესხთან დაკავშირებული პროცენტი, ანუ ეს 50 ათასი ლარი საერთოდ ვერ გამოქვითოს ხარჯებში.

სუსტი კაპიტალიზაციის მარეგულირებელი ეს დებულებები, რომელსაც საკმაოდ ვრცელი ინსტრუქცია ახლავს და რომელთა ამოქმედება ერთი წლით კიდევ გადაიდო, ძალაში დღემდე არ ყოფილა შესული.

ბათუმის პორტიდან დათხოვნილმა თანამშრომლებმა აქცია გამართეს

თამაზ ბაკურიძის ინფორმაციით, „პორტის დირექტორმა შესთავაზა აქციის მონაწილეებს, რომ დათხოვნილ თანამშრომლებს სამი თვის განმავლობაში გადაუხდის ხელფასებს, ხოლო სამი თვის მერე, როდესაც ტვირთების ბრუნვა მოიმატებს, ისევ დააბრუნებს ამ 35 ადამიანს სამსახურში“.

აქციის ერთ-ერთი მონაწილის, პორტის ყოფილი დოკერის, იმედა დოლიძის თქმით, ისინი მანამ არ დაიშლებიან, სანამ უშუალოდ მათ არ შეხვდება პორტის დირქტორი.

იმედა დოლიძე თავიანთ მოთხოვნებს ასე აყალიბებს: „ჩვენ ჟურნალისტებისგან ვიცით, რომ თითქოს 200-200 ლარს შეგვინარჩუნებს მარტამდე, მაგრამ ჩვენ ამას დავთანხმდებით იმ შემთხვევაში, თუ კონტრაქტს უვადოდ გაგვიფორმებენ; ხოლო გაზაფხულიდან თუ წამოვა ტვირთები, ხელფასებს გაგვიზრდიან, რადგან ჩვენ მიზერულ ანაზღაურებაზე ვმუშაობთ“.

ბათუმის ნავსადგურის დირექტორის მოადგილემ, ლევან ფაილოძემ „ბათუმელებს“ დაუდასტურა, რომ პორტის ადმინისტრაცია მზად არის დათხოვნილ თანამშრომლებს ხელფასები – 200-200 ლარი და დაზღვევა შეუნარჩუნოს. ლევან ფაილოძის ინფორმაციით, ეს შეთავაზება აისახება „ოფიციალურ მემორანდუმში“, რომელსაც ადმინისტრაცია აქციის მონაწილეებთან გააფორმებს. რაც შეეხება უვადო ხელშეკრულებას, ლევან ფაილოძის თქმით, „ეს გამორიცხულია“, ხოლო „ხელფასების მომატებაზე საუბარი არ ყოფილა“.

ახალგაზრდა მასწავლებლები სკოლაში

ცირა ბოლქვაძე ბათუმის სახელმწიფო უნივერსიტეტის განათლების ფაკულტეტის მეოთხე კურსის სტუდენტია. დაწყებითი განათლების პედაგოგის სპეციალობას ეუფლება და უკვე იცის, რომ უნივერსიტეტის დამთავრების შემდეგ შუახევში დაიწყებს მასწავლებლად მუშაობას.

განათლების ფაკულტეტის სტუდენტები ბათუმის რუსთაველის უნივერსიტეტიდან

„ოთხი წლის წინ, როცა ვაბარებდი, დაწყებითები მქონდა მითითებული და მაშინვე ვიცოდი, რომ მასწავლებელი ვიქნებოდი. ახლაც მაქვს სამსახურის შემოთავაზება, მაგრამ უნივერსიტეტის პარალელურად ვერ შევძლებდი მუშაობას. როდესაც დავამთავრებ, შუახევში წავალ და იქ ვასწავლი“, – ამბობს ცირა.

ბათუმის სახელმწიფო უნივერსიტეტის ასოცირებული პროფესორი, განათლების ფაკულტეტის დეკანი მადონა მიქელაძე ამბობს, რომ განათლების ფაკულტეტი გამონაკლისია საგანმანათლებლო სივრცეში – აქ მისულ სტუდენტებს გააზრებული აქვთ, რომ ისინი პედაგოგები გახდებიან.

„ჩვენ ვამზადებთ დაწყებითი კლასების ქართულის, მათემატიკის, ბუნებისმეტყველების, ასევე სახვითი და გამოყენებითი ხელოვნების მასწავლებლებს. კმაყოფილები ვართ სტუდენტებისა, რომლებიც მოტივირებულნი არიან და სწავლობენ, მუშაობენ საკუთარ თავზე. სწავლის ინდიკატორი არის დასაქმება“, – ამბობს მადონა მიქელაძე. – „პრობლემა იქმნება შემდგომ საფეხურებზე, საბაზო და საშუალო სკოლის პედაგოგთა მომზადების პროცესში“.

როგორც სპეციალისტი ამბობს, ეს პრობლემა არ ეხება მხოლოდ ბათუმის რუსთაველის უნივერსიტეტს: დიდი ხანია მასწავლებლის საბაკალავრო პროგრამები არ ფუნქციონირებს უნივერსიტეტებში. ჩვენ გვაქვს უფლება მხოლოდ მაინორ პროგრამის ფარგლებში მოვამზადოთ მასწავლებლები – სულ 60 კრედიტია. მიგვაჩნია, რომ 60 კრედიტი არ არის საკმარისი საბაზო და საშუალო სკოლის მასწავლებლის მომზადებისთვის. განათლების სამინისტროში უკვე მუშაობენ განათლების სტანდარტზე, უნივერსიტეტებს 240-კრედიტიანი მასწავლებლის საბაკალავრო პროგრამების განხორციელების უფლება მოგვეცემა. იმედია, ეს მალე მოხდება. შემდგომში უფრო მაღალკვალიფიცირებულ პედაგოგებს გამოვუშვებთ“.

ელისო ბოლქვაძე ბსუ-ს განათლების ფაკულტეტის სტუდენტია. ის მომავალი დაწყებითი განათლების პედაგოგია და მიაჩნია, რომ უნივერსიტეტში მიღებული ცოდნა მისცემს საშუალებას, სკოლაში კარგი პედაგოგი იყოს.

„თეორიული ცოდნის პარალელურად მთელი წელი გავდივართ პრაქტიკებს, რომელიც ნამდვილად სრულყოფილ პედაგოგებად გვაყალიბებს. მაქვს იმის უნარი, რომ გავხდე პედაგოგი და სიახლე შევიტანო სკოლაში“, – ამბობს ელისო.

ელისოს თქმით, მას ესმის, რატომ შეიძლება არ მოუნდეთ სტუდენტებსა და ახალკურსდამთავრებულებს საბაზო და საშუალო სკოლის პედაგოგობა:

„ასეა თუ ისეა, მაინც ყველაფერი მიბმულია ანაზღაურებაზე. მაგალითად, ფიზიკა-ქიმიის საათები სკოლაში ცოტაა, შესაბამისად, მოთხოვნაც ცოტაა და ანაზღაურებაც. სტუდენტი ცდილობს, რომ სადაც ანაზღაურება მეტია, იმ სფეროში დასაქმდეს. როდესაც სათანადოდ იქნება შრომა შეფასებული, არამგონია სხვაგან წავიდეს. როდესაც ოთხ წელს ახარჯავ ამ სფეროს, უზარმაზარ შრომას დებ, მერე სხვაგან არ წახვალ, თუკი ადეკვატური ანაზღაურება იქნება“.

ბათუმის სახელმწიფო უნივერსიტეტის განათლების ფაკულტეტის დეკანი მადონა მიქელაძე ამბობს, რომ სახელმწიფომ უფრო მეტად უნდა დააფინანსოს განათლების მიმართულება: „სანამ საბაკალავრო პროგრამა არ გაკეთდება მასწავლებლის მიმართულებით და სანამ ჩვენ სახელმწიფო არ მოგვცემს მასწავლებლის გაზრდის უფლებას, სკოლებში სულ პრობლემა იქნება. თუ დააკვირდებით, ყველაზე დიდი პრობლემა მაღალ კლასებშია. დაწყებითებში ნაკლებად. მაგალითად, მათემატიკოსმა, მათემატიკის სპეციალობით მიიღო ბაკალავრის აკადემიური ხარისხი. მას არ გაუვლია პედაგოგიკა, მეთოდიკა და შედის სკოლაში. ბრწყინვალედ იცის მათემატიკა, მაგრამ არ იცის პედაგოგიკა, მეთოდოლოგია და ფსიქოლოგია“.

მისივე თქმით, სტუდენტებს აქვთ ძალა შეცვალონ ამინდი სკოლაში, მაგრამ ძალიან მცირე რაოდენობით არიან ისინი წარმოდგენილი საგანმანათლებლო პროცესში:

„ჩვენ დავინახეთ რამდენმა პედაგოგმა ვერ ჩააბარა სასერტიფიკაციო გამოცდა. ამის მიუხედავად, ჩვენი სტუდენტები საჯარო სკოლებში ვერ პოულობენ სამსახურს. უნდა იყოს სისტემა, სახელმწიფომ უნდა მოიფიქროს, რომ კურსდამთავრებულმა შეძლოს სკოლაში ინტეგრირება. მენტორისა და სტაჟიორის პროგრამები ამართლებს ნაწილობრივ. კურსდამთავრებული როდესაც ერთი წლით მიდის სკოლაში მენტორთან ერთად, მას სახელმწიფო არაფერს უნაზღაურებს. გზის, გადაადგილების ხარჯი მაინც ხომ უნდა მისცეს სახელმწიფომ? ამიტომ არ მიდიან სტუდენტები სტაჟიორებად. კერძო სკოლებში უფრო საქმდებიან.

თუკი მივცემთ კურსდამთავრებულებს გასაქანს, რომ სკოლაში შევიდნენ, მეტ სიახლეს შეიტანენ. მე არ ვაყენებ შეურაცხყოფას არც ერთ მოქმედ პედაგოგს, დიდ პატივს ვცემ თითოეულ მათგანს და ეჭვი არ მეპარება მათ პროფესიონალიზმში, მაგრამ როგორც მე მჭირდება ახალი თაობა გვერდით რომ მედგეს და მათგან ბევრი რამ ვისწავლო, ასე სჭირდებათ ჩემს კოლეგებს სკოლებში. სხვადასხვა თაობა უნდა იყოს სკოლაში წარმოდგენილი, ბალანსი უნდა არსებობდეს“.

პოლიციელმა ბათუმში ქალი გადაარჩინა

შს სამინისტროს განცხადებაში ნათქვამია: „საღამოს საათებში, ბათუმში, ანბანის კოშკის მიმდებარედ, ბათუმელი ქალბატონი ზღვაში შევიდა და, სავარაუდოდ, თავის დახრჩობას აპირებდა.

ბატონი თენგიზი ამ დროს იქვე შემოვლაზე იყო გამოსული, დაინახა ეს სიტუაცია და შეყვა მას ზღვაში. საბედნიეროდ, მან მოახერხა ტალღებიდან ქალბატონის უვნებლად გამოყვანა. შოკურ მდგომარეობაში იყო, მას დაუყოვნებლივ აღმოუჩინეს პირველადი დახმარება“.