Batumelebi | პოლიციელმა ბათუმში ქალი გადაარჩინა პოლიციელმა ბათუმში ქალი გადაარჩინა – Batumelebi
RU | GE  

პოლიციელმა ბათუმში ქალი გადაარჩინა

 

შს სამინისტროს პრესცენტრის ცნობით, ბათუმის პოლიციის 6–ე განყოფილების უფროსის მოადგილემ, ვიცე-პოლკოვნიკმა თენგიზ მახარაძემ ახალგაზრდა ქალი სიკვდილს გადაარჩინა.

 

შს სამინისტროს განცხადებაში ნათქვამია: „საღამოს საათებში, ბათუმში, ანბანის კოშკის მიმდებარედ, ბათუმელი ქალბატონი ზღვაში შევიდა და, სავარაუდოდ, თავის დახრჩობას აპირებდა.

ბატონი თენგიზი ამ დროს იქვე შემოვლაზე იყო გამოსული, დაინახა ეს სიტუაცია და შეყვა მას ზღვაში. საბედნიეროდ, მან მოახერხა ტალღებიდან ქალბატონის უვნებლად გამოყვანა. შოკურ მდგომარეობაში იყო, მას დაუყოვნებლივ აღმოუჩინეს პირველადი დახმარება“.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"