Batumelebi | თოვლი ხელვაჩაურში თოვლი ხელვაჩაურში – Batumelebi
RU | GE  

თოვლი ხელვაჩაურში

 

ხელვაჩაურის მუნიციპალიტეტში გუშინ ღამის შემდეგ გადაუღებლად თოვს. ამ დროისთვის თოვლის საფარმა მუნიციპალიტეტის სოფლებში 10-15 სანტიმეტრს მიაღწია.

 

როგორც ხელვაჩაურში მყოფი „ბათუმელების” ჟურნალისტი იუწყება, თოვლის გამო მოძრაობა ჯერჯერობით, არც ერთი მიმართულებით არ შეფერხებულა. ხელისუფლების ცნობით, ხელვაჩაურში მანდარინის მოსავალი სრულად არის მოკრეფილი.

 

საქართველოს სხვა რეგიონებში ამ დროისთვის განსაკუთრებით დიდი თოვლი მოვიდა, ახალციხის მუნიციპალიტეტში კი სიცივისგან ერთი ადამიანი გაიყინა და გარდაიცვალა.

 

რაც შეეხება აჭარის მაღალმთიან მუნიციპალიტეტებს, გუშინ ხულოს მუნიციპალიტეტის სოფლებში ოთხ სახლს ქარბუქმა სახურავი გადახადა. გამგებლის – ბესიკ ბუაჩიძის ინფორმაციით, ამ სახლებში მცხოვრები ოჯახები უსაფრთხო ადგილას, მეზობლებთან არიან გადაყვანილები.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"