ნეტგაზეთი • RU

„ბათუმის წყალმა“ თანამშრომლები დაითხოვა

 

გავრცელებულ ინფორმაციას, რომ შპს „ბათუმის წყალმა“ სამსახურიდან ორმოცდაათამდე თანამშრომელი დაითხოვა, დირექტორის მოვალეობის შემსრულებელი ალეკო მიქელაძე არ ადასტურებს. მისი ინფორმაციით, რეორგანიზაციის შემდეგ მხოლოდ თოთხმეტი თანამშრომელი დაითხოვეს: „14 საშუალო რანგის თანამშრომელი დავითხოვეთ რეორგანიზაციის შემდეგ, ისინი კანონმდებლობის შესაბამისად მიიღებენ კომპენსაციას.“

 

„ბათუმელებს“ განსხვავებული ინფორმაცია მიაწოდეს გათავისუფლებულებმა, მათი თქმით, გათავისუფლებულია ორმოცდაათამდე თანამშრომელი.

 

ცოტა ხნის წინ ბათუმის მერმა შპს „ბათუმის წყლის“ დირექტორი ჯანი ვარშალომიძე დაითხოვა. ეს თანამდებობა ჯერ კიდევ ვაკანტურია, მოვალეობას ამ დრომდე მოადგილე ალექსანდრე მიქელაძე ასრულებს.

ნეტგაზეთის მასალების სხვა გამოცემებში გადაბეჭდვის წესი
ბათუმელები