Batumelebi | „სანდასუფთავებამ“ 12 ადამიანი გაათავისუფლა სამსახურიდან „სანდასუფთავებამ“ 12 ადამიანი გაათავისუფლა სამსახურიდან – Batumelebi
RU | GE  

„სანდასუფთავებამ“ 12 ადამიანი გაათავისუფლა სამსახურიდან

 

ბათუმის მერიის  შპს „სანდასუფთავებმა“ 12 თანამშრომელი გაუშვა სამსახურიდან. ორგანიზაციის დირექტორის დავით ასამბაძის ინფორმაციით, გათავისუფლების მიზეზი რეორგანიზაციის შედეგად რამდენიმე სამსახურის გაუქმება გახდა.

 

დავით ასამბაძე: „გაუქმდა ადმინისტრაციის უფროსის, არქივარიუსის თანამდებობები და ასევე რამდენიმე სამსახური. გათავისუფლებულებმა, რომლებსაც კანონმდებლობით ეკუთვნოდათ კომპენსაცია, მიიღეს კომპენსაცია. მათგან რამდენიმეს ხელშეკრულების ვადა გაუვიდა 31 დეკემბერს, შესაბამისად, მათ კომპენსაცია ვერ მიიღო“.

 

ახალი წლის შემდეგ, ოფიციალური ინფორმაციით, „14 საშუალო რანგის თანამშრომელი“ გაათავისუფლეს ბათუმის მერიის კიდევ ერთი შპს-დან – „ბათუმის წყლიდან“. თავად გათავისუფლებულების მიერ მოწოდებული ინფორმაციით კი, „ბათუმის წყალმა“ ახალი წლის შემდეგ 50-მდე ადამიანი დაითხოვა სამსახურიდან.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"