Batumelebi

ირაკლი ალასანია: „ჩვენ ხელისუფლების ალტერნატიულ ძალად ჩამოვყალიბდით“

ირაკლია ალასანია ბათუმი 15.01.2015 ფოტო: მანანა ქველიაშვილი

ბათუმში ჩამოსვლამდე ალასანია გურიაში შეხვდა პარტიულ აქტივისტებს. „თავისუფალი დემოკრატების“ ლიდერის თქმით:

„2015 წელი არის სტრუქტურული განვითარების წელი ჩვენი პარტიისთვის, ჩვენ ჩამოვყალიბდით უკვე ხელისუფლების ალტერნატიულ პოლიტიკურ ძალად და 2016 წელს გვჭირდება სრული შემადგენლობით გამარჯვებისკენ წავიყვანოთ პარტია“.

ბათუმში მყოფ ირაკლი ალასანიას „თავისუფალი დემოკრატების“ წევრების მიერ საპარლამენტო თანამდებობების დატოვებასთან დაკავშირებით ჰკითხეს.

„ეს არის ის პროცესი, რომელშიც მოუწევთ გასვლა უმრავლესობის წარმომადგენლებს პარლამენტში მოაგროვონ შესაბამისი ხმები. მე მაინტერესებს ვინ დაუჭერს მხარს თუნდაც ვიქტორ დოლიძის გადაყენებას, ვის შეარჩევენ ამ პოსტისთვის ან ნებისმიერ სხვა კომიტეტში, ეს იქნება საინტერესო. ჩემთვის ასევე ძალიან მნიშვნელოვანია ახალ კანდიდატებს ვის წარმოადგენს, ჩვენ დავარქვით მათ ნაციონალური ოცნების უმრავლესობა. ყველამ კარგად იცის, რომ თანამდებობებს გამოკიდებული არა ვართ. დავტოვეთ თანამდებობები ნაციონალური მოძრაობის დროსაც და დღესაც, როდესაც დავინახეთ ქვეყანაში არის დეფიციტი სწორი, გამართული გადაწყვეტილების მიღების და მიჰყავთ ქვეყანა ავტორიტარიზმისკენ. აქედან გამომდინარე, ეს პროცესი ჩვენთვის არის პოლიტიკური პროცესი“, – განაცხადა ირაკლი ალასანიამ.

ალასანიას განცხადებით ასევე მნიშვნელოვანია საყდრისის მაღაროსთან დაკავშირებით კომისია შეიქმნას.

„ძალიან მნიშვნელოვანია საყდრისის საკითხთან მიღებული გადაწყვეტილების განხორციელება და კომისიის შექმნა. „თავისუფალი დემოკრატების“ ინიცირების შემდეგ სხვა ოპოზიციურმა ძალებმაც მხარი დაუჭირეს ამ გადაწყვეტილებას. გადაწყდა, რომ შეიქმნას კომისია. მაგრამ დღეს უკან იხევენ და იძახიან, რომ ეს კომისია საჭირო არ არის. მე მაინტერესებს თავის მიღებულ გადაწყვეტილებას რატომ ეწინააღმდეგება ეს ხალხი.

ძალიან დიდი მნიშვნელობა აქვს ჩემთვის, როგორ მოხვდა „როსნეფტის“ ხელში გარკვეული ერთ-ერთი კრიტიკული მნიშვნელოვანი ინფრასტრუქტურა ჩვენი ქვეყნის [ფოთის პორტის 49% -იანი წილი]. ამასაც გარკვეული შესწავალა სჭირდება და საპარლამენტო ფორუმს ამისთვის გამოვიყენებთ. ისევე როგორც შესწავლის საკითხი უნდა გახდეს თანაინვესტირების ფონდმა რა გაუკეთა საქართველოს ბოლო ორი წლის განმავლობაში და რამდენი სამუშაო ადგილი შეიქმნა. და რას აკეთებს ზოგადად თანაინვესტირების საბჭო იმისათვის, რომ დამატებითი სამუშაო ადგილი შეიქმნას ქვეყანაში, ამაზე გვექნება დებატები პარლამენტში.

ირაკლი ალასანიასთან ერთად ბათუმში ალექსი პეტრიაშვილი, ნინო გოგუაძე და ვიქტორ დოლიძე არიან.

შეხვედრა თავისუფალი დემოკრატების პარტიულ აქტივთან 15.01.2015

პრემიერი აჭარის უმაღლესი საბჭოს წევრებს შეხვდა

„ ეს იყო სამუშაო ვახშამი პრემიერის მიწვევით, ვისაუბრეთ რეგიონში არსებულ პრობლემებზე და ქვეყანაში მიმდინარე მოვლენებზე. რამოდენიმე თხოვნა გვქონდა პრემიერთან, რადგან ჩვენი ბიუჯეტი არ არის ძალიან დიდი. რაღაც საკითხებში პრემიერი შეგვპირდა დახმარებას.

ვთხოვეთ პანსიონების მშენებლობის დაფინანსება შეჭირვებულებისთვის ხულოში და ხელვაჩაურში. პრემიერი შეგვპირდა, რომ მთავრობა მოგვცემს ტრანსფერს ამ პანსიონებისთვის. ერთ-ერთი საკითხი იყო მწვანე ტბის მიბმა საკურორტო ზონაზე, ამ საკითხთან დაკავშირებითაც დაინტერესდა პრემიერი და ვფიქრობთ, რომ ეს იქნება ერთ-ერთი კარგი პროექტი, რაც განხორციელდება.

გარდა ამისა, დაახლოებით 40-50 მეზღვაურს, კანონმდებლობიდან გამომდინარე პრობლემები შეექმნა , მათ შეუძლიათ გახდნენ კაპიტნები და რაღაც კაზუსის გამო შესაძლოა მათ შეექმნათ პრობლემები და დაკარგონ მაღალანაზღაურებადი სამსახურები. გვინდა მივცეთ ამ ადამიანებს საშუალება ჩააბარონ სპეციალური გამოცდები. ამასთან დაკავშირებითაც მზაობა გამოითქვა…“ – განაცხადა უმაღლესი საბჭოს ვიცე-სპიკერმა დავით ბაციკაძემ „ბათუმელებთან“ სატელეფონო საუბარში.

გარდა ამ საკითხებისა, შეხვედრაზე საუბარი აჭარის უმაღლეს საბჭოსა და მთავრობას შორის დაპირისპირების თემასაც შეეხო. დავით ბაციკაძის ინფორმაციით, „პრობლემა თითქმის ამოწურულია.“

უმაღლესი საბჭოს ვიცე-სპიკერის ინფორმაციით, ამ წუთებში მთავრობის სხდომა მიმდინარეობს. სხდომას აჭარის მთავრობის თავმჯდომარე არჩილ ხაბაძე და აჭარის უმაღლესი საბჭოს თავმჯდომარე ავთანდილ ბერიძეც ესწრებიან.

საიას ფილიალის თავმჯდომარე აჭარაში ისევ არ დაამტკიცეს

ქალბატონო ანა, გუშინ ცენტრალური ოფისის გამგეობის წევრებმა საიას ფილიალის თავმჯდომარე აჭარაში ისევ არ დაამტკიცეს. პროცედურულად რა მოხდება ახლა?

ფილიალის გამგეობის წევრები ირჩევენ თავმჯდომარის კანდიდატს და მას დასამტკიცებლად წარუდგენენ საიას ცენტრალურ გამგეობას, რომელიც იღებს გადაწყვეტილებას. გუშინ იქნა გადაწყვეტილება მიღებული და საიას გამგეობის გადაწყვეტილებით, საიას აჭარის ორგანიზაციის თავმჯდომარის კანდიდატი მაია ქათამაძე არ იქნა დამტკიცებული თავმჯდომარის პოსტზე. ამის შემდეგ გამგეობამ მოიწვია რიგგარეშე საერთო კრება, რომელიც აირჩევს ფილიალის ახალ გამგეობას და ეს ახალი გამგეობა აირჩევს თავმჯდომარის ახალ კანდიდატს, რომელზეც ასევე ვიმსჯელებთ.

რა დრო დასჭირდება ამ პროცესს?

წესდება არ გვზღუდავს, მაგრამ ჩვენ გვინდა, რომ პროცესი არ გაჭიანურდეს და ეს გონივრულ ვადაში მოხდება, კონკრეტულ თარიღს ახლა ვერ გეტყვით.

თქვენი შეფასებით რამ გამოიწვია კრიზისი? როგორც ვიცი, ეს უკვე მეორე კანდიდატია, რომელიც არ დაამტკიცა გამგეობამ…

მე არ ვიტყოდი, რომ ეს კრიზისია ორგანიზაციაშია. პირველი კანდიდატი არც განვიხილეთ, რადგან პირველი კანდიდატი პროცესუალური დარღვევებით იყო წარმოდგენილი. ეს არის საქართველოს ახალგაზრდა იურისტთა ასოციაცია, რომელიც დიდ მნიშვნელობას ანიჭებს პროცედურულ ფაქტებს.

ანუ, თუ სწორად გავიგე, პირველი თავმჯდომარის კანდიდატის შერჩევის დროს არჩევნები ბათუმში ჩატარდა დარღვევით?

არასწორი პროცედურით ჩატარდა.

ამის გამო ვინმეს პასუხისმგებლობის საკითხი დადგა ორგანიზაციაში, ან ვინმემ საყვედური, შენიშვნა მიიღო?

ამიტომაც მივიღეთ საერთო კრების მოწვევის გადაწყვეტილება. ეს კრება ახალი გამგეობის წევრებს აირჩევს.

ინვესტორთა ასოციაცია ივანიძეების ოჯახს დაეხმარება

ინვესტორთა ასოციაცია სოციალურად დაუცველ ოჯახში

ინფორმაციას აჭარის ჯანდაცვის სამინისტრო ავრცელებს. ინვესტორთა ასოციაცია, ივანიძეების ოჯახის გარდა სოციალურ დახმარებას კიდევ რამდენიმე ოჯახს გაუწევს:

„ასოციაციამ 22 ყუთი სურსათი შეიძინა. აქედან, სურსათის 6 ყუთი ხელვაჩაურისა და ქობულეთის მუნიციპალიტეტებს გადაეცემა და ისინი შეძლებენ სოციალურად დაუცველ მრავალშვილიან ოჯახებს დაურიგონ. დანარჩენი ყუთები კი, ბათუმის მერიას გადაეცემა“- განაცხადეს სამინისტროს პრესსამსახურში.

ინვესტორთა ასოციაცია სოციალურად დაუცველი ოჯახების დასახმარებლად საქველმოქმედო აქციებს პერიოდულად მართავს. „დეკემბერში მათ ქობულეთში მცხოვრებ ათსულიან ოჯახს გაუწიეს დახმარება და ბავშვებს ტანსაცმელი შეუძინეს“.

სოციალურ ქსელში გავრცელებული განცხადების გამო ISSI-ის ქართველი მებრძოლის წინააღმდეგ გამოძიება დაიწყო

„ყურადღება! საქართველოს ქააფირებს მივმართავ, ვინც ისლამისა და მუსლიმანების წინააღმდეგ რამე ჩაიდინეთ ნატო-ს მისიებით ერაყში, ავღანეთში, აფრიკაში, თუ საქართველოში ლაფანყურში, პანკისში, გურიაში, აჭარაში, ჯავახეთსა თუ სხვა რეგიონებში, ყველა ფაქტი გვახსოვს და ყველა მონაწილის სახელი და გვარი ვიცით. ვიცით ყველა კაკებეშნიკი ვინც ჩვენს ძმებს შეურაცხყოფას აყენებს. ვიცით ყველა თქვენი ნამოქმედარი. ამ ყველაფერზე პასუხს აგებთ თქვენი ბინძური ქააფირი სისხლით. გაფრთხილებთ კიდევ ერთხელ! არ გაბედოთ, რომელიმე მუსლიმ ძმაზე ხელის აღმართვა ან, რომელიმე მეჩეთზე, ან ნებისმიერ თემაზე, სადაც ისლამი ურევია, თორე ერთ დღეს, რომ საქართველოში შავი დროშები აფრიალდება გასაქცევს მოძებნით. გპირდებით დაჩოქილ ვედრებას დაგაწყებინებთ ტელევიზიით. გაჩენას ინანებთ, თქვე, ვირთხებო თქვენა. საპატრიარქოს აჭარლების და აჭარის პრობლემებისთვის ისეთ დღეში ჩაგაგდებთ, რომ თქვე ანაფორიანო ვირთხებო ინატრებთ, რომ ქვეწარმავლად გავჩენილიყავითო. ვფიცავ ალლაჰს მწარედ ინანებთ თქვენი ბინძური სისხლით პასუხს აგებთ ყველა ქააფირი. ერთი შანსი აქვთ მოქალაქეებს, ისლამი აღიარონ და ხალიფატს დაემორჩილონ“.

სისხლის სამართლის კოდექსის 330-ე პრიმა მუხლი ნიშნავს, საქვეყნოდ ინფორმაციის გავრცელებას ან სხვაგვარს მიწოდებას ამავე კოდექსის 323-ე 330-ე, 3302-ე და 3311-ე მუხლებით გათვალისწინებული რომელიმე დანაშაულის ჩადენისაკენ მოწოდების მიზნით, თუ ეს ქმედება, მიუხედავად იმისა, შეიცავს თუ არა იგი დანაშაულის ჩადენისაკენ პირდაპირ მოწოდებას, წარმოშობს ასეთი დანაშაულის ჩადენის საფრთხეს, – ისჯება თავისუფლების აღკვეთით ვადით სამიდან ექვს წლამდე. ამ მუხლით გათვალისწინებული ქმედებისათვის იურიდიული პირი ისჯება ლიკვიდაციით ან საქმიანობის უფლების ჩამორთმევით და ჯარიმით.

თამაზ ჭაღალიძე ქვეყნიდან რამდენიმე თვის წინ წავიდა, წასვლის შემდეგ ის ამბობდა, რომ საქართველოში დევდნიდნენ. ექსკლუზიური ინტერვიუ კი მასთან გაზეთ „ბათუმელების“ რედაქტორმა ეთერ თურაძემ ჩაწერა.

რექტორის არჩევნების შედეგი ბათუმის ხელოვნების უნივერსიტეტში

ხუთი – მომხრე, ერთი – წინააღმდეგი – ასეთია რექტორის არჩევნების შედეგი. ერმილე მესხია ამ არჩევნებზე რექტორობის ერთადერთი კანდიდატი იყო. „სამწუხაროდ კონკურენტი არ მყოლია“ – აღნიშნა მან „ბათუმელებთან“.

სტუდენტების მოტივაციის გაზრდა, უცხოელი და ქართველი პროფესორების მოწვევა უნივერსიტეტში, სტუდენტების მხრიდან ლექციების გაცდენათა საკითხის მოგვარება, საჭირო სასწავლო ლიტერატურის მომზადება და სხვადასხვა ტიპის ორგანიზაციული საკითხები – ეს იმ თემების არასრული ჩამონათვალია, რაც რექტორის სამოქმედო გეგმაშია აღნიშნული.

ერმილე მესხია ბათუმის ხელოვნების უნივერსიტეტის რექტორია 2010 წლიდან.

საქართველოს რეგიონებში მოვაჭრეების რაოდენობით აჭარა პირველ ადგილზეა

ბაზრებისა და ბაზრობების ტერიტორიებზე მოვაჭრეების რაოდენობის მიხედვით პირველ ადგილზეა ქალაქი თბილისი (40.2 %), მეორე ადგილზეა აჭარა (12.8 %), მესამეზე კი – იმერეთი (11.9%).

საქართველოში მოვაჭრეების რაოდენობით აჭარა მხოლოდ თბილისს ჩამორჩება, სადაც საბითუმო და საცალო ვაჭრობით 19 983 ადამიანია დაკავებული.

საქართველოში ბაზრების რაოდენობით ლიდერობს თბილისი, სადაც 62 ბაზარია. რეგიონებს შორის პირველ ადგილზეა იმერეთი – 47 ბაზარი, სამეგრელო – ზემო სვანეთი – 24 ბაზარი, კახეთი – 22 ბაზარი.

ბაზრებისა და ბაზრობების ტერიტორიაზე მოვაჭრე ეკონომიკური სუბიექტების ბრუნვის მოცულობის მიხედვით პირველ ადგილზეა ქალაქი თბილისი (54.6 პროცენტი), მეორეზე იმერეთი -15.9 პროცენტით, ხოლო მესამე ადგილზეა აჭარა – 13.3 პროცენტით.

საქართველოს ბაზრებსა და ბაზრობებზე რეალიზებული საქონლის 26.4 პროცენტი სასურსათო საქონელია; 24.3 პროცენტი – ტანსაცმელი და ფეხსაცმელი, 14.8 პროცენტი – ავეჯი, საოჯახო და საყოფაცხოვრებო საქონელი, 11.2 პროცენტი – სამშენებლო მასალები და სანიტარულ-ტექნიკური მოწყობილობები, 9.3 პროცენტი – საიუველირო ნაკეთობები, 5.5 პროცენტი – სატრანსპორტო საშუალებების სათადარიგო ნაწილები.

“მოგზაურობა ძველ ბათუმში“ ინგლისურ ენაზე – საჩუქარი ბათუმში ჩამოსული უცხოელებისათვის

„წიგნის ინგლისურ ენაზე თარგმნა გადაგვაწყვეტინა ჩვენი უცხოელი მეგობრების რეკომენდაციებმა. ტურისტულ ქალაქებში ქალაქის ისტორიის, ღირსშესანიშნაობების შესახებ წიგნების მიმართ ყოველთვის არის ინტერესი. წიგნი დასურათებულია უნიკალური ფოტომასალით, ასე რომ უცხოელ მკითხველს შეუძლია გაეცნოს ქალაქის ისტორიას და ამავე დროს ნახოს, თუ როგორი იყო ძველი ბათუმი. ვფიქრობთ, ბათუმში ჩამოსული ტურისტებისათვის ინგლისურ ენაზე გამოცემული წიგნი ბათუმის შესახებ მნიშვნელოვანი სამახსოვრო იქნება“ – ამბობენ „ბათუმელების“ მარკეტინგის სამსახურში.

წიგნი ინგლისურად ნოე კანკიამ თარგმნა, კრებულის რედაქტორია დეივ ბლოსი.

წიგნის ფასი 50 ლარია.

„მოგზაურობა ძველ ბათუმში“ გაზეთმა „ბათუმელებმა“ 2014 წელს გამოსცა. წიგნი გაზეთ „ბათუმელებში“ სხვადასხვა დროს ძველ ბათუმზე გამოქვეყნებული სტატიებისა და ძველი ბათუმის ქუჩებისა და ისტორიული ფაქტების ამსახველი ფოტოების კრებულს წარმოადგენს. 2014 წლის ბოლოს კი წიგნი ინგლისურ ენაზე ითარგმნა.

2015 წელს კი გაზეთი „ბათუმელები“ ახალ კრებულს გამოსცემს, სახელწოდებით – „ბათომი“, სადაც გაზეთ „ბათუმელების“ ამავე სახელწოდების რუბრიკაში გამოქვეყნებული სტატიები და უნიკალური ფოტომასალა დაიბეჭდება ძველ ბათუმზე.

ვინ იზეიმა ბიუჯეტის ფულით ახალი წელი ქედაში

საახალწლო ღონისძიების გამართვისთვის ელექტრონული ტენდერი ქედის მუნიციპალიტეტის გამგეობამ გასული წლის 12 დეკემბერს 12 700 ლარზე გამოაცხადა. ხელშეკრულება გამარჯვებულ კომპანია შპს „ლუკასთან“ 10 757 ლარზე გაფორმდა. სატენდერო პირობების მიხედვით კომპანიას საზეიმო სუფრის მოწყობასთან ერთად, ქედაში საბავშვო ბაღის აღსაზრდელებისთვის, სულ 700 ბავშვისთვის, ტკბილეული უნდა შეეძინა და 6-8 მეტრი სიმაღლის ნაძვის ხე მოეწყო.

„ბათუმელების“ კითხვას, ვინ იზეიმა სახელმწიფო თანხით მოწყობილ ზეიმზე წინასაახალწლოდ ქედაში და იყო თუ არა საზეიმო სუფრის გამართვის საჭიროება, გამგებლის მოადგილე მამუკა ფარტენაძე ასე პასუხობს:

„ეს იყო წინასაახალწლო ბანკეტი, რომელიც საზოგადოების წევრებისთვის მოეწყო. სუფრა 120 კაცზე იყო გათვლილი და ბანკეტზე დაახლოებით 85 კაცი მოვიდა. 5 წევრი გამგეობიდან იყო: გამგებელი, გამგებლის მოადგილეები და გამგეობის განათლების სამსახურის უფროსი, მოვიწვიეთ საკრებულოს ყველა დეპუტატი (სულ 24), მაგრამ 19 კაცი მოვიდა, გვყავდა ქედის კულტურის ცენტრთან არსებული ბენდის 8 წევრი და ღვაწლმოსილი ადამიანები სოფლებიდან, რომლებიც თემის რწმუნებულების დახმარებით შევარჩიეთ.

ძალიან კარგი შეხვედრა იყო, სუფრას კონცერტის სახეც ჰქონდა, ქედაში იმდენი ღირსეული ადამიანია, რომ ყველას მოწვევა ძნელია, შევეცდებით მომავალში სხვა კატეგორიის ადამიანები დავპატიჟოთ“ – განაცხადა მამუკა ფარტენაძემ.

ქედის მუნიციპალიტეტის საკრებულოს წევრი „ნაციონალური მოძრაობიდან“ ვაჟა ბოლქვაძე ამბობს, რომ ქედის გამგეობა თანხებს არამიზნობრივად ხარჯავს და დასძენს, რომ საჯარო მოხელეების ქეიფისთვის თანხა ბიუჯეტიდან არ უნდა იხარჯებოდეს.

„საკრებულოს სხდომაზე საკრებულოს თავმჯდომარემ თქვა, რომ 28 დეკემბერს დაპატიჟებული ვიყავით წინასაახალწლო ქეიფზე, თუმცა ჩვენ არ მივსულვართ. როცა ტენდერებში ვნახე სუფრის მოწყობა 120 კაცზე იყო გამოცხადებული, გამგებელს ვუთხარი, რომ ამხელა თანხა ქეიფზე არ დახარჯულიყო, თანხა სოციალურად დაუცველი ოჯახებისთვის გამოგვეყენებინა. მან თქვა, რომ იქ სოციალურად დაუცველები იქნებოდნენ.

ღრეობებისა და სუფრების მოსაწყობად თანხა ბიუჯეტიდან არ უნდა იხარჯებოდეს“ – ამბობს ვაჟა ბოლქვაძე.

ახალი წელი ბათუმში – გამოკითხვა

&amp;lt;a href=”https://polldaddy.com/poll/8582275/”&amp;gt;მოგეწონათ თუ არა მერიის მიერ დაგეგმილი საახალწლო ღონისძიებები ბათუმში?&amp;lt;/a&amp;gt;

<a href=”https://polldaddy.com/poll/8582284/”>მოგეწონათ თუ არა საახალწლოდ მორთული ბათუმი?</a>

<a href=”https://polldaddy.com/poll/8582287/”>სად შეხვდით ახალ წელს?</a>

ფიზიკური აქტივობის მნიშვნელობა ხანდაზმული ადამიანებისთვის

75 წლის ზურაბ გოგეშვილი ათეულობით წლებია ყოველ დილით რვა საათზე დგება და ბათუმის ზღვისპირა პარკში გადის სავარჯიშოდ. ის ყოველდღიურად ოთხ კილომეტრს ძუნძულით გარბის და ამბობს, რომ სწორედ ასეთი აქტივობის წყალობით არის ჯანმრთელი: „ადამიანები ფიქრობენ, რომ როცა 60 წელს უახლოვდებიან, ისინი უკვე მოხუცდნენ, რომ ყველაფერი მთავრდება. ან როცა კრიზისული პერიოდი აქვთ, ხელებს ჩამოყრიან ხოლმე, მაგრამ ზოგჯერ, სწორედ ასეთ დროს ადამიანი სწორ გადაწყვეტილებას იღებს, ისე, როგორც მე გავაკეთე თავის დროზე – საკუთარი თავი ხელში ავიყვანე, გავაქტიურდი და ჯანსაღ ცხოვრებას მივჰყე ხელი“.

ჯანმოს მონაცემებით, ფიზიკურად აქტიურ ხანდაზმულებს სიკვდილიანობის უფრო დაბალი მაჩვენებელი აქვთ (იგულისხება გარდაცვალების ყველა ძირითადი მიზეზი, იქნება ეს გულის იშემიური დაავადებები, მაღალი წნევა, ინსულტი, ორივე ტიპის დიაბეტი თუ სწორნაწლავისა და სარძევე ჯირკვლის სიმსივნეები), ვიდრე ფიზიკურად პასიურ ხანდაზმულებს. მათივე ცნობით, ფიზიკური აქტივობა ხანდაზმულებში ამყარებს გულ-სისხლძარღვთა სისტემას, ძვალ-კუნთოვან ქსოვილს, აუმჯობესებს ორგანოთა ფუნქციონალურ მდგომარეობასა და ამცირებს არაინფექციური დაავადებების რისკს.

გერონტოლოგი ტატიანა ზუბიაშვილი ამბობს, რომ ხანში შესული ადამიანები რამდენიმე ასაკობრივ ჯგუფად იყოფიან: 60-75 წლამდე – ხანდაზმულები, 75-დან 90 წლამდე – მოხუცები, 90-დან 100 წლამდე დღეგრძელები და 100 წლის ზემოთ – უხუცესები. შესაბამისად, ფიზიკური აქტივობაც ყველასთვის სხვადასხვა ინტენსივობის უნდა იყოს, თუმცა კონკრეტული რეგულაციები, რა ასაკში რა ხანგრძლივობის აქტივობაა სასურველი, არ არსებობს: „რა ინტენსივობის დატვირთვა უნდა მიიღოს ამ ასაკობრივი კატეგორიის ადამიანებმა, პირველ რიგში, თავად ამ ადამიანების ჯანმრთელობაზეა დამოკიდებული. მნიშვნელოვანია ისიც, თუ როგორ გაატარა ამ კონკრეტულმა პიროვნებამ წინა წლები, რამდენად ნავარჯიშევია და რამდენად შესწევს უნარი ახლა ამა თუ იმ აქტივობის შესასრულებლად“.

გერონტოლოგ ტატიანა ზუბიაშვილის თქმით, პასიური ცხოვრების სტილის მქონე ხანდაზმული ადამიანებისთვის, ფიზიკური დატვირთვა აუცილებელია, რათა მათ დროთა განმავლობაში დამოუკიდებლად გადაადგილების პრობლემები არ შეექმნათ. „იმისთვის, რომ სახსრები არ გაჩერდეს, ხანდაზმულმა თუ მოხუცმა ადამიანმა აუცილებლად უნდა იმოძრაოს. წინააღმდეგ შემთხვევაში ის თანდათან კიდევ უფრო შეიზღუდება და ბოლოს საერთოდ ვეღარ შეძლებს მოძრაობას“, – ამბობს ის.

ზურაბ გოგეშვილის რჩევით, ხანდაზმულმა ადამიანებმა, რომელთაც გადაწყვიტეს ფიზიკურად გააქტიურდნენ, პირველ რიგში საკვების ჭარბი რაოდენობით მიღება უნდა შეწყვიტონ, დალიონ მეტი წყალი (2-3 ლიტრი დღეში) და რაც შეიძლება ხშირად გავიდნენ ბუნებაში სასეირნოდ – „სიარული აუცილებელია ადამიანისთვის, დღეში 20-30 წუთი მაინც. ოთხ კედელში, ეკრანს მიჯაჭვული ადამიანი ვერ იქნება ჯანმრთელი. წარმოიდგინეთ, ადამიანს წამოდგომა უჭირს ტელევიზორთან გატარებული რამდენიმე საათის შემდეგ და მთელი ცხოვრება რომ ზის, ბოლოს შეიძლება საერთოდ ვეღარ ადგეს~ – ამბობს ის. მისივე თქმით სიარულის თუ ნებისმიერი სხვა ფიზიკური აქტივობის დროს აუცილებელია რიტმის დაცვა და სწორი სუნთქვა – „ინტენსიური სიარულისას აუცილებლად უნდა დაიცვათ რიტმი. მაგალითად, ჩასუნთქვა – ორ ნაბიჯზე, ამოსუნთქვა – ორ ნაბიჯზე“.

იმის გათვალისწინებით, რომ ამ ასაკობრივი კატეგორიის ადამიანები, ჯანმრთელობის მდგომარეობიდან გამომდინარე, ხშირად შეზღუდულნი არიან ზოგიერთ ფიზიკურ შესაძლებლობაში, ჯანმო ფიზიკური აქტივობის საერთო რეკომენდაციებს ავრცელებს, რომლის მიხედვითაც 65 წელს გადაცილებულმა ადამიანებმა კვირის განმავლობაში მინიმუმ 150 წუთი უნდა დაუთმონ საშუალო ინტენსივობის (აქტივობის ტემპი ან აქტივობის შესასრულებლად გაწეულ ძალისხმევა) აქტივობას, ან სულ მცირე 75 წუთი – მაღალი ინტენსივობის აქტივობას. საშუალო ინტენსივობის ფიზიკურ აქტივობაში იგულისხმება: სწრაფი სიარული, ცეკვა, მუშაობა სახლში, ბოსტანში, აქტიური თამაშები, სპორტული ვარჯიშები ბავშვებთან ერთად ან სეირნობა შინაურ ცხოველებთან ერთად. მაღალი ინტენსივობის ფიზიკური აქტივობებია: სირბილი, ენერგიული ასვლა სიმაღლეზე (გორებზე), ველოსიპედის სწრაფი ტარება, აერობიკა, სწრაფი ცურვა, სპორტული შეჯიბრებები (ფეხბურთი, ხელბურთი, კალათბურთი) და აქტიური მუშაობა ბაღჩაში. რეკომენდაციის მიხედვით, ფიზიკური აქტივობის თითოეული სეანსი ყველაზე ცოტა 10 წუთს მაინც უნდა გრძელდებოდეს. ხოლო, ის ხანდაზმული ადამიანები, რომელთაც პასიური ცხოვრების სტილი აქვთ ან სხვადასხვა დაავადებების გამო, რაიმე შეზღუდვები გააჩნიათ, ფიზიკურ დატვირთვასთან დაკავშირებით, მარტივი ვარჯიშებითა და მსუბუქი ძალისხმევით, უნდა შეეცადონ „პასიური“ კატეგორიიდან, „აქტიურობის რაღაც ეტაპზე“ მაინც გადავიდნენ.

იმისთვის, რომ ხანდაზმულის ფიზიკური აქტივობა მის შესაძლებლობებს არ გასცდეს, აუცილებელია იმის დადგენა თუ, რამდენად აძლევს მას გულ-სისხლძარღვთა სისტემა შესაძლებლობას, შეასრულოს ესა თუ ის დატვირთვა. საამისოდ სხვადასხვა აქტივობის შემდეგ საჭიროა ხანდაზმულის ჰემოდინამიკური პარამეტრების შემოწმება – „ძალიან ხშირად, როცა პაციენტი კლინიკიდან ეწერება და მკურნალობის შემდეგ თავს კარგად გრძნობს, მას ჰგონია, რომ თოხიც შეუძლია აიღოს ხელში და სხვა სერიოზული ფიზიკური დატვირთვაც შეასრულოს, რაც დაუშვებელია. ფიზიკური აქტივობა აუცილებელია, მაგრამ განზომილად. საჭიროა კონტროლი ოჯახის წევრების მხრიდანაც, რათა მან ზედმეტი არ აიღოს საკუთარ თავზე. ამიტომ, აუცილებელია წნევისა და პულსის ხშირი კონტროლიც“, – ამბობს ტატიანა ზუბიაშვილი.

გარდა ამისა, ამ ასაკობრივი ჯგუფის ადამიანებისთვის რეკომენდებულია წონასწორობის უნარის გასამყარებელი ვარჯიშები, რადგან ტატიანა ზუბიაშვილის თქმით, დაცემა ხანდაზმული ადამიანებისთვის განსაკუთრებულ რისკს წარმოადგენს. დროთა განმავლობაში, ორგანიზმში კალციუმის ცვლის დარღვევის გამო ადამიანებს ოსტეოპოროზი (ძვლების გამოფიტვა) უვითარდებათ, რაც სხვადასხვა გართულების, ბარძაყის ყელის ან სხვა ძვლის მოტეხილობით იჩენს თავს: „ანუ ძვლოვანი სტრუქტურის გასამყარებლად, ორგანიზმში აღარ არის საკმარისი რაოდენობის კალციუმი, რაშიც უამრავი შიგნითა მექანიზმია ჩართული. დაქვეითებულია რეგენერაციის უნარი, დარღვეულია სისხლის მიმოქცევა და, შესაბამისად, ძალიან რთულდება და ზოგჯერ შეუძლებელიც კი ხდება ძვლის სტრუქტურის აღდგენა და შეხორცება ამ ასაკის ადამიანებში“.

ექიმის თქმით, წონასწორობის შესანარჩუნებლად სასარგებლოა კისრის ვარჯიშები, რაც სისხლის მიმოქცევას აუმჯობესებს: „წონასწორობის რეგულაცია, სწორედ თავის ტვინიდან და ყურიდან მოდის, წონასწორობის უკეთ შენარჩუნებისთვის ამ ადამიანებმა შეიძლება გააკეთონ კისრის ვარჯიშები, მაგალითად – ასოების დაწერა კისრის მოძრაობით. თავიდან ეს იქნება ერთი ასო, შემდეგ ორი, სამი და ასე შემდეგ“.

გარდა ამისა, გერონტოლოგის რეკომენდაციით, მძიმე ტრავმების თავიდან ასაცილებლად, 65 წელს გადაცილებული ადამიანებისთვის ფიზიკური აქტივობის გარდა რეკომენდებულია კალცის შემცველი პროდუქტების ყოველდღიური მიღება. ტატიანა ზუბიაშვილის თქმით, ამ ასაკობრივი კატეგორიის ადამიანებმა უნდა მიიღონ დიდი რაოდენობით ცილოვანი პროდუქტები – რძის ნაწარმი და ხორცი: `ყურადღება მინდა გავამახვილო ხაჭოზე, რომელიც კალციუმს დიდი რაოდენობით შეიცავს, – დღეში 200 გრამი ხაჭო სავსებით საკმარისი იქნება იმისთვის, რომ დაიცვას მოხუცი ადამიანის ჯანმრთელობა ზედმეტი გართულებებისგან. ასევე ძალიან კარგია მაწონი, რომელიც დღეგრძელობას უწყობს ხელს, იგი სასარგებლოა როგორც აღმდგენი, ისე საჭმლის მომნელებელი სისტემისთვის“.

გერონტოლოგის თქმით, ხანდაზმული და მოხუცი ადამიანების საკვები აუცილებლად უნდა იყოს მოხარშული ანუ ადვილად მოსანელებელი: „თუ ამ ყველაფერს ყოველდღიურად დავუმატებთ ხილსა და ბოსტნეულს, ეს საუკეთესო რაციონი იქნება მათთვის“.

აჭარაში პოლიციის უფროსი ლეიტენანტი ნარკოტიკების შეძენა-შენახვის ფაქტზე დააკავეს

გენერალური ინსპექციის თანამშრომლებმა დაკავებულის პირადი ჩხრეკისას 5 აბი ნარკოტიკული საშუალება ამოიღეს. შსს-ს ცნობით დაკავებული პოლიციელი აღიარებს ჩადენილ დანაშაულს.

გამოძიება ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სისხლის სამართლის კოდექსის 260-ე მუხლის 1-ლი ნაწილით, რაც სასჯელის სახით თერთმეტ წლამდე ვადით თავისუფლების აღკვეთას ითვალისწინებს). გამოძიებას შს სამინისტროს გენერალური ინსპექცია აწარმოებს.

დენის და წყლის გარეშე ტბეთის ქუჩაზე

აქცია ტბეთის 12 ნომერში

ტბეთის #12-ში მდებარე შენობა აჭარის ფინანსთა და ეკონომიკის ბალანსზეა. ამორტიზებულ შენობაში სოციალურად დაუცველი და მრავალშვილიანი ოჯახები დაახლოებით ერთი წლის წინ შესახლდნენ. შენობას არ მიეწოდება ელექტროენერგია, წყალი, საერთო საპირფარეშოს ფუნქციას კი ეზოში მდებარე, სახელდახელოდ მოწყობილი ნაგებობა ასრულებს. ამ პირობებში ცხოვრობს 20-მდე ოჯახი, ძირითადად მრავალშვილიანები, როგორც აქ ამბობენ, შენობაში 56 ბავშვია, სკოლის მოსწავლეები და მცირეწლოვანები.

„აქ არიან სოციალურად დაუცველები, მრავალშვილიანები, მარტოხელები და ომის ვეტერანები. არასდროს, არავინ არ მიაქცია ყურადღება ამ ხალხს“ – განმარტავს უფლებადამცველი თამაზ ბაკურიძე, რომელიც ამბობს, რომ აქ მცხოვრები ადამიანების პრობლემების შესწავლის თხოვნით არაერთხელ მიმართა მთავრობას: „ვერ მივაღწიეთ იმას, რომ მომხდარიყო კომისიის მიერ ამ ოჯახების მდგომარეობის შესწავლა, ელემენტარულს ვითხოვდით, რომ საარსებო პრობები შექმნილიყო აქ, წყლის შემოყვანას და ელექტროენერგიას“ – ამბობს თამაზ ბაკურიძე.

ადგილზე მცხოვრებნი ამბობენ, რომ აჭარის ფინანსთა სამინისტრო, რომლის ბალანსზეცაა შენობა, არ არის წინააღმდეგი, ენერგოკომპანიამ შეიყვანოს შენობაში დენი. სამინისტროს პოზიციის დამადასტურებელი წერილი ოჯახებმა „ენერგო-პროს“ წარუდგინეს, თუმცა აქ შუქი ამ დრომდე არა აქვთ. „ორი თვეა რაც კომპანიას მივმართეთ, ზუსტი პასუხი არ მიგვიღია ამ დრომდე “ – ამბობს რევაზ დიასამიძე, ტბეთის #12-ში მცხოვრები.

ეზო

„აქ 56 ბავშვი ცხოვრობს, აქ არიან მარტოხელები, ომის ვეტერანები, გვაქვს საერთო საპირპარეშო, წყალი საერთოდ არ გვაქვს, შუქის შემოყვანის ნება ძვლივს დაგვრთეს, მაგრამ არ გვირთავენ. ერთი წელია აქ ვართ. წამოდით და ნახეთ, როგორ პირობებში ვცხოვრობთ, გაუსაძლისი პირობებია“ – ამბობს ლეილა ძირკვაძე.

აქ მცხოვრებნი ამბობენ, რომ მდგომარეობის შესწავლის თხოვნით არაერთხელ მიმართეს ქალაქის მერიას, როგორც საერთო, ისე ინდივიდუალური განცხადებებით, თუმცა ამაოდ. ტბეთის #12-ში ამბობენ, რომ ერთი წლის მანძილზე აქ მცხოვრებთა მდგომარეობით ხელისუფლება არ დაინტერესებულა.

„მერიაში ვწერთ განცხადებებს, ვითხოვთ დახმარებას, მაგრამ არავინ არ გვაქვცევს ყურადღებას. იმდენად გვიჭირს, რომ მუნიციპალური სასადილოთი ვსარგებლოთ და იმით ვარჩენთ ბავშვებს“ – ამბობს ლეილა ძირკვაძე.

„სოფელი მაჭახლიდან ვართ, ეკომიგრანტი ვარ. ოთხი შვილი მყავს. ჩემი შემოსავლის წყარო არის სოციალური დახმარება, ესაა ჩვენი ოთხი შვილის საჭმლის ფული, სანამ დახმარება მოდის, ნისიად ვიღებთ საჭმელს, მოვა დახმარება და ვალებში ვანაწილებ“ – ამბობს დიანა ცეცხლაძე, რომელიც ერთ ოთახში მეუღლესთან და ოთხ შვილთან ერთად ცხოვრობს, წყლისა და ელექტროენერგიის გარეშე.

პატიმრის გადაყვანას ციხიდან სამკურნალო დაწესებულებაში ითხოვენ

პატიმრის ადვოკატი მარინა კაკაურიძე „ბათუმელებთან“ ამბობს, რომ დაახლოებით ათი დღის წინ მისი დაცვის ქვეშ მყოფის შესახებ სამედიცინო დასკვნა მიიღო. მისივე ინფორმაციით, სამხარაულის ეროვნული ბიუროს ექსპერტების მომზადებულ დასკვნაში წერია, რომ „ბრალდებულს ორგანული ნერვული აშლილობა აქვს დეპრესიის ფონზე“. ეს დიაგნოზი ბრალდებულს სისხლის სამართლებრივი პასუხისმგებლობისგან არ ათავისუფლებს.

ექსპერტიზის დასკვნა ადვოკატმა მეშვიდე დაწესებულების დირექტორს, შოთა ტრაპაიძეს გასულ კვირას გაუგზავნა. ადვოკატმა მიმართა ასევე სასჯელაღსრულების სამედიცინო დეპარტამენტის უფროსს, თამთა დემურიშვილს, მაგრამ პასუხი ჯერ არ მიუღია. ადვოკატის თქმით, ექსპერტიზის დასკვნაში წერია, რომ ბრალდებულს ექიმ-ფსიქიატრის მუდმივი მეთვალყურეობა ესაჭიროება. შესაბამისი მედპერსონალი კი მეშვიდე დაწესებულებას არ ჰყავს.

საქართველოს სასჯელაღსრულებისა და პრობაციის სამინისტროს განმარტებით, ბრალდებულის სამედიცინო დასკვნა უწყებამ 2015 წლის 8 იანვარს მიიღო, ადვოკატს კი კანონით დადგენილ ათი დღის ვადაში უპასუხებენ. რაც შეეხება ამ დროისთვის პატიმრის ჯანმრთელობის მდგომარეობას, უწყების პრესსამსახურში განმარტავენ, რომ ეს პატიმრის პირადი ინფორმაციაა და ამის შესახებ ინფორმაციას ვერ მოგვაწვდიან.

პატიმარი გასულ წელს სასჯელს ბათუმის მესამე დაწესებულებაში იხდიდა. ოფიციალური ინფორმავიით, ამ დაწესებულებაში ყოფნის დროს მას სხეულზე მიყენებული სხვადასხვა თვითდაზიანების გამო 80-ზე მეტი ნაკერი ედო. ამის შემდეგ პატიმარი თბილისში გადაიყვანეს. მას რამდენიმე დღის განმავლობაში ექსპერტები აკვირდებოდნენ. ოჯახის წევრებისა და ადვოკატის ინფორმაციით, თვითდაზიანების ფაქტზე გამოძიება არ დაწყებულა.

რამდენიმე კვირის წინ პატიმარს აკრძალული ნივთის უკანონო შენახვაზე წარუდგინეს ბრალი. საბრალდებო დასკვნის თანახმად, ბადრაგმა შემოწმებისას მას მუჭში აღმოუჩინა სამართებელი, რაც დაფიქსირებულია სათვალთვალო კამერით. ადვოკატის მტკიცებით, იმავე საბრალდებო დასკვნაში ბადრაგები ყვებიან, რომ პატიმრის ჩხრეკა (მისი გაშიშვლება და დათვალიერება) მოხდა დაწესებულებაში, პირველი სართულის „კიბის უჯრედთან“, სადაც ვიდეოთვალი დამონტაჟებული არ არის.

ამ ეტაპზე ადვოკატს არ აქვს მტკიცებულება, რის საფუძველზე წარუდგინეს პატიმარს ბრალი. გამომძიებელმა ჯერჯერობით ვერ უზრუნველყო მტკიცებულების მიწოდება დაცვის მხარისთვის. „მე მივედი მასთან, მივიტანე მეხსიერების ბარათი, რაშიც უნდა ჩაეწერა გამომძიებელს სათვალთვალო კამერიდან ამოღებული მტკიცებულება, თუმცა გამომძიებელმა მითხრა, რომ მეხსიერების ბარათი არ გაიხსნა და მოგვიანებით მტკიცებულების დისკით მოწოდებას შემპირდა“, – ამბობს ადვოკატი.

მუჭში აღმოჩენილი სამართებლის საქმეზე სასამართლო პროცესი 26 იანვარსაა ჩანიშნული. პროცესამდე რამდენიმე დღით ადრე დაცვისა და ბრალდების მხარე ვალდებული არიან ერთმანეთს საქმეში არსებული მტკიცებულებები გაუცვალონ.

ხულოს თეატრში თანამშრომლები დაითხოვეს

„დასში გასულ წელს 16 მსახიობი ირიცხებოდა, წელს უკვე აღარ ვიცი რამდენი დარჩება. ეს ორ დღეში მეცოდინება, როცა სამინისტროსთან ახალ ბიუჯეტს შევათანხმებ. მათ, ვისაც ბოლო ოთხი-ხუთი წლის განმავლობაში არაფერი გაუკეთებია, ხელშეკრულებებს ვერ გავუფორმებთ“-განაცხადა სამხატვრო ხელმძღვანელმა.

როინ სურმანიძის თქმით, ასეთი მსახიობი ორია. „გარდა ამისა, არის გარკვეული პროფესიული მოთხოვნებიც“-ამბობს ის.

სამხატვრო ხელმძღვანელის განცხადებით, ყოფილ თანამშრომელთა უფლებები არ დაირღვევა.

ხულოს თეატრის წლიური ბიუჯეტი 209 500 ლარი იყო, აქედან, 165 თანამშრომელთა ხელფასებზე დაიხარჯა. გასულ წელს დასმა სამი სპექტაკლი დადგა.

მილოცვა მზია მაკარაძეს ჯარში მყოფი შვილისგან

ჩემო განუმეორებელო, ვერცკი წარმოიდგენ როგორ მიყვარხარ და მთელი გულით მინდა მუდამ ბედნიერს და გაღიმებულს გხედავდე.

დედაო ჩემო ყოვლის შემძლე, ძლიერო გილოცავ. მინდა მუდამ მყავდე ჩემს გვერდით, მეამაყები ესეთი კარგი ლამაზი და გამგებიანი მყავხარ. მიყვარხარ, ეს შემიძლია უამრავჯერ გითხრა, მართლია შორიდან მაგრამ მთელი გულით.

“დედავ შინ” შენი ლაშიკო

გაკოცე გულში დე…

რომან კაჭარავას გახსენება

დღეს უკვე თითქმის ერთი წელი გავიდა რაც ის ქვეყანას, თავის ოჯახს, ქალაქს აღარ ამშვენებს თავისი ვაჟკაცობით, მართალი სიტყვით, სიკეთით, თავისი ღირსეული მოქალაქეობრივი თვალთახედვით. სწორედ ამიტომ, როგორც დიდი შოთა რუსთაველი ამბობს, შენი სულნი ზეცას რბიან – ზეციურმა საქართველოს მართლმადიდებელმა ეკლესიამ სამუდამოდ ქრისტე ღმერთის საუფლოში დაგასახლა, ალბათ, იქედან უფრო კარგად ჩანს კაცობრიობის განვლილი გზა, საქართველოს და ქართველების დიდებული წარსული.
სოცოცხლეშივე როგორც ჩინებულმა სპორცმენმა ერთგულად ემსახურე სამშობლოს. რამდენი ახალგაზრდა სამშობლოსა და ცხოვრების ჭეშმარიტ მსახურად, ხელი და გული გაგიწვდიათ.
ბატონი რომანი იყო პიროვნება, რომელიც ღირსეულად დადიოდა ამ ქვეყნად და ვალმოხდილი წავიდა სამარადისო სასუფეველში. ჩვენ კი თქვენი ჭირისუფალნი – ყოველთვის მოგიგონებთ, როგორც ჭეშმარიტ და დიდებულ მამულიშვილს.
ღმერთმა ნათელში ამყოფოს თქვენი სული, ბატონო რომან, აწ და მარადის უკუნითი უკუნისამდე ამინ!

თქვენი მეგობრები,
ბათუმის საზოგადოებრივი აკადემიის
თანამშრომლების სახელით
პროფესორი ბადრი გეჩბაია

ძმები გრიმების “ზღაპრების სამყარო” ბათუმში

1812 წელს ძმები გრიმების ზღაპრების ცნობილი კრებული გამოიცა. ამ თარიღის იუბილესთან დაკავშირებით გოეთეს ინსტიტუტი მთელ მსოფლიოში წარმოადგენს სპეციალურად შექმნილ ინტერაქტიულ გამოფენას “ზღაპრის სამყარო”, რომელიც ძირითადად განკუთვნილია ბავშვებისა და ახალგაზრდებისათვის, თუმცა უფროსებისთვისაც საინტერესო სანახაობას წარმოადგენს.

მინსკისა და კიევის შემდეგ გამოფენა საქართველოში მოგზაურობს.

გამოფენა „ზღაპრების სამყარო“ შვიდ თემატურ ნაწილს მოიცავს: გმირი ქალები ზღაპრებში; გმირი მამაკაცი ზღაპრებში; ბოროტი პერსონაჟები; ცხოველთა სახეები; მაგია და ჯადოქრობა; საშიში ჟრუანტელი; დავალებები და გამოცდები.

გამოფენაზე გაეცნობით გრიმების ბიოგრაფიას, ზღარების წარმოშობის ისტორიასა და ზღაპრის ენის სპეციფიკას.

გამოფენა ბათუმის თანამედროვე ხელოვნების სივრცეში 5 თებერვლამდე გაგრძელდება.

ქობულეთის ბაღებიდან თანამშრომლები გაათავისუფლეს

ბაღების გაერთიანების უფროსის, ია ხალვაშის თქმით, ოთხი ბაღიდან 11 თანამშრომელი დაითხოვეს.

„მთელი წლის განმავლობაში ბაღები დაკვირვების პროცესში გვყავდა – ვინ როგორ ასრულებდა დაკისრებულ დავალებას და იქიდან გამომდინარე მივიღეთ გადაწყვეტილება. ბაღების ყველა თანამშრომელს 31 დეკემბერს შეუწყდა ხელშეკრულება. №3, №4, №5 და სოფელ ხალას საბავშო ბაღებიდან 11 თანამშრომელს აღარ გავუგრძელეთ ხელშეკრულება“.

ია ხალვაშის განმარტებით თანამშრომლები სარეზერვო ჯგუფიდან გამოცდილების მიხედვით 5 იანვარს ჩაანაცვლეს:

„წესდებაში ცვლილებები შევიტანეთ, რომ ბაღში პედაგოგის, ძიძას თუ ნებისმიერი თანამშრომლის ჩანაცვლება აუცილებლად უნდა იყოს შეთანხმებული ხელმძღვანელთან. მე უნდა ვიცოდე მისი მონაცემები, რა განათლება, რა პერსპექტივა აქვს, რომ ბაღში ბავშვებთან შეიძლებოდეს მისი შესვლა. ამიტომ შევქმენით სარეზერვო ჯგუფი, რომლიდანაც საჭიროების შემთხვევაში გადავამისამართებდით ნებისმიერ ბაღში“ – აცხადებს ია ხალვაში.

დამატებითი კითხვებს, როდის და რა კრიტერიუმებით შეიქმნა სარეზერვო ჯგუფი? ვინ შეარჩია ამ ჯგუფიდან თანამშრომლები და რა მეთოდით? ია ხალვაში „ბათუმელების“ ამ კითხვებს არ პასუხობს. მან გვთხოვა, რომ ოფიციალური წერილით მივმათოთ და ის ერთი კვირის განმავლობაში შეგვპირდა ინფორმაციის მოწოდებას.

ქობულეთის მუნიციპალიტეტის საბავშვო ბაღების გაერთიანება 400-მდე თანამშრომლით 16 ბაღს მოიცავს.

იურიდიული კომისიის ახალი თავმჯდომარე ხელვაჩაურის საკრებულოში

ჯუმბერ ბერიძემ ასლან კახიძე ჩაანაცვლა, რომელიც საკრებულოში ირაკლი ალასანიას პარტიის „თავისუფალი დემოკრატების“ კვოტით მოხვდა. ის თანამდებობიდან ამ პარტიის ოპოზიციაში წასვლის შემდეგ გადააყენეს.

ვახტანგ ლორთქიფანიძე ამ დრომდე საკრებულოს იურიდიული კომისიის მოადგილის თანამდებობაზე იყო არჩეული, კომისიის თავმჯდომარის საკრებულოს თავმჯდომარედ დაწინაურების შემდეგ კი ვახტანგ ლორთქიფანიძე ამ თანამდებობაზე მოვალეობის შემსრულებლად მუშაობდა.

ვახტანგ ლორთქიფანიძე ამბობს, რომ გახდება თუ არა ის საკრებულოს იურიდიული კომისიის თავმჯდომარე, ამაზე წინასწარ პროგნოზის გაკეთება არ შეიძლება, რადგან შესაძლოა საინიციატივო ჯგუფებმა სხვა კანდიდატებიც დაასახელონ და კენჭისყრის შემდეგ გამარჯვება მას სულაც არ დარჩეს. თუმცა „ბათუმელების“ ინფორმაციით, მას ფრაქცია „ქართული ოცნება“ მხარს დაუჭერს.

ვახტანგ ლორთქიფანიძე პროფესიით იურისტია და საკრებულოში არჩევამდე, 2009-2014 წლებში ქედის სოციალური მომსახურების სააგენტოში მთავარ სპეციალისტად მუშაობდა.

ხელვაჩაურის საკრებულო უფლებამოსილების ხარჯის გაზრდაზე მსჯელობს

საკრებულოს სხდომა რამდენიმე წუთში დაიწყება. იმაზე, თუ ვინ რამდენს მიიღებს ცვლილებების შემდეგ ყოველთვიურად, „ბათუმელების“ კითხვებს ხელვაჩაურის საკრებულოს იურიდიული კომისიის თავმჯდომარის მოვალეობის შემსრულებელი, ვახტანგ ლორთქიფანიძე პასუხობს.

ბატონო ვახტანგ როგორც ვიცი, ამ მოწვევის საკრებულომ ერთხელ უკვე გაზარდა უფლებამოსილების ხარჯი. ამჯერად რას გეგმავს საკრებულო?

არა, ასე არ არის, არ გაგვიზრდია ნამდვილად. საკითხი იყო დღის წესრიგში, მაგრამ დღის წესრიგიდან ამოვიღეთ. საკრებულოს წევრის უფლებამოსილების ხარჯი ხუთასი ლარია, ხოლო საკრებულოს თანამდებობის პირები უფლებამოსილების ხარჯის სახით დამატებით 230 ლარს იღებდნენ. 28 ნომებრიდან, მას შემდეგ, რაც ცვლილება შევიდა კოდექსში, ამ თანხას საკრებულოს თანამდებობის პირები აღარ იღებენ.

ცვლილების შემდეგ ვინ რამდენს მიიღებს?

ცვლილება ითვალისწინებს იმას, რომ საკრებულოს თანამდებობის პირები 230 ლარს, რაც არის უფლემოსილების ხარჯი, ვეღარ ავიღებთ და ავიღებთ მხოლოდ ხელფასს. საკრებულოს კომისიის თავმჯდომარის ხელფასი არის 1330 ლარი.

და გამომდინარე იქედან, რომ უფლებამოსილების ხარჯი მოგაკლდათ ხელფასების გაზრდას გეგმავთ, როგორც ეს ბათუმის საკრებულოში გადაწყვიტეს?

არა. ხელფასი ეზრდება მხოლოდ საკრებულოს იმ წევრს, რომელიც არ არის თანამდებობის პირი. ნამატი იქნება 200 ლარი, ანუ ნაცვლად ხუთასისა, რიგითი საკრებულოს წევრი შვიდას ლარს მიიღებს. ფაქტობრივად, ამის გამო ბიუჯეტში დამატებითი თანხის გათვალისწინება არც კი იქნება საჭირო, ის თანხა გადანაწილდება, რომელსაც თანამდებობის პირები უფლებამოსილების ხარჯის ანაზღაურების სახით ვიღებდით.

საიას აჭარის ფილიალის ყოფილი ხელმძღვანელი ომბუდსმენის აპარატში გადავიდა

გია ქარცივაძე საიას აჭარაში ორი წელი ხელმძღვანელობდა, ახალგაზრდა იურისტთა ასოციაციაში კი ექვსი წელი მუშაობდა. საიას თავმჯდომარის პოსტზე უფლებამოსილება მას გასული წლის ბოლოს ამოეწურა და სახალხო დამცველის აპარატში მუშაობა პირველი იანვრიდან დაიწყო. მან კონკურსში მიიღო მონაწილეობა.

საიას ახალ თავმჯდომარეს აჭარაში სავარაუდოთ ხვალ დაამტკიცებენ.

შინაგან საქმეთა სამინისტრო სერიალს გადაიღებს

შინაგან საქმეთა სმინისტრომ შესაბამისი ელექტრონული ტენდერი გუშინ გამოაცხადა. წინადადების მიღება 28 იანვარს დაიწყება და 2 თებერვალს დასრულდება. ყველაზე დაბალი ფასის მქონე პრეტენდენტმა ელექტრონული ვაჭრობის დასრულებისთანავე (იმავე დღეს) უნდა წარადგინოს ერთი სერიის (15-წუთიანი) სატელევიზიო საპილოტო ვერსია DVD ფორმატში 2 ეგზემპლარად.

სატენდერო პირობების თანახმად, სატელევიზიო საპილოტო ვერსია უნდა მოიცავდეს:

ორიგინალურ სათაურს, თემატიკას, ფორმატს, გადაღების პრინციპებს, მუსიკალურ გახმოვანებას, ორიგინალურ გრაფიკას, გადაცემის ქუდს, პრომოს, ტიხრებს, ტიტრებსა და შესაბამის ე.წ. “პლაშკებს”.

აღნიშნული ნიმუშის გადაღებისათვის შესაძლებელია რომ პრეტენდენტი დაუკავშირდეს შინაგან საქმეთა სამინისტროს წინადადების მიღების დაწყებამდე ნებისმიერ დროს და სამინისტრო უზრუნველყოფს გადამღები ჯგუფის დაშვებას საპატრულო ეკიპაჟთან 8-საათიანი სამუშაო გრაფიკის განმავლობაში. ამასთან, გადაღებული მასალა არ უნდა იქნას გამოყენებული სხვა მიზნებისათვის და უზრუნველყოფილი უნდა იქნას გადაღებული მასალის შენახვისა და დაცვის სათანადო პირობები.

სატენდერო დოკუმენტაციაში აღნიშნულია, რომ დოკუმენტური, რეალურ ისტორიებზე დაფუძნებული სერიალი უნდა შედგებოდეს 110 ეპიზოდისგან, საპატრულო პოლიციის ეკიპაჟების ყოველდღიური მუშაობის შესახებ როგორც კრიმინალთან და ორგანიზებულ დანაშაულთან კონფრონტაციისას, ასევე მოქალაქეების ყოველდღიური პრობლემების გადაწყვეტისას;

სამინისტროს მოთხოვნებშია ასევე, რომ ყოველი ეპიზოდი სამუშაო დღის შესახებ აღწერდეს როგორც ამ კონკრეტულ პერიოდში მომხდარ მნიშვნელოვან შემთხვევებს, ასევე იმ მოკლე მომენტებსაც, როდესაც ეკიპაჟის წევრები განიხილავენ გარემოებებს, გეგმავენ ჩარევას, ან საშუალება ეძლევათ დაისვენონ და ერთმანეთს გაესაუბრონ მომხდარის შესახებ;

ეპიზოდის სტრუქტურა, თანამიმდევრობა და თემატიკა წინასწარ უნდა იყოს შეთანხმებული სამინისტროსთან;

ეპიზოდები გადაღებული უნდა იყოს, როგორც თბილისში ასევე რეგიონებში (არაუმეტეს 5 ქალაქში შემსყიდველთან შეთანხმებით);

სერიალს თან უნდა ახლდეს ორიგინალური მუსიკა (სპეციალურად სერიალისთვის დაწერილი მუსიკა) და შეფუთული უნდა იყოს სპეციალურად დამზადებული კომპიუტერული გრაფიკით, ვიდეოსთვის ორიგინალური ფორმის/დინამიკის მისაცემად, ორიგინალური კომპიუტერული გრაფიკის გამოყენებით, სპეციალურად გადაცემისთვის უნდა დამზადდეს გადაცემის ქუდი, პრომო, ტიხრები, ტიტრები, შესაბამისი “პლაშკები”;

სერიალისთვის შემსყიდველთან შეთანხმებით შერჩეული უნდა იქნას შესაბამისი სახელწოდება;

შემსყიდველთან შეთანხმებით, სერიალის ერთი ან რამდენიმე სერია უნდა იყოს წარდგენილი ეროვნულ ან საერთაშორისო კონკურსზე.

დამზადებული სერიალი შესაბამისობაში უნდა იყოს „მაუწყებლობის შესახებ” საქართველოს კანონის, „რეკლამის შესახებ” საქართველოს კანონის, ამ კანონის შესაბამისად მიღებულ ნორმატიულ აქტებსა და სხვა საკანონდებლო აქტების მოთხოვნებთან;

გადაღებული სერიალების შეუფერხებლად გამოყენებისა და ჩვენების მიზნით შსს-ს მიერ სერიალების მიღება ნიშნავს, რომ მას გადაეცა ყველა სახის განსაკუთრებული საავტორო და მომიჯნავე უფლებები.

ახალი მარწყვი 11 თვის განმავლობაში – კოოპერატივების თანადაფინანსება აჭარაში

დღეის მდგომარეობით მარწყვის კულტურის განვითარებას, როგორც სამინისტროში აღნიშნავენ, დიდწილად აფერხებს დაბალხარისხიანი ჯიშები, მოვლა–მოყვანის ტექნოლოგიების ცოდნის დაბალი დონე და წვრილი ოჯახური მეურნეობები, სადაც გართულებულია თანამედროვე ტექნოლოგიების დანერგვა–განხორციელება. შესაბამისად, გათვალისწინებულია სასოფლო–სამეურნეო კოოპერატივებისთვის საწარმოო და ტექნოლოგიური სიახლეების დანერგვის ხელშეწყობა, ამ კონკრეტულ შემთხვევაში, სასათბურე მეურნეობებში მარწყვის კულტურის წარმოების მიმართულებით. ამიტომაც, გრძელვადიან პერიოდში მარწყვის მოყვანისათვის საჭიროა ახალი რემონტატული და სუპერ საადრეო ჯიშების გავრცელება და ასევე თანამედროვე აგროტექნიკური ღონისძიებების დანერგვა, სათბურში მარწყვის წარმოების განვითარების გზით.

აჭარის ტერიტორიაზე შერჩეულ სასოფლო-სამეურნეო კოოპერატივებს პროგრამის ფარგლებში გადაეცემათ:

1) 200 კვ.მ–იანი სათბურის კონსტრუქცია (პოლიეთილენის ფირით, მულჩფირით, 2 ტონიანი სარწყავი ავზით, წვეთოვანი სარწყავი მილებით, წყლის საქაჩი ტუმბოთი).

2) ორგანული სასუქი (ბიოჰუმუსი);

3) მარწყვის მაღალხარისხიანი ჩითილები;

4) სამაცივრე კამერები.

სასოფლო-სამეურნეო კოოპერატივი თავისი თანამონაწილეობის ფარგლებში შეასრულებს ყველა იმ სხვა სამუშაოებს, რაც დაკავშირებული იქნება სასათბურე მეურნეობის საბოლოო მოწყობასთან, კერძოდ:

კოოპერატივის ტერიტორიაზე სათბურებისათვის ადგილის შერჩევა და მომზადება, სათბურის საძირკვლის მოწყობა ბეტონით, კონსტრუქციის მონტაჟი, სათბურის საწარმოო საშუალებებით ელექტრო ენერგიითა და სარწყავი წყლით სტაბილური უზრუნველყოფა.

ქვეპროგრამით მოსარგებლე კოოპერატივმა, ასევე უნდა უზრუნველყოს სამაცივრე დანადგარის მონტაჟისათვის საჭირო ტერიტორიის მოწყობა. შესრულებული სამუშაოების მონიტორინგი განხორციელდება სამინისტროს მიერ.

კოოპერატივებზე გადასაცემი სათბურებისა და სამაცივრე დანადგარების ადგილის შერჩევას და ბენეფიციართა (სასოფლო–სამეურნეო კოოპერატივი) შერჩევას, შესაბამისი განცხადებებისა და წარმოდგენილი წინადადებების საფუძველზე, განახორციელებს აჭარის ავტონომიური რესპუბლიკის სოფლის მეურნეობის სამინისტროს შესაბამისი კომისია.

შესყიდული საქონელი/მომსახურება სასოფლო–სამეურნეო კოოპერატივებზე გაიცემა, მხოლოდ იმ შემთხვევაში, თუ კოოპერატივის კერძო საკუთრებაში რეგისტრირებული აქვს კენკროვანი ხილის სასათბურე მეურნეობის ამოქმედებისათვის მინიმუმ 500 კვ/მ მიწის ნაკვეთი.

ასევე ქვეპროგრამით გათვალისწინებული ღირებულების 20%–ის თანაგადახდის საფუძველზე, სადაც წინასწარ გამოყენებული იქნება საბანკო გარანტია. კოოპერატივზე ქონების გადაცემა განხორციელდება კოოპერატივის მიერ გადასახდელი წილის, ბიუჯეტის შესაბამის ანგარიშზე გადახდის შემდეგ.

მთლიანობაში წელს, 23 კოოპერტივს გადაეცემა ამდენივე სათბურის კონსტრუქცია, სამაცივრე კამერა, 69 ტონა ორგანული სასუქი, 34 500 ძირი მარწყვის მაღალხარისხიანი ჩითილი. შედეგად, თანამედროვე ტექნოლოგიებით 0,46 ჰა-ზე 28 ტონა მრწყვის წარმოება უნდა გახდეს შესაძლებელი.

2013 წლიდან დღემდე, აჭარაში 10 კოოპერატივში თანადაფინანსების პრინციპით უკვე მოეწყო 1 ჰა მოცვის, 2 ჰა ვენახისა და 2 ჰა კაკლის სადემონსტრაციო ნაკვეთები. კოოპერატივებში საწარმოო–სამეურნეო მიმართულება დარგობრივად სხვადასხვა მიმართულებისაა და ძირითადი პროფილი მეცხოველეობის, ან მრავალწლიან კულტურათა განვითარებაზეა ორიენტირებული.

სასოფლო-სამეურნეო კოოპერატივებში სასათბურე ტექნოლოგიების დანერგვის გზით, მარწყვის კულტურის წარმოების განვითარების ხელშეწყობის მიზნით, 2015-2018 წლებში დღევანდელი მონცემებით 2 497 400 ლარია გათვალისწინებული.

2018 წლამდე სამინისტროს გათვლებით, მოქმედებაში შევა 200 კვ/მ–იანი 90-ზე მეტი მარწყვის სათბური, რომლებშიც საშუალოდ წლიურად წარმოებული იქნება 120 ტონამდე მარწყვი.

„ბათუმი თაუერის“ გასხვისებას „ნაციონალები“ აპროტესტებენ

საპროტესტო აქცია „ბათუმი თაუერის“ წინ

„ივანიშვილის ახირებაა, რომ ბათუმს არ უნდა ჰქონდეს ტექნოლოგიური უნივერსიტეტი“-განაცხადა ბათუმის საკრებულოს წევრმა „ნაციონალური მოძრაობიდან“ გიორგი კირთაძემ. მისი განცხადებით, ხელისუფლებაში გადაწყვეტილებების მიმღები პირი ისევ ყოფილი პრემიერ-მინისტრია, „ამიტომ, ჩვენი განცხადებებიც სწორედ მისი მისამართითაა“-ამბობს ის.

აქციის მონაწილე „ნაციონალური მოძრაობის“ წევრები ამბობენ, რომ ისინი ხელისუფლებას აიძულებენ, უარი თქვას ტექნოლოგიური უნივერსიტეტის შენობის გასხვისებაზე.

„აშენებულ უნივერსიტეტში სასტუმროს გასხნას ჯობია, თუ მართლა არსებობს ასეთი ინვესტორი, ვინც 50 მილიონის დახარჯვას აპირებს, სხვა ადგილზე ააშენებინონ სასტუმრო“.

„ბათუმი თაუერის“, შემდგომში კი ტექნოლოგიური უნივერსიტეტად წოდებული შენობის მშენებლობა ბათუმში 2011 წელს დაიწყო. საქართველოს ეკონომიკის სამინისტრომ 4504 კვ/მ მიწის ნაკვეთი ბათუმის ბულვარში საქართველოს რკინიგზის შვილობილ კომპანია “რეილვეი ფროფერთი მენეჯმენტს” საჩუქრად გადასცა, რის შემდეგაც კომპანია „რეილვეი ფროფერთი მენეჯმენტმა“ მშენებლობა დაიწყო.

„ბათუმი თაუერის“ მშენებლობა საპროტესტო აქციების ფონზე მიმდინარეობდა, რადგან მოსახლეობა და არასამთავრობო სექტორი ბულვარში, რომელიც კულტურული მემკვიდრეობის ძეგლს წარმოადგენს, მაღლივი მშენებლობის დაწყებას მშენებლობის ნებართვის გარეშე ეწინააღმდეგებოდა.

შენობა 2012 წელს ყოფილმა პრეზიდენტმა მიხეილ სააკაშვილმა გახსნა.

ხელისუფლების ცვლილების შემდეგ „ბათუმი თაუერი“ უფუნქციოდ დარჩა.

კინოაფიშა დღეს

12:00 საათზე – ცელქი ბავშვები 2 – ფასი 7 ლარი

13:20 საათზე – ყინულის დედოფალი 2 3D – ფასი 8 ლარი

15:20 საათზე – ახალ წელს დაკარგულები – ფასი 8 ლარი

17:00 საათზე – ცელქი ბავშვები 2 – ფასი 8 ლარი

19:00 საათზე – მოსე: ღმერთები და მეფეები 3D – ფასი 9 ლარი

22:00 საათზე – მოსე: ღმერთები და მეფეები 3D – ფასი 9 ლარი

ამ ფილმების ჩვენება, ამავე განრიგით 14 იანვრამდე გაგრძელდება

სტაჟირება უცხოეთში

ქვეპროგრამის მიხედვით, მასში მონაწილეობის უფლება აქვს აჭარის ტერიტორიაზე მცხოვრებ 18-დან 32 წლამდე ასაკის, მოქალაქეს, რომელსაც აქვს პროფესიული ან უმაღლესი განათლების დამადასტურებელი დიპლომი და ფლობს იმ ქვეყნის სახელმწიფო ენას, სადაც სტაჟირებას გაივლის.

სტაჟირების პერიოდი, რომლის ხანგრძლივობა 3-დან 7 თვემდეა, მოიცავს ერთთვიან უცხო ენის ინტენსიურ კურსს, პროფესიულ პრაქტიკას პროგრამის მონაწილე ევროპის რომელიმე რეგიონის კერძო ან საჯარო სტრუქტურაში და მიმღები რეგიონის მიერ შემუშავებულ კულტურულ პროგრამას.

სტაჟიორი ფინანსდება მასპინძელი რეგიონის ბიუჯეტიდან და აკომოდაციისა (შეწყობა/შეთანხმება) და კვების ხარჯების დაფარვის მიზნით, მიიღებს ყოველთვიურ სტიპენდიას 700-დან 800 ევრომდე. სტაჟიორი დაზღვეული იქნება ევროპის რეგიონთა ასამბლეის მიერ. მიმღები რეგიონი არ აანაზღაურებს სტაჟიორის მგზავრობისა და ვიზის ხარჯებს.

ქვეპროგრამა ემყარება ახალგაზრდების ურთიერთგაცვლის პრინციპს, აქედან გამომდინარე, აჭარის რეგიონში 3-თვიანი ვადით მოწვეულ იქნება 2 უცხოელი სტაჟიორი.

ქვეპროგრამაში მონაწილეობის მსურველმა რეგისტრაციისათვის აჭარის ავტონომიური რესპუბლიკის განათლების, კულტურისა და სპორტის სამინისტროში უნდა წარადგინოს შემდეგი დოკუმენტაცია:

განცხადება მინისტრის სახელზე;

სამინისტროს მიერ შემუშავებული სპეციალური სააპლიკაციო ფორმა;

საერთაშორისო პასპორტისა და პირადობის მოწმობის ასლი;

მოქალაქის საცხოვრებელი მისამართის რეგისტრაციის დამადასტურებელი დოკუმენტი;

განათლების დამადასტურებელი დიპლომის ნოტარიულად დამოწმებული ასლი. უცხოეთში გაცემული საგანამანთლებლო დოკუმენტის შემთხვევაში – აღიარების დამადასტურებელი დოკუმენტის ნოტარიულად დამოწმებული ასლი;

ერთი ფერადი ფოტოსურათი (3X4).

ქვეპროგრამაში მონაწილეობის მიზნით წინა წლებში დარეგისტრირებული პირები, რომელთა კანდიდატურა მაღალი საკონკურსო პირობების გამო ვერ შეირჩა პარტნიორი რეგიონების მიერ, ხელახალი რეგისტრაციისათვის წარადგენენ მხოლოდ განცხადებას. საჭიროების შემთხვევაში სამინისტრო უფლებამოსილია მოსთხოვოს აპლიკანტს დამატებითი დოკუმენტაციის წარდგენა.

აპლიკანტთა შერჩევა განხორციელდება 2 ეტაპად:

პირველ ეტაპზე, სამინისტროში დარეგისტრირებულ აპლიკანტთა პირად საქმეს შეისწავლის მინისტრის ბრძანებით შექმნილი შესარჩევი კომისია. კომისია განიხილავს წარმოდგენილი დოკუმენტაციის შესაბამისობას ქვეპროგრამით დადგენილ მოთხოვნებთან და აპლიკანტთან ზეპირი გასაუბრების საფუძველზე ამოწმებს მათ მოტივაციას და უცხო ენის ცოდნის დონეს.

კომისიის გადაწყვეტილებით, პირველ ეტაპზე შერჩეულ კანდიდატს, უფლება ეძლევა დარეგისტრირდეს პროგრამა ევროოდისეას ვებ-გვერდის (www.eurodyssee.eu) მეშვეობით, სააპლიკაციო ანკეტის განთავსების გზით. კომისიის თავმჯდომარე უზრუნველყოფს კანდიდატის სააპლიკაციო ანკეტის გადაგზავნას პროგრამის ფარგლებში არსებულ ვაკანსიებზე.

მეორე ეტაპზე, მიმღები რეგიონის კოორდინატორი, შეისწავლის კანდიდატის სააპლიკაციო ანკეტას და მასთან სატელეფონო გასაუბრების საფუძველზე იღებს საბოლოო გადაწყვეტილებას სტაჟიორის შერჩევასთან დაკავშირებით.

ქვეპროგრამის ფარგლებში სამინისტრო საბოლოოდ შერჩეულ კანდიდატებზე გასცემს ფინანსურ დახმარებას ერთჯერადი გასაცემლის სახით – 950 ლარის ოდენობით. ბენეფიციარები სტაჟირების დასრულების შემდეგ სამინისტროში წარმოადგენენ სტაჟირების სერტიფიკატს და დაინტერესებულ მხარეებს გაუზიარებენ მიღებულ გამოცდილებას.

ქვეპროგრამაში მონაწილეობის მსურველი უნდა იყოს რეგისტრირებული აჭარის ავტონომიური რესპუბლიკის ადმინისტრაციულ ტერიტორიაზე არანაკლებ ექვსი თვით ადრე განცხადების შემოტანის დღიდან.

რაში დახარჯავს “ბათუმის ბულვარი” 6 მილიონამდე ლარს

ბათუმის ბულვარის გამწვანებისათვის წელს ადმინისტრაცია 380 ათას ძირ ერთწლიანი ყვავილებისა და 3 249 ძირ სხვადასხვა ჯიშის ხე-მცენარეების შეძენას აპირებს. მოხდება ბულვარში დაზიანებული გაზონის აღდგენა ახალი კორდით და ჩრდილის ამტანი ბალახის თესლის შესყიდვა, რისთვისაც მთლიანობაში 371 ათასი ლარი დაიხარჯება.

ძველი ბულვარის ტერიტორიაზე იგეგმება საზოგადოებრივი დანიშნულების საპირფარეშოს მოწყობა (შშმ პირთა ოთახის გათვალისწინებით), რაშიც 50 ათასამდე ლარია გათვალისწინებული.

ბულვარისთვის წელს შეიძენენ 50 საბაღე სკამს, 200 ცალ საბაღე ურნების ვედროებს, 5 ველოსიპედს. დამონტაჟდება 16 ცალი სასმელი წყლის შადრევნი.

შეიცვლება არდაგანის ტბის ირგვლივ განლაგებული სანათები – “ეკლექტიკები” და მათ ნაცვლად ახალი ტიპის დეკორატიული სანათები დამონტაჟდება; მოხდება სტიქიის გამო დაზიანებული განათების ელემენტების აღდგენა-შეკეთება და დამიწების კონტურების მოწყობა ბულვარის მტელ ტერიტორიაზე.

ბულვარში გარე განათების მომსახურებისთვის – 210 979 ლარი, ხოლო გარე განათებისა და მუსიკალური შადრევნების ელ.ენერგიის ხარჯში 280 000 ლარია გაწერილი.

ბულვარის ტერიტორიის დასუფთავება და სანიტარული მომსახურება ადმინისტრაციას 603 142 ლარი, ხოლო შადრევნების მოვლა-პატრონობის მომსახურება 210 508 ლარი დაუჯდება. ცალკე 100 000 ლარია გათვალისწინებული ბულვარში შადრევნებისათვის სათადარიგო ნაწილების შესაძენად, ხოლო წყლის ხარჯი – 37 ათასი ლარია. ბულვარის ზოოკუთხისა და მის მობინადრეთა მომსახურებისთვის კი 55 557 ლარია გათვალისწინებული.

602 796 ლარი დაიხარჯება ბულვარის ტერიტორიის დაცვაში.

1 890 253 ლარია გამოყოფილი მიმდინარე სამშენებლო – სარემონტო სამუშაოებისთვის, ნინოშვილის ქუჩის გასწვრივ არსებული დაზიანებული მოზაიკის შესაცვლელად, ბეტონის დეკორატიული ფილებისა და ბორდიურების მოსაწყობად, ასევე შეიცვლება დაზიანებული ფილები, ბორდიურები; მოეწყობა სანიაღვრე ბუნებრივი წვიმმიმღების ჭები, მოხდება საკანალიზაციო სისტემის რეაბილიტაცია ძველ ბულვარში.

162 843 ლარი დაიხარჯება ბულვარის განვითარების კონცეფციის შემუშავება -დაგეგმარებაში.

ამ და სხვა სამუშაოებისთვის ბიუჯეტიდან წელს მთლიანობაში 5 704 600 ლარია გამოყოფილი.

ელექტროენერგიის შეწყვეტის მიზეზი სადენების დაზიანებაა

ბათუმის რამდენიმე უბანში ელექტროენერგიის მიწოდების პრობლემები დღეს დილიდან შეიქმნა. დაზიანებული იყო ერთ-ერთი ქვესადგური, რომლის ფუნქციონირებაც დღის პირველ ნახევარში აღსდგა.

„ძირითადად სადენები ზიანდება, ვინაიდან ტემპერატურის ვარდნის გამო გაიზარდა ელექტროენერგიის მოხმარება. რაც შეეხება აჭარის მუნიციპალიტეტებს, ჩვენი მხრიდან ყველას მიეწოდება ელექტროენერგია. ადგილზე ლოკალური პრობლემების შესახებ კი არ გვაქ ინფორმაცია. ერთადერთი, ჩაქვშია დაზიანება – ტრანსფორმატორის შეკეთება მიმდინარეობს და სოფელ ჩაქვისთავში გვყავს 7 აბონენტი დარჩენილი შუქის გარეშე“ – გვითხრეს „ენერგო პრო-ჯორჯიას“ აჭარის სერვისცენტრის სადისპეტჩერო სამსახურში.

9 იანვრს შუქის გაცილებით სერიოზული პრობლემა ბათუმში ბონის დასხლებაში იყო.

კონკურსები და ოლიმპიადები აჭარის სკოლებში

კლასების მიხედვით გამოვლენილი საპრიზო ადგილის მფლობელები, წარჩინებული სკოლები და გამორჩეული

მასწავლებლები სამინისტროსაგან მიიღებენ ჯილდოს. ხოლო საპრიზო ადგილებზე გასულ კონკურსანტებს გადაეცემათ დიპლომები და სხვადასხვა ფასიანი საჩუქრები. ამ ღონისძიებებისთვის აჭარის ბიუჯეტიდან წელს 121 500 ლარია გამოყოფილი.

აჭარის საგნობრივი ოლიმპიადა ჩატარადება 2 ტურად შემდეგ საგნებსა და კლასებში:

1. ქართული ენა და ლიტერატურა -VII, VIII, IX, X, XI-XII კლასები;

2. ინგლისური ენა -VII, VIII, IX, X, XI-XII კლასები;

3. მათემატიკა -VII, VIII, IX, X, XI-XII კლასები;

4. ფიზიკა – IX, X, XI-XII კლასები;

5. ქიმია – X, XI-XII კლასები;

6. ბიოლოგია – IX, X, XI და XII კლასები;

რუსული სექტორის მოსწავლეებისათვის ფიზიკაში, მათემატიკაში, ქიმიასა და ბიოლოგიაში ოლიმპიადა ჩატარდება რუსულ ენაზე.

ოლიმპიადის ორივე ტური ჩატარდება ტესტირების ფორმით.

პოეზიის კონკურსის (პოეტ დეკლამატორთა კონკურსის) მიზანია აჭარაში გამოავლინოს ნიჭიერი და შემოქმედებითი უნარით დაჯილდოებული მოსწავლეები. კონკურსში მონაწილეობის უფლება აქვთ აჭარის ტერიტორიაზე მოქმედ საჯარო და კერძო სკოლის სხვადასხვა კლასის მოსწავლეებს, ხოლო კონკურსში გამარჯვებულებს გამოავლენს შესაბამისი კომისია. პირველ ათ ადგილზე გასული მოსწავლეებისათვის ჩატარდება თემატური ვორკშოპი.

ლიტერატურული მარათონის მიზანია კითხვის პოპულარიზაცია მოსწავლეებში. მასში მონაწილეობის მიღება შეეძლებათ კერძო და საჯარო სკოლების VII-XII კლასის მოსწავლეებს. გამარჯვებულს აქაც შესაბამისი კომისია გამოავლენს.

სახვითი ხელოვნების კონკურსში მონაწილეობის მიღება აჭარის ავტონომიური რესპუბლიკის ტერიტორიაზე მოქმედ კერძო და საჯარო სკოლების სხვადასხვა კლასის მოსწავლეებს შეეძლებათ. ჩატარდება თემატური ვორკშოპი.

კონკურსი ჩატარდება დაწყებითი საფეხურის მოსწავლეებისათვის მათემატიკასა და ქართულ ენაშიც.

სამინისტრო ასევე გეგმავს განახორციელოს შემეცნებითი ტურები საქართველოსა და საქართველოს ფარგლებს გარეთ წარჩინებული მოსწავლეებისათვის. წარჩინებულ მოსწავლეებს საშუალება ექნებათ დაათვალიერონ სხვადასხვა ისტორიული ადგილები, ასევე მონაწილეობა მიიღონ სხვადსხვა საგანმანათლებლო პროგრამებში. ექსკურსიებში მონაწილეობის მიღბა შეუძლია აჭარის ავტონომიური რესპუბლიკის ადმინისტრაციულ ტერიტორიაზე მოქმედ, როგორც საჯარო, ასევე კერძო სკოლის მოსწავლეებს.

საგნობრივ ოლიმპიადაში თუ კონკურსებში მონაწილეობის პირობებსა და ვადებს აჭარის განათლების, კულტურისა და სპორტის მინისტრი განსაზღვრავს. აღნიშნული ღონისძიებებისთვის კი, რომლებშიც სამინისტროს გათვლებით, წელს არანაკლებ 15 000 მოსწავლე უნდა ჩაერთოს, თანხა შემდეგნაირადაა გადანაწილებული:

საგნობრივი ოლიმპიადა – 63 000 ლარი;

პოეზიის კონკურსი; ლიტერატურული მარათონი – 8 000;

სახვითი ხელოვნების კონკურსი – 4 500;

კონკურსი დაწყებითი საფეხურის მოსწავლეებისათვის მათემატიკასა და ქართულ ენაში – 16 000;

ექსკურსიები საქართველოში და საქართველოს ფარგლებს გარეთ – 30 000 ლარი.

აჭარაში თოვა შეწყდა

ხულო

ხულოს გამგებლის ბესიკ ბაუჩაძის თქმით, ამ დროისთვის ხულოს მუნიციპალიტეტში ელექტროენერგია ყველა მოსახლეს მიეწოდება და გზებზე მიმდინარეობს ტექნიკური მარილის დაყრა

ბესიკ ბაუჩაძე: „ელექტროენერგია დაბას და სოფლებს სრული დატვირთვით მიეწოდება. გზები გაწმენდილია, ზვავი არ ყოფილა, არის მხოლოდ ერთი საფრთხე – გზები არის მოყინული და შესაბამისად ღამის საათებში მძღოლებისთვის გადაადგილება რისკის შემცველია“

გამგებლის ინფორმაციით, ნებისმიერ ავტომობილს შეუძლია მოძრაობა ცენტრალურ მაგისტრალზე, გარდა ბაკი-ბაკოს, რიყეთის, დეკანაშვილების, უჩხოს, გუდასახოს, დანისპარაულისა და გოდერძის უღელტეხილის მიმდებარე სოფლების მიმართულებით, სადაც მხოლოდ ორხიდიანი ავტომობილებისთვის არის დასაშვები მოძრაობა. ამ სოფლებში მოსახლეობა საცალფეხო გზით სარგებლობს.

ხულოს ტერიტორიაზე საქართველოს გზების დეპარტამენტისა და აჭარის საგზაო დეპარტამენტის 16 ტრაქტორი მუშაობს.

შუახევი:

შუახევში 60-70 სანტიმეტრამდე თოვლია. როგორც მუნიციპალიტეტის გამგებელი ტარიელ ებრალიძე ამბობს, დიდთოვლობას განსაკუთრებული პრობლმები არც შუახევში შეუქმნია, მუშაობს 15 ერთეული ტრაქტორი და ყველა სოფელთან მისასვლელი გზა გაწმენდილია.

„გასულ ღამეს 200 აბონენტს არ მიეწოდებოდა ელექტროენერგია, თუმცა ამ მომენტისთვის ელექტროენერგია ყველას მიეწოდება. არ ყოფილა ზვავი ან მეწყერი. შუახევში ყველაზე პრობლემური სოფელი ნაღვარევია, დიდთვლობის შედეგად იკეტება გზა და წყდება გარემოს, თუმცა ამ დიდთობლობაზე ეს პრობლემა არ შექმნილა“.

ქედა:

ქედაში, სადაც თოვლის საფარმა ზოგან ერთ მეტრსა და 20 სანტიმეტრს მიაღწია, 17 ერთეული ტექნიკა მუშაობს. უხვმა ნალექმა 9 თემიდან 7 თემში ელექტროენერგიის მიწოდების პრობლემა შექმნა, ხოლო სოფელ ნამონასტრევთან მისასვლელი გზა ჩაკეტა, სადაც 12 კომლი ცხოვრობს.

ქედის გამგებლის დავით დუმბაძის თქმით, სოფელ ნამონასტრევთან მისასვლელი გზის გაწმენდა ხვალ დაიწყება.

დავით დუმბაძე: „ნამონასტრევში კარდიოლოგიური პრობლემით ავადმყოფიც გვყავდა, რომელსაც ამბულატორიული დახმარება ადგილზე აღმოვუჩინეთ. ეს სოფელი ზვავსაშიშია ამიტომ გზის გაწმენდა სახიფათოა, 9-10 წლის წინ იყო შემთხვევა, როცა თოვლისგან გზის გაწმენდის დროს ზვავში ბიჭი მოყვა და დაიღუპა. ამიტომ დღეს არ ჩავთვალეთ ამ გზის გაწმენდა საჭიროდ, მზად გვყავდა ტექნიკაც, სამაშველოც, ექიმებიც.

ელექტროენერგიასთან დაკავშირებით პრობლემები იყო ტრანსფორმატორებზე, ასევე ხაზებზე – მოკლე ჩართვის გამო. დღეს პირველი საათისთვის ყველა თემში აღდგა ელექტროენერგია”.

ხელვაჩაური:

ხელვაჩაურის გამგებლის ინფორმაციით ამ დროისთვის ელექტროენერგია არ მიეწოდება სოფელ ყოროლისთავში აბონენტებს, შუადღით სოფელ თხილნარში ჩამოწვა ზვავი, რომლის გამოც 30 ოჯახი ვერ ახერხებს საავტომობილო გზით სარგებლობას.

„ფორსმაჟორული და კატასტროფული მდგომარეობა არ გვქონია, მაგრამ თოვლმა ჩაკეტა ცენტრალური გზები სოფლების მიმართულებით ორთაბათუმში, მახო-სიმონეთის მიმართულებით, მაჭახელში. თხილნარში ზვავი ჩამოწვა, რომელმაც ხეებიც დაგლიჯა და საავტომობილო გზა ჩაკეტა. გაწმენდითი სამუშაოები დაწყებულია და ხვალ დილით დავასრულებთ“ – ამბობს ნადიმ ვარშანიძე.

ხელვაჩაურში გზების გაწმენდით სამუშაოებზე 10 ერთეული ტექნიკა მუშაობს.

ქობულეთი:

ამ დროისთვის გაწმენდილია ცენტრალური გზები ქობულეთში. გამგებლის ინფორმაციით დარჩენილია შიდა გზები, რომლის გაწმენდაც ხვალ განახლდება. ქობულეთში ამ ეტაპზე ელექტროენერგია მიეწოდება მთელს მუნიციპალიტეტს გარდა საჩინოს 100 აბონენტისა, სადაც მიმდინარეობს მუშაობა და დღეს საღამოს ჩართავენ.

ქობულეთის გამგებლის სულხან ევგენიძის თქმით, ამჯერად, ძირითად ქალქში მოვიდა თოვლი: „დაზიანდა ამფითეატრის სახურავი, ამინდის გამუმჯობესების შემდეგ დავითვლით ზარალს და აღვადგნეთ სახურავს. 11 ერთეული ტექნიკა მუშაობდა დღეს. წუხელ 3 საათზე ოზურგეთი-ქობულეთის მაგისტრალზე სამი მანქანა ჩაიხერგა, მუხაესტატედან ჩოლოქის ხიდამდე მოყინული იყო გზა. გამოვიძახეთ ტრაქტორები და გავწმინდეთ გზა”.

ხუთივე მუნიციპალიტეტის გამგებლების თქმით, სპეცტექნიკა მობილიზებულია და აუცილებლობის შემთხვევაში შეუძლია ნებისმიერ დროს საჭირო ადგილზე მისვლა.

სოციალურად დაუცველებს საოჯახო ტექნიკა სარეიტინგო ქულად აღარ ჩაეთვლებათ

ახალი მეთოდოლოგია საქართველოს მთავრობამ 2014 წლის 31 დეკემბერს დაამტკიცა და იგი სრულად ძალაში მიმდინარე წლის 1 აპრილიდან შევა.

სოციალური მომსახურების სააგენტოს დირექტორის მოადგილე თენგიზ აბაზაძემ „ბათუმელებთან“ აღნიშნა, რომ გაიწერება გრაფიკი, რომლის მიხედვითაც გადამოწმდება ყველა ის ოჯახი, რომელსაც სარეიტინგო ქულა უკვე მინიჭებული აქვს.

„საკმაოდ დიდი ნაწილია ადამიანებისა და ერთბაშად ვერ შემოწმდება. რაც შეეხება ახალ შემოტანილ განაცხადს – მათი ქულა ახალი მეთოდოლოგიით 1 აპრილიდან დაითვლება. ვისაც ამ დროისთვის ქულა აქვს, შეუძლია ჯერ არ მოგვმართოს, მათთან ანგარიშსწორება, ჩვეულებრივ, იმ ძველი ქულით მოხდება [ვიდრე არ გადამოწმდება]“ – აცხადებს თენგიზ აბაზაძე.

სააგენტოში აცხადებენ, რომ ახალი მეთოდოლოგიით ქულის მინიჭებისას მთლიანად ამოვარდა სოციალური აგენტის სუბიექტური ფაქტორები [აგენტის სუბიექტური შეფასება], რაც მნიშვნელოვნად ცვლიდა სარეიტინგო ქულას. ამასთან, გაითვალისწინებენ მხოლოდ ისეთ ქონებას, რომელიც ოჯახისთვის პოტენციურად შემოსავლის მომტანია. სხვა დანარჩენის გათვალისწინება ქულის მინიჭებისას აღარ მოხდება.

ახალი მეთოდოლოგიით მოძრავი ქონების ინდექსის გამოთვლის დროს გაითვალისწინებენ მხოლოდ მსუბუქი, სამგზავრო, ან სატვირთო ავტომობილების [არასაბჭოთა წარმოების], ტრაქტორების [გარდა მინიტრაქტორისა], კომბაინებისა და თესლის ჩამყრელი აპარატების რაოდენობას.

იმ საყოფაცხოვრებო ტექნიკისა თუ მოძრავი ქონების ჩამონათვალი კი, რომელსაც მიმდინარე წლის 1 აპრილიდან აღარ გაითვალისწინებენ სარეიტინგო ქულის მინიჭებისას გაცილებით დიდია. ესენია:

საბჭოთა ავტომობილები;

პატარა ტრაქტორები;

უცხოური მაცივრები;

უცხოური სარეცხი მანქანები;

არასაბჭოთა გაზქურები;

მობილური ტელეფონი;

თანამედროვე (არასაბჭოთა) წარმოების მტვერსასრუტი;

თანამედროვე (არასაბჭოთა) წარმოების ელექტრო წყლის გამათბობელი ავზი;

გაზის წყლის გამათბობელი;

თანამედროვე (არასაბჭოთა) წარმოების გაზის გამათბობელი;

პერსონალური კომპიუტერი;

მუსიკალური ცენტრი;

ვიდეო ან ციფრული ფოტოკამერა;

ვიდეომაგნიტოფონი ან DVD ფლეერი;

დენის გენერატორი;

სატელიტური ანტენა;

თანამედროვე (არა საბჭოთა) წარმოების კონდიციონერი;

ტოსტერი;

სამზარეულოს კომბაინი;

თანამედროვე (არასაბჭოთა) წარმოების მაცივარი;

თანამედროვე (არასაბჭოთა) წარმოების სარეცხი მანქანა;

ჭურჭლის სარეცხი მანქანა;

გათბობისა და ცხელი წყლით მომარაგების ინდივიდუალური სისტემა;

თხევადკრისტალური ან პლაზმურეკრანიანი ტელევიზორი.

იცვლება შემწეობის გაცემა ქულების მიხედვით და მაქსიმალური ზღვარი რაც ეხლაა – 57 000 ქულა, აღარ იქნება. ახალ მეთოდოლოგიასთან ერთად მუშავდება და იხვეწება შემწეობის გაცემის ადმინისტრირების წესიც, რომელიც ახალი მეთოდოლოგიის ამოქმედებამდე დამტკიცდება.

„შემდეგში თანხის გაცემა დიფერენცირებულად მოხდება. ვთქვათ, 30, 40, ან 50 ათას ქულიანებზე გაიცემა სხვადასხვა ოდენობის თანხა. იცვლება ბავშვებზე თანხის გაცემის წესიც; ასევე, ოჯახის პირველი წევრი იღებდა მეტ თანხას, რის გამოც ადგილი ჰქონდა ოჯახების ხელოვნურად გაყოფას. ახალი წესებით ყველა წევრი აიღებს ერთნაირ თანხას და აღარ ექნებათ მოტივაცია ოჯახებს, რომ ხელოვნურად გაიყონ“ – აცხადებს თენგიზ აბაზაძე.

სოციალური მომსახურების სააგენტოში, ახალი მეთოდოლოგიის ამოქმედების შემდეგ, სოციალურად დაუცველი მოსახლეობის დაახლოებით მილიონნახევრიან ზრდას ელოდებიან.

ძალაში რჩება ოჯახში დემოგრაფიული ცვლილების ან მისამართის შეცვლის გამო ინფორმაციის სააგენტოსთვის მიწოდება, ასეთი ოჯახის გადამოწმება და მისთვის ხელახლა ქულის მინიჭება. ასეთ დროს, ოჯახს გადამოწმების პერიოდში უჩერდება თანხის მიღება და ამ პერიოდის თანხას ახალი ქულის მინიჭების შემდეგ მიიღებს.

თენგიზ აბაზაძის თქმით, „შეიძლება არ დაგვჭირდეს აპრილისთვის დალოდება, თუმცა, ვმუშაობთ სხვა უწყებებთანაც, მიმდინარეობს მემორანდუმების გაფორმება. მათგან გვჭირდება ინფორმაცია მოქალაქეებზე. პროცესში ჩართულია პერსონალურ მონაცემთა დაცვის ინსპექტორიც, რათა სხვა მიზნებისთვის არ იქნას ეს ინფორმაცია მოპოვებული თუ გამოყენებული“.

ახალი მეთოდოლოგიის შეუფერხებლად ამოქმედებისთვის სააგენტოსთვის მათ ხელთ არსებული მონაცემთა ბაზების და საჭირო ინფორმაციის პერიოდულად მიწოდება უნდა უზრუნველყონ შემდეგმა უწყებებმა:

სახელმწიფო სერვისების განვითარების სააგენტომ, საჯარო რეესტრის ეროვნულმა სააგენტომ, შემოსავლების სამსახურმა, საქართველოს შინაგან საქმეთა სამინისტრომ, საქართველოს სოფლის მეურნეობის სამინისტრომ; ზოგადად ყველა ადმინისტრაციულმა ორგანომ.

ამასთან, მთავრობის დადგენილებაში აღნიშნულია: „ეთხოვოთ ადგილობრივი თვითმმართველობის ორგანოებს, კერძო სამართლის იურიდიულ პირებს (მათ შორის, ელექტროენერგიის, ბუნებრივი გაზის განაწილებისა და წყალმომარაგების ლიცენზიის მფლობელებს, აგრეთვე დაგვა-დასუფთავების და/ან ნარჩენების მართვის შესაბამის ოპერატორ კომპანიებს ან დასუფთავების მოსაკრებლის ამკრებ შესაბამის უფლებამოსილ პირებს და სხვებს) აღმოუჩინონ ქმედითი დახმარება და/ან მიაწოდონ მათ ხელთ არსებული მონაცემთა ბაზები და/ან საჭირო ინფორმაცია სააგენტოს, მხარეთა შორის გაფორმებული შეთანხმების და/ან მოთხოვნის შესაბამისად“.

ციხისძირის მონაკვეთზე მოძრაობა თავისუფალია

9.01.2015, სოფელი ციხისძირი /გიორგი გოხიძის ფოტოები/

ბათუმში ელექტროენერგია ბონის დასახლებას არ მიეწოდება

„ენერგო პრო-ჯორჯიას“, საზოგადოებასთან ურთიერთობის სამსახურის უფროსის, გიორგი სურმავას განცხადებით, ამ დასახლებაში 04 კილოვატიანი სადენებია დაზიანებული. მისივე ინფორმაციით, ელექტროენერგიის მიწოდება უბანს დღის ბოლომდე აღუდგება.

გიორგი სურმავას თქმით, მცირე დაზიანებებია მუნიციპალიტეტებშიც. „არის ცალკეული უბნები გათიშული, თუმცა, განსაკუთრებული პრობლემები არ არის“.

აჭარის ჯანდაცვის სამინისტროს განცხადება

ამ დროისათვის სრული დატვირთვით ფუნქციონირებს მუნიციპალიტეტებსა და ქ. ბათუმში მდებარე კლინიკები და სასწრაფოს სამედიცინო დახმარების ცენტრები.

საჭიროების შემთხვევაში გთხოვთ დაგვიკავშირდით: 0422 24-79-72, 577 30 45 03.

„შუქურა“ საწვრთნელ შეკრებას ანტალიაში გეგმავს

„შუქურას“ 35-კაციანი შემადგენლობა, თურქეთის ქალაქ ანტალიაში, მოსამზადებელ საწვრთნელ შეკრებაზე 30 იანვრიდან 10 თებერვლის ჩათვლით გაემგზავრება. ტენდერში გამარჯვებული, რომელმაც გუნდის ანტალიაში შეკრება უნდა უზრუნველყოს, 14 იანვარს გამოვლინდება.

ტენდერში გამარჯვებულმა უნდა უზრუნველყოს:

35 ადამიანის ტრანსპორტირება ქობულეთი-ტრაბზონი(საავტომობილო გადაზიდვა), ტრაბზონი-ანტალია (ავია გადაზიდვა) და უკან, ტრაბზონი-ანტალია-ქობულეთი;

ტრანსპორტირება აეროპორტიდან სასტუმრომდე და პირიქით;

მთელი შემადგენლობის განთავსება 5-ვარსკვლავიან სასტუმროში ერთ სართულზე, 2 ან 3 ადგილიან ნომრებში;

სამჯერ კვება, უალკოჰოლო სასმელები;

სასმელი წყლით უზრუნველყოფა ვარჯიშებზე და თამაშებზე;

ერთი ოთახი მასაჟისთვის, ერთი ოთახი ინვენტარისთვის;

სერვისი, ჩაი, ყავა, ტკბილეული საცხოვრებელ სართულზე;

საცურაო აუზი, საუნა, სატრენაჟორო და საკონფერენციო დარბაზი;

ყოველდღიურად ორი ვარჯიში;

სპორტული ფორმების დღეში ორჯერ გარეცხვა;

ოთხი ამხანაგური მატჩი მსაჯობით;

ტრანსპორტირება საფეხბურთო მინდვრებამდე;

შეკრების პერიოდში დელეგაციის ხელმძღვანელობისათვის მსუბუქი ავტომობილით და გიდით მომსახურება;

შეკრების პერიოდში ფეხბურთელთა სპორტული სამედიცინო დაზღვევა.