Batumelebi | „ბათუმი თაუერის“ გასხვისებას „ნაციონალები“ აპროტესტებენ „ბათუმი თაუერის“ გასხვისებას „ნაციონალები“ აპროტესტებენ – Batumelebi
RU | GE  

„ბათუმი თაუერის“ გასხვისებას „ნაციონალები“ აპროტესტებენ

 

„ნაციონალური მოძრაობის“ წევრებმა ბათუმში აქცია გამართეს და ტექნოლოგიური უნივერსიტეტის გასხვისება გააპროტესტეს. როგორც „ნაციონალებმა“ განაცხადეს, საპროტესტო აქციებს პერმანენტულად გამართავენ.

საპროტესტო აქცია „ბათუმი თაუერის“ წინ

„ივანიშვილის ახირებაა, რომ ბათუმს არ უნდა ჰქონდეს ტექნოლოგიური უნივერსიტეტი“-განაცხადა ბათუმის საკრებულოს წევრმა „ნაციონალური მოძრაობიდან“ გიორგი კირთაძემ. მისი განცხადებით, ხელისუფლებაში გადაწყვეტილებების მიმღები პირი ისევ ყოფილი პრემიერ-მინისტრია, „ამიტომ, ჩვენი განცხადებებიც სწორედ მისი მისამართითაა“-ამბობს ის.

აქციის მონაწილე „ნაციონალური მოძრაობის“ წევრები ამბობენ, რომ ისინი ხელისუფლებას აიძულებენ, უარი თქვას ტექნოლოგიური უნივერსიტეტის შენობის გასხვისებაზე.

„აშენებულ უნივერსიტეტში სასტუმროს გასხნას ჯობია, თუ მართლა არსებობს ასეთი ინვესტორი, ვინც 50 მილიონის დახარჯვას აპირებს, სხვა ადგილზე ააშენებინონ სასტუმრო“.

„ბათუმი თაუერის“, შემდგომში კი ტექნოლოგიური უნივერსიტეტად წოდებული შენობის მშენებლობა ბათუმში 2011 წელს დაიწყო. საქართველოს ეკონომიკის სამინისტრომ 4504 კვ/მ მიწის ნაკვეთი ბათუმის ბულვარში საქართველოს რკინიგზის შვილობილ კომპანია “რეილვეი ფროფერთი მენეჯმენტს” საჩუქრად გადასცა, რის შემდეგაც კომპანია „რეილვეი ფროფერთი მენეჯმენტმა“ მშენებლობა დაიწყო.

„ბათუმი თაუერის“ მშენებლობა საპროტესტო აქციების ფონზე მიმდინარეობდა, რადგან მოსახლეობა და არასამთავრობო სექტორი ბულვარში, რომელიც კულტურული მემკვიდრეობის ძეგლს წარმოადგენს,  მაღლივი მშენებლობის დაწყებას მშენებლობის ნებართვის გარეშე ეწინააღმდეგებოდა.

შენობა 2012 წელს ყოფილმა პრეზიდენტმა მიხეილ სააკაშვილმა გახსნა.

ხელისუფლების ცვლილების შემდეგ „ბათუმი თაუერი“ უფუნქციოდ დარჩა.

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე