Batumelebi | საიას აჭარის ფილიალის ყოფილი ხელმძღვანელი ომბუდსმენის აპარატში გადავიდა საიას აჭარის ფილიალის ყოფილი ხელმძღვანელი ომბუდსმენის აპარატში გადავიდა – Batumelebi
RU | GE  

საიას აჭარის ფილიალის ყოფილი ხელმძღვანელი ომბუდსმენის აპარატში გადავიდა

 

გია ქარცივაძე, ახალგაზრდა იურისტთა ასოციაციის აჭარის ფილიალის ყოფილი ხელმძღვანელი სამუშაოდ სახალხო დამცველის აპარატში გადავიდა. ის სახალხო დამცველის აპარატის იმ პროექტშია ჩართული, რომელიც კონფლიქტის შედეგად დაზარალებული პირების, დევნილებისა და იძულებით გადაადგილებული ადამიანების პრობლემებზე მუშაობს. 

 

ამ პროექტის კოორდინატორი მანამდე აჭარაში ხათუნა ბაგრატიონი იყო, რომელიც სამუშაოდ საქართველოს საკონსტიტუციო სასამართლოში გადავიდა.

 

გია ქარცივაძე  საიას აჭარაში ორი წელი ხელმძღვანელობდა, ახალგაზრდა იურისტთა ასოციაციაში კი ექვსი წელი მუშაობდა. საიას თავმჯდომარის პოსტზე უფლებამოსილება მას გასული წლის ბოლოს ამოეწურა და სახალხო დამცველის აპარატში მუშაობა პირველი იანვრიდან დაიწყო. მან კონკურსში მიიღო მონაწილეობა. 

 

საიას ახალ თავმჯდომარეს აჭარაში სავარაუდოთ ხვალ დაამტკიცებენ. 

ნეტგაზეთის მასალების სხვა გამოცემებში გადაბეჭდვის წესი
ნათია როყვა