Batumelebi | ბათუმში სანდასუფთავების გადასახადი მცირდება ბათუმში სანდასუფთავების გადასახადი მცირდება – Batumelebi
RU | GE  

ბათუმში სანდასუფთავების გადასახადი მცირდება

 

 

ბათუმში დასუფთავების გადასახადი 50 თეთრით მცირდება. ამიერიდან მოსახლეობა 1,80 ლარის ნაცვლად 1, 30 გადაიხდის.  ამის შესახებ დღეს ბათუმის საკრებულოში გამართულ ბრიფინგზე გახდა ცნობილი. 

„ვფიქრობ რომ ჩვენი ეს ნაბიჯი დაფასდება და მოქალაქეებიც შემხვედრ ნაბიჯებს გადადგამენ. თუ ადრე იყო 25 %იანი ამოღება, ახლა ვვარაუდობთ რომ ამოღება შეიძლება იყოს 40-50 %- ის ფარგლებში. თუ ჩვენ გვაქვს იმის ვალდებულება, რომ გადავიხადოთ მოსაკრებელი, აუცილებლად უნდა გადავიხადოთ. და იმ მოქალაქეების ხარჯზე არ უნდა ვიცხოვროთ, რომლებიც არიან პატიოსანი გადამხდელები,“ – განაცხადა ბათუმის საკრებულოს თავმჯდომარემ ირაკლი ჩავლეიშვილმა.


საკრებულოს მიერ მიღებული ტარიფი გავრცელდება დავალიანების მქონე პირებზეც, რომლებიც არსებულ დავალიანებას ახალი ტარიფის მიხედვით გადაიხდიან.

 

საკრებულოს თავმჯდომარის ინფორმაციით ასევე მიმდინარეობს მუშაობა ორგანიზაციების, დაწესებულებების და სხვა იურიდიული პირებისათვის დასუფთავების არსებული ტარიფების შემცირებაზე. 

ნეტგაზეთის მასალების სხვა გამოცემებში გადაბეჭდვის წესი
მანანა ქველიაშვილი