Batumelebi | კულტურულ-შემეცნებითი ტური ბათუმის მუზეუმებში კულტურულ-შემეცნებითი ტური ბათუმის მუზეუმებში – Batumelebi
RU | GE  

კულტურულ-შემეცნებითი ტური ბათუმის მუზეუმებში

 

14 ნოემბრიდან 21 ნოემბერის ჩათვლით აჭარის საჯარო სკოლის მოსწავლეებისთვის საგანმანათლებო-შემეცნებითი ტური მოეწყობა. ტურის ფარგლებშიც მოსწავლეებს საშუალება ექნებათ ერთი კვირის განმავლობაში უფასოდ დაათვალიერონ ბათუმში არსებული მუზეუმები, კერძოდ: ბათუმის არქეოლოგიური მუზეუმი, გონიო-აფსაროსის მუზეუმ-ნაკრძალი, ძმები ნობელების სახელობის მუზეუმი, ხარიტონ ახვლედიანის სახელობის მუზეუმი, ხელოვნების მუზეუმი.

 

პროექტი აჭარის კულტურული მემკვიდრეობის დაცვის სააგენტოს ინიციატივითა და აჭარის ა.რ განათლების, კულტურისა და სპორტის სამინისტროს მხარდაჭერით ხორციელდება.

 

სააგენტომ, 14 ნოემბერს, მუნიციპალიტეტებიდან საჯარო სკოლების მოსწავლეები ჩამოიყვანა. ძმები ნობელების სახელობის ბათუმის ტექნოლოგიურ მუზეუმში მათთვის შემეცნებითი გაკვეთილი გაიმართა თემაზე: “2014 წლის ნობელიანტები”. 

ძმები ნობელების სახელობის მუზეუმი

 

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"