Batumelebi | გამოფენა ხელოვნების მუზეუმში გამოფენა ხელოვნების მუზეუმში – Batumelebi
RU | GE  

გამოფენა ხელოვნების მუზეუმში

 

12 ნოემბერს, აჭარის ხელოვნების მუზეუმში მხატვარ ფრიდონ ბოლქვაძის, ფსევდონიმით – იჯარეთელის, ნამუშევრების გამოფენა გაიმართა. მხატვრის თქმით ის ამ დღისთვის 5 წლის მანძილზე ემზადებოდა. ნამუშევრებიდან სულ 55 ნახატი იყო გამოფენაზე წარმოდგენილი.

 

„ნახატებზე გადმოტანილი მაქვს ის, რაც არის ჩემი ოცნება, მინდოდა ჩემი პირადი ცხოვრება დამეხატა, მხოლოდ შავ-თეთრ ფერებში,“- განაცხადა ფრიდონ იჯარეთელმა.

 

მისივე თქმით, ის არ არის მხატვართა კავშირის წევრი.  

 

„ვმუშაობ სრულიად დამოუკიდებლად, ყველაფერს რასაც ვაკეთებ, ვაკეთებ მხოლოდ ჩემი მატერიალური სახსრებით,“- ამბობს მხატვარი.

 

ფრიდონ იჯარეთელის გამოფენა  ერთ კვირას გაგრძელდება.

 

ნეტგაზეთის მასალების სხვა გამოცემებში გადაბეჭდვის წესი
თაკო ათაბაგი (მოხალისე)