Batumelebi | „ნაციონალური მოძრაობის“ აქციას ბათუმიდან გააპროტესტებენ „ნაციონალური მოძრაობის“ აქციას ბათუმიდან გააპროტესტებენ – Batumelebi
RU | GE  

„ნაციონალური მოძრაობის“ აქციას ბათუმიდან გააპროტესტებენ

 

15 ნოემბერს დაგეგმილ „ნაციონალური მოძრაობის“ აქციას  პრემიერ ირაკლი ღარიბაშვილის მხარდამჭერები  ბათუმიდან გააპროტესტებენ. ამის შესახებ ინფორმაცია „ბათუმელებს“ „ღარიბაშვილის მხარდამჭერთა ცენტრის“ ბათუმის ორგანიზაციის ხელმძღვანელმა ეთერ ჯორთმენაძემ დაუდასტურა:

 

„რამდენიმე ადამიანი მივალთ ერას მოედანზე, მოვიწვევთ ჟურნალისტებს. უბრალოდ გვაინტერესებს რას აპროტესტებს ნაციონალური მოძრაობა როცა ხონჩით მიართვა აფხაზეთი და ოსეთი რუსეთს“.

 

ორგანიზაციის „ახალი დემოკრატები – ირაკლი ღარიბაშვილის მხარდამჭერთა ცენტრის“  ხელმძღვანელის დავით ხიზანიშვილის  ინფორმაციით  კი  აქცია არ იგეგმება: “არც 15 ნოემბერს და არც სხვა დროს ქუჩის აქციებს ჩვენ არ ვგეგმავთ“.

 

იგივეს აცხადებს  აჭარის რეგიონალური ორგანიზაციის ხელმძღვანელი რამაზ ირემაძეც.

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"