Author Archives: ბათუმელები

 

ბათუმში “ნაციონალური მოძრაობის” ოფისთან გამართულ აქციაზე ორი აქციის მონაწილე დააკავეს. შს სამინისტროს ინფორმაციით,  ოთარ ბაციკაძე წვრილმანი ხულიგნობის, ვახუშტი მითაიშვილი კი პოლიციისათვის წინააღმდეგობის გაწევის ბრალდებით დააკავეს. 

 

 

 

 

12 მარტს ბათუმში, „ნაციონალური მოძრაობის“ ოფისთან გამართულ აქციას „ნაციონალური მოძრაობის“ წევრებსა და აქციის მონაწილეებს შორის  შეხლა-შემოხლა და სიტყვიერი შეურაცხყოფა მოჰყვა. „ნაციონალური მოძრაობის“ ოფისს ამ წუთებში საპატრულო პოლიცია იცავს. პოლიციამ აქციაზე ორი ადამიანი – ოთარ ბაციკაძე და ვახუშტი მითაიშვილი დააკავა.  

 

 

 

 

 

14-დან 18 წლამდე ასაკის მოზარდებისათვის სპეციალიზებული  კოდექსი მთავრობამ უკვე დაამტკიცა. როგორც იუსტიციის მინისტრმა დღეს გამართულ ბრიფინგზე განმარტა, კოდექსის მთავარი სიახლე 18 წლამდე ასაკის პირებისათვის მართლმსაჯულების სპეციალიზებული ინსტიტუტის შექმნაა. ამ კოდექსის ამოქმედების შემდეგ საქართველოში იქნებიან სპეციალიზებული პოლიციელები, გამომძიებლები, პროკურორები და მოსამართლეები, რომლებიც ბავშვების საქმეებს გამოიძიებენ და განიხილავენ.  აგრეთვე იურიდიული დახმარების ბიუროში შეიქმნება მუდმივმოქმედი ჯგუფი ადვოკატებისა,  რომლებიც ბავშვთა საქმეებზე იმუშავებენ. 

 

დღეს აშშ–ს საერთაშორისო განვითარების სააგენტოს – USAID პროგრამის ,,ნარჩენების მართვის ტექნოლოგიები რეგიონებში“ ფარგლებში ბათუმსა და კოლორადოს შტატის ქალაქ გოლდენს შორის, თანამშრომლობის მემორანდუმი გაფორმდა.

 

საქართველოს მთავრობამ 5 მარტის დადგენილების თანახმად შპს „სახელმწიფო სამშენებლო კომპანია“ სასარგებლო წიაღისეულის მოპოვების ლიცენზიისაგან სამი თვით გაათავისუფლა და  მისცა უფლება ხელვაჩაურის  მუნიციპალიტეტში,  სოფელ  კირნათის მიმდებარე ტერიტორიაზე მოიპოვოს 45 000  კვ.მ საშენი მასალა. განკარგულებას ხელს საქართველოს პრემიერ-მინისტრი, ირაკლი ღარიბაშვილი აწერს.

 

ამბობენ: „ცხოვრებაში ერთი შანსი ყველას ეძლევაო“ და მეც გავიფიქრე, რომ ეს შანსი ბათუმის სახელმწიფო უნივერსიტეტის სტუდენტებსა და ლექტორებსაც მიეცათ. ამა წლის 16 მარტს უნივერსიტეტის აკადემიური საბჭო დამოუკიდებლად ირჩევს უნივერსიტეტის რექტორს. წლებია რაც სახელმწიფოს ძალაუფლებაში მყოფი პოლიტიკური ძალები ზეწოლისა და მუქარის ქვეშ ნიშნავდა  უნივერსიტეტ(ებ)ის რექტორ(ებ)ს, მათ შორის ბათუმის სახელმწიფო უნივერსიტეტისას.  რა თქმა უნდა არსებობს იმის რისკი, რომ დღევანდელი მმართველი ძალაც განაგრძობს ზეწოლას აკადემიურ საბჭოზე, მაგრამ ნაკლებად სავარაუდოა ის. იმედი მაქვს ზეწოლის არსებობის შემთხვევაშიც, აკადემიური საბჭოს უმრავლესობა უნივერსიტეტითვის სასიკეთო გადაწყვეტილებას მიიღებს.

 

ადვოკატები ამბობენ, რომ სისხლის სამართლის საპროცესო კოდექსი ადამიანებს არათანაბარ პირობებში აყენებს, რითაც ირღვევა კონსტიტუციით გარანტირებული თანასწორობის უფლება. ადვოკატები პროკურორების შერჩევით სამართალსა და ორმაგ სტანდარტებზე საუბრობენ. რატომ აყენებს ადამიანებს არათანაბარ პირობებში საპროცესო შეთანხმების ინსტიტუტი და რატომ ადარებენ ადვოკატები მოსამართლეს ნოტარიუსს?

 

ბათუმში, ბულვარის ტერიტორიაზე მდებარე შენობა, რომელსაც ტექნოლოგიურ უნივერსიტეტს უწოდებდნენ, გაიყიდა. შენობა შპს “ბათუმი თაუერმა” შეიძინა 25 მილიონ 4 ათას 626 დოლარად. აუქციონზე შენობის საწყისი ფასი 25 მილიონი დოლარი იყო. ელექტრონული აუქციონის მონაცემების თანახმად, შენობის ყიდვის სურვილი მხოლოდ ერთმა კომპანიამ გამოთქვა. 

 

დღეს, 12 მარტს, ბათუმის შოთა რუსთაველის უნივერსიტეტში ტიმოთი სნაიდერის წიგნის  – “სისხლიანი მიწები”  – პრეზენტაცია გაიმართა. ამერიკელი ისტორიკოსის წიგნი ქართულ ენაზე “რადარამმა” გამოსცა. 

 

ტიმოთი სნაიდერი ამერიკელი ისტორიკოსი და იელის უნივერსიტეტის პროფესორია. ის იმ ოცწლიან პერიოდს იკვლევს, როდესაც ნაცისტური გერმანიისა და საბჭოთა კავშირის სისტემას თოთხმეტი მილიონი ადამიანი შეეწირა. 

 

11 მარტს ბათუმის ბულვარის შესასვლელში აჭარის ტურიზმისა და კურორტების დეპარტამენტის თავმჯდომარემ ტურიზმის ახალი საინფორმაციო ცენტრი გახსნა. 

 

აჭარის ჯანდაცვის სამინისტროს ცნობით, ბათუმის ინფექციური პათოლოგიის, შიდსის და ტუბერკულოზის რეგიონული ცენტრის რეაბილიტაცია იწყება. შენობის A კორპუსის სრულ რეაბილიტაციას თურქეთის თანამშრომლობისა და კოორდინაციის სააგენტო (TIKA) ჩაატარებს.

 

უმაღლეს საბჭოში რიგგარეშე სხდომა, რომელზეც  კვოტირების საკითხზე იმსჯელებენ და ფარული კენჭისყრით აირჩევენ უმაღლესი საბჭოს თავმჯდომარის მოადგილესა და საფინანსო-საბიუჯეტო და ეკონომიკურ საკითხთა კომისიის თავმჯდომარეს, ასევე უმაღლესი საბჭოს კომისიების შემადგენლობის არჩევის  შესახებ 2012 წლის 28 ოქტომბრის N5 დადგენილებაში შეიტანენ ცვლილებას – 13 მარტს გაიმართება – ინფორმაციას ამის შესახებ უმაღლესი საბჭო ავრცელებს.  

 

საჯარო რეესტრის ეროვნული სააგენტოს ოფიციალური მონაცემებით, 2015 წლის თებერვალში საქართველოში რეგისტრირებული ბიზნესსუბიექტების რაოდენობამ 4 132 ერთეული შეადგინა, რომელთა შორის 96.8% სამეწარმეო სუბიექტია (ინდივიდუალური მეწარმე, სოლიდარული პასუხისმგებლობის საზოგადოება, შეზღუდული პასუხისმგებლობის საზოგადოება, სააქციო საზოგადოება, კომანდიტური საზოგადოება, კოოპერატივი, უცხოური სამეწარმეო იურიდიული პირის ფილიალი), ხოლო 3.2% – არასამეწარმეო სუბიექტი (არასამეწარმეო იურიდიული პირი, უცხოური არასამეწარმეო იურიდიული პირის ფილიალი, საჯარო სამართლის იურიდიული პირი). 

 

დღეს, 11 მარტს, საღამოს 7 საათზე, ბათუმის ხელოვნების ცენტრში მუსიკალური ფესტივალის – “ბათუმური ზამთარი“- ფარგლებში მუსიკოსები ათინა და ბექა წარმოგიდგენთ პროგრამას “Asea Sool”. 

 

შინაგან საქმეთა სამინისტროს ინფორმაციით, თბილისის და ანკარას ინტერპოლის ცენტრალური ეროვნული ბიუროების თანამშრომლობის შედეგად, შსს-ს სასაზღვრო პოლიციის საგამოძიებო-ოპერატიული მთავარი სამმართველოს თანამშრომლებმა, თურქეთის რესპუბლიკის მიერ ინტერპოლით ძებნილი, 1982 წელს დაბადებული, თურქეთის მოქალაქე ჯემალ ი. ქობულეთის რაიონში დააკავეს.

 

დაბა ქედის თემის ამბულატორიაში სოფელ კოლოტაურში მცხოვრებ 16 წლის გოგიტა გოგუაძის დასახმარებლად იაშვილის ბავშვთა ცენტრალურ საავადმყოფოსთან არსებული სისხლის ბანკის – „გაიღე სისხლი გადაარჩინე ბავშვის სიცოცხლე“ – ფარგლებში სისხლის უანგარო დონაციის აქცია მიმდინარეობს.