აჭარის სოფლის მეურნეობის მინისტრის ზაურ ფუტკარაძის განცხადებით, სახელმწიფო შესყიდვებთან დაკავშირებით სამინისტრომ შესაძლებელია პირველი კვარტლის შედეგები ვერ დადოს. მინისტრის განცხადებით, ლარის კურსის ცვლილების გამო დაგეგმილი ტენდერები ჩაიშალა.
„ბიუჯეტი 2014 წელს დაიგეგმა, შესაბამისად, ის ფასები, რაზეც ჩვენ ტენდერი გვქონდა გამოცხადებული, აღარ შეესაბამება დღეს არსებულ ფასებს. ლარის კურსის ვარდნის გამო ვერ ვყიდულობთ ნერგებს, გვაქვს ციბრუტის, საკვების დამქუცმაცებელი და ა.შ პროგრამები, რომლის განხორციელება იმპორტზეა დამოკიდებული. ამის გამო ორი პროგრამის განხორციელება შემოდგომისთვის გადავდეთ“- განაცხადა ზაურ ფუტკარაძემ მთავრობის სხდომაზე.
მან აჭარის მთავრობის თავმჯდომარეს არჩილ ხაბაძეს სთხოვა, არსებული მდგომარეობიდან გამოსვლის გზებზე მთავრობას ერთობლივად ემჯელა.
