ბათუმელები
ჯომარდობის მსოფლიო ფედერაციის გადაწყვეტილებით, 2016 წლის ევროპის თასის ერთ-ერთი ეტაპი ჯომარდობაში საქართველოში გაიმართება. საქართველოს სპორტისა და ახალგაზრდობის საქმეთა სამინისტროს ინფორმაციით, საქართველომ ამის უფლება მსოფლიო ფედერაციაში მდინარის მონაცემებისა და ადგილმდებარეობის აღწერილობის წარდგენის შემდეგ მიიღო.
აჭარის სპორტისა და ახალგაზრდობის საქმეთა დეპარტამენტის ხელმძღვანელი ოლიმპიური თამაშების მესამე პრიზიორი მუხრან ვახტანგაძე იქნება. როგორც აჭარის მთავრობის საზოგადოებასთან ურთიერთობის სამსახურში „ბათუმელებს“ უთხრეს, ამის შესახებ აჭარის მთავრობის თავმჯდომარემ არჩილ ხაბაძემ 2 ივნისს ხელვაჩაურის მუნიციპალიტეტის სოფელ კაპნისთავში არქეოლოგიური აღმოჩენის მონახულების დროს განაცხადა. აჭარის სპორტისა და ახალგაზრდობის საქმეთა დეპარტამენტის ხელმძღვანელის თანამდებობა, რომელსაც მერაბ ნაგერვაძე იკავებდა, 2014 წლის აგვისტოდან ვაკანტურია. დღემდე დეპარტამენტის უფროსის მოვალეობას ერთერთი მოადგილე დავით მიქელაძე ასრულებს.
სასკოლო ოლიმპიადა „შერლოკის~ გამარჯვებულები მეოთხე და მეხუთე კლასებს შორის მათემატიკაში ბათუმელი ძმები, ათი წლის გიორგი და ცხრა წლის თორნიკე ვარშალომიძეები გახდნენ. ორივე მათგანი ბათუმის მეორე საჯარო სკოლის მოსწავლეა. ეს მათი პირველი გამარჯვება არ არის, გიორგი ვარშალომიძემ სასკოლო ოლიმპიადა „ევერესტშიც“ პირველი ადგილი დაიკავა.
მერისის ხეობას რომ ბოლომდე აივლი, მიადგები მთას, რომელსაც ღომას მთას ეძახიან. დიდი ხნის წინ ეს მთა მერისის ხეობელებსა და შუახეველებს შორის დავის საგანი ყოფილა. დავა კარგახანს გრძელდებოდა. სახელმწიფო უწყებების ჩარევამაც ვერაფერი გააწყო. ბოლოს სამართალი ხალხმა დამოუკიდებლად იპოვა.
აჭარის ტურიზმის დეპარტამენტი განთავსებისა თუ კვების ობიექტებიდან გადასახადების დაწესების შესახებ შესული შეტყობინებების საპასუხოდ, კერძო სექტორისთვის საინფორმაციო წერილს აქვეყნებს, რომელშიც განმარტავს, რომ არანაირი ლიცენზირება თუ გადასახადის გადახდა სახელმწიფო უწყებებიდან არ ხორციელდება.
აჭარის ტურიზმის დეპარტამენტი, განთავსებისა თუ კვების ობიექტებიდან – გადასახადების დაწესების შესახებ შესული შეტყობინებების საპასუხოდ, კერძო სექტორისთვის საინფორმაციო წერილს აქვეყნებს, რომელშიც განმარტავს, რომ არანაირი ლიცენზირება თუ გადასახადის გადახდა სახელმწიფო უწყებებიდან არ ხორციელდება.
საერთაშორისო კონფერენცია ”საქართველოს ევროპული გზა” ყოფილმა პრემიერ-მინისტრმა ბიძინა ივანიშვილმა კომენტარის გარეშე დატოვა. კონფერენციის ფარგლებში იგი დღეს ორმაგი შეხვედრის ფორმატში სამხრეთ კავკასიაში და საქართველოში კრიზისის საკითხებში ევროკავშირის სპეციალურ წარმომადგენელს, ელჩს – ჰერბერტ ზალბერს და ევროკავშირის ელჩს საქართველოში – იანოშ ჰერმანსაც შეხვდა.
დღეს ბათუმში ნატოსა და ევროკავშირის შესახებ საინფორმაციო ცენტრის აჭარის განახლებული ბიურო გაიხსნა. საინფორმაციო ცენტრის ახალი ოფისი ბათუმის შოთა რუსთაველის სახელობის სახელმწიფო უნივერსიტეტში განთავსდა.
დღეს, 19 ივნისს, თხილნარის მცხოვრებლებმა აჭარის მთავრობის სახლის წინ აქცია გამართეს. მოსახლეობის პროტესტი მოჰყვა იმას, რომ ჭავჭავაძის ქუჩაზე მხოლოდ #39 (ხელვაჩაურის) სამარშრუტო ტაქსებს ეძლევა გადაადგილების საშუალება, სოფლის მიმართულებით მოძრავ სამარშრუტო ტაქსებს კი შემოვლითი გზის გავლა მოუწევთ.
19 ივნისს, ამ წუთებში, ბათუმში, საერთაშორისო კონფერენცია “საქართველოს ევროპული გზის” ფარგლებში, ყოფილი პრემიერ-მინისტრი, არასამთავრობო ორგანიზაცია “მოქალაქეს” დამფუძნებელი ბიძინა ივანიშვილი ორმაგი შეხვედრის ფორმატში სამხრეთ კავკასიაში და საქართველოში კრიზისის საკითხებში ევროკავშირის სპეციალურ წარმომადგენელს, ელჩს – ჰერბერტ ზალბერს ხვდება. დღესვე, მოგვიანებით, ივანიშვილი ევროკავშირის ელჩს საქართველოში – იანოშ ჰერმანსაც შეხვდება.
ვარიკოზი, ანუ ვენების ვარიკოზული გაგანიერება ქრონიკული ვენური უკმარისობის ერთ-ერთი სახეა, რომლის დროსაც ხდება ქვედა კიდურის ზედაპირულ ვენების (რომელთაც სისხლი მიაქვთ გულისკენ) სარქვლოვანი აპარატის დარღვევა, რის გამოც ხდება სისხლის უკუდინება. ამ დროს თხელდება ვენის კედელი და ვენა ხდება ტომარისებური აღნაგობის, ალაგ-ალაგ შეიმჩნევა ვარიკოზული კვანძების გამობერვა. ასე ვითარდება ვენური სტაზი ანუ შეგუბება. ვარიკოზი შესაძლოა წელიწადის ნებისმიერ დროს განვითარდეს, მაგრამ ზაფხულის სიცხის გამო იგი სწორედ ამ დროს მწვავდება. ამ თემაზე ანგიოლოგი ლელა ფირცხალავა გვესაუბრა.
უკვე მეორე წელია აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო „შეზღუდული შესაძლებლობის სტატუსის მქონე ბავშვთა სოციალური ადაპტაციის“ პროგრამას ახორციელებს, რომელიც გულისხმობს აჭარაში მცხოვრები შეზღუდული შესაძლებლობის სტატუსის მქონე ბავშვებისთვის ბათუმის სადეღამისო სარეაბილიტაციო ცენტრებში 15-დღიანი სამკურნალო და სარეაბილიტაციო კურსის ჩატარებას. მუნიციპალიტეტებში მსგავსი მომსახურების სხვა მიმწოდებელი არ არსებობს.
ქობულეთში რამდენიმე ქუჩაზე ერთდროულად სანიაღვრე არხების, საკანალიზაციო სისტემის რეაბილიტაციისა და ქუჩის ბორდიურების მოპირკეთების სამუშაოები მიმდინარეობს. ამ დროისთვის გადათხრილია ჯავახიშვილის, კომახიძისა და ჭავჭავაძის ქუჩები. სამუშაოები მიმდინარეობს რუსთაველზეც. განახლებული ინფრასტრუქტურით თუ მიმდინარე სამუშაოების რეჟიმში? – როგორ დახვდება ქობულეთი წელს დამსვენებელს. „ბათუმელების“ კითხვებს მუნიციპალიტეტის გამგებელმა სულხან ევგენიძემ უპასუხა.
რატომ გვეშინია ევროპელობის, რა არის ევროპელობა, ევროპული ღირებულებები და პროგრესი -ამ თემაზე ხვალ, 20 ივნისს დისკუსია გაიმართება. მომხსენებელი ზვიად ქორიძე, ჟურნალისტი.
დღეს, 19 ივნისს, ბათუმში გამართულ საერთაშორისო კონფერენციაზე – ”საქართველოს ევროპული გზა”, საქართველოს იუსტიციის მინისტრმა თეა წულუკიანმა ჟურნალისტებთან კონფერენციის მნიშვნელობაზე ისაუბრა და აღნიშნა, რომ ყველა ის რეფორმა, რაც საქართველოში ორი წლის განმავლობაში სამართლის სფეროში მიმდინარეობს , იქნება ეს მართლმსაჯულება თუ ვიზა-ლიბერალიზაციის მისაღწევად განხორციელებული იუსტიციის სამინისტროს რეფორმები, მაინც გაკეთდებოდა. „ეს სჭირდება ჩვენს ახალ თაობებს, რათა უკეთეს საქართველოში იცხოვრონ” – განაცხადა წულიკანმა.
ბათუმის საკრებულოს დარბაზში სხდომა მიმდინარეობს. საკრებულოს თავმჯდომარე ყვირის, პარალელურად ყვირის მისი ოპონენტი „ნაციონალური მოძრაობის“ ფრაქციის თავმჯდომარე, პერიოდულად ოღონდ შედარებით დაბალ ხმაზე ერთვებიან საკრებულოს სხვა წევრებიც. ამ დროს სრულიად გაურკვეველია ვინ რას ამბობს, უფრო სწორად ვინ რას ყვირის. საკითხის ირგვლივ მსჯელობა წარსულის გახსენებასა და საქმის გარჩევაში გადადის. საკრებულოს წევრები ერთმანეთს შენობით მიმართავენ და მიმართვის ფორმად ხშირად იყენებენ სიტყვას „ბიჭო“. ეს თითქმის ყველა სხდომაზე მეორდება.
ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის თქმით, საერთაშორისო კონფერენციის “საქართველოს ევროპული გზის” დღევანდელ სესიებზე ისაუბრებენ ევროკავშირთან ასოცირების შეთანხმების შესრულებაზე, ასევე ღრმა და ყოვლისმომცველი თავისუფალი სავაჭრო სივრცის იმპლემენტაციის პირველ შედეგებზე და ევროკავშირის საკითხებზე სამოქალაქო საზოგადოებასთან სტრატეგიული კომუნიკაციისა და თანამშრომლობის შესახებ.
დღეს, ბათუმში, რიგით მე-12 საერთაშორისო კონფერენციის – „საქართველოს ევროპული გზის” მეორე დღეა. ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის მიერ ორგანიზებულ ფორუმს ევროკავშირის ქვეყნებიდან 300-მდე დელეგატი ესწრება.
ბათუმში მოქალაქეებმა სტიქიის დროს დაზარალებულებს სოლიდარობა მდუმარე აქციით გამოუცხადეს.
ბათუმში, ხულოში, ქედასა და შუახევში მოქმედი მიწისზედა ანალოგური საეთერო სატელევიზიო გადამცემი სადგურები მიმდინარე წლის 30 ივლისს 10 საათიდან გაითიშება, ხოლო ქობულეთის მუნიციპალიტეტების ტერიტორიაზე 18 და 30 ივლისს ის გადამცემები გაითიშება, რომლებიც სხვადასხვა მოქმედი ციფრული გადამცემების მიმართ ქმნიან რადიოხელშეშლებს.
„კულტურული მემკვიდრეობა, როგორც ეკონომიკური რესურსი“ – ამ თემაზე დღეს, 18 ივნისს, ბათუმის შოთა რუსთაველის უნივერსიტეტში საჯარო ლექცია პენსილვანიის უნივერსიტეტის პროფესორმა, დოქტორ დონოვან რიპკემამ ჩაატარა. ლექცია ამერიკის საელჩოს ორგანიზებით გაიმართა და მას აჭარის კულტურული მემკვიდრეობის დაცვის სააგენტოს ხელმძღვანელი, ბათუმის მერიისა და საკრებულოს და აჭარის ეკონომიკის სამინისტროს წარმომადგენლები, სტუდენტები, ლექტორ-მასწავლებლები და არასამთავრობო სექტორის თანამშრომლები ესწრებოდნენ.
არასამთავრობო ორგანიზაცია „თავისუფალი განვითარებისა და უფლებების დაცვის ასოციაცია“ ორგანიზაციის წევრი ადვოკატების მეშვეობით ვახორციელებთ პირების სამართლებრივი ინტერესების დაცვას, როგორც გამოძიებასთან ასევე საერთო სასამართლოების სისტემასთან ურთიერთობით. აქტიურად ვართ ჩართულები სამართალგამოყენების პროცესში. ეს, ამ კუთხით, ქვეყანაში მიმდინარე პროცესებთან დაკავშირებით აზრის გამოხატვის სურვილს აჩენს.
13 ივნისს თბილისში მომხდარი სტიქიის შედეგად მიყენებული ზარალი ასეულობით ათასი ლარია. დაზარალებულები დროებით სასტუმროებში განათავსეს, ხოლო იმ ადგილებს, რომლებიც ადიდებულმა მდინარე ვერემ დააზიანა, მოხალისეები სამი დღის განმავლობაში საკუთარი ძალებით ასუფთავებდნენ.
დღეს, 18 ივნისს, ბათუმში მდუმარე აქციაა დაგეგმილი, როგორც აქციის ერთ-ერთი ორგანიზატორი ირაკლი ბაკურიძე ამბობს, აქცია ერას მოედანზე 20 საათზე დაიწყება.
პერ ეკლუნდი უსაფრთხოებისა და განვითარების პოლიტიკის ინსტიტუტის [ISDP] უფროსი მკვლევარი, შვედეთიდან დღეს ბათუმში მიმდინარე კონფერენციაზე ერთ-ერთი მომხსენებელი იყო. მან სხვა ქვეყნებთან მიმართებაში რუსეთის დამოკიდებულებაზე ისაუბრა: „პუტინი გააგრძელებს ჩვენ დაშინებას, შვედეთის საჰაერო სივრცეში, ჩვენს დედაქალაქთან ახლოს ხშირად ჩნდება მათი სამხედრო ავიაცია“.
მისი განმარტებით, რუსეთი არის ქვეყანა, რომელიც საერთაშორისო სამართლით გარანტირებულ უფლებებზე მაღლა აყენებს საკუთარ ინტერესებს, „საქართველოს ტერიტორიის 25 პროცენტი აქვს ოკუპირებული და ადამიანებს ღუპავს პროპაგანდით“.
საქართველოსა და ლიტვის საგარეო საქმეთა მინისტრებმა თამარ ბერუჩაშვილმა და ლინას ლინკევიჩუსმა დღეს, 18 ივნისს, ბათუმში ყოველწლიური კონფერენციის – „საქართველოს ევროპული გზა“ – ფარგლებში ხელი მოაწერეს საქართველოსა და ლიტვის რესპუბლიკას შორის ევროპული და ევროატლანტიკური ინტეგრაციის ქარტიას. პრესკონფერენცია მედიისთვის მოეწყო და მინისტრებმა ქარტიის მნიშვნელობაზე ისაუბრეს.
17 ივნისს ქობულეთის საკრებულოს წევრმა „ნაციონალური მოძრაობიდან“ ელგუჯა ბაგრატიონმა და პარტიის წევრმა რევაზ ხარაზმა ქობულეთში ტურისტულ სეზონთან დაკავშირებით არსებულ პრობლემებზე განცხადება გააკეთეს.
ბათუმის მერიის პრესსამსახურის ინფრომაციით, ბათუმის სასწრაფო სამედიცინო დახმარების ცენტრს, ზაფხულის სეზონთან დაკავშირებით, სამი ბრიგადა დაემატება. შესაბამისად, ქალაქის ტერიტორიაზე 13-ის ნაცვლად 16 ბრიგადა იმუშავებს.
„საქართველოს ევროპული გზა“ – ამ სახელწოდებით ბათუმი რიგით მე-12 საერთაშორისო კონფერენციას მასპინძლობს. ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის მიერ ორგანიზებულ ფორუმს ევროკავშირის ქვეყნებიდან 300-მდე დელეგატი ესწრება, მათ შორის არის ბულგარეთის პრეზიდენტი.
დღეს, 18 ივნისს ბათუმში ბულგარეთის რესპუბლიკის პრეზიდენტი როსენ პლევნელიევი ჩამოვიდა. ბათუმის აეროპორტში პრეზიდენტს აჭარის მთავრობის თავმჯდომარე არჩილ ხაბაძე და მინისტრთა კაბინეტის წევრები დახვდნენ.
18 ივნისს, 14 საათზე ბათუმის შოთა რუსთაველის სახელწიფო უნივერსიტეტის #51 აუდიტორიაში ამერიკის საელჩოს ორგანიზებით გაიმართება კოლუმბიის უნივერსიტეტის პროფესორის, დოქტორ დონოვან რიპკემას საჯარო ლექციაზე „კულტურული მემკვიდრეობა, როგორც ეკონომიკური რესურსი.“
თბილისში სტიქიით დაზარალებულთა დასახმარებლად აჭარის მასშტაბით ჰუმანიტარული ტვირთი შეგროვდა. დახმარების მიზნით ტანისამოსი, სურსათი, ჰიგიენისა და სხვა პირველადი მოხმარების ნივთები სამოქალაქო საზოგადოების წევრებმა, ბიზნესმენებმა და სამთავრობო ორგანიზაციებმა შეაგროვეს.
აჭარაში მოქმედი კოოპერატივების წარმომადგენლები ქობულეთში აგროსერვისცენტრის საქმიანობასა და ორგანიზაციაში განხორციელებულ პროექტებს გაეცნენ. სტუმრებმა აგროსერვისცენტრის მარწყვისა და პომიდვრის სათბურები, ვაზისა და ხეხილის სანერგე მეურნეობა, ასევე ბალახის ინტენსიური წარმოების დანადგარი, ხილის საშრობი მინისაწარმო და ფურის ხელოვნური განაყოფიერების სადგური დაათვალიერეს. ვიზიტის მიზანი კოოპერატივებისთვის თანამედროვე ტექნოლოგიების გაცნობა და გამოცდილების გაზიარება იყო.
ბათუმელი სტუდენტები და მოსწავლეები უკვე მესამე დღეა, თბილისში 13–14 ივნისს სტიქიით შედეგად დაზარალებული მოქალაქეების დასახმარებლად პირველადი საჭიროების ნივთებს და თანხას აგროვებენ.
აჭარის მთავრობის თავმჯდომარემ დღეს ჟურნალისტებს უთხრა, რომ ხვალ, 18 ივნისს, ის არ აპირებს უმაღლეს საბჭოში მისვლას. არჩილ ხაბაძის თქმით, მას ამის ობიექტური მიზეზი აქვს -ხვალ აჭარაში ვიზიტად მყოფ ბულგარეთის რესპუბლიკის პრზიდენტს როსენ პლევნელიევს მასპინძლობს.
დღეს, 17 ივნისს, ბათუმიდან თბილისში სტიქიით დაზარალებულთა დასახმარებლად 300 შეკვრა სურსათი გაიგზავნა. მათგან 200 ყუთი ბათუმში მოქმედი საქართველოს საერთაშორისო ინვესტორთა ასოციაციაში შემავალი კომპანიების მიერ არის შეგროვებული, ხოლო 100 ყუთი – მოსახლეობის, აჭარის მთავრობისა და მუნიციპალიტეტების ორგანიზებით შეგროვდა.
