Batumelebi | ჯომარდობაში ევროპის ჩემპიონატის ერთ-ერთი ეტაპი საქართველოში ჩატარდება ჯომარდობაში ევროპის ჩემპიონატის ერთ-ერთი ეტაპი საქართველოში ჩატარდება – Batumelebi
RU | GE  

ჯომარდობაში ევროპის ჩემპიონატის ერთ-ერთი ეტაპი საქართველოში ჩატარდება

 

 

  ჯომარდობის მსოფლიო ფედერაციის გადაწყვეტილებით, 2016 წლის ევროპის თასის ერთ-ერთი ეტაპი ჯომარდობაში საქართველოში გაიმართება. საქართველოს სპორტისა და ახალგაზრდობის საქმეთა სამინისტროს ინფორმაციით, საქართველომ ამის უფლება მსოფლიო ფედერაციაში მდინარის მონაცემებისა და ადგილმდებარეობის აღწერილობის წარდგენის შემდეგ მიიღო. 

 

საქართველოს ტურიზმის ეროვნული ადმინისტრაციის ხელმძღვანელი გიორგი ჩოგოვაძე, საქართველოს სპორტისა და ახალგაზრდობის მინისტრი ტარიელ ხეჩიკაშვილი და ჯომარდობის ფედერაციის პრეზიდენტი დავით ქაცარავა

 

შეჯიბრება ბორჯომის ხეობაში სოფელ ჩითახევში, მდინარე მტკვარზე ჩატარდება, სადაც იმართება საქართველოს ჩემპიონატი და სხვა საჯომარდო ტურნირები. 2016 წლის ევროთასზე მონაწილეობას მიიღებს ჩეხეთი, ხორვატია, რუმინეთი, რუსეთი, ბულგარეთი, თურქეთი, ბოსნია-ჰერცოგოვინა, სერბეთი.

 

2015 წლის მაისში საქართველოს ჯომარდობის ეროვნულმა ნაკრებმა პირველად მიიღო მონაწილეობა ევროპის ჩემპიონატში. მანამდეკი ნაკრები საწვრთნო შეკრებას ბორჯომის ხეობაში გადიოდა.

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი