სიახლეები

ნაციონალური მოძრაობა: ქობულეთი ტურისტულ სეზონს მოუმზადებელი ხვდება

18.06.2015 • 3712
ნაციონალური მოძრაობა: ქობულეთი ტურისტულ სეზონს მოუმზადებელი ხვდება

 

„ნაციონალების“ განცხადებით, ქობულეთის მუნიციპალიტეტი ტურისტულ სეზონს მოუმზადებელი შეხვდა: დამტვრეულია სკამები, საბავშვო ატრაქციონები, დასასუფთავებელია ქალაქი და ქუჩებში მსხვილფეხა საქონელი დადის.

 

 „ტურისტული სეზონი დაიწყო და ქობულეთის მუნიციპალიტეტი სეზონს მოუმზადებელი შეხვდა,  გარდა იმისა, რომ მათი გაუაზრებელი გადაწყვეტილებებით მივიღეთ დაულაგებელი პლაჟები, ქუჩაში მოსეირნე საქონელი, ამ დრომდე ვერ განსაზღვრეს მიწის სარგებლობის ფასი, რის გამოც მოსახლეობა ინფრასტრუქტურული ობიექტების მოწყობას ვერ ახერხებს. უფრო მეტიც, ამ დროისთვის არანაირი ტურისტული ინფრასტრუქტურა არ არსებობს ქობულეთში და ისინიც, ვინც მოაწყო შენობები დააჯარიმეს და შენობები დააშლევინეს. ჩვენ მოვუწოდებთ ქობულეთის ხელისუფლებას, დროულად განსაზღვროს იჯარის ფასი, მანამდე კი მოქალაქეებს მისცენ საშუალება მოაწყონ ინფრასტრუქტურული შენობები და ტურისტების მიღება შეძლონ,“ – განაცხადა ელგუჯა ბაგრატიონმა.

 

არსებულ მდგომარეობასთან დაკავშირებით რევაზ ხარაზი პასუხისმგებლობას მუნიციპალიტეტის გამგებელს სულხან ევგენიძეს აკისრებს და აცხადებს, რომ თუ დროულად არ გატარდება შესაბამისი ღონისძიებები, გამგებლის გადაყენების საკითხს დააყენებენ.

 

„ის უმსგავსობები, რაც ქობულეთში ხდება – მსხვილფესა რქოსანი პირუტყვი ქალაქში, დაზიანებული ჯებირი, დამტვრეული სკამები და ატრაქციონები, ადამიანები, რომლებიც მშენებლობის ნებართვას ითხოვენ და ვერ აძლევენ, ეს მისი დანაშაულია, გამოვიდეს და ნახოს ქუჩებსა და სანაპიროზე რაც ხდება, კეთილი ინებოს და მოაწესრიგოს ქალაქი ერთ კვირაში, წინააღმდეგ შემთხვევაში გამგეობასთან იქნება ადამიანების რიგი, რომლებიც მის გადაყენებას მოითხოვენ, ჩვენ ამ პროცედურას დავიწყებთ და არ მოვასვენებთ“ – განაცხადა რევაზ ხარაზმა. 


ქობულეთი, 17 ივნისი
ქობულეთი, 17 ივნისი

ქობულეთი, 17 ივნისი
ქობულეთი, 17 ივნისი

ქობულეთი, 17 ივნისი
ქობულეთი, 17 ივნისი

ქობულეთი, 17 ივნისი
ქობულეთი, 17 ივნისი

გადაბეჭდვის წესი