ბათუმელები
გუშინ, 16 ივნისს, აჭარის მთავრობა, არჩილ ხაბაძის ხელმძღვანელობით, იმყოფებოდა მოცეკვავეების – ზაურ ლაზიშვილისა და თემურ ბიბილეიშვილის ვარსკვლავის გახსნის ცერემონიალზე. ამის გამო სოციალურ ქსელში აჭარის მთავრობამ კრიტიკა დაიმსახურა. დღეს აჭარის მთავრობის თავმჯდომარემ ამ ღონისძიებასთან დაკავშირებით განმარტა, რომ ეს იყო საქველმოქმედო საღამო, რომელიც თბილისში სტიქიით დაზარალებულთა დახმარებას ითვალისწინებდა.
კვარიათელები სტიქიით დაზარალებულთა დასახმარებლად ერთიანდებიან და თბილისში გასაგზავნად სხვადასხვა ნივთებს აგროვებენ.
აჭარის ტელევიზიის დირექტორი სოსო სტურუა „ბათუმელებთან“ კონცერტის ამსახველი სიუჟეტის ტელევიზიის ვებგვერდიდან ჩახსნის შესახებ განმარტებას აკეთებს.
აჭარის ტელევიზიის მრჩეველთა საბჭოს წევრის ნატა იმედაიშვილის განცხადებით, აჭარის ტელევიზიის ვებგვერდიდან სიუჟეტის ჩამოხსნის გადაწყვეტილება ტელევიზიის დირექტორმა სოსო სტურუამ მიიღო.
გუშინ, 16 ივნისს, აჭარის ტელევიზიის ეთერში გავიდა სიუჟეტი სათაურით – ზაურ ლაზიშვილისა და თემურ ბიბილეიშვილის ვარსკვლავები. ეს სიუჟეტი გუშინ ტელევიზიის ოფიციალურ ვებ გვერდზეც განთავსდა. მას შემდეგ, რაც ვარსკვლავის გახსნასთან დაკავშირებული სადღესასწაულო კადრების სოციალურ ქსელში გავრცელებას მოქალაქეების მხრიდან კრიტიკული რეაქცია მოჰყვა, აჭარის ტელევიზიის ვებ გვერდიდან სიუჟეტი გაქრა. სადღესასწაულო ღონისძიება, რომელსაც არჩილ ხაბაძე სხვა თანამდებობის პირებთან ერთად ესწრებოდა, თბილისისი ტრაგედიიდან სამ დღეში გაიმართა.
საქართველოს მუსლიმთა სამმართველო სტიქიით დაზარალებულებს დაეხმარა.
გასულ წლის 15 ოქტომბერს ქობულეთში, ზღვის სანაპიროსთან ახლოს მშენებარე კორპუსიდან ჩამოვარდნილ მინას ათი წლის მოზარდის სიცოცხლე ემსხვერპლა. აჭარის პროკურატურის პროკურორ ადილარ წირღვავას შუამდგომლობით, ბათუმის საქალაქო სასამართლოს მოსამართლე თამარ ბეჟანიშვილმა ამ საქმეზე აღკვეთი ღონისძიება გასულ კვირას შეუფარდა მამაკაცს, რომელიც ამ სახლის ამხანაგობის თავმჯდომარეა.
16 ივნისს, თბილისში მომხდარი სტიქიიდან მესამე დღეს, აჭარის მთავრობამ ბათუმელი მოცეკვავეების ვარსკვლავები გახსნა. გაიმართა ანსამბლ “ხორუმის” საანგარიშო კონცერტიც.
სტიქიის შედეგად დაზარალებული თბილისის მოსახლეობის დასახმარებლად ბათუმში ჰუმანიტარული დახმარების შეგროვება გრძელდება. დღეს, 18:00 საათზე, შეგროვებული ტვირთის ნაწილი, „საერთაშორისო გამჭვირვალობა საქართველოს“ ბათუმის ოფისიდანაც გაიგზავნება, სადაც მოსახლეობა დაზარალებული ადამიანების დასახმარებლად საყოფაცხოვრებო და პირველადი მოხმარების ნივთებს ამ დრომდე აგროვებს.
დღეიდან ბეშუმს სასწრაფო დახმარების კიდევ ერთი ბრიგადა მოემსახურება, საჭიროების შემთხვევაში კი გამოძახებაზე დამატებითი არასამედიცინო ტიპის მანქანით – ექიმი და ექთანიც შეძლებენ გასვლას.
ხულოს მუნიციპალიტეტის გამგებლის ბესიკ ბაუჩაძის ინფორმაციით, ხულოში ძლიერი წვიმის შედეგად რამდენიმე სოფელში გზები დაზიანდა. წვიმამ დააზიანა ნათესებიც.
აჭარის ტურიზმისა და კურორტების დეპარტამენტის ხელმძღვანელის ვაკანტურ თანამდებობაზე მამუკა ბერძენიშვილი დაინიშნა. 2015 წლის 19 მაისიდან, მას შემდეგ რაც პოსტი ყოფილმა თავმჯდომარემ დემურ დიასამიძემ დატოვა, ის ამავე თანამდებობაზე მოვალეობის შემსრულებლად მუშაობდა, მანამდე კი თავმჯდომარის მოადგილე იყო. რას შეცვლის ახალი ხელმძღვანელი რეგიონში ტურიზმის მიმართულებით? – მამუკა ბერძენიშვილმა „ბათუმელების“ კითხებს უპასუხა.
19 ივნისს 16:00 საათზე, ბათუმის შოთა რუსთაველის სახელმწიფო უნივერსიტეტის 55 აუდიტორიაში გაიმართება დისკუსია თემაზე : ევროკავშირი.
ISAF-ის მისიაში დაჭრილ კაპრალ რამაზ დავითაიას, რომელიც გორის სამხედრო ჰოსპიტალში მიმდინარე წლის 8 ივნისს გარდაიცვალა, დღეს დაკრძალავენ. გარდაცვლილი კაპრალის ოჯახს თავდაცვის მინისტრმა თინა ხიდაშელმა მიუსამძიმრა. რამაზ დავითაია 2012 წლის 20 ივნისს ჰელმანდის პროვინციაში მძიმედ დაიჭრა და მას შემდეგ მკურნალობდა სხვადასხვა ჰოსპიტალში.
მიწისქვეშა ნარჩენების შემკრები კონტეინერები, რომელიც ბათუმში, ესენინის ქუჩაზე აპრილში განათავსეს, დღეს ასე გამოიყურება. სტიკერი დელფინის გამოსახულებით ოთხივე კონტეინერის ქუჩის ზემოთ განთავსებულ ნაწილზე, ამძვრალია. ურნებზე დარჩენილია მხოლოდ წარწერა – „ბათუმი“.
ბულვარის ახალი კონცეფციის შექმნაზე „ბათუმის ბულვარის“ ბიუჯეტიდან, 162 843 ლარი დაიხარჯება. როგორც ბულვარის ადმინისტრაციაში აცხადებენ, ტენდერი ცხადდება ტოპოგრაფიული რუკის შედგენაზე, რომლის მიხედვით განისაზღვრება ბულვარის შემდგომი განვითარება.
შაბათ, 20 ივნისს, კლინიკა ინ ვიტროს ბათუმის ფილიალში, თბილისიდან ჩამოსული ექიმთა ჯგუფი, შემდეგი სახის კონსულტაციებს მართავს:
საქველმოქმედო ფონდი “სოციალური პარტნიორობა”, თბილისში სტიქიის შედეგად დაღუპული პირების ოჯახების დასახმარებლად 110 ათას ლარს გადარიცხავს.
„ნაციონალური მოძრაობის“ წევრის რაულ თავართქილაძის განცხადებით, ქალაქში არსებული ვიდეოთვალები გათიშულია.
„არა მარტო ქალაქის ცენტრალურ ნაწილში, არამედ სასაზღვრო-გამშვებ პუნქტზე და ბულვარის ცენტრალურ ნაწილშიც“ – ამბობს ის.
დღეიდან, 15 ივნისიდან, აჭარის მოსახლეობას С ჰეპატიტის ელიმინაციის პროგრამაში ჩასართავად საჭირო დიაგნოსტიკური კვლევების ჩატარება ქ. ბათუმის ინფექციური პათოლოგიის, შიდსისა და ტუბერკულოზის რეგიონულ ცენტრში შეუძლია (მის: ჯ. ქათამაძის N11).
საქართველოს საავტომობილო გზების დეპარტამენტი აცხადებს, რომ 15-დან 22- ივნისამდე ჩაქვი-მახინჯაურის გვირაბში მოძრაობა შეიზღუდება.
წიგნების მაღაზია და გამომცემლობა “წიგნები ბათუმში” ერთი კვირის მანძილზე გაყიდული წიგნების 20%-ს თბილისში, სტიქიის დროს დაზარალებულთა დასახმარებლად გადარიცხავს.
ბათუმის რუსთაველის სახელმწიფო უნივერსიტეტი თბილისში სტიქიით დაზარალებულთა დასახმარებლად განცხადებას ავრცელებს. ამ განცხადების თანახმად, უნივერსიტეტის თანამშრომლები თავიანთი ხელფასის 1%-ს გადარიცხავენ სპეციალურ ფონდში.
დღეს, 15 ივნისს აჭარის მთავრობის თავმჯდომარემ მინისტრებთან და გამგებლებთან ერთად საგანგებო თათბირი გამართა. არჩილ ხაბაძის განცხადებით აჭარის მთავრობა მზადაა სტიქიის შედეგად დაზარალებულ ოჯახებს დახმარება გაუწიოს.
შსს-ს განცხადებით, თბილისში მომხდარი სტიქიის შედეგად დაღუპულთა ხსოვნის პატივსაცემად, პრემიერ-მინისტრ ირაკლი ღარიბაშვილის გადაწყვეტილებით 15 ივნისი გლოვის დღედ გამოცხადდა. გლოვის დღესთან დაკავშირებით, შინაგან საქმეთა სამინისტროს ყველა შენობაზე დროშები დაეშვა.
ბათუმის მე-15 საჯარო სკოლის მეოთხე კლასმა სასწავლო წლის დასასრული ბათუმის თემატიკისადმი მიძღვნილი კონცერტით დაასრულა. კონცერტი ბათუმის უმაღლესი საზღვაო საინჟინრო სასწავლებელ „ანრიში“ გაიმართა.
ამ დღეებში ერთ-ერთი მნიშვნელოვანი პროექტის განხორციელება შეჩერდა. პროექტის – ქობულეთის სასპორტო კომპლექსის მშენებლობის ღირებულება 2,6 მილიონი ლარი იყო. მშენებლობის გაჩერება დამკვეთმა – ქობულეთის გამგეობამ გადაწყვიტა. დაჯარიმებულია მშენებელი კომპანია „გზა XXI“. მიზეზი – ვადების დარღვევა და სამუშაოების ხანგრძლივი შეჩერება. 2014 წელს აუდიტის სამსახური წერდა, რომ აჭარაში კერძო კომპანიების მიმართ საჯარიმო სანქციებს თანაბრად არ იყენებენ.
ამ წუთებში საქართველოს მთავრობის სხდომა მიმდინარეობს, სადაც სტიქიის შედეგებთან დაკავშირებით ანგარიშს ისმენს პრემიერ-მინისტრი. 15 ივნისი გლოვის დღედ გამოცხადდა.
ბათუმში მცხოვრებ ყველა მსურველს, ვისაც თბილისში სტიქიის შედეგად დაზარალებულთა დახმარება სურს, დღეს, 14 ივნისს, პირველადი მოხმარების ნივთების მიტანა,„საერთაშორისო გამჭვირვალობა საქართველოს“ ბათუმის ოფისში შეუძლია.
„ქართველ მუსლიმთა კავშირის სახელით ღრმა მწუხარებას გამოვთქვამთ წუხელ გვიან ღამით, საქართველოს დედაქალაქ თბილისში მომხდარი სტიქიური უბედურებების შედეგად დაღუპული და დაზარალებული თანამემამულეების გამო. ვუსამძიმრებთ დაღუპულთა ოჯახებს“- ნათქვამია ქართველ მუსლიმთა კავშირის განცხადებაში, რომელსაც კავშირის თავმჯდომარე ტარიელ ნაკაიძე ავრცელებს.
თბილისში, სტიქიით დაზარალებულთა დახმარების მსურველებს, ტანსაცმლის და პირველადი მოხმარების ნივთების მიტანა ბათუმის მერიის ადმინისტრაციულ ერთეულებში შეუძლიათ. ბათუმის მერის, გიორგი ერმაკოვის თქმით, ხვალ, 15 ივნისს, დილის ცხრა საათიდან საღამოს 6 საათამდე ბათუმის ყველა ტერიტორიულ ორგანოში მოქალაქეებს შეეძლებათ მისვლა და ჰუმანიტარული დახმარების მიტანა.
ბათუმის მერია მოხალისეობის მსურველებს თბილისში სტიქიით დაზარალებულთა დასახმარებლად იწვევს. ამ საკითხზე გამართული საგანგებო თათბირი მერიაში ახლახან დასრულდა.
ბათუმის მერის გიორგი ერმაკოვის თქმით, მერია ქმნის ცოცხალი ძალის რეზერვს, რომელიც საჭიროების შემთხვევაში თბილისში სტიქიით დაზარალებულებს დაეხმარება.
სტიქიის შედეგად დაზარალებული მოსახლეობის დასახმარებლად 1500 მოხალისე, სოციალური ქსელის მეშვეობით შეიკრიბა.
დღეს ბათუმში შეზღუდული შესაძლებლობის მქონე პირთა უფლებების დაცვის დღე აღინიშნება.
საღამოს 6 საათზე, ბულვარის კოლონადებთან გაიმართება ამ დღისადმი მიძღვნილი ღონისძიება. მას ჟესტური ენის კლუბის წერვები ფლეშმობით გახსნიან, თეატრალური ჯგუფი – “ნიღაბი” კი მცირე პერფორმანსს წარმოადგენს პანტომიმის ჟანრში. ღონისძიების ბოლოს, გაიმართება მუსიკალური საღამო, ახალგაზრდა ბათუმელი მომღერლების მონაწილეობით (კახა აფხაზავა; გიორგი და ნიკო ბერიძე; მზიკო ფარტენაძე; Malibu & Nika; The Wall; Strawberry Fields).
ბოლო მონაცემებით 8 ადამიანი დაიღუპა წუხელ თბილისში მომხდარი ძლიერი სტიქიის დროს. ათობით ოჯახი კი უსახლკაროდ დარჩა. 13 ივნისს, საღამოს ათ საათზე დაწყებულმა ძლიერმა წვიმამ მდინარე ვერეს ადიდება გამოიწვია, შედეგად დაიტბორა ვაკე-საბურთალოს გზა, თბილისის ზოოპარკი, გმირთა მოედანი.ზოოპარკიდან გაიქცნენ ცხოველები, წყნეთი-ბეთანიის გზაზე ჩამოწვა მეწყერი. შინაგან საქმეთა სამინისტრო მოუწოდებს მოქალაქეებს, თბილისის ქუჩებში გადაადგილებისგან თავი შეიკავონ.
სტიქიის ამსახველ ფოტოებს დღეს დილიდან მოქალაქეები ფეისბუქით ავრცელებენ.
მშენებლობის სწრაფი ტემპი ბათუმს ყოველდღე ცვლის. შენდება ახალი ნაგებობები, ჩნდება ბათუმის ტრადიციული არქიტექტურისგან განსხვავებული უბნები. „ბათუმელები“ იწყებს ფოტო სერიას ბათუმის თანამედროვე არქიტექტურის შესახებ.
