Author Archives: ბათუმელები

სატრანსპორტო ინფრასტრუქტურის მართვის სააგენტოს ცნობით, დღეს, ამ დროისთვის ბათუმში პარკირების წესების დარღვევაზე 427 ადამიანია დაჯარიემბული.

“ღვთისმშობელი სათამაშო პისტოლეტით” – ასე ეწოდება მხატვარ ლია უკლებას ნახატს, რომელიც თბილისში, ილიას სახელმწიფო უნივერსიტეტში სხვა ნამუშევრებთან ერთად გამოიფინა და ჯერ სტუდენტების ერთი ჯგუფის, შემდეგ კი საზოგადოების ნაწილის აღშფოთება მოჰყვა. თემას გამოეხმაურა საპატრიარქოც, ილიამ მეორემ ნახატს „სარწმუნეობის შეურაცხყოფა“ უწოდა. ეს პირველი შემთხვევა არ არის, როცა საქართველოში მსგავი ტიპის პროტესტს ვხვდებით. პაატა შამუგიას „ანტიტყაოსანი“, ლაშა ბუღაძის „პირველი რუსი”, ერეკლე დეისაძის „საიდუმლო სირობა“ – ეს ის ნაწარმოებებია, რომლებმაც საზოგადოების ერთი ნაწილის აღშფოთება გამოიწვია მათი გამოქვეყნებისთანავე. რა არის მსგავსი მიუღებლობის მიზეზი და რატომ არის აუცილებელი ხელოვანი საზოგადოებრივი გავლენებისგან თავისუფალი იყოს მუშაობისას – ამ თემაზე “ბათუმელები” ლიტერატურული პრემია “საბას” ორგზის ლაურეატს, პოეტ პაატა შამუგიას ესაუბრა. 

შუახევის მუნიციპალიტეტის საკრებულომ 20 ნოემბერს, რიგგარეშე სხდომაზე, 2016 წლის ადგილობრივი ბიუჯეტის პროექტი საჯაროდ განიხილა.

აჭარის ჯანდაცვის სამინისტროს სამი კვარტალის მონაცემებით, პროგრამული ბიუჯეტი 94,5 %-ით შესრულდა. სამინისტროს 2015 წლის 9 თვის ნაერთი ბიუჯეტი 6, 616, 978 ლარით განისაზღვრებოდა. საიდანაც ბიუჯეტის პროგრამული ნაწილი შეადგენდა 4,789,867 ლარს. საანგარიშო პერიოდში აჭარის ჯანდაცვის სამინისტროს პროგრამებით 37 422-მა  ბენეფიციარმა ისარგებლა.

სატრანსპორტო ინფრასტრუქტურის მართვის სააგენტოს დღეის მონაცემებით, ბათუმში პარკირების წესების დარღვევაზე 03:00 საატისთვის სულ 431 ადამიანია დაჯარიმებული. მათ შორის 383 – პარკირების საფასურის გადახდის გარეშე დგომის გამო, 26 – ნიშანში დგომისთვის, 19 – ტროტუარზე დგომისთვის, 1 – დგომა-გაჩერების წესის დარღვევისთვის, 2 კი  ავტობუსის გაჩერებაზე დგომის გამო.