ბათუმელები, Author at Batumelebi

ქონება საპატრიარქოს მოქმედი ხელისუფლებისგან 40 ლარად

900 ათას კვ/მ-ზე მეტი მიწის ნაკვეთი, ამ ნაკვეთებზე განლაგებული შენობა-ნაგებობები [მათ შორის ბობოყვათის რეზიდენცია], მსუბუქი ავტომანქანები, ავტობუსები, ტრაქტორები, კრიპტომერიის ხის მორები და სხვა უძრავ-მოძრავი ქონება – ის ყოფილი სახელმწიფო ქონებაა, რომელიც საქართველოს საპატრიარქოს ამჟამინდელმა ხელისუფლებამ 2012 წლის დეკემბრიდან 2015 წლის 7 ოქტომბრის ჩათვლით პერიოდში საკუთრებაში გადასცა – ნაწილი 1 ლარად, ნაწილი კი – უსასყიდლოდ. ზემოაღნიშნული ქონების სანაცვლოდ საპატრიარქოს სახელმწიფო ბიუჯეტში ჯამში 40 ლარის გადახდა დაეკისრა.

პოლიტიკური პარტიების დახურული ოფისები

„ქართული ოცნების“ რაიონულმა ოფისმა მუშაობა ქედის მუნიციპალიტეტში თვითმმართველობის არჩევნებიდან რამდენიმე დღეში შეაჩერა. შეჩერდა სხვა პარტიების მუშაობაც. „ერთიანი ნაციონალური მოძრაობის“ გარდა ამ დროისთვის ქედაში ყველა იმ პარტიის ოფისის კარებია ჩარაზული, რომლებიც წინასაარჩევნო პროცესში აქტიურად მუშაობდნენ. აქ წინასაარჩევნოდ განსაკუთრებულად აქტიურობდნენ „ქართული ოცნება“, „ერთიანი ნაციონალური მოძრაობა“, ეროვნული ფორუმი“ და „ნინო ბურჯანაძე ერთიანი ოპოზიცია“.

ავტომანქანები, რომლებსაც აჭარის ფინანსთა და ეკონომიკის სამინისტრო ყიდის

აჭარის ფინანსთა და ეკონომიკის სამინისტროს ელექტრონულ აუქციონზე სამი ავტომანქანა ჰქონდა გამოტანილი: „VOLKSWAGEN JETTA”, „ვოლგა 3110“ და „ტოიოტა პრადო“. აქედან პირველ ორ ავტომანქანაზე განმეორებით აუქციონი ამჯერადაც მიმდინარეობს, ხოლო მესამე ავტომანქანაზე სამინისტროს აუქციონი განმეორებით ჯერ არ გამოუცხადებია.

72 108 128 ლარი – კერძო პირების შემოწირულობა მთავრობას

ვინ არიან ის კერძო ფიზიკური პირები თუ კომპანიები, რომლებიც სახელმწიფო ბიუჯეტში თანხას ნებაყოფლობით რიცხავენ, ანუ ისინი, რომლებიც მთავრობას გარკვეული ღონისძიებების დასაფინანსებლად ფულს ჩუქნიან? – ამ შინაარსის შეკითხვით საქართველოს ფინანსთა სამინისტროს მივმართეთ. სამინისტროს ერთ თვეზე მეტი დრო დასჭირდა იმისთვის, რომ „ბათუმელებისთვის“ პასუხის გაცემაზე უარი ეთქვა და ისიც დაუსაბუთებლად. არადა, ბოლო სამი წლის განმავლობაში სახელმწიფო და ადგილობრივ ბიუჯეტებში, იგივე სამინისტროს ინფორმაციით, 72 მილიონზე მეტი ლარია ჩარიცხული კერძო კომპანიებისა თუ ფიზიკური პირების მიერ. სამინისტრო ამ თანხის ხარჯვასაც არ ასაჯაროებს.

გამარტივებული შესყიდვები ილია II-ის აღსაყდრებისადმი მიძღვნილი ღონისძიებისთვის

საქართველოს კათოლიკოს-პატრიარქ ილია II-ის აღსაყდრების 40 წლისთავისადმი მიძღვნილი ღონისძიების „სრულფასოვნად და მაღალი სტანდარტებით“ ჩასატარებლად, თბილისის განვითარების ფონდს მიეცა უფლება გარკვეული სახელმწიფო შესყიდვები გამარტივებული წესით განახორციელოს. ღონისძიება 2017 წლის 25 დეკემბერსაა დაგეგმილი. სახელმწიფო შესყიდვები კი ღონისძიების ჩატარების გარდა, თბილისში, მახათას მთაზე ტაძრის მშენებლობასაც უკავშირდება.

საგარეო ვაჭრობამ გასულ წელთან შედარებით იკლო

2015 წლის იანვარ-ოქტომბერში საქართველოში საქონლით საგარეო სავაჭრო ბრუნვამ – არაორგანიზებული ვაჭრობის გარეშე – 8121 მილიონი აშშ დოლარი შეადგინა, რაც წინა წლის მაჩვენებელზე 14 პროცენტით ნაკლებია.

ჯანდაცვის პროგრამებისთვის დამატებით 100 მილიონი ლარია საჭირო

საქართველოს მთავრობის ინფორმაციით, შრომის, ჯანმრთელობისა და სოციალური დაცვის სამინისტროს მიერ განსახორციელებელი პროგრამებისათვის, მათ შორის, „მოსახლეობის საყოველთაო ჯანმრთელობის დაცვის“ პროგრამისთვის, წლის ბოლომდე დამატებით 100 მილიონ ლარამდეა საჭირო. მიმდინარე წლის ბიუჯეტში ცვლილებების შეტანამდე, სამინისტროს დაევალა საყოველთაო ჯანდაცვის პროგრამის დაფინანსების გაზრდა, მისთვის გამოყოფილი თანხების გადანაწილების ხარჯზე.

“თავისუფლება, თანასწორობა, ძმობა” – აქცია თბილისში საფრანგეთის მხარდასაჭერად

“სოლიდარობა საფრანგეთს” – ამ ლოზუნგით 14 ნოემბერს თბილისში, პარლამენტის შენობის წინ მშვიდობიანი აქცია მოეწყო. აქციის მონაწილებაამ საფრანგეთში 13 ნოემბერს მომხდარი ტერაქტების დროს დაღუპულთა ხსოვნას წუთიერი დუმილით მიაგეს პატივი და ამ ფორმით გამოუცხადეს სოლიდარობა ფრანგ ხალხს.

რატომ გაიზარდა კერძო სკოლებში მოსწავლეთა რაოდენობა

აჭარის განათლების სამინისტროს ინფორმაციით, წელს კერძო სკოლებში მოსწავლეთა რაოდენობა 259 მოსწავლით გაიზარდა. გასულ წელს ბათუმის 19 კერძო სკოლაში 5 656 ბავშვი სწავლობდა, მიმდინარე წელს კი 5 915 სწავლობს. საქართველოს განათლების სამინისტროს ინფორმაციით, გასულ წელს ქვეყნის მასშტაბით კერძო სკოლებში 53 777 მოსწავლე სწავლობდა, 2015 წელს კი ეს ციფრი 1 201 მოსწავლით გაიზარდა. რამ განაპირობა კერძო სკოლებში მოსწავლეთა მატება მაშინ, როცა ზოგიერთ სკოლაში სწავლის საფასური გაიზარდა, ქვეყანაში კი ლარის ინფლაციამ იმატა?

საპატრიარქოს გიმნაზია-პანსიონში 13 წლის მოზარდი დააბრუნეს

13 წლის მოზარდი, რომელიც ფერიის მატათა მოციქულის გიმნაზია-პანსიონიდან ცოტა ხნის წინ იძულებით გამოუშვეს, ადმინისტრაციამ ამ ამბის მედიაში აქტიურად გაშუქების შემდეგ, ისევ პანსიონში დააბრუნა. სახლში დაბრუნებული მოზარდი მძიმე სოციალურ პირობებში ცხოვრობდა და ვერც სკოლაში დადიოდა. ახობლების ინფორმაციით, მოზარდი გიმნაზია-პანსიონიდან ხელმძღვანელთან უთანხმოების გამო გამოაძევეს. გიმნაზია-პანსიონი საპატრიარქოს დაქვემდებარებაშია.

„იაფი სახლის“ კრიტერიუმების შესამუშავებლად მერიას ექვსი თვე აქვს

„იაფი სახლის“ პროექტის ფარგლებში საცხოვრებელი ბინების გადაცემისთვის აუცილებელი პირობებისა და კრიტერიუმების დასადგენად სპეციალური კომისიის შექმნის ბრძანებას ბათუმის მერმა გიორგი ერმაკოვმა ხელი 6 ივლისს მოაწერა. კრიტერიუმების დამდგენი კომისია ბრძანებაზე ხელის მოწერიდან ექვსი თვის შემდეგ, – ხუთ ნოემბერს შეიკრიბა. რაზე იმსჯელა და რა ვადა განისაზღვრა „იაფი სახლის“ მოსარგებლეთა საბოლოო კრიტერიუმების დასადგენად? – „ბათუმელებს“ საკრებულოს ფრაქცია „ქართული ოცნების“ თავმჯდომარე თამაზ თურმანიძე ესაუბრა, რომელიც კრიტერიუმების დამდგენი კომისიის თავმჯდომარეა. „იაფი სახლის“ მშენებლობაზე ტენდერი უკვე დასრულდა. სატენდერო თანხა 4 279 990 ლარია.

სამაშველო სამსახური: „უსაფრთხო ადგილზე 14 ოჯახი და 80 პირუტყვია გადაყვანილი“

ბათუმის სამაშველო სამსახურის ინფორმაციით, ამ დროისთვის სტიქიის ზონიდან 14 ოჯახია გაყვანილი.

არჩილ ხაბაძე და ნოდარ ხადური სტიქიით დაზარალებულ სოფლებში იმყოფებიან

დღეს, 14 ნოემბერს, აჭარის მთავრობის თავმჯდომარე არჩილ ხაბაძე და საქართველოს ფინანსთა მინისტრი ნოდარ ხადური აჭარაში სტიქიის შედეგად დაზარალებულ სოფლებში იმყოფებოდნენ. მათ მოინახულეს ქედის რაიონის სოფლები: პირველი მაისი, მახუნცეთი, კოლოტაური და ხუნკუდა.

„ოცნების ქალაქის“ მაცხოვრებლები არჩილ ხაბაძის განცხადებას აპროტესტებენ

დღეს, 14 ნოემბერს ე.წ „ოცნების ქალაქის“ მაცხოვრებლებმა საპროტესტო აქცია გამართეს. მათი განცხადებით, აჭარის მთავრობის თავმჯდომარემ არჩილ ხაბაძემ საზოგადოებრივი მაუწყებლის გადაცემაში „გამომძიებელი რეპორტიორი“ განაცხადა რომ თუ „ოცნების ქალაქის“ მაცხოვრებლები ხელისუფლების შეთავაზებას არ მიიღებდნენ, მათ ძალისმიერი მეთოდებით დაატოვებინებენ ტერიტორიას. საპროტესტო აქციაში დაახლოებით 300 ადამიანი მონაწილეობდა.

ქობულეთში მოშიმშილეები ოთხი პოლიციელის დასჯას მოითხოვენ

ქობულეთის პოლიციის შენობაში ნაცემი 20 წლის რეზო ტაკიძის ახლობლები გამგეობის შენობის წინ უკვე მეოთხე დღეა შიმშილობენ. ისინი იმ პოლიციელების სამსახურიდან გათავისუფლებას მოითხოვენ, რომლებიც მათი თქმით, რეზო ტაკიძის ცემაში მონაწილეობდნენ.

შსს: ბათუმში ძარცვის ფაქტზე ძებნილი გურიაში დააკავეს

შსს-ს ინფორმაციით, გურიის პოლიციის დეპარტამენტის ჩოხატაურის რაიონული სამმართველოს და ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ძებნის სამმართველოს თანამშრომლებმა, სამტრედიის რაიონული სამმართველოს მიერ ძარცვისთვის ძებნილი, 1981 წელს დაბადებული, წარსულში ნასამართლევი ზაურ გ. გურიაში დააკავეს.

შსს: ბანგლადეშის ორმა მოქალაქემ საქართველოს საზღვარი უკანონოდ გადმოკვეთა

შსს-ს ინფორმაციით, საპატრულო პოლიციის დეპარტამენტის აჭარის მთავარი სამმართველოს საორგანიზაციო სამმართველოს სასაზღვრო სამიგრაციო კონტროლის სამსახურის თანამშრომლებმა ხელვაჩაურის რაიონის სოფელ სარფში, თურქეთის რეპუბლიკიდან საქართველოში შემოსვლის დროს, ბანგლადეშის სახალხო რესპუბლიკის ორი მოქალაქე: 1985 წელს დაბადებული მოჰამმედ-აბდულლაჰ-ფარუკი რ. და 1984 წელს დაბადებული მდ ნ. საქართველოს სახელმწიფო საზღვრის უკანონო კვეთის ფაქტზე ამხილეს.

არჩილ ხაბაძე საფრანგეთში დატრიალებულ ტრაგედიას ეხმაურება

აჭარის მთავრობის თავმჯდომარე არჩილ ხაბაძე, სოციალურ ქსელ ფეისბუკში საფრანგეთში დატრიალებულ ტრაგედიას ეხმაურება.

არჩილ ხაბაძე ევრაზიის უნივერსიტეტის წარმომადგენლებს შეხვდა

დღეს, აჭარის მთავრობის თავმჯდომარე არჩილ ხაბაძე ევრაზიის უნივერსიტეტის წარმომადგენლებს შეხვდა. მხარეებმა შეხვედრაზე ტრაბზონისა და ბათუმის საგანმანათლებლო დაწესებულებებს შორის ურთიერთთანამშრომლობის გაღრმავებაზე ისაუბრეს. დელეგაციის წევრებს შორის იყვნენ ევრაზიის უნივერსიტეტის დამფუძნებელი ომერ ილდიზი, რექტორი აშქინ ასანი, უნივერსიტეტის გენერალური დირექტორი გულაი იენიჩერი და ლექტორი ჰაქან სავაში.

ევროპის საბჭოს ადამიანის უფლებათა კომისარის ვიზიტი ბათუმში

ევროპის საბჭოს ადამიანის უფლებათა კომისარი ნილს მუჟნიეკი ბათუმში იმყოფება. მისივე თქმით, ვიზიტის მიზანი, რეგიონში ადამიანის უფლებების დაცვის მხრივ გარემოს შესწავლაა, ასევე იმის დადგენა, თუ რა მდგომარეობა აქვთ აჭარაში ოფიციალურ პირებსა და სარასამთავრობო ორგანიზაციებს.

როგორ უნდა შეავსონ თვითშეფასების კითხვარი მასწავლებლებმა

ახალი სქემის მიხედვით, პედაგოგები ვალდებულნი არიან, ყოველი სასწავლო წლის დასაწყისში თვითშეფასების კითხვარი შეავსონ. როგორც სპეციალისტები ამბობენ, თვითშეფასების კითხვარი პედაგოგის პროფესიული განვითარებისთვის აუცილებელია. რატომ არის კითხვარის ყოველწლიური შევსება მნიშვნელოვანი და რა ხდება იმ შემთხვევაში, თუ პედაგოგი თვითშეფასების კითხვარს არ ავსებს ან ვერ პასუხობს კითხვარით გათვალისწინებულ სტანდარტებს? „ბათუმელებთან“ მასწავლებელთა პროფესიული განვითარების ეროვნული ცენტრის ექსპერტ-კონსულტანტმა სოფო ლობჟანიძემ ისაუბრა.

შს სამინისტროს თანამშრომლებმა მარტოხელა ქალს სახლის სახურავი შეუკეთეს

ხულოს რაიონის სოფელ გოდგაძეებში 75 წლის მარტოხელა გულიკო ჩოგაძის საცხოვრებელ სახლს ქარიშხალმა სახურავი გადახადა. შსს-ს აჭარის პოლიციის დეპარტამენტის ხულოს რაიონული სამმართველოს თანამშრომლები შეტყობინების მიღებისთანავე მივიდნენ შემთხვევის ადგილას და სახლის სახურავი თავისი ძალებით შეაკეთეს.

შიმშლობის მე-2 დღე ბათუმში

“ჩვენ გვინდა სამართლიანობის აღდგენა, საარჩევნო კანონის შეცვლა, “- უთხრა “ბათუმელებს”აქციის ერთ-ერთმა მონაწილემ ფრიდონ ბრეგვაძემ.

ბრეგვაძე ბათუმის საკრებულოს წევრია და “პატრიოტთა ალიანსის ლიდერების შიმშილობას შეურთდა.

ვეტერან მობილიარდეთა შორის, ბათუმში ტურნირი მიმდინარეობს

ბათუმში, ასათიანის #21-ში მდებარე ბილიარდის კლუბ „პირამიდაში“ მიმდინარეობს უფროსი ასაკისა და ვეტერან მობილიარდეთა შორის ტურნირი, კომბინირებულ პირამიდაში. მასში 24 ვეტერანი მობილიარდე მონაწილეობს ბათუმიდან, ოზურგეთიდან, ფოთიდან, ხობიდან, ქუთაისიდან, სენაკიდან, თბილისიდან, რუსთავიდან, ახალციხიდან.

შსს: სოფელ ვაშლოვანში მეწყრის შედეგად დაზარალებულები გადავარჩინეთ

ხულოს მუნიციპალიტეტის სოფელ ვაშლოვანში, ისე როგორც რამდენიმე სოფელში, მეწყერი ჩამოწვა. შს სამინისტროს მიერ გავრცელებული ინფორმაციით, „ვაშლოვანში ხუთი ოჯახის საცხოვრებელი სახლების მიმდებარე ტერიტორიასთან ტყის მასივი დაიძრა და მეწყერი ჩამოწვა, რამაც მოქალაქეების სიცოცხლეს საფრთხე შეუქმნა.

შსს: პოლიციელებმა გოდერძის უღელტეხილზე 30 მოქალაქე გადაარჩინეს

შს სამინისტროს პრესცენტრის ცნობით, აჭარის პოლიციის დეპარტამენტის ხულოს რაიონული სამმართველოს თანამშრომლებმა გოდერძის უღელტეხილზე თოვლსა და ქარბუქში ჩარჩენილი 30 მოქალაქე გადაარჩინეს:

შსს: გოდერძის უღელტეხილზე მოქალაქეები თოვლში არიან ჩარჩენილი

შინაგან საქმეთა სამინისტროს ინფორმაციით, გოდერძის უღელტეხილზე მიმდინარეობს თოვლში ჩარჩენილი რამდენიმე ავტომანქანის გამოყვანა. ადგილზე მობილიზებული არიან შსს-ს აჭარის პოლიციის დეპარტამენტის ხულოს რაიონული სამმართველოს, ასევე, რეგიონული განვითარებისა და ინფრასტრუქტურის სამინისტროს საგზაო დეპარტამენტის თანამშრომლები.

ბათუმში, ფარნავაზ მეფის ქუჩაზე, ავტომანქანებით მოძრაობა შეჩერებულია

ბათუმის მერიის ინფორმაციით, ძველი ბათუმის ადმინისტრაციულ ერთეულში უამინდობის გამო დაზიანებული ქვაფენილის შეკეთების სამუშაოები მიმდინარეობს, ამის გამო მოძრაობა გადაკეტილია ფარნავაზ მეფის ქუჩაზე, მელიქიშვილიდან ბარათაშვილის ქუჩამდე. აღდგენითი სამუშაოები 15:00 საათზე დასრულდება. მანამდე კი, მერია მძღოლებს მიმართავს პარალელური ქუჩებით ისარგებლონ.

იძულებით გადაადგილებულ პირთა სამინისტროსა და საიას განცხადება ომარ როდონაიას დევნილის სტატუსის შესახებ

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს პრესსამსახური გაზეთ „ბათუმელების” სტატიას – “ისეთი შეგრძნება მაქვს, თითქოს ადამიანი აღარ ვარ” – ეხმიანება, სადაც ბათუმში მცხოვრები, სოციალურად დაუცველი ომარ როდონაია წერილში აღნიშნავს, რომ დევნილია.

9 სკოლაში სწავლა შეწყდა, მეწყერი ჩამოწვა საცხოვრებელ სახლებთან, ჩაკეტილია გზები – სტიქიის შედეგები აჭარაში

აჭარის განათლების მინისტრის მოადგილე ლადო მგალობლიშვილი “ბათუმელებთან” საუბრისას ამბობს, რომ რამდენიმე საჯარო სკოლის დირექტორთან დაკავშირებას ვერ ახერხებს, რადგან მაღალმთიან აჭარას ელექტროენერგია არ მიეწოდება, მობილური ტელეფონები დენის წყაროს გარეშე დარჩა. დაზუსტებული ინფორმაციით, დღეს, 12 ნოემბერს სასწვლო პროცესი შეწყდა ხელვაჩაურის 6 და ქედის 3 საჯარო სკოლაში. წინასწარი ინფორმაციით, დაზიანებულია სკოლების სახურავები.

ასევე რამდენიმე სახლთან ჩამოწვა მეწყერი და მოქალაქეებს საცხოვრებელი სახლები დაატოვებინეს.

აჭარის მთავრობის ცნობით, სასწავლო პროცესი შეწყვეტილია შემდეგ სკოლებში:

ხელვაჩაურში: აჭარისაღმართის საჯარო სკოლაში, სკოლასთან მისვლა პრობლემაა, წაქცეულია ხეები;

სალიბაურის N1 საჯარო სკოლაში – დატბორილია სკოლის შენობა;

ქედქედის საჯარო სკოლაში – წაქცეულია ხეები, დატეხილია ფანჯრები და მინები, ზოგიერთ საკლასო ოთახში დაზიანდა ჭერი;

ჩიქუნეთის საჯარო სკოლაში – სკოლასთან მისვლა პრობლემაა, დატეხილი და წაქცეულია ხეები; ჩხუტუნეთის საჯარო სკოლაში – სკოლასთან მისვლა პრობლემაა, დატეხილი და წაქცეული ხეების გამო; წინსვლის საჯარო სკოლაში – სკოლასთან მისასვლელი ხიდი წყალმა წაიღო (ხიდის რეაბილიტაცია მიდის, გვერდით იყო დროებითი ხიდი გაკეთებული და ის ხიდი წაიღო წყალმა);
ქედაში: სოფელ დანდალოს საჯარო სკოლაში – ძლიერმა ქარმა სკოლას ნაწილობრივ გადახადა სახურავი, დააზიანა ფანჯრები;

სოფელ ახოს №1 საჯარო სკოლაში – ძლიერმა ქარმა სკოლას ნაწილობრივ გადახადა სახურავი;

სოფელ ცხმორისის საჯარო სკოლაში – ძლიერმა ქარმა სკოლას ნაწილობრივ გადახადა სახურავი;
ხულოში: რაქვთის საჯარო სკოლაში – ძლიერმა ქარმა სკოლას ნაწილობრივ გადახადა სახურავი.
საერთო პრობლემა – არ მიეწოდებათ შუქი, გათიშულია ჯეოსელის ქსელი.

უამინდობის გამო მეცადინეობა შეწყვეტილია შუახევის ზოგიერთ სკოლაშიც.

მიიღე ფული შენს ანგარიშზე მობილური აპლიკაციის მეშვეობით

სიახელე Vivus.ge-სგან, მობილური აპლიკაციები უკვე iOS და Android-ის სისტემებისთვის. გადმოწერე Vivus.ge-ს აპლიკაცია და მიიღე ონლაინ პლატფორმასთან წვდომა მხოლოდ ერთი დაწკაპუნებით.

აჭარაში 35 ათას აბონენტს ელექტროენერგია არ მიეწოდება [ვიდეო]

ენერგო პრო ჯორჯიას ინფორმაციით, ამ დროისთვის [10:45 საათი] ელექტროენერგია აჭარაში 35 ათას აბონენტს არ მიეწოდება. დაზიანებულია მაღალი ძაბვის გადამცემი ხაზები და მიმდინარეობს აღდგენითი სამუშაოები.

ჩაქვში წვიმისა და ქარის დროს სახლი დაინგრა

ქობულეთის გამგებლის სულხან ევგენიძის ინფორმაციით, ამ წუთებში ქობულეთში ძლიერი ქარია [12 ნოემბერი. 09:45 საათი]. გამგეობაში მოსახლეობისგან შეტყობინებები შედის, ისინი დახმარებას ითხოვენ, ქარის დროს ძირითადად ზიანდება საცხოვრებელი სახლის სახურავები. მოგლეჯილია ხეები. ელექტროენერგია არ მიეწოდება რამდენიმე სოფელს.

Author Archives: ბათუმელები