Batumelebi

საქართველოს დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, საქართველოში ოქტომბრის შუა რიცხვებში ე.წ. იმუნიზაციის კვირეული, მარათონი დაიწყება.

„ჩვენ შევარჩიეთ 68 დიდი დასახლებული პუნქტი საქართველოში, სადაც 3 ათასზე მეტი მოსახლეობაა, ესაა ძირითადად სოფლები, ისე, რომ ყველა რეგიონი იყოს მოცული. ყალიბდება ჯგუფები, რომლებიც ამ სოფლებში იმუშავებენ და თბილისიდან იქნება მობილიზებული მობილური ჯგუფები.

ვფიქრობთ, 15 ოქტომბერს დაიწყოს ერთკვირიანი მარათონი. იქნება რამდენიმე ასეთი კვირეული. თუ ამან გაამართლა, შემდეგ ავიღებთ 2000-ზე ზემოთ სოფლებს. ამას ვფიქრობთ მომავალი 3 თვის განმავლობაში,“ – განაცხადა ამირან გამყრელიძემ.

მან აღნიშნა, რომ შედარებით კარგია აცრის მაჩვენებლები თბილისსა და აჭარაში:

„79 პროცენტი სამიზნე მაჩვენებლისა გასული ვართ თბილისში. მეორე ადგილზე მოდის აჭარა, 58 პროცენტით. სამიზნე მაჩვენებელია 60 პროცენტი. მესამეზე მოდის რაჭა-ლეჩხუმი 51 პროცენტით. სამწუხაროდ, ყველაზე დაბალი გვაქვს მაჩვენებლები ქვემო ქართლსა და სამცხე-ჯავახეთში“.

6 ოქტომბრიდან კვების ობიექტები 23:00 საათამდე იმუშავებენ – ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ საკოორდინაციო საბჭოს სხდომის დასრულების შემდეგ განაცხადა დღეს, 5 ოქტომბერს.

საკოორდინაციო საბჭოს გადაწყვეტილებით, ასევე უქმდება  კონცერტებისა და ფესტივალების გამართვასთან დაკავშირებული შეზღუდვა და მაყურებლის დასწრება რეგულაციების დაცვით იქნება შესაძლებელი.

„საკოორდინაციო საბჭოს გადაწყვეტილებით, ქვეყანაში არსებული ეპიდემიოლოგიური ტენდენციების გათვალისწინებით, კვების ობიექტების მუშაობა ხვალიდან ერთი საათით გახანგრძლივდება და ისინი 22:00 საათის ნაცვლად მუშაობას 23:00 საათამდე შეძლებენ;

იხსნება კონცერტებისა და ფესტივალების გამართვასთან დაკავშირებული შეზღუდვა და მათი გამართვა და მაყურებლის დასწრება შესაძლებელი იქნება რეგულაციების დაცვით“,- განაცხადა გიორგი ღიბრაძემ.

5 ოქტომბრის მონაცემებით, აჭარაში კორონავირუსის 103 ახალი შემთხვევა დადასტურდა.

რეგიონში 351 პირს მკურნალობენ კოვიდზე კლინიკებში, მათგან 33 ხელოვნური სუნთქვის აპარატზეა.

ამ დროისათვის აჭარაში კოვიდსასტუმროში იმყოფება 166  ადამიანი.

5 ოქტომბრის მონაცემებით, საქართველოში კოვიდის 2800 ახალი შემთხვევაა, 42 ადამიანი გარდაიცვალა გასულ დღე-ღამეში.

5 ოქტომბრის მონაცემებით, საქართველოში გასულ 24 საათში დადასტურდა კოვიდის 2800 ახალი შემთხვევა. ჩატარდა 33 679 ტესტი კოვიდზე.

42 პაციენტი გარდაიცვალა გასული დღე-ღამის განმავლობაში.

დადებითობის დღიური მაჩვენებელია – 8,31%, ბოლო 14 დღის – 5,51%, ბოლო 7 დღის კი – 5,16%

ამ ეტაპზე ქვეყანაში ინფიცირების 19 131 მიმდინარე აქტიური შემთხვევაა, მათგან 4 025 ადამიანი მკურნალობს საავადმყოფოში.

სოციალური ქსელი ფეისბუქი, ინსტაგრამი, ფეისბუქ მესენჯერი და  WhatsApp-ის აპლიკაცია 4 ოქტომბრის 19:50 საათიდან გათიშულია.

facebook.com -ზე შესვლისას ჩნდება შეტყობინება – „ბოდიში, რაღაც შეცდომა დაფიქსირდა, ჩვენ ამაზე უკვე ვმუშაობთ და მას მალევე შევასწორებთ“.

ჯერჯერობით უცნობია ხარვეზის მიზეზი, თუმცა ცნობილია, რომ სოციალური ქსელი გლობალურად გაითიშა.

სოციალური ქსელის და აპლიკაციების გათიშვიდან მალევე ფეისბუქმა განცხადება კონკურენტი სოციალური ქსელის, ტვიტერის საშუალებით გააკეთა.

” ჩვენთვის ცნობილია, რომ მომხმარებლებს აქვთ ჩვენს აპლიკაციებსა და სერვისებზე წვდომის პრობლემა. ვმუშაობთ, რომ დავბრუნდეთ ჩვეულ მდგომარეობაში, როგორც კი ეს შესაძლებელი იქნება. ბოდიშს გიხდით შექმნილი უხერხულობისათვის,”- წერია ფეისბუქის განცხადებაში.

ფეისბუქის პირველი განცხადებიდან 4 საათის შემდეგ, კიდევ ერთი განცხადება გაავრცელა ასევე ტვიტერის საშუალებით ფეისბუქის ტექნიკური ჯგუფის ხელმძღვანელმა მაიკ შროპფერმა.

“გულწრფელი ბოდიში ყველას, ვინც დაზარალდა ფეისბუქზე დაფუძნებული სერვისების გათიშვით. ქსელს აქვს პრობლემა. ჩვენი გუნდი მაქსიმალურად სწრაფად მუშაობს, რომ რაც შეიძლება მალე აღვადგინოთ,” – წერს მაიკ შროპფერი.

„შეხვედრაზე დიპლომატიური კორპუსის სახელით გამოითქვა სერიოზული შეშფოთება, უშიშროების სამსახურების მხრიდან სატელეფონო მიყურადების ახლახანს გამოვლენილ ფაქტებთან დაკავშირებით,

დღეს, 2 ოქტომბერს, ე.წ. სუსის ფაილებსა და საარაუდოდ ელჩების მოსმენაზე დიპლომატიური კორპუსის წარმომადგენლები საგარეო საქმეთა მინისტრს, დავით ზალკალიანს შეხვდნენ. შეხვედრის შესახებ ინფორმაციას ევროკავშირის ელჩი საქართველოში, კარლ ჰარცელი ავრცელებს.

„შეხვედრაზე დიპლომატიური კორპუსის სახელით გამოითქვა სერიოზული შეშფოთება, უშიშროების სამსახურების მხრიდან სატელეფონო მიყურადების ახლახანს გამოვლენილ ფაქტებთან დაკავშირებით, რომლებიც უხეშად ეწინააღმდეგება დიპლომატიურ ურთიერთობათა შესახებ ვენის 1961 წლის კონვენციას და ზიანს აყენებს ნორმალურ დიპლომატიურ საქმიანობას საქართველოში,“ – აღნიშნულია საქართველოში დიპლომატიური კორპუსის მიერ გავრცელებულ განცხადებაში.

ფაილებიდან, რომლებმაც, სავარაუდოდ, სახელმწიფო უსაფრთხოების სამსახურიდან გამოჟონა, იკვეთება, რომ უწყება უსმენს საქართველოში აკრედიტებული დიპლომატიური კორპუსის წარმომადგენლებსაც. მასალებს შორისაა ათეულობით ცნობა, რომლებიც აღწერენ ელჩებისა და საელჩოების თანამშრომლების საუბრებს ერთმანეთთან თუ მესამე პირებთან.

ზოგიერთი მასალის შემთხვევაში, რთულია იმის იდენტიფიცირება, ვის უსმენს სახელმწიფო კონკრეტულ მომენტში: დიპკორპუსის წარმომადგენელს თუ პირს, რომელსაც ის ესაუბრება. თუმცა, მასალების ნაწილის შემთხვევაში, ცალსახად დასტურდება, რომ მოსმენის ობიექტები სწორედ უცხო ქვეყნების საელჩოები არიან.

ამ თემაზე:

https://netgazeti.ge/news/563582/

ხელვაჩაურის რაიონის სოფელ სამების მცხოვრებმა, 25 წლის ხათუნა მელიქიშვილმა, ლატარიაში „აიცერი და მოიგე“ 10 000 ლარი მოიგო. „საქართველოს ეროვნული ლატარიის“ ინფორმაციით, თანხა 4 ოქტომბერს გათამაშდა.

ხათუნა მელიქიშვილი სოფელ სამებაში დედ-მამასთან ერთად ცხოვრობს. ის პროფესიით ფინანსისტია და ბანკში მოლარე-ოპერატორად მუშაობს.

„გათამაშების შესახებ ინფორმაცია კი მქონდა, მაგრამ მოგება არასდროს გადამიმოწმებია, რადგან მეგონა, რომ მე არასდროს არაფერს მოვიგებდი, სიმართლე გითხრათ, შოკში ვარ, მოგება და თან 10 000 ლარის… ამაზე ვერც კი ვიოცნებებდი“, – ამბობს ხათუნა მელიქიშვილი. მის კომენტარს საქართველოს ეროვნული ლატარია ავრცელებს.

ვაქცინაციის წამახალისებელი ლატარია „აიცერი და მოიგე“ 14 სექტემბრიდან იმართება და  ამ დროისთვის 3 411-მა ადამიანმა ჯამში 540 400 ლარი მოიგო.

ამავე თემაზე: 

საქარველოს პროკურატურის განცხადებით, ყოფილი პრეზიდენტი მიხეილ სააკაშვილი საქართველოში 29 სექტემბერს შემოვიდა. მისი ტრანსპორტირება ორმა პირმა უზრუნველყო, რომლებსაც ამ დროისთვის ბრალი აქვთ წარდგენილი.

„შ.წ.-მ და ზ.წ.-მ იცოდნენ, რომ უკრაინის მოქალაქე მიხეილ სააკაშვილი მძიმე დანაშაულის ჩადენისთვის იძებნებოდა საქართველოს სამართალდამცავი ორგანოს  თანამშრომლების მიერ.

მიუხედავად ამისა, 2021 წლის 29 სექტემბერს საზღვრის უკანონოდ გადაკვეთის შემდგომ, ბრალდებულებმა საკუთარი ავტომანქანით უზრუნველყვეს მისი ტრანსპორტირება და დანიშნულების ადგილას – სამეგრელოს ერთ-ერთ სოფელში მიიყვანეს.

აღნიშნულის შემდეგ, მიხეილ სააკაშვილი გაემგზავრა თბილისში და დაბინავდა ე.ც.-ს მიერ დროებით საცხოვრებლად გადაცემულ ბინაში, რომელსაც 2 ოქტომბერს წაუყენეს ბრალი, დანაშაულის დაფარვის გამო.

სამართალდამცველებმა შ.წ. და ზ.წ. 3 ოქტომბერს დააკავეს. მათ ბრალდება საქართველოს სისხლის სამართლის კოდექსის 375-ე მუხლის მეორე ნაწილით (მძიმე დანაშაულის წინასწარ შეუპირებლად დაფარვა) წარედგინათ, რაც სასჯელის სახედ და ზომად 1-დან 4 წლამდე თავისუფლების აღკვეთას ითვალისწინებს“-აცხადებს პროკურატურა.

მიხეილ სააკაშვილი კი 2021 წლის 1-ელ ოქტომბერს დააკავეს თბილისში,  კერძო პირის საცხოვრებელ ბინაში.

თითოეული ამომრჩევლის ხმას რომ დიდი მნიშვნელობა აქვს, ცნობილი ამბავია, მაგრამ არაერთი მოქალაქე მაინც ფიქრობს, რომ ეს ასე არ არის.

„ჩემი ხმა რას გადაწყვეტს?“ – ფიქრობს ამომრჩეველი, რომელიც არჩევნებზე არ მიდის, თუმცა სულ სხვა რამეს ამბობს არჩევნების შედეგები.

2 ოქტომბრის არჩევნებზე ერთ შემთხვევაში სწორედ ერთმა ხმამ გადაწყვიტა მაჟორიტარი კანდიდატის ვინაობა, ხოლო ისეთი შემთხვევა, როცა გადამწყვეტი აღმოჩნდა ათამდე ხმა, კიდევ უფრო ბევრია.

მაგალითად, 2 ოქტომბრის არჩევნებზე წყალტუბოს #1 მაჟორიტარულ ოლქში 1 ხმა აღმოჩნდა გადამწყვეტი. „ოცნების“ კანდიდატმა ხათუნა მაღლაკელიძემ 1 ხმით მოუგო „ნაციონალური მოძრაობის“ კანდიდატს, დავით ხიდაშელს. მაღლაკელიძემ 1160 ხმა მიიღო, ხიდაშელმა კი – 1159 ხმა.

ლაგოდეხის #10 მაჟორიტარულ ოლქში 2 ხმა აღმოჩნდა გადამწყვეტი. დამოუკიდებელმა კანდიდატმა, ვიტალი გუგეშაშვილმა, 2 ხმით მოუგო „ოცნების კანდიდატს“, ალექსანდრე ბაინდურაშვილს. გუგეშაშვილმა 327 ხმა მიიღო, ბაინდურაშვილმა კი – 325 ხმა.

ბათუმის #1 მაჟორიტარულ ოლქში 4-მა ხმამ გადაწყვიტა, ვინ იქნება ბათუმის საკრებულოს წევრი. აქ „ერთიანი ნაციონალური მოძრაობის“ კანდიდატმა, ნაზი ფუტკარაძემ 4 ხმით მოუგო მამული ლომაძეს, „ოცნების“ კანდიდატს. ნაზი ფუტკარაძემ 4268 ხმა მიიღო, მამული ლომაძემ კი – 4264 ხმა.

ასევე 4 ხმა აღმოჩნდა გადამწყვეტი ახმეტის #9 საარჩევნო ოლქში „ერთიანი ნაციონალური მოძრაობის“ კანდიდატის, სოსო ბაბულაიძისთვის. მან 805 ხმა მიიღო, მისმა კონკურენტმა „ოცნებიდან“, სერგეი მელწაიძემ კი – 801 ხმა.

6 ხმით მოიგო თერჯოლის #4 მაჟორიტარულ ოლქში „ევროპული საქართველოსთვის“ კანდიდატმა როლანდ მესხმა. მან 1125 ხმა მიიღო, მისმა კონკურენტმა, „ოცნების“ კანდიდატმა გიორგი ქასრაშვილმა კი – 1119 ხმა.

შუახევის #2 მაჟორიტარულ ოლქში გადამწყვეტი აღმოჩნდა 7 ხმა. აქ „ოცნების“ კანდიდატმა, გიორგი კეკელიძემ, 769 ხმა მიიღო, „ნაციონალური მოძრაობის“ კანდიდატმა ამირან ხიმშიაშვილმა კი – 762 ხმა.

ჩოხატაურის #10 მაჟორიტარულ ოლქში „ოცნების“ კანდიდატმა ზვიად მამალაძემ 9 ხმით მოუგო „გახარაია -საქართველოსთვის“ კანდიდატს, მამუკა ჯინჭარაძეს. ზვიად მამალაძემ 341 ხმა მიიღო, მამუკა ჯინჭარაძემ კი – 332 ხმა.

ქობულეთის #13 საარჩევნო ოლქში „ნაციონალური მოძრაობის“ კანდიდატმა დავით ოქროპირიძემ 10 ხმით მოუგო „ოცნების“ კანდიდატს, როინ ჩხაიძეს. ოქროპირიძემ 1044 ხმა მიიღო, ოქროპირიძემ კი – 1034 ხმა.

ეს ჯერ ისევ წინასწარი შედეგებია და შესაძლოა შეიცვალოს. თუმცა ეს შედეგებიც კარგად აჩვენებს ამომრჩევლის ერთი ხმის მნიშვნელობას.

________________

ფოტოზე: 2021 წლის 2 ოქტომბრის არჩევნები ბათუმში

ცესკოს მონაცემებით, თბილისის მერობის კანდიდატმა არინზე რიჩარდ ოგბუნუჯუმ ამომრჩეველთა ხმების 0.61 პროცენტი მიიღო [2903 ხმა]. ეს არჩევნების წინასწარი შედეგია.

არინზე რიჩარდ ოგბუნუჯუ ნიგერიიდანაა, იბოს ტომის მეფე. ის ბოლო რამდენიმე წელია საქართველოში ცხოვრობს. არინზე პარტია „ჩვენი გაერთიანებული საქართველოს“ მერობის კანდიდატი იყო.

ცესკოს მონაცემებით, თბილისში 50-პროცენტიანი ბარიერის გადალახვა ვერცერთმა კანდიდატმა ვერ შეძლო და მეორე ტური გაიმართება. „ქართული ოცნების“ მერობის კანდიდატმა თბილისში კახი კალაძემ 44.97 პროცენტი მიიღო, „ნაციონალური მოძრაობის“ კანდიდატმა ნიკა მელიამ – 33.98 პროცენტი, ხოლო გიორგი გახარიამ – 9.35 პროცენტი.

ბათუმის ავტოტრანსპორტის ინფორმაციით, აღმაშენებლის ქუჩის დატბორვის შედეგად, კერძოდ, ბაგრატიონისა და აბუსერიძის ქუჩების მონაკვეთში, მუნიციპალური ავტობუსები ვერ მოძრაობენ, რის შედეგადაც №1, №1ა, №4, №7, №7ა სამარშრუტო ხაზების მოძრაობის მიმართულება შეიცვალა და ამ მომენტისთვის ასე გამოიყურება:

საქართველოში ბოლო ერთ წელიწადში ზეთი და ცხიმი 40.7 პროცენტით გაძვირდა.

ინფორმაციას სტატისტიკის ეროვნული სამსახური ავრცელებს.

საქართველოს სტატისტიკის ეროვნული სამსახურის თანახმად, წლიური ინფლაციის დონემ 12.3 პროცენტი შეადგინა.

ფასები მომატებულია შემდეგ პროდუქტებზე:

• ზეთი და ცხიმი – 40.7 პროცენტი
• ბოსტნეული და ბაღჩეული – 38.2 პროცენტი
• რძე, ყველი და კვერცხი- 17.1 პროცენტი
• შაქარი, ჯემი და სხვა ტკბილეული – 16.6 პროცენტი
• პური და პურპროდუქტები – 13.2 პროცენტი
• მინერალური და წყაროს წყალი, უალკოჰოლო სასმელები და ნატურალური წვენები – 12.6 პროცენტი
• თევზეული – 11.5 პროცენტი
• ხორცი და ხორცის პროდუქტები – 10.4 პროცენტი
• ყავა, ჩაი და კაკაო – 7.1 პროცენტი

ტრანსპორტის ჯგუფში ფასები გაიზარდა 20.3 პროცენტით;  საცხოვრებელზე, წყალზე, ელექტროენერგიასა და ბუნებრივ აირზე დაფიქსირდა ფასების 11.8-პროცენტიანი მატება; ჯანმრთელობის დაცვის ჯგუფში ფასები მომატებულია 9.2 პროცენტით.

ბათუმში, გიორგი ბრწყინვალესა და მელიქიშვილის ქუჩების კვეთაში სახლები ისევ დაიტბორა. ძლიერი წვიმის შედეგად წარმოქმნილი წყალი საცხოვრებელი სახლების პირველ სართულებზე შევიდა და ავეჯი და სხვა საყოფაცხოვრებო ნივთები დააზიანა.

მოქალაქე დარიკო გოგოლიშვილი ამბობს, რომ მერიას 22 სექტემბრის დატბორვის დროს მიყენებული ზიანიც კი არ აუნაზღაურებია, დღეს ეს ოჯახი ხელმეორედ დაიტბორა.

ქალის თქმით, ოჯახში ბევრი სული ცხოვრობს, ამიტომ საცხოვრებელი სახლის პირველ სართულსაც საცხოვრებლად იყენებენ. „ღამის გასათევი აღარ მაქვს, სად უნდა დავიძინო?“ – ამბობს ის.

დღევანდელი წვიმის შემდეგაც თვალნათლივ გამოჩნდა, რომ სანიაღვრე ჭები ვერ ატარებს ნიაღვარს, რის გამოც ქუჩები იტბორება.

„ასე იტბორება ყველა გაწვიმებაზე, ცხელ ხაზზე რომ დავრეკე, მითხრეს, კერძო მოხელეს მიმართეო. კერძო მოხელეს რატომ უნდა მივმართო, როცა ქუჩა იტბორება“? – გვეუბნება მოქალაქე.

„ბათუმელები“ ბათუმის მერიას დაუკავშირდა და ჰკითხა, დაითვალეს თუ არა 22 სექტემბრის დატბორვის შედეგად მიყენებული ზიანი და მიიღო თუ არა კომპენსაცია დაზარალებულმა მოსახლეობამ?

მერიის მუნიციპალური სერვისების განვითარების სააგენტოში გვითხრეს, რომ ამ დროისთვის მერიაში 500-ზე მეტი მოქალაქის განცხადებაა შესული, თუმცა კომპენსაციების გაცემა ჯერ არ დაწყებულა.

„ჯერ კიდევ მიმდინარეობს განცხადებების შემოტანა, ემატება ყოველდღე და ყველას ეტაპობრივად დაეხმარებიან“, – გვითხრეს მერიის სამსახურში. თუმცა ვერ ასახელებენ ზარალის ოდენობას.

„ზარალის დათვლაში ბევრი სამსახურია ჩართული და კონკრეტულ თანხას ვერ გეტყვით“, – ამბობენ მუნიციპალური სერვისების სამსახურში.

რაც შეეხება დღეს, 4 ოქტომბერს, დატბორილ ქუჩებს, მოსახლეობისგან შეტყობინებები „ბათუმის წყალში“ შედის.  ამ უწყებაში ჯერჯერობით ზარებს არ პასუხობენ.

4 ოქტომბრის მონაცემებით, აჭარაში დადასტურდა კორონავირუსის 73 ახალი შემთხვევა.

ამავე პერიოდში 4 პაციენტი გარდაიცვალა კოვიდით.

ამჟამად აჭარის კოვიდსასტუმროებში 365 პაციენტს მკურნალობენ, მათგან 8 პაციენტის მდგომარეობა კრიტიკულია.

დღევანდელი მონაცემებით, საქართველოში კორონავირუსის 867 ახალი შემთხვევა დადასტურდა. 

4 ოქტომბრის მონაცემებით, საქართველოში კორონავირუსის 867 ახალი შემთხვევა დადასტურდა. 

ბოლო 24 საათში კორონავირუსით გარდაცვალების 30 ახალი შემთხვევა დაფიქსირდა.

3 ოქტომბრის მდგომარეობით, დადებითობის დღიური მაჩვენებელი არის 5.40%, ბოლო 14 დღის მანძილზე – 5.42% ხოლო 7 დღის მანძილზე – 4.94%.

დღეს ქვეყანაში გამოვლენილი ინფიცირების 867 ახალი შემთხვევიდან თბილისში გამოვლენილია 264 შემთხვევა, აჭარაში – 73, იმერეთი – 143, ქვემო ქართლში – 65, შიდა ქართლში – 29, გურიაში – 22, სამეგრელო – ზემო სვანეთში – 65, კახეთი – 154, მცხეთა-მთიანეთში – 15, სამცხე-ჯავახეთში – 23, რაჭა-ლეჩხუმსა და ქვემო სვანეთში – 14.

ამ ეტაპზე ქვეყანაში კორონავირუსის 17 858 აქტიური შემთხვევაა, მათგან 4 133 ადამიანი მკურნალობს საავადმყოფოში.

ძლიერი წვიმის გამო ბათუმის ქუჩები დაიტბორა. დატბორილია ჭაობის უბანი და ე.წ. ხოფაზე, აღმაშენებლის ქუჩა.

ბათუმში ხელახლა გადათვლიან 51-ე, 42-ე, 38-ე, 39-ე და 43-ე საარჩევნო უბნების ბიულეტენებს. ხმებს ბათუმის საოლქო საარჩევნო კომისია ხვალ, 4 ოქტომბერს, გადათვლის.

საოლქო კომისიამ 5 უბანი შემთხვევითობის პრინციპით შეარჩია და ე.წ. ლოტოტრონში ყველა საარჩევნო უბნის ნომერი იყო მოქცეული. უბნის შერჩევა დამოკიდებული არ არის დარღვევების კუთხით არსებულ პრეტენზიებზე.

ეს ახალი მიდგომაა, რასაც საარჩევნო კანონმდებლობაში ბოლო ცვლილება ითვალისწინებს.

გასული წლის საპარლამენტო არჩევნების შემდეგ პოლიტიკური ოპოზიცია, ასევე სადამკვირვებლო ორგანიზაციები, ბათუმშიც რამდენიმე უბნის შედეგების ხელახლა გადათვლას ითხოვდნენ, თუმცა საოლქო კომისია მხოლოდ ერთ უბანზე დათანხმა ხმების გადათვლას.

2 ოქტომბრის არჩევნებზე ბათუმის საოლქო კომისიაში სულ 42 საჩივარი დაიწერა. საჩივრების განხილვა კომისიას ჯერ არ დაუწყია. საოლქო კომისიას საჩივრების განსახილველად 4 დღე აქვს.

არჩევნების წინასწარი მონაცემებით, ბათუმის საკრებულოში 19 მანდატი ოპოზიციას ექნება, 16 – „ქართულ ოცნებას“.

ცესკოს წინასწარი მონაცემებით, 2 ოქტომბრის ადგილობრივი თვითმმართველობის არჩევნებზე ზუგდიდის მუნიციპალიტეტის არჩევნებში „ნაციონალურმა მოძრაობამ“ 22 166 (43.16%) ხმა მიიღო. „ქართული ოცნების“ პროპორციულმა ხმებმა 20 577 (40.06%) შეადგინა. კიდევ ერთი პარტია, რომელიც ზუგდიდის საკრებულოში შევა 5 463 (10.64%) ხმით, არის „გახარია საქართველოსთვის“.

შესაბამისად, ცესკოს წინასწარი მონაცემებით, ნაციონალური მოძრაობა ზუგდიდის საკრებულოს პროპორციულ სიით 14 წევრს შეიყვანს, „ქართული ოცნება“ – 13 წევრს, ხოლო „გახარია საქართველოსთვის“ – 3 წევრს.

ზუგდიდის საკრებულო 45 წევრისგან შედგება, მათგან 30 წევრი შევა პროპორციული სიით და 15 წევრი მაჟორიტარული სიით.

რაც შეეხება ზუგდიდის საკრებულოში 15 სამაჟორიტარო ოლქს, აქ 10 ოლქი ნაციონალური მოძრაობის კანდიდატებმა მოიგეს და 6 ოლქი „ქართული ოცნების“ წევრებმა.

შესაბამისად, ცესკოს წინასწარი მონაცემებით, ზუგდიდის საკრებულოში ნაციონალური მოძრაობას ეყოლება 22 წევრი, „ქართულ ოცნებას“ 18 წევრი, ხოლო გახარიას საქართველოსთვის – 3 წევრი.

• ირაკლი სორდია – მან 2942 ხმა მიიღო ზუგდიდის #3 მაჟორიტარული ოლქში; „ქართული ოცნებიდან“ თამარ სოსელიამ – 2528
• ზვიად ჯღარკავა – მან 1260 ხმა მიიღო #4 მაჟორიტარული ოლქში. „ქართული ოცნებიდან“ ირაკლი ჯანაშიამ – 1232 ხმა
• თენგიზ მამფორია – მან 1278 ხმა მიიღო #5 მაჟორიტარული ოლქში. „ქართული ოცნებიდან“  ქეთევან ესართიამ – 1086 ხმა.
• მერაბ ჭაჭუა – მან 796 ხმა მიიღო #8 მაჟორიტარული ოლქში. „ქართული ოცნებიდან“ გოგი თოდუა – 691 ხმა
• ბესიკ ჭეჟია – მან 1527 ხმა მიიღო #10 მაჟორიტარული ოლქში. „ქართული ოცნებიდან“ გიორგი ქვარაიამ – 1141 ხმა
• მანუჩარ ფიფია – მან 1182 ხმა მიიღო #11 მაჟორიტარული ოლქში. „ქართული ოცნებიდან“ გიორგი ქვარაიამ – 1180 ხმა
• გიორგი სორდია – მან 945 ხმა მიიღო #12 მაჟორიტარული ოლქში. „ქართული ოცნებიდან“ ოთარ გუგუჩიამ – 728 ხმა
• ბესიკ გაბუნია – მან 1107 ხმა მიიღო #13 მაჟორიტარული ოლქში. „ქართული ოცნებიდან“ ამირან ჩხოლორაიმ – 976 ხმა
• მაია კალანდია – მან 1117 ხმა მიიღო #14 მაჟორიტარული ოლქში. „ქართული ოცნებიდან“ ზაზა ანდრიაძემ – 970 ხმა
• ლაშა ბეჭვაია – 811 ხმა #15 მაჟორიტარული ოლქში. „ქართული ოცნებიდან“ მამუკა თოლორაიამ – 758 ხმა

ქართულმა ოცნებამ მოიგო ხუთი პროპორციული ოლქი;

შეგახსენებთ, ცესკოს წინასწარი მონაცემებია და შესაძლოა შეიცვალოს.

აჭარაში კორონავირუსის 79 ახალი შემთხვევა დადასტურდა. ამავე პერიოდში გამოჯანმრთელდა 92 პაციენტი.

დღეის მონაცემებით, აჭარის კოვიდკლინიკებში მკურნალობს 353 პაციენტი, მათგან მართვით სუნთქვაზე იმყოფება 8 ადამიანი.

ბოლო 24 საათში აჭარაში კოვიდით პაციენტის გარდაცვალება არ დაფიქსირებულა.

ამავე თემაზე: