სტამბოლში მცხოვრები ქუჩის კატა სახელად „წერტილი“ სოციალურ ქსელებში პოპულარული გახდა მსახიობური ნიჭის წყალობით.
„წერტილი“ გამვლელებს თავს აჩვენებს, რომ შიმშილისგან გული მისდის, ითრევს ფეხს, თითქოს კოჭლია და ცდილობს საჭმელი ამ გზით მოიპოვოს.
კატა მაღაზიასაა მიკედლებული, რომლის მენეჯერი ამბობს, რომ „წერტილი“ ამ გზით დღეში მინიმუმ ათჯერ ჭამს.
სტამბოლში, რომელიც კატების მოყვარული მოსახლეობითაა ცნობილი, კატა პოპულარული გახდა. „დეილი საბაჰი“ წერს, რომ „წერტილის“ სანახავად და გამოსაკვებად მაღაზიას საგანგებოდ ათობით ადამიანი სტუმრობს.
___________
ფოტო: „დეილი საბაჰი“