Batumelebi | ბოლო ერთ წელში ზეთი 40 პროცენტით გაძვირდა ბოლო ერთ წელში ზეთი 40 პროცენტით გაძვირდა – Batumelebi
RU | GE  

ბოლო ერთ წელში ზეთი 40 პროცენტით გაძვირდა

საქართველოში ბოლო ერთ წელიწადში ზეთი და ცხიმი 40.7 პროცენტით გაძვირდა.

ინფორმაციას სტატისტიკის ეროვნული სამსახური ავრცელებს.

საქართველოს სტატისტიკის ეროვნული სამსახურის თანახმად, წლიური ინფლაციის დონემ 12.3 პროცენტი შეადგინა.

ფასები მომატებულია შემდეგ პროდუქტებზე:

  • ზეთი და ცხიმი – 40.7 პროცენტი
  • ბოსტნეული და ბაღჩეული – 38.2 პროცენტი
  • რძე, ყველი და კვერცხი- 17.1 პროცენტი
  • შაქარი, ჯემი და სხვა ტკბილეული – 16.6 პროცენტი
  • პური და პურპროდუქტები – 13.2 პროცენტი
  • მინერალური და წყაროს წყალი, უალკოჰოლო სასმელები და ნატურალური წვენები – 12.6 პროცენტი
  • თევზეული – 11.5 პროცენტი
  • ხორცი და ხორცის პროდუქტები – 10.4 პროცენტი
  • ყავა, ჩაი და კაკაო – 7.1 პროცენტი

ტრანსპორტის ჯგუფში ფასები გაიზარდა 20.3 პროცენტით;  საცხოვრებელზე, წყალზე, ელექტროენერგიასა და ბუნებრივ აირზე დაფიქსირდა ფასების 11.8-პროცენტიანი მატება; ჯანმრთელობის დაცვის ჯგუფში ფასები მომატებულია 9.2 პროცენტით.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com